Азийн өсвөрийн хөлбөмбөгчдийн гурав дахь удаагийн фестиваль өнөөдөр БНСУ-ын Ансон хотод эхэлж байна.
Тэмцээний 12 хүртэлх насны ангилалд БНСУ-ын 19, Монголын дөрөв, БНХАУ-ын хоёр, Тайланд, Зүүн Тимор, Палестин, Балба, Камбож, Афганистан, Узбекистан, Пакистан, Энэтхэг, Бангладеш, Лаос, Тажикистаны тус бүр нэг, нийт 37 баг өрсөлдөх юм.
Монголын багууд ямар хэсэгт хуваарилагдсаныг сонирхуулъя.
Чингэлтэй дүүргийн Засаг даргын дэргэдэх өсвөрийн шигшээ баг нэгдүгээр хэсэгт БНХАУ-ын “Yinhe,” Пакистаны шигшээ баг, БНСУ-ын “Mokpo Yeonsan”, “Eunji”-тай,
“Хараацай” клуб тавдугаар хэсэгт Камбожийн шигшээ баг, БНСУ-ын “Sihueng”, “IDS Football Class”, “Phoenix”-тэй,
“Хүчит Чулуут-ДМЮ” зургаадугаар хэсэгт Узбекистаны алдарт “Пахтакор”, БНСУ-ын “Giovanni”, “Juyeon”, “J Soccer”-той,
Сүхбаатар аймгийн шигшээ баг долоодугаар хэсэгт Тажикистаны шигшээ баг, БНСУ-ын “Buyong”, “FCCT.T.S”, “Sangin”-тай хуваарилагдав. Баг тус бүр өнөөдөр хоёр тоглолт хийнэ.