“Хүрхрээ” үндэсний дээд лигийг тэргүүлэгч “ФС Улаанбаатар” болон
“Дэрэн” багуудын тоглолт өнгөрсөн амралтын өдөр боллоо. Гал цогтой залуу
тамирчдын тоглолт эхнээсээ өндөр темптэй явагдав. “Дэрэн” багийн тухайд
дараалсан хожил байгуулж, лигт үлдэх байраа батжуулах мөн нөгөөтэйгүүр
топ багуудын эсрэг сайн тоглох гэсэн асуудал яригдаж байсан.
Гэвч “Улаанбаатар” баг тэдэнд боломж олгосонгүй. Эхний мөчөөс л
талбайн бүтэн шахсан тоглолтыг үзүүлж Дэрэн багийн тоглолтыг эвдээд
зогсохгүй гоолын боломжуудыг ихээр гаргалаа. Үүний үр дүнд тоглолтын
төгсгөлд 4:2 харьцаатай ялалт байгуулж, 27 оноотой болж чадлаа.
-
Мэргэн буучдын жагсаалтанд 8 гоолтойгоор тэргүүлэгчдийн араас
бичигдэж байсан “ФС Улаанбаатар” багийн ахлагч Б.Амарбаясгалан мөн энэ
тоглолтод гоолдож чадсанаар 9 гоолтой болж, ижил амжилттай байсан
тамирчдын дээр нэг шат илүү гарж чадлаа. 
- “Дэрэн” клуб хэдийгээр шүүгчийн мэдлийн минутанд 2 дахь гоолоо оруулсан ч энэ нь тэдний хувьд тун чухал бөмбөг юм.
-
Хүснэгтийн 2 болон 3-р байранд хоорондоо ганц оноогоор зааглагдан
бичигдэж байгаа “Эрчим”, “СэлэнгэПресс” багууд маргааш хоорондын
тоглолтоо хийнэ. Эхний тойрогт 0:0 харьцаатай тэнцэж байсан багууд
маргааш 15:00 цагт МХБХ-ны талбайд хариуцлагтай тоглолтыг хийнэ. Ялсан
баг ФС Улаанбаатартай тэргүүлэгчийн төлөөх өрсөлдөөнд багтаж үлдэнэ. - ТОГЛОЛТЫН ҮЗҮҮЛЭЛТ, ҮР ДҮН:
