Month: August 2024

Тун удахгүй Оросын Холбооны Улсын Владивосток хотноо10 дахь удаагийн Дорнын эдийн засгийн чуулга уулзалт болох гэж байна. Монгол Улсын хувьд энэ чуулга уулзалт нь хөршүүдтэйгээ харилцаагаа бэхжүүлэх, мөн Шанхайн хамтын ажиллагааны байгууллага, Евразийн эдийн засгийн холбооны гишүүн орнуудтай яриа хэлэлцээ өрнүүлэх бас нэгэнболомжюм.

ШХАБ жил ирэх тусам хүчирхэгжиж байгаа бүс нутгийн байгууллага билээ.2004 онд Монгол Улс ШХАБ-д ажиглагчийн статустай болсон анхны улс юм. Хөрш орнууд болох ОХУ болонБНХАУнь Монгол Улсыг ШХАБ-ын гишүүнээр элсүүлэх сонирхолтой байдаг.

Тухайлбал 2022 онд Самаркандад болсон ШХАБ-ын дээд хэмжээний уулзалтын үеэр БНХАУ-ын Дарга Ши Жиньпин “ШХАБ нь өөрийн давуу талаа бүрэн дүүрэн ашиглах, байгууллагын хамтын ажиллагаанд идэвхтэй оролцох, илүү их, бодит үр өгөөжийг хүртэх боломжийг олгоно” гэж онцлон тэмдэглэсэн.

Монгол Улсын Ерөнхийлөгч У.Хүрэлсүх 2024 оны 7 дугаар сарын 3-4-ний өдрүүдэд Казахстаны нийслэлд болсон ШХАБ-ын гишүүн орнуудын Төрийн тэргүүн нарын зөвлөлийн 24 дүгээр өргөтгөсөн хуралдаанд оролцож үг хэлэхдээ, манай улс ШХАБ-ын гишүүн орнуудтай ложистик, эрчим хүч, уул уурхай болон бусад олон салбартхамтын ажиллагаагаа өргөжүүлэн хөгжүүлэхийг эрмэлзэж байгаа гэжхэлсэн.

Ирэх есдүгээр сарын 3-6-ны хооронд ОХУ-ын Владивосток хотод болох Дорнын эдийн засгийн чуулга уулзалт нь ШХАБ-тайхамтын ажиллагаагаахөгжүүлэх тохиромжтой талбар болох боломжтой. Тодруулбал Еврази-Евразийн эдийн засгийн холбоо, Нэг бүс-Нэг зам санаачилгынинтеграцчлалын төслүүдийн хүрээнд хамтын ажиллагаагаа эрчимжүүлэх боломжтой билээ.

Дашрамд дурдахад, Монгол Улсын Засгийн газар улсынхаа эдийн засгийн тогтвортой өсөлтийн тодорхой хувийг (2023 онд 7%-иар өссөн) түнш орнууд, тэр дундаа Евразийн эдийн засгийн холбооны гишүүн орнуудтай байгуулсан худалдааны гэрээтэй холбон үздэг.

Дорнын эдийн засгийн чуулга уулзалт бол Ази, Номхон далайн бүс нутгийн хамтын ажиллагааг хөгжүүлэх чухал индэр болсон юм. Монгол Улсын хувьд энэ нь ОХУ-тайЕвразийн эдийн засгийн холбооны хүрээнд Монголын уламжлалт экспортын бүтээгдэхүүний гаалийн татварыг бууруулах, тэглэх тухай чөлөөт худалдааны хэлэлцээр байгуулах бас нэгэн боломж юм.

Монгол Улс жил бүр Дорнын эдийн засгийн чуулга уулзалтад өргөн бүрэлдэхүүнтэй оролцдог. Энэхүү арга хэмжээ нь бидэнд өөр олон чиглэлээр хамтран ажиллаж, олон хамтарсан төсөл хэрэгжүүлэх боломжийг олгох болов уу. Сонирхсон бүх талуудын хамтын хүчин чармайлт шинэ боломж, хэтийн төлөвийг бий болгоно гэж чуулга уулзалтын зохион байгуулагчид онцлов.

Энэ жилийн чуулга уулзалтын гол сэдэв нь “Алс Дорнод – 2030. Боломжийг бий болгоё, хүчээ нэгтгэцгээе” юм. Чуулга уулзалтын зочид төлөөлөгчид олон туйлт шинэ ертөнцөд хамтран ажиллах стратегийн хэтийн төлөвийг хамтдаа хэлэлцэх юм.

 

Тамхи нь хорт хавдраар өвдөх магадлалыг  19.3 хувиар нэмэгдүүлдэг байна. Харин илүүдэл жин нь хорт хавдраар өвдөх эрсдлийг  7.6 хувиар, Согтууруулах ундааны хэрэглээ нь хорт хавдраар өвдөх эрсдлийг  5.4 хувиар, хэт ягаан туяа нь  хорт хавдрын тохиолдлын 4.6 хувийг үүсгэдэг байна.

Судлаачид насанд хүрэгчдийн өвчилж буй хорт хавдрын 40 хувь нь сэргийлэх боломжтойг тооцоолсон байна. 

БГД-ийн 4 дүгээр хороо, Цэрэнноровын гудамжны авто замыг наймдугаар сарын 26-ны өдрийн 23:00 цагаас 29-ний өдрийн 06:00 цаг хүртэлх хугацаанд хааж, шинэчилнэ.

Тус авто замыг асфальт бетоноор хучих бөгөөд инженерийн шугам сүлжээний худгийн тагийн түвшин тааруулах, тэмдэглэгээг хийнэ. Иймд иргэд, жолооч та бүхэн бусад замыг сонгон хөдөлгөөнд оролцоно уу.

Owlypia Global Around ” англи хэлний олимпиад 08 дугаар сарын 11-17-ны өдрүүдэд Лондон хотноо зохион байгуулагдлаа.

Нийт 15 орны 50 гаруй баг, 200 орчим сурагчид оролцсоноос Монгол Улсаас Шинэ Эхлэл сургуулийн 3 багийн нийт 9 сурагч тэмцээний таван төрлөөс нийт 7 алт, 5 хүрэл медаль хүртэж бахдам амжилт үзүүллээ.

Багийн төрөлд 25 баг оролцсоноос манай 3 баг амжилттай оролцож сурагч Б. Туяамаа ахлагч, Б.Оюунтүлхүүр, Б.Пүрэвбат нарын бүрэлдэхүүнтэй

• “Young Leaders of Mongolia” баг Алтан Медаль,
• Шилдэгийн Шилдэг баг /Pen Down Challenge, Speech – Craft Challenge, Team Spirit Challenge/ “Proficient Writers Team” багаар шалгарлаа.
• Ганцаарчилсан төрөлд Б.Туяамаа, Б.Пүрэвбат, У.Намуун, Н.Оюунтүлхүүр нар Алтан медаль,
• Ү.Бат-Амгалан, Д.Хангэрэл, х.Пунсалдулам, Б.Хас-Эрдэм, О.Тэмүүлэн нар хүрэл медаль хүртсэн бол
• шилдэгийн шилдэг хүүхдээр Б.Туяамаа 1 дүгээр байр, Б.Пүрэвбат 3 дугаар байр эзлэв.

Мөн Ү.Бат-Амгалан, Б.Хас-Эрдэм нар “Cultural Ambassador Certificates”, Д.Хангэрэл “Innovative Thinker Certificates”, Б.Туяамаа “Proficient Wise Owl award Certificates”  хүртсэн өндөр амжилт гаргалаа.

AНУ-ын Элчин сайдын яамны санаачлагаар тус яам болон Монголын кино институт хамтран “Америкийн баримтат кино өдрүүд 2024” (American Film Showcase буюу AFS)–ийг Гэгээнтэн кино театрт наймдугаар сарын 26-наас 29-ний өдрүүдэд зохион байгуулна.  Бүх үзвэр ҮНЭ ТӨЛБӨРГҮЙ байх юм. 

Элчин сайдын яам дотоодын төрийн бус байгууллага, боловсрол, соёлын байгууллагуудтай хамтран 2015 оноос хойш AFS хөтөлбөрийг Монголд хэрэгжүүлж, АНУ-аас кино мэргэжилтүүдийг урин авчирч олон талт сургалт, солилцооны хөтөлбөрүүдийг зохион байгуулсаар ирсэн билээ.

Энэ удаагийн хөтөлбөрийг алдарт дуучин Тина Тернерийн намтар бүтээлээр нээж; Сезам гудамж, дэд бүтэц, байгаль орчин, ЛГБТИК+ хүмүүсийн эрх, нийгмийн сүлжээний хуурмаг мэдээлэл, нөлөөлөгч нарын тухай сонирхолтой баримтат кинонуудыг дөрвөн өдрийн турш хүргэхээр бэлдээд байна.

---

Гэгээнтэн кино театрт дараах үзвэрүүд үнэ төлбөргүй, нээлттэй хүрэх болно. 

8-26 ДАВАА 

18:30 Тина 118’ Дэн Линдси, Т. Ж. Мартин 

21:30 Нэгэн гудамжны нөхөд 107’ Мэрилин Агрело 

8-27 МЯГМАР 

19:00 Цахилгаан шатны төлөө 13’ Мартына Староста + Манай хот тосгод 87’ Стивен Ашер, Жинн Жордан 

21:00 Хүний хүчин зүйл 78’ Мэттью Теста

8-28 ЛХАГВА 

19:00 Эрх тэгш 148’ Стивен Кайак, Кимберли Рид 

8-29 ПҮРЭВ 

19:00 Надад итгэ 91’ Роко Белич 

Introduction by a journalist 

21:00 Хуурамч нэр алдар 87′ Ник Билтон 

AFS нь АНУ-ын Төрийн департаментын Боловсрол, соёлын асуудал эрхэлсэн товчооны Америкийн кино урлагаар дамжуулан дипломат харилцааг хөгжүүлэх тэргүүлэх зэргийн соёлын хөтөлбөр юм. Уг хөтөлбөрийг Боловсрол, соёлын асуудал эрхэлсэн товчоо болон Өмнөд Калифорнийн Их Сургуулийн Кино Урлагийн Сургууль (SCA) хэрэгжүүлдэг. AFS нь улс орнууд дахь АНУ-ын Элчин сайдын яамдтай хамтран жил бүр дэлхийн 60 гаруй оронд кино үзвэр болон мастеркласс сургалтуудыг зохион байгуулдаг ажээ. 

Хан-Уул дүүргийн 22-р хороо Зайсан дахь “Шамбала” хотхонд өнөөдөр барилгын гадна пасад шатсан гэх дуудлага өнөөдөр 15:36 цагт ОБЕГ-т ирсэн.

Хан-Уул дүүргийн Онцгой байдлын хэлтсийн Гал түймэр унтраах аврах 14 дүгээр анги, нэмэлтээр Чингэлтэй дүүргийн Онцгой байдлын хэлтсийн Гал түймэр унтраах, аврах 10 дугаар ангийн 1, 2 дугаар тасгийн алба хаагчид шуурхай ажиллаж гал түймрийн тархалтыг 15:50 цагт зогсоож, 16:07 цагт бүрэн унтраалаа.

Дэд Ерөнхийлөгч Камала Харрисаас Монгол Улсын Ерөнхийлөгч У.Хүрэлсүх болон “Дэлхийн эмэгтэйчүүдийн чуулга уулзалт”-ын зочдод илгээсэн захидлыг хүргэж байна. 

ДЭД ЕРӨНХИЙЛӨГЧ

2024 оны 8-р сарын 22

Дэлхийн эмэгтэйчүүдийн чуулга уулзалтын эрхэм зочдод мэндчилгээ дэвшүүлэхийн ялдамд энэ жилийн чуулга уулзалтыг  Улаанбаатар хотноо өөрийн ивээл доор зохион байгуулж буй Ерөнхийлөгч Хүрэлсүхэд талархал илэрхийлэхдээ баяртай байна.

Би ажил, амьдралынхаа бүхий л замналын туршид эмэгтэйчүүдийг улс төр, нийгэм, эдийн засгийн хувьд хүчирхэгжүүлэхийн төлөө ажилласаар ирсэн. Учир нь энэ бол зөв зүйл бөгөөд ядуурлыг бууруулах, эдийн засгийн хүртээмжтэй хөгжлийг хөхиүлэн дэмжих, мөн энх тайван, аюулгүй байдлыг урагшлуулахад чухал нөлөөтэй байдаг.

Америкийн Нэгдсэн Улс, Монгол Улсын Стратегийн гуравдагч хөршийн түншлэлийн хүрээнд Ерөнхий сайд Оюун-Эрдэнэ болон миний бие 2023 оны 8-р сард нийгмийн амьдралд эмэгтэйчүүдийн оролцоог нэмэгдүүлэх зорилго бүхий түүхэн санаачлагуудыг эхлүүлсэн билээ. Хүйсийн тэгш эрхийн чиглэлээр ажилладаг иргэний нийгмийн байгууллагуудыг дэмжих замаар ардчиллаа улам бэхжүүлэхийн төлөө бид тууштай байгаа. Түүнчлэн, Америкийн Нэгдсэн Улс ихэнх нь эмэгтэй эзэнтэй, эсвэл эмэгтэйчүүд ажиллуулдаг Монголын жижиг, дунд аж ахуйн нэгжүүдийг  санхүүжилт авах боломжоор ханган, компанийн засаглалаа сайжруулахад нь туслах хөтөлбөрт хөрөнгө оруулж байна.

Бидний бат бэх түншлэл дэлхий дахины чухал асуудлууд дээр хамтран ажиллах үндэс суурийг бидэнд тавьж өгч байна. Монгол Улс энэ жилийн чуулга уулзалтыг уур амьсгал, хүнсний аюулгүй байдал, боловсрол, спорт, урлаг, соёлын хүртээмжтэй байдал зэрэг асуудлуудад хандуулж байгаад би баяртай байна. Чуулганд оролцож буй манлайлагч эмэгтэйчүүдэд хандан хэлэхэд: Боломжийг өргөтгөн, тэгш бус байдалтай тэмцэх талаар гаргаж буй хүчин чармайлт бүрт чинь баярлалаа.

Чуулга уулзалтанд амжилт хүсье.

Наймдугаар сарын 23-ны өдрийн байдлаар Хэнтий нурууны баруун хажуугаас эхтэй Туул, Тэрэлж, Сөгнөгөр, зүүн хажуугийн Онон, Хэрлэн, Улз, Хангай нурууны арын Идэр, Хануй, Орхон, өврийн Таац, Зэгстэй, Цагаантуруут, Буянт, Онги, Заг, Байдраг зэрэг голуудын усны түвшин өмнөх өдрийнхөөс 5-20 см нэмэгдсэн байна.

Хэрлэн / Мөнгөнморьт/, Хурх, Халх /Ялалт баг/, Буянт, Хархираа зэрэг голууд үерийн түвшинг 5-30 см, Туул /Лүн/, Орхон /Орхонтуул/, Балж, Онон, Хэрлэн /Өндөрхаан-Чойбалсан/, Улз /Эрээнцав/ зэрэг голууд үерийн аюултай түвшинг 5-65 см даван хүчтэй үерлэж байна.

Иймд дээрх голуудын сав дагуу суурьшиж, нутаглаж буй малчид, аялж амарч, зугаалж буй ард иргэдийг үер усны аюулаас болгоомжтой байхыг онцгойлон анхааруулж байна.

НОБГ, ЗӨСҮТ болон НБОГ-ын холбогдох мэргэжилтнүүд хяналт шалгалт болон авч хэрэгжүүлж буй арга хэмжээний талаар мэдээлэл өглөө.

Энэ оны долоон сарын байдлаар Улаанбаатар хотод тарваганы мах худалдан авсан болон тээвэрлэсэн нийт 524 зөрчлийг илрүүлжээ.

НОК-ын Нарийн бичгийн дарга, хурандаа Д.Оюунбат “Дээрх НЗД-ын захирамж наймдугаар сарын 15-ны өдрөөс хэрэгжиж эхэлсэн. Өнөөдрийг хүртэлх  хугацаанд Баянзүрх, Багануур, Багахангай, Налайх, Сонгинохайрхан, Хан-Уул, Чингэлтэй дүүргүүдийн нутаг дэвсгэр дэх авто тээврийн шалган нэвтрүүлэх 10 товчоо, маршрутын бус замуудад Экологийн цагдаагийн алба, Нийслэлийн Онцгой байдал, нийслэлийн Цагдаагийн удирдах газар, Мал эмнэлгийн газар, Тээврийн цагдаагийн албанаас 24 цагаар хяналт, үзлэг шалгалт явуулж байна. Шалгалтын хугацаанд 11 удаагийн үйлдлээр 18 ширхэг тарваганы мах илрүүлж, хууль хяналтын байгууллага шалгаж байна” гэв.

ЗӨСҮТ-ийн Нийгмийн эрүүл мэнд Тандалт шуурхай удирдлагын албаны дарга Л.Роломжав “ЗӨСҮТ-ийн тандалт судалгааны мэдээллээр 15 аймгийн 75 сум тарваган тахлын өндөр идэвхтэй байна гэх мэдээлэл гарсан. Сүүлийн 10 гаруй жилд манай улсад тарваган тахлын 23 тохиолдол бүртгэгдэж 9 хүн нас барсан” гэдгийг хэлж байв.

Дэлхийн эмэгтэйчүүдийн чуулга уулзалтын хүрээнд болж буй “Манлайллын 17 төрх” үзэсгэлэнд Монголын 17 манлайлагч эмэгтэйн хөргийг Чингис хаан үндэсний музейд дэлгэжээ. Тэдний төлөөлөл болох УИХ–ын гишүүн асан Л.Эрдэнэчимэг болон С.Цэцгээ нартай уулзаж санал сэтгэгдлийг нь сонсов.

---

УИХ–ын гишүүн асан Л.Эрдэнэчимэг:

-Энэхүү үзэсгэлэнд орсон сэтгэгдлээ хуваалцахгүй юу?

-Сарын өмнө гэнэт Тогтвортой хөгжлийн зорилтын ядуурлыг бууруулах зорилтот таныг шалгаруулж зургийн үзэсгэлэнд оруулж байна гэхэд нь их баярласан. Манай салбарт эмэгтэйчүүд олон. Олон ажлын байр бий болгосон. Би 34 дэх жилдээ бизнесийн салбарт ажиллаж байна. Эрүүл мэндийн салбарт үйл ажиллагаа явуулахаас гадна сүүлийн найман жил дөрвөн улирлын зориулалттай хүлэмжийн аж ахуй эрхэлж байна. Улаанбаатараас алслагдсан хүлэмжийн аж ахуйд эмэгтэйчүүд тэр тусмаа өрх толгойлсон эмэгтэйчүүд олноор ажилладаг. Улаанбаатар хот руу орох шаардлагагүйгээр тэдний орон сууц, хүүхдийнх нь сургууль цэцэрлэгийг нь цогцоор нь шийдсэн.

-Таны сонирхол юу вэ?

-Би цанаар гулгах дуртай. Альпийн уулаар гулгах хоббитой. Киргиз, Казахстаны өндөр уулс руу цас оронгуут цанаа үүрээд явдаг даа.

“Сүүн билэгдэл” ХХК-ийн захирал С.Цэцгээ:

-Та сэтгэгдлээ хуваалцахгүй юу?

-Өнөөдөр миний хувьд мартагдашгүй сайхан дурсамжтай өдөр тохиолдож байна. Хөдөө аж ахуйн салбарт 42 жил тасралтгүй ажиллаж байна. Би сарлагийн сүүгээр хатуу бяслагны дөрвөн технологи боловсруулан туршсан. Үүгээрээ бахархдаг.

-Монгол бяслаг дэлхийн технологийн хувьд ямар давуу талтай вэ?

-Бяслаг бол тэр чигээрээ төгс уураг юм. Өндөр тэжээллэг бүтээгдэхүүн бөгөөд өдөрт 50 граммаас илүү идэхгүй байх хэрэгтэй. Хэтрүүлэн идвэл европ бяслаг ч, тэр монгол ч тэр өтгөн хатна. Таны тавган дээр юу байна түүнтэйгээ бяслагаа идэх хэрэгтэй. Самар, үзэмтэй хольж идэж болно.

Монголын “Манлайллын 17 төрх” болсон эмэгтэйчүүдийг танилцуулъя.

1. Л.Эрдэнчимэг
2. С.Цэцгээ
3. А.Алтанцэцэг
4. Д.Тунгалаг
5. Д.Мөнхөө
6. Э.Энхгэрэл
7. А.Оюун-Эрдэнэ
8. Д.Юмжирмаа
9. Д.хулан
10. Х.Зауреш
11. З.Туяа
12. Ч.Ганцэцэг
13. С.Оюун
14. А.Дулмаа

15.Б.Эрдэнчимэг

16. Г.Болор
17. Д.Гэрэл

 

 

Ц.Отгонсүрэн