Залуучуудын бодлогын анхдугаар форумд оролцож байна

Хүн амын хөгжил, нийгмийн хамгааллын сайд С.Эрдэнэ 2014 оны 10 дугаар сарын 28-31-ний өдрүүдэд Бүгд Найрамдах Азербайжан Улсын нийслэл Баку хотноо болж буй Дэлхийн залуучуудын бодлогын асуудлаарх анхдугаар Форумд оролцож байна.

Форумын гол зорилго нь нийгмийн түлхэгч хүч болсон залуучуудын хөгжлийг хангахад улс орнуудын олсон ололт амжилт, тулгарч буй саад бэрхшээлийн талаар хэлэлцэж, туршлага солилцож, залуучуудын бодлогын асуудлаарх бодлогын хүрээг бий болгохын ач холбогдол, уг бодлогын үндсэн зарчмуудын талаар санал солилцож, зөвшилцөөнд хүрэхэд оршиж байгаа юм. Уг Форумыг Азербайжаны Засгийн газар, НҮБ-ын Хөгжлийн хөтөлбөр, Европын Зөвлөл, ЮНЕСКО зэрэг байгууллагууд хамтран зохион байгуулж байгаа бөгөөд дэлхийн өнцөг булан бүрийн төлөөлөл болсон нийт 700 гаруй залуус, бодлого боловсруулагч, шийдвэр гаргах түвшний зэрэг төлөөлөгчид хуран цугласан байна.