Хүүхдийн мөнгийг энэ сарын 3 буюу өчигдрөөс олгож эхэлжээ. Хүүхдийн мөнгийг зорилтот бүлэгт хамаарагдах 60 хувьд нь олгохоор болсон. Үлдсэн 40 хувьд хамрагдах хүүхдийн мөнгийг банкинд хүүгүй байршуулж байгаад 2019 оноос олгох шийдвэр гарсан билээ.
Харин цаашид хэрхэн олгох талаар Сангийн дэд сайд Х.Булгантуяагаас тодруулахад: -Хүүхдийн мөнгийг цаашид сар сард нь олгоно. Үлдсэн 40 хувьд хамрагдан хүүхдийн мөнгийг 2016, 2017, 2018 оны мөнгийг нь нийлүүлээд 2019 онд авна. гэлээ.
Энэ удаад 7, 8, 9 дүгээр сарын хүүхдийн мөнгийг нийтэд нь олгож байгаа юм байна.