Жил бүрийн гуравдугаар сарын 27-ны энэ өдрийг дэлхий нийтээр “Театрын өдөр” болгон тэмдэглэн өнгөрүүлдэг уламжлалтай. Үүнтэй холбогдуулан УДЭТ-ын уран бүтээлчид мэдээлэл хийлээ.
1962 оноос хойш дэлхий нийтээр энэхүү өдийг тэмдэглэсээр иржээ. Энэ жил театрын баярын өдрийг тохиолдуулан Дорнод Сибирын Соёл урлагийн их сургуулийн профессор ОХУ-ын гавьяат жүжигчин Буриад улсын гавьяат жүжигчин Төрийн шагналт, “Алтан маск” наадмын шагналт найруулагч Бадагаева Туяна манай улсад хүрэлцэн иржээ. Тэрбээр “Орчин үеийн театрын өнөөгийн байдал, цаашдын чиг хандлага”, “Театрын судлал, шүүмжлэл” сэдвээр сургалт зохион байгуулах аж. Мөн ОХУ-ын гавьяат жүжигчин, Буриад улсын ардын жүжигчин, Төрийн шагналт Сультимов Доржо Норбосампилович энэ өдрүүдэд УДЭТ-т ажиллах нь ээ.
Тус театрын уран бүтээлчид “Улсын драмын эрдмийн театрын өдрүүд” аялан тоглолтыг 2002 оноос эхлэн хөдөө орон нутагт зохион байгуулж эхэлсэн аж. Энэ удаад Дорнод аймгийн Чойбалсан хотод дөрөвдүгээр сарын 21-23-ны өдрүүдэд Дархан-Уул аймагт дөрөвдүгээр сарын 28,29-нд, Орхон аймагт “Уурхайчин соёлын ордон”-д дөрөвдүгээр сарын 30, тавдугаар сарын 1-ний өдрүүдэд тус тус аялах тоглох юм байна.
Аялан тоглолтын хөтөлбөр:
|
Дорнод аймагт |
У.Шескпир “Ромео Жульетта” сонгодог жүжиг |
|
Б.Хишигзаяа “Царцаа Намжил” хүүхдийн жүжиг |
|
|
Дархан-Уул, Орхон аймагт |
Ш.Гүрбазар “Жаргаагүй нар” |
|
Б.Хишигзаяа “Царцаа Намжил” хүүхдийн жүжиг |
Аялан тоглолтоор дээрхи жүжгүүдийг 50 хувийн хөнгөлөлттэй үнээр олон нийтийн хүртээл болгох юм байна.
Харин “Театр үзэгч” хөтөлбөрийн хүрээнд “Сонгодог жүжиг миний ертөнцөөр” илтгэлийн уралдаан, “Царцаа намжил-Үлгэрч хүүхэд” уралдааныг БСШУСЯ, Нийслэлийн боловсролын газар, СУИС-тай хамтран ЕБС-ийн сурагчдийн дунд зарлажээ. Шалгаруулалтыг дөрөвдүгээр сард явуулах аж.