Энэ сарын 10-14-ний өдрүүдэд болж буй чөлөөт бөхийн насанд хүрэгчдийн ААШТ-д манай 16 тамирчин хүч үзэж буй. Өнөөдөр сонгомол болон эмэгтэйчүүдийн барилдаан Улаанбаатарын цагаар 12:30 цагт эхэлсэн.
“Хилчин” спорт хорооны тамирчин, спортын мастер Г.Уртнасан эхний барилдаандаа өрсөлдөгчөө цэвэр ялж хагас шигшээд шалгарсан. Харин “Лондон-2012” олимпийн наадмын хүрэл, ДАШТ-ий хошой алт, нэг мөнгөн медальт, гавьяат тамирчин С.Батцэцэг эхний тойрогт БНСУ-ын Хан Жин Йоныг 15:1-ээр яллаа. Тэрбээр хагас шигшээд эзэн орны бөх Риту Ритутай барилдана.