.jpg)
Итали улсад “Giffoni International Film Festival” кино наадам зохион байгуулагдах гэж байгаа билээ. 47 дахь удаагаа зохион байгуулагдаж буй уг кино фестивальд манай улсын кино уран бүтээлчдийн “Цагаан хадаг” уран сайхны кино сонгогдон өрсөлдөхөөр болжээ. Улмаар киноны найруулагч СТА Ж.Сэнгэдорж болон гол дүрийн жүжигчид Итали улсыг зорьсон байна.
“Giffoni International Film Festival” нь 1970 оноос эхлэн зохион байгуулагдсан бөгөөд хүүхэд, залуучуудад зориулсан кино бүтээлийн олон улсын фестиваль бөгөөд А зэрэглэлд хамаардаг аж.
“Цагаан хадаг” уран сайхны киноны уран бүтээлчид зургаа дахь олон улсын фестивальд сонгогдсон бөгөөд өмнө нь хоёр ч А зэрэглэлийн фестивальд өрсөлдөж байсан.