Өнөөдөр Нийслэл хот үүсгэн байгуулагдсаны 377 жилийн ойн өдөр тохиож байна. Нийслэл хот маань нийтдээ 28 удаа бууриа сэлгэж, хамгийнсүүлд Туул голын хөвөөнөө, сэрүүнд Сэлбийн дэнж дээр бууриа зассанаар өдийг хүртэл хөгжин дэвжжээ. Мөн таван удаа нэрээ өөрчилж байсан байна. Энэ жил хотын маань 377 жилийн ой тохиож байна. Энэ ойн арга хэмжээний үеэр хотын дарга С.Батболд:
Бид нийслэлийн жил бүрийн ойгоо өргөн дэлгэр тэмдэглэдэг болсон. Уламжлалт ажлуудаа бол хийж байна. Жишээлбэл Өвөрхангайн Бүрд суманд очиж анхны шан татсан газраа хүндэтгэл үзүүлсэн. Энэ жилийн хувьд баярын хурал, концерт болно. Мөн нийслэлийн туг мандуулах ёслол болно. Нийслэл бууриа зассан газарт хүндэтгэл үзүүлж байна. Өнгөрсөн хугацаанд би 100 хоногийнхоо ажлыг тайлагнасан байгаа. Хотын даргын хувьд иргэдрүүгээ чиглэсэн, хүнрүүгээ чиглэсэн ажлуудыг бол зохион байгуулж хийнэ гэж бодож байгаа. Бүтээн байгуулалтын ажлууд ч хийгдэж байгаа. Энэ 100 хоног бол нийслэлчүүдийн хувьд завгүй өнгөрсөн хоногууд байлаа гэж бид бүхэн үзэж байгаа. Өвөлжилтийн бэлтгэлээ хангасан. Одоо нийслэл маань тухтай өвөлжих бололцоо бүрдсэн гэж бодож байна.
Онцлох ажлуудаас нь дурдвал элэгний өвчлөлтэй хүмүүст хандсан үйл ажиллагаа явуулсан, ажилгүй 2500 иргэнийг ажилтай болгосон. Эрүүл мэндийн салбарын хувьд 2 хоногийн өмнө нийслэлийн түргэн тусламжийн салбарт 10 машин өгсөн. Эдгээр машинууд бол тоноглогдсон, ард түмэнд түргэн шуурхай үйлчилгээ үзүүлэх бүхий л боломжоор хангагдсан гэлээ.
Сүхбаатарын талбайд ойд зориулсан өргөтгөсөн үзэсгэлэн худалдаа зохион байгуулагдсаж байна. Дөрөв дэхь жилдээ зохион байгуулагдаж байгаа хямдралтай худалдаанд 70 гаруй аж ахуй нэгж оролцож байна. Энэ жилийн онцлог нь дотоодын үйлдвэрлэл эрхлэгчдээс гадна гадны брэнд импортлогч байгууллагууд ч оролцож байна. Үзэсгэлэн худалдаа баасан бямба гаригуудад үргэлжилнэ. Энэхүү ойн арга хэмжээний үеэр Ч.Батсайхан морин хуур эгшиглүүллээ.
О.ӨНӨР