Баасан гаригт шилжих шөнө гал сөнөөгчид Арабын Нэгдсэн Эмират Улс дахь Дубай Маринагийн ойролцоох 84 давхар “Torch Tower”-т гарсан галыг унтраасан талаар Дубайн хэвлэл мэдээллийн албанаас мэдэгдсэнийг CNN агентлаг уламжлав.
Өглөөний 03:30 цаг. Дубайн иргэний хамгааллын байгууллагаас мэдээлснээр, гал хоёр цагийн турш асчээ. Галын улмаас бэртэж гэмтсэн хүн байхгүй талаар Дубайн Хэвлэл мэдээллийн албанаас мэдээлсэн байна. Гэрч Самер Фаталла CNN-д өгсөн ярилцлагадаа “Галд 30-40 оршин суугч өртсөн. Зогсоол дээр байсан хоёр ч автомашин шатсан” гэжээ.
Тус барилгад 2015 оны хоёрдугаар сард мөн гал гарч байжээ. “Select Group”-ийн барилгын ажилчдын мэдэгдэж буйгаар, “Torch” нь 2011 онд ашиглалтад орсон, дэлхийн хамгийн өндөр орон сууцны цамхаг юм байна. Нийт 682 оршин суугчтай, 24 цагийн харуул хамгаалалттай, нийт 84 давхар ажээ.
