Month: April 2024

Өчигдөр орой Бага тэнгэрийн аманд Kia Bongo-3, Mercedes Benz G500 загварын машин мөргөлдсөн осол гарч, таван хүн гэмтжээ.

Энэ талаар ОБЕГ-аас “Хан-Уул дүүрэг, 11 дүгээр хорооны Богдхан уулын Бага тэнгэрийн ам, Дүнжингаравын гудамжны замд ачааны автомашин, суудлын автомашинтай мөргөлдөж, ачааны автомашины төмөр хийцэд нэг хүн хавчуулагдсан тухай дуудлагыг өчигдөр 16:59 цагт хүлээн авсан.

Нийслэлийн Аврах ангийн алба хаагчдыг очиход иргэн Ц-ын Kia Bongo-3 загварын ачааны автомашин, иргэн Б-ийн Mercedes Benz G500 загварын суудлын автомашинтай мөргөлдөж, ачааны автомашины жолооч 39 настай, эрэгтэй төмөр хийцэд хавчуулагдсан байсныг гаргаж, нийслэлийн түргэн тусламжийн төвийн эмч нарт хүлээлгэн өгсөн.  Улмаар иргэн Б-ийн суудлын автомашинд зорчиж явсан 7-38 насны дөрвөн хүн гэмтсэн байсныг эмнэлгийн анхан шатны тусламж үзүүлсэн” гэж мэдээллээ.

Эрдэнэт хотод орон нутгийн төсвийн 4.6 тэрбум төгрөгийн хөрөнгө оруулалтаар баригдаж шинээр ашиглалтад орж буй “Номын өргөө” цогцолбор барилгын нээлт боллоо.

Тус арга хэмжээг нээж Орхон аймгийн Засаг даргын орлогч М.Түмэнжаргал үг хэллээ. Тус нээлтийн ёслолд УИХ-ын гишүүн Д.Батлут, Соёлын яамны Соёлын бодлогын хэрэгжилтийг зохицуулах газрын дарга Д.Наранцэцэг, Америкийн Нэгдсэн Ул

Тус барилгад Орхон аймгийн Нийтийн номын сан үйл ажиллагаа явуулах бөгөөд  “Нийтийн уншлагын танхим”, “Гэрээр ном олголт-тогтмол хэвлэлийн уншлагын танхим”, “Гэр бүлийн уншлагын танхим”, “Зорилтот бүлгийн иргэдэд зориулсан уншлагын танхим”, Ганцаарчилсан байдлаар хөгжих, ном унших, эрдэм шинжилгээ судалгааны бүтээл хий VIP өрөөнүүд болон Багаар ажиллах хурал, сургалт зохион байгуулах танхимуудтай юм. Гуравдугаар давхарт байрлалтай “Америкийн төв” нь мөн уншлагын өрөө, интернет өрөө, Maker space, E-sport, сургалт, болон хөтөлбөрийн өрөөтэй бөгөөд нийт 1826.73 ам.метр талбайтай тус барилга нэг ээлжиндээ 315 хүнийг зэрэг хүлээн авч ном соёлоор үйлчлэх боломжтой аж.

Харин Эрдэнэт хотын яг төв цэгт байршилтай Нийтийн номын сангийн хуучин барилгыг цаашид “Хүүхдийн номын сан” болгох талаар Соёлын яам, орон нутгийн удирдлага, мэргэжлийн байгууллагууд санал нэгдлээ. Ингэснээр Монгол Улсын гурав дахь том хот гэгддэг Эрдэнэт хотод тулгамдаад байсан номын сангийн хэрэгцээ шаардлагыг шийдвэрлэхэд тодорхой алхам болж буй.

Орхон аймаг буюу Эрдэнэт хот нь 105.269 хүн амтай. Үүнээс 46,7 хувийг нь 19 нас хүртлэх хүүхэд залуучууд эзэлж байна. Тус аймагт одоогоор төр, хувийн хэвшлийн 40 орчим цэцэрлэгт 8789, 25 ерөнхий боловсролын сургуульд 24644 хүүхэд сурч хүмүүжиж байга бол Монгол Улсын Засгийн газраас баримталж буй бодлогын дагуу цаашид их дээд сургуулиуд, оюутнуудыг тоо нэмэгдэх хандлагатай байна.

Номын өргөө цогцолбор барилгыг түлхүүр гардуулах нөхцөлтэйгөөр “Шинжүү” ХХК 2021 оноос эхлэн барьж ийнхүү ашиглалтад хүлээлгэн өглөө.

Ус, цаг уур, орчны шинжилгээний газраас ирүүлсэн мэдээгээр гуравдугаар сараас тавдугаар саруудад ихэнх нутгаар дулаан байх төлөвтэй байна.

Түймрийн нэн аюултай үе гэж хавар гуравдугаар сарын 20-ноос зургаадугаар сар 10, намар есдүгээр сарын 20-ноос арваннэгдүгээр сарын 10 хүртэлх хугацааг хэлдэг.

Ой, хээрийн түймэр нь нэг секунд хугацаанд хоёр метрийн хурдтайгаар 360 градуст тархдаг бөгөөд хүний буруутай үйлдлээс шалтгаалж, ой хээрийн түймрийн эрсдэл бий болж, хүмүүс амь нас, эд хөрөнгөөрөө хохирох эрсдэлтэй.

Иймд түймрийн нэн аюултай улирал эхэлж байгаатай холбогдуулан хаврын хуурайшилтын үед иргэд та бүхэн нийслэлийн ногоон бүсэд дараах зүйлийг анхаарна уу.

Үүнд:

• Заасан хугацаанд аялал зугаалга хийх, ууланд алхах, шашны зан үйлийг хийхгүй байх;
• Ил гал түлэхгүй байх;
• Асаасан гал, чүдэнз, татсан тамхины галыг бүрэн унтраах;
• Халуун үнс, нурмыг ил задгай асгахгүй байх;
• Хашааныхаа өвсийг шатаахгүй байх;
• Гагнуур хийхгүй байх;
• Ойд зайлшгүй нэвтрэх тохиолдолд байгаль хамгаалагчид мэдэгдэж, ой, хээрийн түймрийн баталгааг гаргуулан авч, болзошгүй аюул ослоос урьдчилан сэргийлэхийг анхааруулж байна гэж Нийслэлийн Байгаль орчны газраас мэдээллээ.

Монголын Үндэсний Бөхийн Холбоо (МҮБХ)-ны Удирдах Зөвлөл өнгөрсөн оны тавдугаар сард хуралдаж допингийн шинжилгээнд бүдэрсэн улсын харцага Ц.Мөнхбаяр, аймгийн арслан Б.Өсөхбаяр нарын эрхийг дөрвөн жилээр хассан билээ. Эрхээ хасуулсан бөхчүүд спортын арбитрын шүүхэд хандсан юм. Шүүхээс бөхчүүдийн эрхийг сэргээх шийдвэр гаргасан ч МҮБХ ямар нэг хариу өгөхгүй байгаа аж.

Энэ талаар аймгийн арслан Б.Өсөхбаяр болон түүний гэр бүлийнхэн “Монгол Ньюс” мэдээллийн төвд сэтгүүлчдэд мэдээлэл өглөө.

Аймгийн арслан Б.Өсөхбаяр “Өнгөрсөн оны гуравдугаар сарын 24-ний өдөр бөхийн холбоо допингийн шинжилгээ авсан юм. Улмаар тавдугаар сарын 11-нд миний шинжилгээнээс хориотой бодис илэрсэн талаар мэдэгдэл ирсэн. Тодруулбал миний шинжилгээнээс предезин гэх зүрх, судасны эмийн бодис илэрсэн болохыг тогтоосон.

Энэ бодис яагаад надаас илэрсэн талаар тайлбар өгье. 2023 оны нэгдүгээр сарын 25-нд Шүүхийн Шийдвэр Гүйцэтгэх Ерөнхий Газар (ШШГЕГ)-ын харъя “Сүлд” спорт хороонд тамирчнаар орсон. Энэ үеэр эрүүл мэндийн үзлэгт орох шаардлага тавьсан. Ингээд зүрхний цахилгаан бичлэг хийлгэсэн. Шинжилгээгээр зүрхний дутагдалтай гэсэн онош тогтоож хоёр эм бичиж өгсний нэг нь предезин юм.

Эмийг эмчийн зааврын дагуу хэрэглэсэн. Тухайн үед ямар эмчилгээ хийлгэснээ системд бүртгүүлдэг тул допингийн шинжилгээний дараа ийм бичиг хийлгэх боломжгүй.

Уг эмчилгээг дуусгаад ойролцоогоор хоёр долоо хоногийн дараа допингийн шинжилгээ авах болсон тул эрх бүхий хүмүүст нь тайлбарласан. Тэгэхэд допингийн шинжилгээ өгдөг хуудас дээрээ биччих гэж гэж хэлсэн. Хуудас дээр нь ямар эм уусан, юу хэрэглэснээ бүгдийг нь бичсэн боловч үүнийг огт хэрэгсэхгүй байгаад гомдолтой байна.

Допингийн шинжилгээний дараа эмчийн шаардлагаар эм ууснаа тайлбарлахаар бөхийн холбоо нь шинжилгээ авсан байгууллагаасаа тодруул гэдэг, допингийн эсрэг төв нь холбооны захиалгаар авсан тул шийдвэрийг тэд гаргах ёстой гэдэг.

Шүүхийн шийдвэрийг эсэргүүцвэл бөхийн холбоо 21 хоногийн дотор олон улсын арбитрын шүүхэд хандах ёстой байсан ч давж заалдаагүй. Тэгэхээр шүүхийн шийдвэрийн дагуу өнгөрсөн оны арванхоёрдугаар сарын 1-нээс миний барилдах эрх сэргэх ёстой.

Үүнээс хойш удаа дараа бөхийн холбоонд барилдах хүсэлтээ өгсөн ч өнөөдрийг хүртэл хүлээж аваагүй. Спортын арбитрын шүүхийн шийдвэрийг биелүүлэхгүй байгаа тул Баянзүрх дүүргийн анхан шатны шүүхэд гомдол гаргасан. Холбооны зүгээс энэ шийдвэрийг эсэргүүцэж давж заалдсан ч шүүхээс процессын алдаа гаргасан байна гэж үзсэн. Гэтэл МҮБХ-ны зүгээс Удирдах Зөвлөл хуралдсаны дараа шийдвэр гаргана гэдэг албан тайлбартайгаар удаа дараа хойшлуулж байна.

Тиймээс иргэдэд бодит байдлыг хүргэх үүднээс сэтгүүлчдэд хандахаас өөр аргагүйд хүрлээ” гэж ярилаа.

Түүний ар гэрийнхэн нь хэрвээ асуудлыг шийдвэрлэхгүй бол тэмцлийн дараагийн хэлбэрт шилжиж Хууль зүй, дотоод хэргийн яам, Монгол Улсын Ерөнхийлөгчид хүртэл хандахаа мэдэгдлээ.

Энэ жил “УБТЗ” ХНН байгуулагдсаны 75 жилийн ой тохиож буй. Энэ хүрээнд УБТЗ нийт ажилчдынхаа цалинг ирэх зургаадугаар сарын 01-ний өдрөөс эхлэн 10 хувиар нэмэгдүүлэхээр болжээ.

Мөн үндсэн цалинг нэмэгдүүлж байгаатай холбоотойгоор санхүүгийн нэмэлт эх үүсвэрийг бүрдүүлэх зорилгоор тээвэр, зохион байгуулалтыг сайжруулж, гадаад сургалт, хурал чуулган, тэмцээн уралдаан, гадаад томилолт зэрэг арга хэмжээг хязгаарлах зэрэг орлого олох, зардал бууруулах, авлага барагдуулах ажлыг зохион байгуулахыг холбогдох албан тушаалтнуудад үүрэг болгожээ.