НҮБ-ын Ерөнхий Ассамблейн 70 дахь чуулганы хуралдаан дээр Казахстаны ерөнхийлөгч Нурсалтан Назарбаев үг хэлэхдээ, эдийн засгийн хямралын улмаас терроризм, дүрвэгсэд гэсэн сөрөг талууд гарч ирлээ. Тийм учраас дээрх сөрөг үзэгдэлтэй тэмцэхийн тулд гүйлгээнд шинэ олон улсын мөнгө гаргах хэрэгтэй гэлээ. “XXI зуунд санхүүгийн шинэ хэрэгсэл хэрэгтэй. Тийм учраас НҮБ-ын гишүүд даяарчлалын хөгжил, цэцэглэлтийг хангах дэлхийн валютыг бий болгох дээр ажиллах хэрэгтэй. Стратегийн санаачлагыг 2045 он хүртэл хэрэгжүүлэх төлөвлөгөөг санал болгож байна” гэж тэр хэлээд НҮБ-ын Эдийн засаг, нийгмийн зөвлөлийг Даяарчлалын хөгжлийн зөвлөл болгон өөрчлөх хэрэгтэй гэж онцлов.
“Түүний бүрэлдэхүүнд НҮБ-ын Ерөнхий Ассамблейн сонгох гишүүн орнуудын төлөөлөгчдөөс гадна ОУВС зэрэг тусгай байгууллагуудын удирдлага орж байх шаардлагатай” хэмээн Казахстаны ерөнхийлөгч мэдэгджээ.
“XXI зуунд хөгжлийн төв нь Ази тивд шилжиж байгаа учраас хүн амын гуравны нэг амьдардаг уг тивд НҮБ-ын төв байрыг шилжүүлэх” саналыг Назарбаев гаргалаа.