Кубын Гавана хотод олимпийн эрхийн оноо олгох жудо бөхийн тэмцээн маргааш эхэлнэ. Тэмцээнийг Олон улсын жудо бөхийн холбооны төлөвлөгөөний дагуу зохион байгуулж байгаа юм. Энэ сарын 24-нд өндөрлөх уг тэмцээнд оролцохоор 400 гаруй тамирчин бүртгүүлжээ.
Манай улсаас есөн жүдоч Гаванагийн дэвжээнд хүч үзнэ. Тодруулбал, эрэгтэйчүүдээс Ц.Цогтбаатар (60 кг), Г.Одбаяр (73 кг), Н.Дагвасүрэн (81 кг), О.Ууганбаяр (81 кг), Б.Тэмүүлэн (-100 кг), Ө.Дүүрэнбаяр (+100), эмэгтэйчүүдээс А.Цолмон (52 кг), П.Лхамдэгд (-78 кг), О.Жавзмаа (+78 кг) нар Гаванаг зориод байна. Тамирчдыг шигшээ багийн ахлах дасгалжуулагч, ардын багш О.Балжинням, олон улсын хэмжээний мастер Г.Дашдаваа нар удирдан явжээ. “Гран при-Гавана 2016”-гаас алтан медаль хүртсэн тамирчин 300 оноо, мөнгөн медальтанд 180 оноо, хүрэл медальтанд 120 оноо олгох юм. Олимпод оролцох жүдочдыг ирэх зургадугаар сард албан ёсоор зарлана.