Month: June 2024

Categories
мэдээ нийгэм

34 улсын 10 мянган иргэн бүртгүүлээд байна DNN.mn

УИХ-ын 2024 оны сонгуулиар гадаад дахь иргэдийн саналыг ирэх сарын 20-23-ны өдрүүдэд авна. Ингэхдээ санал өгөх хүсэлтэй иргэд урьдчилан бүртгүүлэх учиртай. Тэгвэл эл бүртгэл зургаадугаар сарын 15-ныг хүртэл буюу өнөөдөр үргэлжлээд дуусах юм. Одоогийн байдлаар 34 улсын 10 мянга 221 иргэн бүртгүүлээд байгаа аж.

Гадаад улсад байгаа иргэд хэрхэн саналаа өгөх талаар дэлгэрэнгүй мэдээллийг хүргэвэл:

УРЬДЧИЛАН БҮРТГҮҮЛНЭ

Гадаад улсад суугаа иргэдийн хувьд санал өгөх процесс нь Монгол Улсад санал өгөхөөс ялгаатай. Иргэд өөрийн суугаа орныхоо дипломат төлөөлөгчийн газар буюу салбар комисст зургаадугаар сарын 15-ны өдрөөс өмнө сонгуульд оролцохоо мэдэгдэж, сонгогчдын нэрийн жагсаалтад бүртгүүлэх хүсэлтээ гаргана. Мөн санал хураалтын өдрөөс өмнө сонгогчдын нэрийн жагсаалтад бүртгэгдсэн эсэхийг шалгах хэрэгтэй.

ДИПЛОМАТ ТӨЛӨӨЛӨГЧИЙН ГАЗАРТАА ОЧИЖ САНАЛАА ӨГНӨ

Саналын хуудсаа дугтуйлж битүүмжилнэ. Сонгогч зургадугаар сарын 20, 21, 22, 23-ны өдрүүдийн аль нэгэнд тухайн Улсынхаа цагаар 07:00-22:00 хүртэл Дипломат төлөөлөгчийн газарт байрлах санал авах байранд иргэний үнэмлэх эсвэл үндэсний гадаад паспортыг авч очин саналаа өгнө.

Санал авах байранд сонгогчийн иргэний үнэмлэх эсвэл үндэсний гадаад паспортыг сонгогчдын нэрийн жагсаалттай тулган үзэж саналын хуудас, дугтуйн хамт өгдөг. Сонгогч санал тэмдэглэх бүхээгт орж саналын хуудас дээрх зааврын дагуу саналаа тэмдэглэж дугтуйд битүүмжлээд саналын хайрцагт хийж саналаа өгнө.

УИХ-ын тогтоолоор гадаад улс дахь санал хураалтыг зургадугаар сарын 20-ны пүрэв гарагаас эхлэн 23-ны бүтэн сайн өдрийн 22:00 цаг хүртэл дөрвөн өдрийн турш санал авахаар тогтоосон. Тиймээс гадаад улсад суугаа иргэд аль боломжтой өдрөө тааруулан очиж саналаа өгөх боломжтой.

САНАЛЫН ХУУДСЫГ ХЭРХЭН ТООЛЖ, БАТАЛГААЖУУЛЖ ХҮЧИНТЭЙД ТООЦОХ ВЭ

Дипломат төлөөлөгчийн газрын дэргэдэх Салбар комисс санал хураалт дууссаны дараа битүүмжилсэн дугтуйтай саналын хуудсыг Төв комиссоор дамжуулан Сонгуулийн ерөнхий хороонд ирүүлнэ.

Сонгуулийн ерөнхий хороо гадаад улсаас ирсэн саналын хуудсыг өөрийн байранд зургадугаар сарын 28-ны өдрийн 22:00 цагаас эхлэн тоолох үйл ажиллагааг зохион байгуулна. Өөрөөр хэлбэл салбар комиссуудаас ирсэн битүүмжлэл бүхий саналын хуудсыг нэг бүрчлэн задалж, санал тоолох төхөөрөмжид уншуулан дүнг гаргадаг. Уг үйл ажиллагаанд ажиглагч, хэвлэл мэдээллийн байгууллагын төлөөллийг байлцуулан ил тод, нээлттэй явуулна.

Categories
мэдээ нийгэм

Шенгений визийн хураамж энэ сард нэмэгдэнэ DNN.mn

Шенгений визийн төлбөр зургаадугаар сарын 11-ний өдрөөс нэмэгдэнэ гэдгийг Европын комисс мэдэгдсэн.

Насанд хүрэгчдийн визийн үндсэн төлбөр 80-90 евро, хүүхдийнх 40-45 евро байсан бол удахгүй 12 хувиар нэмэгдэх төлөвтэй байна.

Энэхүү өсөлтийг Европын комисс гишүүн орнуудын инфляцтай холбон тайлбарлажээ.

Гэхдээ визийн төлбөр нэмэгдсэн ч гэлээ бусад улс орны визний хураамжтай харьцуулахад харьцангуй хямд хэвээр байна. Тухайлбал, Их Британид 134 евро, АНУ-д 185 евро, Австрали 117 еврогийн хураамж авдаг.

Шенгений орнуудад Ирланд, Кипрээс бусад Европын холбооны гишүүн орнууд багтана. Румын, Болгар нь Европын холбооны гишүүн орон мөн ч Шенгений дүрмийг хэсэгчлэн хэрэгжүүлдэг учир бүрэн бүрэлдэхүүн хэсэг нь биш юм. Харин Норвеги, Исланд, Лихтенштейн, Швейцарь улсууд нь Европын холбооны гишүүн биш боловч Шенгений бүсэд багтдаг.

Европын комисс гурван жил тутамд визийн хураамжийг дахин үнэлж, үнийг нэмэгдүүлэх боломжтой. Үүнд инфляцийн түвшин болон гишүүн орнуудын төрийн албан хаагчдын дундаж цалин нөлөөлдөг. Энэ удаагийн өөрчлөлтийг өнгөрсөн оны 12 дугаар сарын 2-нд гишүүн орнууд олонхийн саналаар дэмжиж, хоёрдугаар сарын 2-нд үнийн саналыг гаргажээ.

Нэмж дурдахад, Шенгений визийн сунгалтын хураамж 30 евро хэвээр байна гэж ГИХГ-аас мэдээллээ. 

Categories
мэдээ нийгэм

Өнөөдөр “Дэлхийн цусны донор”-ын өдөр DNN.mn

Өнөөдөр дэлхийн цусны доноруудын өдөр тохиож байна.

Энэ өдрийг хүний цусны бүлгийг нээсний төлөө 1930 онд Нобелийн шагнал хүртсэн Австрийн эмч, дархлаа судлаач Карл Ландштейнерын дурсгалыг хүндэтгэн төрсөн өдрөөр нь 2004 оноос тэмдэглэж ирсэн. Анх Дэлхийн цусны донорын өдрийг 2004 оны зургаадугаар сарын 14-нд тэмдэглэж, 2005 оноос жил бүр зохион байгуулах тухай тогтоолыг Дэлхийн эрүүл мэндийн ассамблей баталж байв.

Дэлхий дахинд жилд давхардсан тоогоор 118.4 сая цусны хандив цуглардаг байна. Үүний 40 хувь нь дэлхийн нийт хүн амын 16 хувь амьдардаг өндөр орлоготой улс орнуудад ногддог байна.

Өндөр орлоготой улсуудыг бага орлоготой улсуудтай харьцуулахад ес дахин их  хэмжээний донорын цус нөөцөлдөг аж. Одоогийн байдлаар дэлхийн хэмжээнд 70 орчим оронд 100 хувь сайн дурын авлагагүй донороос бэлтгэсэн цус цусан бүтээгдэхүүний үйлдвэрлэл хийж байгаа бол 40 гаруй төрөл төрөгсдийн болон төлбөртэй донороос цус бэлтгэсээр байгаа аж.

 Цусаа өгөхдөө,

  • Иргэний үнэмлэх болон түүнтэй адилтгах бичиг баримттай ирэх
  • Эм, тариа 10-14 хоног хэрэглэхгүй байх
  • Хоногт зургаан цагаас дээш хугацаагаар унтаж амрах
  • Согтууруулах ундааг сүүлийн гурван хоногийн дотор хэрэглээгүй байх
  • Сүү, сүүн бүтээгдэхүүн, өөх тостой хоол хүнс, өнгөтэй ундаа 1-2 хоног хэрэглээгүй байх шаардлага тавьдаг ажээ.

Донорууд цусаа тогтмол хугацаанд өгснөөр хүний биед агуулагдах илүүдэл төмрийн түвшин буурч, хорт хавдар, зүрхний шигдээс, элэг гэмтэхээс сэргийлдэг.

Categories
мэдээ нийгэм цаг-үе

Голын эрэг дагуу байрлуулсан камераар 200 метр зайд иргэдэд дуут сэрэмжлүүлэг хүргэж байна DNN.mn

Нийслэлийн Онцгой байдлын газраас Туул голын эрэг дагуу иргэдийг голын усны ослоос сэргийлэх, сэрэмжлүүлэг мэдээллийг хүргэх, зорчих хөдөлгөөнд хяналт тавьж аюулгүй байдлыг хангах зорилгоор нийгмийн хариуцлагын хүрээнд өнгөрсөн жил “Мандал даатгал” ХХК-тай хамтран Туул голын аюултай бүсүүдийг тодорхойлж, нэн шаардлагатай 5 байршилд хяналтын камер байршуулсан.

May be an image of text

Эдгээр камер нь нэг чигийн болон 360 градус эргэдэг бөгөөд километрийн радиусыг хянаж, цагаан хоолойгоор дуут сэрэмжлүүлгийг 200 метр зайд иргэдэд хүргэж байна.

Энэ жил “Их хар сүлд” ХХК-тай хамтран аюултай болон иргэд олноор зорчиж байгаа 8 байршлыг тодорхойлж, хяналтын камер суурилуулах бэлтгэл ажлын хүрээнд 13 метрийн өндөртэй 8 ширхэг шон байрлуулж, сүлжээнд холбох ажил хийгдэж байна.

Голын эрэг дагуу хяналтын камер суурилуулан, иргэдийн зорчих хөдөлгөөнд хяналт тавьж, голын усны ослоос сэргийлэх сэрэмжлүүлэг мэдээллийг газар дээр хүргэн, усны ослоос урьдчилан сэргийлэх ажилд орчин үеийн технологийг ийнхүү нэвтрүүллээ гэж Нийслэлийн Онцгой байдлын газраас мэдээллээ. 

Categories
мэдээ улс-төр

Сонгуулийн санал хураалт энэ сарын 28-нд 07:00-22:00 цагт зохион байгуулагдана DNN.mn

УИХ-ын 2024 оны ээлжит сонгуулийн санал хураалт зургадугаар сарын 28-ны өдөр 07:00-22:00 цагийн хооронд зохион байгуулагдах юм.

Энэ удаагийн сонгуульд Монгол Улсын 2,238,360 иргэн байгаагаас:

  • 26-35 насныхан 536,079,
  • 18-25 насныхан 355,533,
  • 36-45 насны 521,594, 46-55 насны 390,942,
  • 56 ба түүнээс дээш насны 434,212 иргэн байна.

Санал авах байрны хаяг:

Categories
мэдээ улс-төр

Л.Оюун-Эрдэнэ: Газрыг гадныханд өгөх оролдлогыг харин ч Ч.Хүрэлбаатар сайд зогсоож чадсан юм шүү DNN.mn

УИХ-ын ээлжит сонгуулийн хоёрдугаар тойрогт МАН-ын нэр дэвшигчид сонгуулийн сурталчилгааны нээлтээ Увс аймагт хийлээ. Нээлтэнд МАН-ын дарга, Ерөнхий сайд Л.Оюун-Эрдэнэ оролцож, нийт нэр дэвшигчдэд амжилт хүслээ.

Энэ үеэр Ерөнхий сайд Л.Оюун-Эрдэнэ нэр дэвшигч Эдийн засаг, хөгжлийн сайд Ч.Хүрэлбаатарын тухай онцлохдоо “Ч.Хүрэлбаатар сайд бол хатуу зарчимтай хүн. Улсын төсвийн зарчим алдагдах болгонд Ч.Хүрэлбаатар сайд эсрэг зогсдог. Эдийн засгийн зарчим алдагдах болгонд бас л эсрэг зогсдог. Аливаа нэгэн төсөл хөтөлбөр буруу явбал Ч.Хүрэлбаатар сайд эсрэг зогсдог. Аливаа нэг зарчим алдагдах болгонд дуу хоолойгоо илэрхийлдэг хүн. Тийм ч учраас эдийн засгийн нуралт болгоныг тэрээр зогсоож чадсан. Сахилга бат алдсан төсвийн асуудал бүрийг Ч.Хүрэлбаатар сайд цэгцэлж бас чадсан манай шилдэг эдийн засагчдын нэг. Тэрээр ийм хатуу зарчим барьдаг учраас налтай адилхан олон дайсантай. Ч.Хүрэлбаатар сайд маш олон хүнийг гомдоодог, олон хүнтэй зөрчилддөг хүн. Би ч бас тэгдэг. Энэ агуулгаараа олон нийтийн төлөө зарчим барина гэдэг бол олон дайсныг үйлдвэрлэдэг юм аа. Тиймээс Ч.Хүрэлбаатар сайд руу чиглэсэн олон улстөрчид довтолж байгаа. Энэ бүх асуудлыг цэгцлэх гэж цээжээрээ хамгаалж зогсоо. Тийм ч учраас Ч.Хүрэлбаатар сайдыг заавал ялах ёстой. Түүнтэй холбоотой газрын асуудал бол огт үндэслэлгүй, худлаа зүйл. Харин ч Ч.Хүрэлбаатар сайд газрыг гадныханд өгөх гэж байхад энэ хуулиар зогсоохыг оролдсон. Тухайн үед Давосын эдийн засгийн форумд надтай хамт явах байсан ч “Би үлдье. Энэ асуудлыг цэгцэлье. Тэгэхгүй бол болохгүй байна” гээд үлдсэн.

Тэрээр улс орны чухал төслүүдийг урагшлуулах гэж олон хүнтэй муудалцдаг. Гэхдээ дандаа Ч.Хүрэлбаатар сайдын зөв байдаг. Ингэж байж Монгол Улсын эдийн засгийн зарчим тогтдог, унасан эдийн засаг эргэж сэргэдэг. Ерөнхий сайдын эхлүүлсэн шударга ёсны тэмцэл, ялангуяа Тавантолгойн орд дээр онцгой дэглэм тогтоосон, Монгол Улс валютын нөөцгүй болчихсон байсан маш хүнд цаг үеийн хэцүү шийдвэрүүд дээр Ч.Хүрэлбаатар сайд Эдийн засаг хөгжлийн сайдын хувиар, Монгол Улсын Шадар сайдын хувиар зарчмын тулд, шударга ёсны талд чин үнэнч байсан гэдгийг би Ерөнхий сайдын хувьд батлан илэрхийлж Увсын ард түмэндээ хэлж байгаадаа баяртай байна. Ч.Хүрэлбаатар сайд руу довтлох тусам увсчууд хамгаалж, итгэлийн дэм өгөх ёстой шүү” гэлээ.

Нээлтэнд 6000 гаруй гишүүд дэмжигчид оролцлоо.

 

Б.ЗАЯА

Categories
мэдээ нийгэм цаг-үе

Орон сууцны үнэ 11.9 хувиар өсчээ DNN.mn

Mongolia, Ulaanbaatar Panorama of the city from a bird's-eye view in cloudy weather, From Drone

Нийслэлд шинэ орон сууцны үнэ өмнөх оны мөн үетэй харьцуулахад 11.9 хувиар өсөж, нэг метр квадратын үнэ дөрвөн сая төгрөг давжээ. 

Шинэ орон сууцны үнэ Баянгол болон Хан-Уул дүүрэгт хамгийн өндөр буюу мерт квадрат нь 4.1 сая төгрөгийн үнэтэй байна. Харин хуучин орон сууцны дундаж үнэ метр квадрат нь 3.9 сая төгрөг байгаа бол Сүхбаатар дүүрэгт хуучин орон сууцны үнэ хамгийн өндөр буюу 4.62 сая төгрөгийн үнэд хүрчээ.

Categories
мэдээ нийгэм цаг-үе

1126 тээврийн хэрэгсэл үйлчилгээнд ажиллаж байна DNN.mn

2024 оны зургадугаар сарын 14-ний өдрийн 09:00 цагийн байдлаар 1126 тээврийн хэрэгсэл үйлчилгээнд ажиллаж байна.

Categories
мэдээ нийгэм цаг-үе

Борооны өмнөх хүчтэй салхи, мөндөр, болзошгүй аянга цахилгааны аюулаас сэрэмжтэй байхыг анхааруулж байна DNN.mn

Малчид, иргэд, тээвэрчдийн анхааралд: 14, 15-нд баруун, төв, зүүн аймгуудын нутгийн зарим газраар дуу цахилгаантай аадар бороо орох тул борооны өмнөх хүчтэй салхи, мөндөр, болзошгүй аянга цахилгааны аюулаас сэрэмжтэй байхыг анхааруулж байна.

2024 оны зургаадугаар сарын 14-ний 08 цагаас 20 цаг хүртэл: Ихэнх нутгаар үүлшинэ. Баруун болон төвийн аймгуудын нутгийн зарим газар, зүүн аймгуудын нутгийн хойд хэсгээр бороо, дуу цахилгаантай аадар бороо орно. Салхи нутгийн зүүн хагаст баруун хойноос, бусад нутгаар баруун өмнөөс секундэд 6-11 метр, борооны өмнө түр зуур ширүүснэ. Алтай, Хангай, Хөвсгөл, Хэнтийн уулархаг нутаг, Завхан голын эх, Хүрэнбэлчир орчим, Байдраг, Туул, Тэрэлж, Хэрлэн, Онон, Улз, Халх голын хөндийгөөр 16-21 хэм, Алтайн өвөр говиор 28-33 хэм, бусад нутгаар 23-28 хэм дулаан байна.

2024 оны зургадугаар сарын 15-наас 2024 оны зургадугаар сарын 19-нийг хүртэлх цаг агаарын урьдчилсан төлөв

15-нд баруун болон зүүн аймгуудын нутгийн зарим газраар, 16-нд баруун аймгуудын ихэнх нутаг, төвийн аймгуудын нутгийн баруун хэсгээр, 17-нд баруун аймгуудын нутгийн хойд, төвийн аймгуудын ихэнх нутаг, зүүн аймгуудын нутгийн хойд хэсгээр, 18-нд баруун болон төвийн аймгуудын ихэнх нутаг, говь, зүүн аймгуудын нутгийн зарим газраар бороо, дуу цахилгаантай аадар бороо орно. Салхи ихэнх хугацаанд секундэд 6-11 метр, нутгийн зарим газраар борооны өмнө түр зуур ширүүснэ. 16, 17-нд ихэнх нутгаар, 18-нд нутгийн зүүн өмнөд хэсгээр халж, Монгол-Алтай, Хангай, Хөвсгөл, Хэнтийн уулархаг нутаг, Эг, Үүр, Туул, Тэрэлж голын хөндийгөөр шөнөдөө 5-10 хэм, өдөртөө 20-25 хэм, говийн бүс нутгийн өмнөд хэсгээр шөнөдөө 17-22 хэм, өдөртөө 31-36 хэм, бусад нутгаар шөнөдөө 11-16 хэм, өдөртөө 25-30 хэм дулаан байна.

Categories
мэдээ нийгэм

Орхоны хөндийн байгалийн цогцолборт нутагшуулсан тарваганы тоо өсчээ DNN.mn

Тарвага их өсөж байгаа газраас тарваганы тоо толгой нэн ховордсон газар нутагт сэлгэн нутагшуулах зорилгоор 2019 онд хоёр бүл, 2022 онд хоёр ширхэг цагаан тарвага авчирч нутагшуулжээ.

Одоо 100 орчим, мөн цагаан тарвага нь долоо болж өссөн байна. Тус бүс нутгуудад судалгаа шинжилгээ хийх, хулгайн анчдаас урьдчилан сэргийлэх зорилгоор хяналтын камер байршуулж эхэлснийг БОАЖЯ-наас мэдээлэв.