Хүн төрөлхтний эв нэгдлийн бэлэг тэмдэг, цэнгэлийн манлай болсон олимп энэ цаг мөчид өндөрлөж байна.
“Рио-2016” зуны олимпийн 31 дүгээр наадмын хамгийн хамгийн гэсэн шалгаруулалтаар АНУ-ын баг тамирчид 121 медаль хүртэж, медалийн чансаагаараа тэргүүлсэн байна. Тодруулбал АНУ-ын тамирчид 46 алт, 36 мөнгө болон 38 хүрэл медаль хүртсэн амжилт гаргажээ.
Харин манай өмнөд хөрш БНХАУ-ын баг тамирчид 70 медаль хүртсэн үзүүлэлттэйгээр 2 дугаар байранд бичигдэж байна. БНХАУ-ын тамирчид 26 алт, 18 мөнгө болон 26 хүрэл медалийн эзэд болжээ.
Гуравдугаарт Их Британи улсын баг тамирчид 67 медальтайгаар бичигджээ. Тус улсын баг тамирчид 27 алт, 23 мөнгө, 17 хүрэл медаль хүртсэн юм.