“Өдрийн сонин”-ы шинэ дугаар хэвлэгдэн гарлаа. Өнөөдрийн дугаараас дараахь ярилцлага, нийтлэлийг онцолж тоймлон хүргэж байна.
УИХ-ын гишүүн “Х.Тэмүүжин: Үндсэн хуулийн Цэц хувийн компани биш” ярилцлага нэг, хоёр, дөрөвдүгээр нүүрт гарлаа.
Тэрбээр:
“–Өнгөрөгч лхагва гаригт УИХ Үндсэн хуулийн Цэцийн тухай болон холбогдох зарим хуульд өөрчлөлт оруулсан. Яг ямар өөрчлөлтүүд орж байгаа вэ?
–Цэцийн гишүүдийн тэтгэврийн насыг 65-аар хязгаарласан. Өмнө нь ийм хязгаар байгаагүй. Гэтэл шинээр ийм хязгаар оруулж ирсэн нь ямар шалтгаан, үр дагавартай вэ?
–УИХ–ын гишүүн Засгийн газрын гишүүдийг огцруулах асуудлыг өргөн барих эрхгүй гэсэн Үндсэн хуулийн шийдвэр гарсан. УИХ–ын гишүүдийн эрхэнд халдсан хэрэг биш үү?
–Манайд бол Цэцийн гишүүд Үндсэн хуулийнхаа дээр гараад суучихсан байна гэх шүүмжлэл байдаг. Үнэхээр ийм байна уу?” гэх зэрэг Үндсэн хуулийн цэцтэй холбоотой асуултуудад хэрхэн хариулсныг уншаарай.
Мөн өчигдөр удтал хүлээж, бас хэд дахин хойшилж байж хуралдсан Төрийн байгуулалтын байнгын хорооны дарга А.Бакейн ярилцлагаас:
“–Ерөнхий сайдыг огцруулах санал гаргасан Г.Уянга нарын гишүүд өөрсдөө хуралдаа ирээгүйгээс болж хойшилсон уу. Г.Уянга гишүүн бол ирц бүрдэхийг хүлээж байна гэсэн байна лээ?
–Засгийн газар огцорлоо гэж муугаар бодоход улс төрийн нөхцөл байдал хүндрэх нь ойлгомжтой байх. Нийгэм эдийн засгийн хувь ч тэр, цас зудтай байгаа энэ үед улс төрийн зуд ч гэж хэлж болохоор харагдаж байна л даа?” гэх асуултын хариултыг уншиж болох юм.
“Өдрийн сонин”-ы нийтлэлийн бодлогыг тодорхойлж байдаг алдарт гуравдугаар нүүрт нийтлэлч Э.Энэрэлийн “Улс орноо эрхэмлэх ёстой гишүүд амин хувийн ашиг сонирхлоо дагачихаагүй байгаа даа?” нийтлэл хэвлэгдлээ.
Харин арванхоёрдугаар нүүр сонсогч олноо ардын дууч хэмээн нэрлэгддэг. Д.Бурмаагийн ярилцлагыг хэвлэлээ. Тэрбээр “Ардын дуу гэдэг ертөнцөд тодорхой хэмжээгээр амьдармаар байна” хэмээн өгүүлжээ. Мөн улсын заан С.Хүрэлбаатарын ярилцлага 13 дугаар нүүрт гарлаа. Сар шинэ дөхсөн энэ өдрүүдэд эрхэм заан өнөө жилийн цагаан сарын барилдаанд П.Бүрэнтөгс арсланг түрүүлнэ хэмээн хүлээж байгаагаа ярьжээ.
Эдгээрээс гадна “Улаанбаатарын амьдрал”, “Дэлхийн мэдээ”, “Баримт, үйл явдал” зэрэг булангууд өнөөдрийн дугаарт гарлаа.