Хан-Уул дүүргийн нутаг дэвсгэрт буюу Зайсангийн эцсийн буудал дээр “Зайсан-Хайлааст” чиглэлийн автобусны жолооч Баянзүрх дүүргийн дөрөвдүгээр хороонд оршин суух 33 настай эрэгтэй Б нь зорчигч тээвэрлэж явахдаа “Wrangler jeep” автомашин жолоодож явсан 59 настай эрэгтэй З-тэй замын хөдөлгөөний улмаас муудалцжээ. Улмаар иргэн З нь буу гаргаж ирж танхайрсан байна. Цагдаагийн алба хаагчид дуудлагаар ирж З гэх иргэний Герман улсад үйлдвэрлэсэн “RG-800 CAL.8mm K” хийн гар бууг хураан авч түүний хэргийг Хан-Уул дүүргийн Цагдаагийн нэгдүгээр хэлтэст шалгахаар болжээ.
О.ӨНӨР