Шинэ оны баярын өмнөх өдөр буюу өнгөрөгч
арванхоёрдугаар сарын 30-ны өдөр Баян-Өлгий аймгийн Сагсай сумын иргэн 33
настай О гэгч айлын цайллагаас буцаж яваад сураг тасарчээ. Тус сумын төвөөс 40
км-ийн алсад үдшийн 23 цагийн үед энэ хэрэг болсон тухай мэдээлэл
арванхоёрдугаар сарын 31-ний өдрийн 11:00 цагт орон нутагт ирсэн байна. Ингээд
сумын Засаг даргаар ахлуулсан Сагсай сумын 62 хүн эрлийн ажиллагааг зохион
байгуулжээ. Харин сураггүй болсон иргэн О нь нэгдүгээр сарын 2-ны өдрийн 01:30
цагт гэртээ эсэн мэнд ирсэн байна.