Тулгар төрийн 2226, Их Монгол Улс байгуулагдсаны 811, Ардын хувьсгалын 96 жилийн ойн баяр наадам уяачдын бараар Хүй долоон худагт өнөөдөр үргэлжилж байна. Энэ үеэр бөхийн барилдаан болж байгаа билээ. Уяачдын баярт 64 бөх зодоглож байгаа бөгөөд Улсын начин Алтанхуяг, аймгийн арслан Баярбаатар нарын улс аймгийн цолтой бөхчүүд зодоглож байгаа юм.
Уяачдын наадамд барилдсан улс, аймгийн цолтой бөхчүүдээс Дундговь аймгийн Эрдэнэдалай сумын харьяат Онцгой байдлын ерөнхий газрын аврагч спортын хорооны бөх Улсын начин А.Алтанхуяг, Хөвсгөл аймгийн Шинэ- Идэр сумын харьяат Хил хамгаалах Ерөнхий газрын хилчин биеийн тамир спортын хорооны бөх Улсын начин Б.Ганхуяг нар үзүүр түрүүнд барилдаж, Б.Ганхуяг түрүүллээ.
