Жолооны үнэмлэхний хэвлэлтэнд байс гээд л асуудал гардаг. Гэвч энэ асуудал дахин гарч ирэх долдугаар сард хүртэл манай улсад албан ёсны жолоочид төрөн гарахгүй нь. Үнэмлэх яагаад хэвлэгдэхгүй байгаа талаар Замын цагдаагийн газрынхан “Үнэмлэх хэвлэх бэлдэц дуусч байгаа учраас “Түр үнэмлэх” олгож эхлэхээр яригдаж байна” хэмээн мэдээлж байгаа ч цаана нь өөр учир байна. Тодруулбал Замын цагдаагийн газрынхны хэлж буйгаар жолооны үнэмлэхний бэлдэцийг хэвлэдэг “Смарт солюшн” ХХК-ийн Замын цагдаагийн газартай хийсэн гэрээ дуусгавар болжээ. Тиймээс дахин тендер зарласнаас ийнхүү жолооны үнэмлэх хэвлэх ажил доголдох болсон гэнэ. Энэхүү доголдол нь хэдхэн хоног үргэлжлэх бус хамгийн ойрдоо ирэх долдугаар сараас үнэмлэх хэвлэж эхлэх нь тодорхой болжээ. Учир нь тендер зарлах хугацаа 45 хоног, үнэмлэхний бэлдцийг хэвлэхэд багадаа л 60 хоног шаардлагатай аж.