Сүүлийн өдрүүдэд ихэнх нутгаар салхины хурд нэмэгдэж секундэд 14-16 метр хүрч шороон шуурга шуурч байгаа нь ой хээрийн түймэр гарах эрсдэлтэй нөхцөлийг бүрдүүлээд байгаа ба орон нутагт гарсан түймрүүдийг унтраахаар ОБЕГ-аас ажиллаж байна. Өнөөдрийн байдлаар Булган аймгийн Тэшиг сумын Хужирт багийн Дунд “Моёодын эхэн” гэдэг газарт түймэр асч, голомтод Орхон аймгийн Онцгой байдлын газар, Орхон аймгийн Онцгой байдлын газар, хилийн заставын албан хаагчид зэрэг нийт 60 гаруй хүн ажиллаж байгаа ч түймэр унтраагүй ассан хэвээр байна. Харин Дорнод аймгийн Баяндун, Баян-Уул аймгийн зааг Хархираа багийн нутагт гарсан хээрийн түймрийг цурманд оруулж, Сэлэнгэ аймгийн Сант сумын Бэрхийн даваанд гарсан хээрийн түймрийг бүрэн унтраагаад байгаа аж.