Жүдо бөхийн дэлхийн аварга шалгаруулах тэмцээн ОХУ-ын Челябинск хотын “Трактор Арена” цэнгэлдэхийн татамид гурав дахь өдрөө үргэлжилж байна. Тэмцээний эмэгтэйчүүдийн 57 кг-ын жингийн ангилалд барилдаж буй манай тамирчин Д.Сумъяа хэсгийн эхний барилдаанд гоц мөргөж, дараагийн барилдаанаа Израйлийн бөхтэй хийж ялсан. Харин дөнгөж саяхан Унгарын тамирчин Каракастай барилдан ялалт байгуулж, шөвгийн наймд шалгарлаа.