Арабууд нэн ховор амьтдыг хууль бусаар агнаж байгаад орон нутгийн иргэдэд баригджээ.Тэд өмнөх Засгийн газрын баталсан идлэг шонхор шувууг нууцаар гадаадад гаргах тогтоолын хүрээнд 13 шонхор шувууг барих зөвшөөрөлтэй аж.
Байгаль орчны иргэний зөвлөл ТББ-аас энэхүү үйлдлийг Монгол Улсад төлөх 11 мянга 760 ам доллараас зугтсан хэрэг гэж үзэж буйгаа илэрхийллээ.
Манай улс 300-400 толгой нүүдлийн идлэг шонхор шувууг жилдээ арилжааны зориулалтаар амьдаар нь гаргах боломжтой.Гэхдээ нэг толгой идлэг шонхор шувууны төлбөр, хураамжийг 11.760 ам.доллараар тооцон бодох ёстойг иргэний зөвлөлийнхөн тодотголоо. Мөн салбарын яамны сайдынх нь баталсан журамд заасан “Идлэг шонхор шувууг амьдаар нь барих, тээвэрлэх, арчлах, экспортод гаргах үйл ажиллагааг зуучлах” ажиллагааг дотоодын аж ахуй нэгжүүдээр дамжуулан хэрэгжүүлэх шаардлагатайг ч хөнджээ. Учир нь арабууд өөрсдөө шууд Засгийн газрын зөвшөөрөлтэй барьсан шонхоруудаа хилээр гаргах нь улс төрийн өндөр албан тушаалтнууд эрх мэдлээ ашиглаж, нууцаар тушаал гарган улсын төсөвт төвлөрүүлэх журамтай хураамжийн төлбөрүүдийг арабуудаас авдаггүй. Мөн салбарын сайдтай нь шууд тохиролцож, нэг идлэг шонхор шувууг хэдэн төгрөгөөр арилжсан үнээ нууцалж, хувьдаа ашиг олсон болох нь хэд хэдэн удаагийн үйлдлээр илэрсэн байна.