Монголын хөнгөн атлетикийн холбооноос жил бүр зохион байгуулдаг “Тал нутгийн марафон” гүйлтийн уралдаан ирэх ням гаригт болох аж. “Улаанбаатар хотын аялал жуулчлал-2015” хөтөлбөрийн хүрээнд аялал жуулчлалын бүтээгдэхүүний нэр төрлийг нэмэгдүүлэх, нийтийн биеийн тамир, спортыг ард иргэдэд сурталчлах зорилготой энэхүү гүйлтэд нийслэлчүүдээс гадна гадаадын жуулчид, тамирчид өргөнөөр оролцдогоороо онцлог аж. ТУс марафон Төв аймгийн Өндөр дов хэмээх газар болох гэнэ.
Өмнөх жилүүдэд 15 хүртэлх насны охид, хөвгүүд нэг км, 40-60 насныхан таван км, 60-аас дээш насныхан гурван км зайд өрсөлдөж байсан юм. Мөн залуучууд 10 км болон хагас марафон буюу 21 км зайд аваргуудаа шалгаруулж байсан билээ.
М.Ууган