Сонирхогчийн боксын олон улсын гран при тэмцээн Чех улсад болсон байна. 15 орны 80 гаруй тамирчин өрсөлдсөн 47 дахь удаагийн тус тэмцээнд манай улсаас эх орноо төлөөлөн Б.Эрдэнэбаяр дасгалжуулагчийн удирдлага дор дөрвөн ширэн бээлийтэн өрсөлдөж, хоёр алтан медаль авчээ.
56 кг-д өрсөлдсөн оюутны дэлхийн Универсиад наадам, “Химийн цом”-ын аварга, ОУХМ, “Алдар” спорт хорооны тамирчин Х.Энх-Амар алтан медаль, 60 кг-д хүч үзсэн хүүхдийн Азийн наадмын аварга, залуучуудын Азийн АШТ-ий хүрэл медальт, улсын хошой аварга Э.Цэндбаатар аваргын төлөө тоглолтод Молдавын Д.Бускаг 2:1-ээр ялж, түрүүлжээ. Харин 75 кг-д Н.Шинэбаяр Италийн К.Салветоретод, 81 кг-д С.Эрдэнэбаяр Словакийн С.Матуст дийлдэн, тэмцээнээ өндөрлүүлсэн байна
