Баянхонгор аймгийн Баацагаан сумын Баянбулаг багийн нутагт газар хөдөлсөн гэх мэдээлэл Онцгой байдлын ерөнхий газарт иржээ. Тодруулбал, тус сумын нутагт өчигдөр өглөөний 7.00 цагийн орчим 3.7 магнитутын хүчтэй газар хөдлөлт болсон юм байна. Газар хөдлөлтийн голомт нь сумын төвөөс баруун зүгт 35 км-т “Дунд-Аргалантын нуруу” гэдэг газар байсан гэж албаныхан хэлж байна. Газар хөдлөлтийн улмаас ямар нэгэн хохирол гараагүй аж.