Төсвийн хүрээний мэдэгдэл, төсөөлөл хоёрын тоонууд хэр бодитой төсөөлөл вэ. Төсвийн алдагдалыг бууруулах боломж байна уу. Төсвийн зарлагын реформын хувьд засгийн газар ямар зүйлүүдийг төлөвлөж байна. Хийж байгаа таамаглал нь төсвийн төсөөлөл дээрээ хэр буусан бэ. Концессыг гэрээний үр дүнг бас хэлж өгөөч, тооцсон тооцоолол байна уу
Сангийн сайд Б.Чойжилсүрэн
-Төсвийн алдагдал 2 их наядад хүрлээ. Ийм нөхцөл байдалд Засгийн газар орсон.2016 онд төсвийн тодотголын алдагдлыг 18 хувтай баталсан. 2017 онд 9.9 хувтай оруулж ирж байна энэ тал дээр та бүхэн тооцоогоо хийх байх. Одоо бид бондыг бондоор санхүүжүүлэхээс өөр эх үүсвэр алга. Засгийн газар хэд, хэдэн төрлийн хэлэцээр хийж байна.
Орлого буугаад эхлэхээр зарлага буудаггүй. Зарлага буухгүй болохоор зээл авдаг. Сүүлийн жилүүдэд төсвийн орлогыг хэт өндөрөөр төлөвлөдөг байсан. Үүнээс болж нэг их наяд төгрөгөөр буурдаг байсан. Ийм учраас орлогыг илүү бодитой болгохыг оролдсон .
Төсвийн зарлагын реформыг жирийн ард түмэнд нөлөөлөхөөргүй байдлаар оруулж ирсэн ч УИХ-аар дэмжигдээгүй. Концессын хувьд өмнөх засгийн газрын үед 1.8 их наяд төгрөгтэй тэнцэх хэмжээний концесс байгуулагдсан. 2017 оны төсөвт тодорхой хэмжээний зардлыг төсөвт суулган оруулж ирсэн.
УИХ-ын гишүүн Ө.Энхтүвшин
-Төсвийн алдагдал 5.6 их наяд ийм үед хаанаас мөнгө олох вэ Хэдэн асуудлыг тодорхой болгох хэрэгтэй байна: Үүний ард маш их орлого байгаад байна. Жишээ нь:Тавантолой асуудал, Эрдэнэтийн 49 хувь, Оюу толгой, Концессын гэрээ, Нийгмийн даатгалын сан, Үнэ тогтворжуулах хөтөлбөр, зэрэг эдгээрийн ард мөнгө маш их орлого явж байна
Сангийн сайд Б.Чойжилсүрэн
-Урьдчилсан байдлаар маш олон асуудлын хариу тодорхойгүй байгаа учир хоёр гурван жилийн дотор системтэй явуулах хэрэгтэй байгаа юм. Нэг жилийн дотор эдгээр асуудлыг шийдэж боломжгүй . Эрдэнэс таван толгойгоос 350 сая гаруй төгрөгийн зээл авсан. Эрдэнэтийн хувьд Засгийн газар дүгнэлтээ гаргасан удахгүй хэлэлцэх байх.
Чуулганы хуралдаан Монгол Улсын нэгдсэн төсвийн хүрээний 2017 оны төсвийн хүрээний мэдэгдэл, 2018-2019 оны төсвийн төсөөллийн тухай асуудлуудыг хэлэлцээд түр завсарлалаа.