НӨАТ-ын сугалааны долоо дахь удаагийн сугалаа өнгөрсөн гуравдугаар сарын 20-ны өдөр болж, супер шагнал 400 сая төгрөгийн эзэн тодорсон юм. Харин тухайн үед супер шагналын эзэн болсон азтан баримтаа бүртгүүлээгүй гэдгийг НӨАТУС-ээс мэдээлж байсан. Тэгвэл өнөөдөр 400 саяын баримтын талаар Гааль, Татварын Татварын Газар, Цагдаагийн Ерөнхий Газар хамтарсан мэдэгдэл хийлээ.
“Иргэн Ц нь 400 саяын азтан биш гэдэг нь тодорхойлогдсон байгаа. Гэтэл хэвлэл мэдээллийн хэрэгслээр 400 сая төгрөг хожсон иргэнийг байцааж, шалгаж байгаа мэтээр мэдээлж байна. Төрийн сангаас олгогдож байгаа мөнгийг хуурамч, эвлүүлсэн баримтаар авах боломжгүй. Тухайн баримтыг азтаны баримт биш гэж дүгнэсэн. Яагаад гэвэл тухайн баримтны QR кодыг уншуулахад 100 төгрөгийн тор байсан. Энэ нь юу гэсэн үг вэ гэвэл хоёр өөр баримтыг нийлүүлээд ГТЕГ-т уламжилсан байна” гэж мэдээллийн үеэр хэлсэн юм.
“Баримт хуурамч, бодит биш гэдгийг нь нарийн шинжилгээгээр тогтоогдоно. Энэ хэрэг дээр цагдаагийн байгууллага эрүүгийн хэрэг үүсгэхээр шалгаж байна” гэдгийг мөн хэлэв.