Монгол Улс-Энэтхэгийн цэргүүдийн хамтарсан “Нүүдэлчин заан” 11 дэх удаагийн сургуулилт өнөөдөр эхэлжээ. Энэхүү хамтарсан сургуулилтад Энэтхэгийн зэвсэгт хүчний “Кумаон” Цэргийн хорооны ангийн албан хаагчид ба хоёр хүний бүрэлдэхүүнтэй ажиглагчдын баг оролцож байгаа юм байна. Монголын зэвсэгт хүчнээс нийт 60 албан хаагч уг сургуулилтад оролцох аж.
Босогчид болон террористуудтай тэмцэх тусгай ажиллагааны 48 цагийн хээрийн сургуулилт хийснээр сургуулилт өндөрлөх бөгөөд гардан тулаан, олсоор буух мэргэжлийн арга техник, туршлагаасаа хуваалцаж, спортын хэд хэдэн арга хэмжээнд хоёр долоо хоногийн хугацаанд оролцох ажээ.