“Өдрийн сонин”-ы пүрэв гаригийн дугаар хэвлэгдэн, захиалагчдадаа хүрлээ. Энэ өдрийн дугаарт гарсан нийтлэл, сурвалжлага, ярилцлага, мэдээ мэдээллээс онцолж, тоймлон хүргэж байна.
МХАҮТ-ын дарга Б.Лхагважавын “Эдийн засгийн ил тод байдлын тухай хуулийн хүрээнд 24 их наяд төгрөгийн орлого ил болчихлоо ярилцлага” хэвлэгдлээ. Энэ талаарх дэлгэрэнгүйг V нүүрнээс уншаарай.
“Өдрийн сонин”-ы өчигдрийн дугаартаа С.Зориг агсны эхнэр Б.Булганы ээжийн ярилцлагыг хүргэсэн. Өнөөдөр үргэлжлэлийг нь хүргэж байна. С.Зориг агсны эхнэр Б.Булганы ээж Д.Байгаль “Охины минь нэр хүнд, сэтгэл зүйгээр тоглож байсан бол одоо бие махбодиор нь тамлах гээд шоронд хийчихлээ” хэмээн ярьжээ. Түүний ярилцлагыг та VII нүүрнээс уншина уу.
“Улс төр” буланд Д.Ганбатын “Эрүүгийн хуулийн шинэчилсэн найруулгад ялын бодлогыг шинээр авч үзсэн”, Сонгуулийн ерөнхий хорооны нарийн бичгийн дарга Ц.Болдсайхан “Хууль зөрчсөн алхам хийхгүй байхыг анхаарах хэрэгтэй” гэсэн ярилцлагууд нийтлэгдлээ. Мөн Монгол Улсаас Бүгд Найрамдах Индонез Улсад суугаа Бүрэн эрхт Элчин сайд Ш.Батцэцэг “Индонез руу визгүй зорчих боломж нээгдэнэ” хэмээн ярьжээ. Та энэ талаарх дэлгэрэнгүйг IV нүүрнээс хүлээн авна уу.
“Өдрийн сонин”-ы нийтлэлийн бодлогыг тодорхойлж байдаг, нийгмийн нэгэн залуур чиг болж байдаг Баримт, үзэл бодлын гуравдугаар нүүрт манай сонины орлогч эрхлэгч Төрийн шагналт зохиолч, нэрт нийтлэлч Б.Цэнддоогийн “Диваажинд төрөх эрхийн бичиг” фельетон хэвлэгдлээ. Тэрээр “Бид бодит хорвоод хэцүүдэдд ирвэл “Ямар ганцхан хорвоо биш. Дарга нарын маань төсөөлүүлж өгсөн амлалтын хорвоо байж л байгаа юм чинь” гэж тайтгардаг” хэмээн бичжээ. Та энэ талаарх дэлгэрэнгүйг III нүүрнээс уншаарай.
Өнөөдрийн дугаарын “Өдрийн сурвалжлага”-аа Залуу эрдэмтдийн шилдэг бүтээл шалгаруулах эрдэм шинжилгээний хурлаас бэлтгэсэн байна. Тэд Биотехнолги, Мал эмнэлгийн судалгаанд үр дүн гардаг боловч, үйлдвэрлэлд нэвтэрч амьдралд хэрэгжих нь хол байна хэмээн ярьжээ. Эрдэмтэд ямар шинэ судалгаа хийсэн талаар сурвалжлагыг XI нүүрт хэвлэлээ.
“Нийгэм” нүүрнээс Ч.Батцэнгэлийн “Утаа хөөх сэнс Улаанбаатарын утааг 50-60 хувь бууруулах бүрэн боломжтой” ярилцлага хэвлэгджээ. “Спорт” буланд Залуучуудын өвлийн олимпийн алтан медальт Б.Сумъяагийн “Эхний гарааг би гүйцээх учраас багийн амжилт надаас шалтгаалж байсан” хэмээн ярьжээ. Та энэ ярилцлагыг XIII нүүрнээс уншаарай.
Харин “Уран бүтээлч” нүүрнээс Д.Оюунтүлхүүрийн “Миний амьдралыг “Ээжийн бүүвэй” гэдэг ганц дуу л эрс өөрчилчихсөн” ярилцлага хэвлэгдлээ. Та энэ ярилцлагыг XII нүүрнээс унших боломжтой.
Эрхэм уншигч та, манай сонины өнөөдрийн дугаарыг “Монгол шуудан” компанийн нийслэл Улаанбаатар дахь 35 салбар, “Түгээмэл” шуудан, “Улаанбаатар”, “Скай” шуудангийн салбаруудаас очиж авч болох ба сонин борлуулах бүхий л цэгүүд, Хэвлэлийн биржээс худалдан авах боломжтой юм. Мөн “Мөнгөн завъяа” дахь сонин борлуулах цэг, Сансрын үйлчилгээний төв дэх сонин борлуулах цэг, Хан-Уул дүүргийн 19 дүгээр хорооллын үйлчилгээний төвд байрлах сонин борлуулах цэг, Саппорогийн “Миний дэлгүүр” дэх сонин борлуулах гол гол цэгүүдээс худалдах авч болохыг дуулгая. “Өдрийн сонин”-ы өөрийн байранд ирж худалдан авч бас болно.
“Өдрийн сонин”-той холбоотой бүхий л мэдээллийг Мэдээлэх эрхийн утас 19001987-гоос лавлаж болох ба захиалга өгөхийг хүсвэл 9911-2954, 8811-1375 дугаарт холбогдоно уу. Хэрэв цахим хэлбэрээр нь захиалахыг хүсвэл 88071920 дугаарт холбогдож дэлгэрэнгүй мэдээллийг лавлаарай.
“ӨДРИЙН СОНИН” ӨГЛӨӨ БҮХНИЙ УРГАХ НАРНААР ТАНТАЙ ХАМТ