Өнөөдөр есдүгээр сарын 1 буюу хичээлийн шинэ жилийн эхний өдөр. Энэ өдөр төр засгийн тэргүүнүүд хичээлийн шинэ жилийн нээлтэд оролцдог уламжлалтай. Тэгвэл Ерөнхий сайд Ч.Сайханбилэг өнөөдөр 33 дугаар сургуулийн нээлтэд оролцлоо. Мөн тэрээр өнөөдөр 11:40 цагаас Чингисийн талбайд болох Оюутны тангараг өргөх ёслолын ажиллагаанд оролцоно. Жил бүрийн есдүгээр сарын 1-ний өдөр Монгол Улсын Ерөнхийлөгч Ц.Элбэгдорж МҮОНТ-ээр хүүхдүүдэд хичээл заадаг. Ерөнхийлөгч энэ жилийн хичээлээ “Санаа зөв бол заяа зөв” сэдвээр орох юм байна.