“Өдрийн сонин”-ы баасан гаригийн дугаар 28 нүүрээр хэвлэгдэн, захиалагчдадаа хүрлээ. Энэ өдрийн дугаарт гарсан нийтлэл, сурвалжлага, ярилцлага, мэдээ мэдээллээс онцолж, тоймлон хүргэж байна.
Өдрийн сонины Цагаан сард зориулсан “Муу нүүрт” хэмээх бичин жилийн сүүлчийн дугаар та бүхний гар дээр очиж байна. Удахгүй бид “Алтан унжлагат” хэмээх бэлгэ дэмбэрэлтэй Гал тахиа жилтэйгээ золгож, хотол олноороо сайхан шинэлээд сонины нүүрээрээ дахин золгох буй за.
Энэ жилийн отгон дугаар маань ховорхон гардаг 28 нүүрээр уншигч түмэндээ хорвоогийн сонин сайхныг дээжлэн хүргэж байна. Тухайлбал саяхан МУГЖ цолоор энгэрээ мялааж ард түмнээ баярлуулсан, олон сайхан кино, уран бүтээлд тоглож дүрээ мөнхөлсөн жүжигчин Гомбын Золбооттой хийсэн чин сэтгэлийн ярилцлагыг өнөөдрийн дугаараас уншаарай.
“Түүхийн жимээр” буланд Монгол Улсын Их сургуулийн Түүхийн тэнхимийн багш, түүхийн ухааны доктор, дэд профессор Э.Жигмэддоржийн “Ц.Дамдинсүрэн гуайд Ш.Гаадамба гуай Ловон ширээтийн эрдэм чадлын талаар өөрт тохиолдсон явдлыг дурссан байдаг” хэмээх сонирхолтой хууч яриа нийтлэгдлээ.
УИХ-ын гишүүн С.Чинзоригтой Цагаан сарынх нь дурсамжийг хуваалцлаа. Тэрбээр “Шинийн нэгний өглөө өвөөгийндөө очиж дугуй хуушуур иддэг байлаа” хэмээн ярьжээ.
Баримт, үзэл бодлын 3-р нүүрт нийтлэлч П.Хашчулууны “Бид үзэх ёстойгоо үзэж байгаа, ирэх цаг хугацаанд өөдрөг байхаас өөр аргагүй” нийтлэл хэвлэгдлээ. Тэрээр “Хаврын тэнгэр шиг хуйсгануур байна. Энэ байдлаасаа эхлээд гаръя. Монгол хүн бүр аливаа болохгүй бүтэхгүйн өмнө адгалгүй, тайван хүлээцтэй, уужуу ухаанаар хандъя. Тэгэхгүй бол бүгдээрээ сэтгэл санааны стрессээс 50 хувь нь үүдэлтэй элэгний хавдраар явж дуусах нь… хэмээн монгол түмнийхээ эрүүл мэндэд анхааран бидэнд тулгараад байгаа хямралыг өөдрөг сэтгэлээр туулан өнгөрүүлье хэмээн уриалан бичжээ.
Цагаан сарын бөхийн барилдааны тухай Норовын Гантулгын “Зургаан залуу заан буюу цагаан сарын бөхийн өнгө” хэмээх нийтлэлийн үргэлжлэл “Дурсахуй” буланд нийтлэгдлээ. Мөн өнөө жилийн сар шинийн барилдаан битүүний өдрийн 12 цагт эхлэх болсныг Монголын Үндэсний бөхийн холбооны дэд тэргүүн, Монгол Улсын соёлын гавьяат зүтгэлтэн Довдонгийн Данзантай хийсэн ярилцлагаас дэлгэрүүлэн уншаарай.
Мөн өчигдрийн дуулиантай сэдвүүдийн нэг нь яах аргагүй Ерөнхий сайд асан Н.Алтанхуягийг АТГ-т дөрөв дэх удаагаа дуудаж байцаалт авсан явдал байлаа. Та энэ талаарх шинэ содон мэдээллийг манай сонины нүүрээс унших боломжтой.
Нийгэмд бас нэг айдас дагуулан юу болоод байгаа нь ойлгогдохгүй нэгэн хэрэг болоод байгаа нь палеонтологи, геологийн хүрээлэнг татан буулгаж байрыг нь хувьчлах гэсэн оролдлого байгаа билээ. Хүрээлэнгийнхэн өчигдөр байрныхаа гадаа тайван жагсаал хийж эсэргүүцлээ илэрхийлсэн бөгөөд удахгүй “Үлэг гүрвэлийн цурхираан” жагсаалыг Сүхбаатарын талбайд зохион байгуулахаа мэдэгдээд байгаа юм. Энэ талаар тус хүрээлэнгийн захирал Х.Цогтбаатартай хийсэн ярилцлагыг өнөөдрийн дугаараас хүлээн авч уншина уу.
Мөн өнөөдрийн дугаарын “Улс төр”-н буланд Орос, Монголын харилцааны талаар цаашид авч хэрэгжүүлэх арга замуудын талаар эрдэм шинжилгээний тэргүүлэх ажилтан, доктор, профессор А.Нямдолжинтой ярилцлага нийтлэгдлээ. Тэрээр “Орос, Монголын эдийн засгийн үр өгөөжийг дээшлүүлэхэд төмөр замын асуудал чухал” хэмээсэн байна.
Эдгээр болон бусад мэдээллүүдийн дэлгэрэнгүйг уншихыг хүсвэл дараах линкээр бүртгүүлнэ үү. https://admin.dnn.mn/plugins/news/login/
Эдгээр болон бусад цаг үеийн мэдээ мэдээлэл, ярилцлагуудыг “Өдрийн сонин”-ы баасан гаригийн дугаараас уншаарай.
Эрхэм уншигч та, манай сонины өнөөдрийн дугаарыг “Монгол шуудан” компанийн нийслэл Улаанбаатар дахь 35 салбар, “Түгээмэл” шуудан, “Улаанбаатар”, “Скай” шуудангийн салбаруудаас очиж авч болох ба сонин борлуулах бүхий л цэгүүд, Хэвлэлийн биржээс худалдан авах боломжтой юм. Мөн “Мөнгөн завъяа” дахь сонин борлуулах цэг, Сансрын үйлчилгээний төв дэх сонин борлуулах цэг, Хан-Уул дүүргийн 19 дүгээр хорооллын үйлчилгээний төвд байрлах сонин борлуулах цэг, Саппорогийн “Миний дэлгүүр” дэх сонин борлуулах гол гол цэгүүдээс худалдах авч болохыг дуулгая. “Өдрийн сонин”-ы өөрийн байранд ирж худалдан авч бас болно.
“Өдрийн сонин”-той холбоотой бүхий л мэдээллийг Мэдээлэх эрхийн утас 19001987-гоос лавлаж болох ба захиалга өгөхийг хүсвэл 9911-2954, 8811-1375 дугаарт холбогдоно уу. Хэрэв цахим хэлбэрээр нь захиалахыг хүсвэл 88071920 дугаарт холбогдож дэлгэрэнгүй мэдээллийг лавлаарай.
“ӨДРИЙН СОНИН” ӨГЛӨӨ БҮХЭН ТАНТАЙ ХАМТ