Month: March 2024

Categories
мэдээ нийгэм цаг-үе

Сэлбэ голын 165.020 тонн мөсийг тээвэрлээд байна DNN.mn

Сэлбэ голын урсцыг сайжруулах, шар усны үерийн эрсдэлээс сэргийлэх зорилгоор хоёрдугаар сарын 15-аас эхлэн тус голын мөсийг зөөж эхэлсэн. Энэ хүрээнд хоёрдугаар сарын 29-нөөс гуравдугаар сарын 1-нд шилжих шөнө 818 рейсээр 15,800 тонн мөсийг зөөж, Туул голын сав газарт буулгалаа.

Ийнхүү 15 хоногийн хугацаанд нийт 8251 рейсээр Сэлбэ голын 165, 020 тонн мөсийг тээвэрлээд байгаа юм. Техник хэрэгслийн хувьд 15 экскаватор, 120 хово, хоёр портер, таван ковштойгоор ажиллаж байна.

Нийслэлийн 35 байршилд халиа тошин үүсэж, шар усны үер болох эрсдэл бий болсон тул эхний ээлжид Сэлбэ, Толгойт гол болон Дэнжийн мянга орчмын 10 байршлын 25 км орчим газрын мөсийг зөөж тээвэрлэхээр төлөвлөөд буй.

Categories
мэдээ нийгэм

Н.Мөнхбат, Б.Шинэбаатар, Ч.Отгочулуу нарт холбогдох эрүүгийн хэргийг хянан хэлэлцэв DNN.mn

Сүхбаатар дүүргийн Эрүүгийн хэргийн анхан шатны шүүх Н.Мөнхбатыг үргэлжилсэн үйлдлээр нийтийн албан тушаалтан албан үүрэг, бүрэн эрх, албан тушаалын байдлаа урвуулан ашиглаж, их хэмжээний хохирол учруулсан гэмт хэрэг үйлдсэн, Б.Шинэбаатарыг нийтийн албан тушаалтан албан үүрэг, бүрэн эрх, албан тушаалын байдлаа урвуулан ашиглаж, их хэмжээний хохирол учруулсан гэмт хэрэг үйлдсэн, Ч.Отгочулууг нийтийн албан тушаалтан албан үүрэг, бүрэн эрх, албан тушаалын байдлаа урвуулан ашиглаж, их хэмжээний хохирол учруулсан гэмт хэрэг үйлдсэн гэм буруутайд тус тус тооцож,

Н.Мөнхбатыг нийтийн албанд ажиллах эрхийг 4 жилийн хугацаагаар хасаж, нийт биеэр эдлэх хорих ялыг 4 жилийн хугацаагаар, Б.Шинэбаатар, Ч.Отгочулууг нарыг нийтийн албанд ажиллах эрхийг 2 жилийн хугацаагаар хасаж, тэдгээрийн биечлэн эдлэх хорих ялыг 2 жилийн хугацаагаар тус тус тогтоож, хугацаатай хорих ялыг нээлттэй хорих байгууллагад эдлүүлэхээр тогтоож,

Иргэний хуулийн 497 дугаар зүйлийн 497.1, 510 дугаар зүйлийн 510.1-д иргэний хариуцагч Худалдаа хөгжлийн банкнаас 4.953.954.890.35 төгрөгийг гаргуулан Хөгжлийн банканд олгож, Хөгжлийн банкны нэхэмжлэлээс 29.596.480.656 төгрөгийг хэрэгсэхгүй болгож, шүүгдэгч Б.Шинэбаатар, Ч.Отгочулуу, Н.Мөнхбат нар, иргэний хариуцагч “Дархан төмөрлөгийн үйлдвэр” ХК нь бусдад төлөх төлбөргүй, “Мон Лаа” ХХК нь хохирлоо нөхөн төлсөн болохыг дурдаж шийдвэрлэжээ.

Дээрх анхан шатны шүүхийн шийдвэрийг эс зөвшөөрч шүүгдэгч Н.Мөнхбат, Ч.Отгочулуу, Б.Шинэбаатар, тэдгээрийн өмгөөлөгчид Ч.Хүрэлбаатар, Н.Цэцэгмаа, Б.Баяраа, Л.Дашравдан, хохирогч, иргэний нэхэмжлэгч “Хөгжлийн банк”-ны итгэмжлэгдсэн төлөөлөгч Д.Оргил, Э.Саранболор нарын өмгөөлөгч Г.Золзаяа, хохирогч, иргэний нэхэмжлэгч “Хөгжлийн банк”-ны гүйцэтгэх захирлын үүргийг гүйцэтгэгч Ж.Батаа, иргэний хариуцагч “Худалдаа хөгжлийн банк”-ны итгэмжлэгдсэн төлөөлөгч Л.Анхбаяр нарын гаргасан давж заалдах гомдлуудаар хэргийг Нийслэлийн Эрүүгийн хэргийн давж заалдах шатны шүүх 2024 оны 2 дугаар сарын 29-ний өдөр хянан хэлэлцэв.

Анхан шатны шүүх хэргийг хянан шийдвэрлэхдээ шүүгдэгч нарын гэмт хэрэг үйлдсэн гэм буруугийн үйлдэлд хууль ёсны үндэслэлтэй дүгнэлт хийсэн байна.

Харин анхан шатны шүүх Н.Мөнхбатын гэм буруугийн асуудлыг дүгнэхдээ түүнийг гэмт хэрэг үйлдэхдээ үргэлжилсэн үйлдлээр үйлдсэн гэж дүгнэсэн атлаа ял шийтгэл оногдуулахдаа үйлдэл тус бүрд нь ял оногдуулж, нэмж нэгтгэсэн нь Эрүүгийн хуулийг буруу хэрэглэсэн зөрчил гаргасан, Б.Шинэбаатар, Т.Отгочулуу нарын хувийн байдлыг харгалзан үзэж тэдгээрт оногдуулсан ял шийтгэлд зохих өөрчлөлтүүдийг оруулах нь зүйтэй гэж давж заалдах шатны шүүх бүрэлдэхүүн дүгнэв.

Учир нь “Н.Мөнхбатыг 2015 оны Эрүүгийн хуулийн тусгай ангийн 22.1 дүгээр зүйлийн 2 дахь хэсэгт зааснаар нийтийн албанд ажиллах эрхийг 2 жилийн хугацаагаар хасаж, 2 жилийн хугацаагаар хорих, мөн 2015 оны Эрүүгийн хуулийн тусгай ангийн 22.1 дүгээр зүйлийн 2 дахь хэсэгт зааснаар нийтийн албанд ажиллах эрхийг 2 жилийн хугацаагаар хасаж, 2 жилийн хугацаагаар хорих ял тус тус оногдуулж, дээрх ялуудыг нэмж нэгтгэн нийт нийтийн албанд ажиллах эрхийг 4 жилийн хугацаагаар хасаж, 4 жилийн хугацаагаар хорих” гэснийг “Шүүгдэгч Н.Мөнхбатыг 2015 оны Эрүүгийн хуулийн тусгай ангийн 22.1 дүгээр зүйлийн 2 дахь хэсэгт зааснаар нийтийн албанд ажиллах эрхийг 2 жилийн хугацаагаар хасаж, 2 жилийн хугацаагаар хорих ял…” гэж,

“Б.Шинэбаатар, Ч.Отгочулуу нарыг 2015 оны Эрүүгийн хуулийн тусгай ангийн 22.1 дүгээр зүйлийн 2 дахь хэсэгт зааснаар нийтийн албанд ажиллах эрхийг 2 жилийн хугацаагаар хасаж, 2 жилийн хугацаагаар хорих” гэснийг “Б.Шинэбаатар, Ч.Отгочулуу нарыг 2015 оны Эрүүгийн хуулийн тусгай ангийн 22.1 дүгээр зүйлийн 2 дахь хэсэгт зааснаар нийтийн албанд ажиллах эрхийг 2 жилийн хугацаагаар хасаж, 20.000 нэгжтэй тэнцэх хэмжээний буюу 20.000.000 төгрөгөөр торгох” гэж тус тус хөнгөрүүлэн өөрчилж, Н.Мөнхбатад оногдуулсан нийтийн албанд ажиллах эрхийг 2 жилийн хугацаагаар хасах нэмэгдэл ялыг үндсэн ялыг эдэлж дууссан үеэс эхлэн,

Б.Шинэбаатар, Ч.Отгочулуу нарт оногдуулсан нийтийн албанд ажиллах эрхийг 2 жилийн хугацаагаар хасах нэмэгдэл ялыг торгох ял оногдуулсан үеэс эхлэн тоолохоор тус тус шийдвэрлэсэн.

Тойм бэлтгэсэн: Нийслэлийн Эрүүгийн хэргийн давж заалдах шатны шүүхийн шүүгч О.Чулуунцэцэг

Categories
мэдээ спорт

Л.Сосорбарам Ташкентын “Их Дуулга”-аас хүрэл медаль хүртжээ DNN.mn

Узбекистаны Ташкент хотод өнөөдөр эхэлсэн жүдо бөхийн Их Дуулга тэмцээний эмэгтэйчүүдийн 52 кг-д барилдсан Л.Сосорбарам хүрэл медаль хүртлээ.

Энэ жинд 31 орны жүдочид зодоглосноос Л.Сосорбарам эхний тойрогт хийлээд хоёрын даваанд Германы жүдоч Маша Боллхаусыг, гуравдугаар тойрогт Мексикийн Паулина Мартинесийг, хэсгийн аваргын төлөө Киприйн София Асвестаг ялсан.

Харамсалтай нь медалийн төлөө Узбекистаны Жураева Гулхад дийлдэв. Ингээд хүрлийн төлөө Японы Кокоро Фүжиширог ялснаар IJF-ийн цуврал тэмцээнээс зургаа дахь медалиа авлаа. Тэрбээр өмнө нь гурван мөнгө, хоёр хүрэл медальтай байсан юм.

Ташкентын тэмцээний эхний өдөр манай бусад жүдочдын хувьд медаль авч чадсангүй.

Эмэгтэйчүүдийн 48 кг-д өрсөлдсөн Б.Баасанхүү хэсгийн аварга болсон ч медалийн төлөөх барилдаанд дараалан хоёр ялагдсанаар шагналт байранд оров.

Categories
мэдээ нийгэм

Өнөөдөр Төв аймгийн Баян сумын түүхт 100 жилийн ойд зориулсан 128 бөхийн барилдаан болно DNN.mn

Өнөөдөр буюу гуравдугаар сарын 02-ны 13:00 цагаас Төв аймгийн Баян сумын түүхт 100 жилийн ойд зориулсан улс, аймгийн цолтой хүчит 128 бөхийн барилдаан болно.

Харин маргааш гуравдугаар сарын 03-ны ням гарагт 13:00 цагаас болох Монгол Улсын начин Д.Багахүүгийн нэрэмжит улс, аймгийн алдар цолтой 128 бөхийн барилдаан тус тус болно.

Categories
мэдээ нийгэм

Зудтай аймаг, сумдад 318 резидент эмчээр хүч нэмэгдүүлэв DNN.mn

Эрүүл мэндийн сайд С.Чинзориг “Өвөлжилт, хаваржилтын байдал хүндэрсэнтэй холбогдуулан авах арга хэмжээний тухай” тушаал гаргаж нийт нутгаар хаваржилт хүндэрч, улсын болон эрүүл мэндийн салбарын хэмжээнд гамшгаас хамгаалах өндөржүүлсэн бэлэн байдлын зэрэгт шилжүүлсэнтэй холбогдуулан зудын нөхцөлд байгаа аймаг, сумдын иргэдэд эрүүл мэндийн тусламж үйлчилгээг тасралтгүй хэвийн үзүүлэх зорилгоор ЭМЯ-ны харьяа төгсөлтийн дараах сургалт эрхлэх байгууллагад суралцаж байгаа резидент эмч нарыг  гуравдугаар сарын 1-нээс дөрөвдүгээр сарын 15-ныг хүртэл хугацаанд харьяа орон нутагт нь ажиллуулахаар шийдвэрлэсэн.

Улсын хэмжээнд 21 аймгийн 266 суманд зудын байдалтай байгаа бөгөөд зудтай газруудад амьдарч буй малчдад эрүүл мэндийн тусламж үйлчилгээ үзүүлэхэд орон нутгийн эмч нарын хүч дутагдаж байгаа тул резидент эмч нарыг харьяа аймгуудад нь ажиллуулах юм.

Орон нутагт ажиллах резидент эмч нарын судалгааг Эрүүл мэндийн хөгжлийн төвөөс гаргасан судалгаагаар 20 гаруй үндсэн мэргэшлийн 318 резидент зудтай аймаг, сумдад ажиллах бөгөөд тэднийг ажиллах хугацаанд үндсэн цалин, Улаанбаатар хотоос аймгийн төв хүртэлх замын зардал болон томилолтын мөнгийг нэмэлтээр тооцож өгөхөөр шийдвэрлэсэн байна.

Мөн энэ тушаалаар Эмнэлгийн мэргэжилтний 2024 оны мэргэшлийн зэргийн шалгалт, төгсөлтийн дараах төрөлжсөн мэргэшлийн болон мэргэжил дээшлүүлэх сургалтыг гамшгаас хамгаалах өндөржүүлсэн бэлэн байдлын зэргийг цуцалсны дараа эхлүүлэхээр зохион байгуулахыг Эрүүл мэндийн хөгжлийн төвд даалгасан гэж Эрүүл мэндийн яамнаас мэдээллээ. 

Categories
мэдээ нийгэм цаг-үе

Музейн нэгдсэн хөтөлбөр DNN.mn

“Музейн нээлттэй өдрүүд”-ээр төрийн болон орон нутгийн өмчийн 35 музей, орон нутаг судлах 270 музейн 800 орчим ажилтан албан хаагчид энэ сарын 1-ээс 7-ны өдрүүдэд тусгай үзэсгэлэн, музейн боловсролын хөтөлбөр, хүүхэд багачуудын насны онцлогт тохирсон боловсролын хөтөлбөр, гэр бүлд зориулсан хөтөлбөрийг нийтэд үнэ төлбөргүй зохион байгуулж байна.

Categories
мэдээ нийгэм цаг-үе

“Хөх сувд” мөсний баяр эхлэхэд бэлэн боллоо DNN.mn

“Хөх сувд” мөсний баяр эхлэхэд бэлэн боллоо.

Categories
мэдээ нийгэм цаг-үе

“Малчин түмэндээ тусалъя” хандивын барилдаанд О.Хангай аварга түрүүллээ DNN.mn

Монголын Үндэсний Бөхийн Холбооноос цаг үеийн хүндрэлтэй байдал үүсэж, цас зудын бэрхшээл тулгарсан малчдадаа туслахаар зохион байгуулсан“Малчин түмэндээ тусалъя” хандивын Улс аймгийн алдар цолтой 128 бөхийн барилдаан амжилттай сайхан болж өндөрлөлөө. Уг барилдаанд Ховд аймгийн Буянт сумын харьяат, Говь-Алтай аймгийн Жаргалан сумын уугуул, “Аврагч” спорт хороо, “Од” групп, “Их Монгол” сан, “Эм Жи Ө транс” ХХК, “Ховд” дэвжээний бөх, улсын аварга Оргихын Хангай түрүүлж, Ховд аймгийн Зэрэг сумын харьяат, “Аврагч” спорт хороо, “Монтед” констракшн, “Өнө мөнх хөгжил Констракшн” ХХК, “Валькан” групп, “Ховд” дэвжээний бөх, улсын заан Баярхүүгийн Бат-Өлзий үзүүрлэв.

May be an image of 8 people and text

Дөрөвт Булган аймгийн Сайхан сумын харьяат, Алдар спорт хороо, Булганхангай дэвжээний бөх, аймгийн арслан Н.Намнансүрэн, Архангай аймгийн Тариат сумын харьяат, “Алдар” спорт хороо, “Очирням” ХХК,  “Хүннү Шоес” ХХК, “Бөхбилэгт” дэвжээний бөх, цэргийн заан Ө.Батсуурь нар шалгарлаа.
Наймд улсын заан Д.Анар, улсын начин Д.Амаруаргал, аймгийн арслан Т.Довчинсэмбээ, аймгийн арслан Л.Энхсаруул нар үлдэв.

Энэхүү барилдааны үеэр үзэгчдээс АВТОМАШИНы азтан нэг, бүтэн жилийн хугацаанд бөхийн барилдаан үзэх эрхийн бичгийн азтан гурвыг тус тус тодруулсан бөгөөд бөх үзэх эрхийн бичгийн азтанаар ..Нарангарав, Ховд аймгийн Булган сумын харъяат Б.Ууганбаяр, Завхан аймгийн Тосонцэнгэл сумын харьяат Ц.Ганбат нар тодорсон бол супер азтан буюу Автомашины эзнээр Увс аймгийн Өлгий сумын харьяат, О.Лутсайхан тодорч Япон суудлын автомашины түлхүүрээ гардаж авлаа.

Барилдааны бүх орлогыг нэгтгэн нээлттэй танилцуулж, Улсын онцгой комисст хүлээлгэн өгөх бөгөөд бөхийн өргөөнд хүрэлцэн ирж хандив өргөсөн бөхийн дэвжээд, бөхчүүд, бөхийн зүтгэлтэн, дэмжигч, үзэгчдэдээ бүгдэд нь МҮБХ-ноос батламж гардуулсан юм.

Энэхүү барилдааны шууд дамжуулалтын үеэр телевизийн эфирт байршуулсан МҮБХ-ны дансанд чин сэтгэлийн хандиваа харамгүй илгээсэн үзэгч олон болон хүрэлцэн ирж хандив өргөсөн бөхийн дэвжээд, бөхчүүд, бөхийн зүтгэлтэн, дэмжигчид, өнөөдрийн барилдаанд зодоглож давааны мөнгөө хандивласан бөхчүүд, ажлын хөлсөө хандивласан жаяг дэгийн багийнхан, тасалбар  худалдан авч бөхөө үзэнгээ хандивт оролцсон үзэгчид та бүхэндээ бүгдэд нь ГҮН ТАЛАРХАЛ илэрхийлье.

Мөн хамтран ажиллаж, тус барилдааныг эх орон даяар шууд дамжуулсан “TV9” телевиз, Үндэсний олон нийтийн радио телевиз, Үндэсний “Малчин” телевизийн хамт олондоо баярлалаа.

Удахгүй Хандивын барилдааны дэлгэрэнгүй тайланг хүргэх болно.

Categories
мэдээ нийгэм нүүр-хуудасны-онцлох онцлох-нийтлэл туслах-ангилал

Төлөвшсөн хүн сошиалд амьдралаа ярьдаггүй DNN.mn

Хувь хүнээс бие хүн болж төлөвших явдал өнөөдрийн нийгэмд маш чухал эрдэм гэдгийг нийгэм, сэтгэл судлалын салбарын мэргэжилтнүүд онцолдог. Бие хүнийг хувийн сэтгэл зүйн өвөрөмц онцлог бүхий, хүрээлэн буй орчиндоо хандах хандлагаа ухамсарласан, нийгмийн харилцааны объект ба субьект гэж сэтгэл судлалын ухаанд тодорхойлдог. Боловсрол олгож хүмүүжүүлэх замаар бие хүн төлөвшинө.

Товчхондоо төлөвшсөн бие хүн гэдэг олны дунд өөрийгөө соёлтой, ёс зүйтэй аваад явчихдаг. Хэлэх үг, хийх үйлдлээ цэгнэдэг. Энэ нь өөрөө хүний заяагдмал нэр төр, алдар хүндтэй шууд холбогддог. Ёс зүй, ёс суртахуунтай ч холбон тайлбарлаж болох юм. Ялангуяа нийтээрээ сошиал сүлжээний хараат болсон өнөө үед монгол хүний, залуу үеийн төлөвшил ямар хэмжээнд явааг тод томруунаар харуулдаг болжээ.

Сүүлийн жишээ гэхэд, нэгэн бүсгүй гэртээ эзэгтэй хүнийхээ үүргийг хэрхэн яаж гүйцэтгэдэг талаар ярьсан бичлэг фэйсбүүкт түгж, олны анхааралд өртөв. Бичлэгийг харсан хүмүүс өөр өөрийн өнцгөөр тайлбарлан зарим нь магтаж, зарим нь шүүмжилсээр байна. Анхаарал татсан нэг зүйл нь олны өмнө үг хэлээ цэгнэх, гэр бүлийн орчин нөхцөл, харилцаанаас юуг дэлгэж, юуг үлдээж болох тухай ойлголт, хандлага заримд маань ямар их алсарч, ховордоо вэ гэдэг асуулт урган гарч ирэх аж. Төлөвшил гэдэг зүйл ерөөсөө л энэ.

Зөвхөн энэ кейсээр тогтохгүй олон нийтийн сүлжээнд аж амьдралаа дэлгэдэг явдал манайд хавтгай болчихсон. Хосууд сайндаж муудахаас эхлээд салах хүртлээ бүхий л үг, үйлдлээ уралдан ярьдаг жишиг ч бий болчихлоо. Эдгээр үйлдлүүд нэг ёсондоо тэднийг төлөвшөөгүй хүмүүс гэдгийг харуулж байдаг.

Төлөвшөөгүй хүмүүс нийгэмд хортой. Тэд гэр доторх хувь хүнийхээ зан харилцааг ямар ч цензургүйгээр ил гаргаж, нийгэмд шууд болон шууд бусаар сөрөг нөлөөллийг бий болгож байдаг. Тиймээс нийтийн бие хүний төлөвшил, ёс суртахуунд санаа тавих цаг хугацаа хэдийнэ ирж, хаалга цохьж эхэлжээ

Categories
мэдээ нийгэм нүүр-хуудасны-онцлох онцлох-нийтлэл туслах-ангилал

Ж.Чинбүрэн: Агуулахад хугацаа нь дууссан тариагаар хэрх өвчнийг эмчилж болох байсан DNN.mn

УИХ-ын гишүүн, Эмийн үнийн өсөлт, чанарыг хянан шалгах үүрэг бүхий түр хорооны дарга Ж.Чинбүрэнгээс дараах тодруулгыг авлаа.

-Түр хорооноос өнөөдөр (өчигдөр) Эмийн хяналтын лабораторид шалгалт хийсэн. Нөхцөл байдал ямар байна вэ?

-Эмийн үнийн өсөлт, чанарыг хянан шалгах түр хорооноос Монгол Улсад борлуулагдаж байгаа эмийн чанарыг шалгадаг нэгдсэн лабораторид өнөөдөр/өчигдөр/ ажиллалаа. Манай хянан шалгагч, шинжээч нар өмнө ажиллаж байсан юм. Харин нөхцөл байдалтай очоод танилцахад музей шиг л болчихсон байна. Азийн хөгжлийн банкны санхүүжилтээр нэг сая гаруй ам.доллараар 2013 онд нарийн тоног төхөөрөмжүүд суурилуулсан. Гэвч үүнээс хойш тоног төхөөрөмжийн шинэчлэл огт хийгдээгүй 11 жил болсон байна. Дээрээс нь урсгал зардал, хүчин чадал, хүний нөөц хангалттай биш. Мөн хуучин Хабул гээд хүнсний аюулгүй байдлын лавлагаа лабораторийн бараг хажуу өрөөнд нь байгаа мэт нөхцөл байдал үүссэн байна. Дэлхий даяар өнөөдөр эм, эмнэлгийн хэрэгслийн хөгжил дэвшил их хурдацтай болсон. Гэтэл тэр бүрийг нь үзэж, шалгах боломж хязгаарлагдмал байна. Маш чухал шинжилгээ хийдэг гурван аппаратын хоёр нь ажиллагаагүй болсон. Эмийн чанарыг шалгадаг лаборатори маань ийм байхад яах юм бэ.

-Тэгэхээр одоо манай улсад худалдаалж байгаа эмийн чанарт итгэж болох юм уу?

-Яах вэ, одоо бол ажиллаж л байна. Бүр зогсчихоогүй. Ер нь нэг эс үйлдлээр Монгол Улсын эмийн чанарыг сул байлгах, чанаргүй байлгаж гадагшаа эмчлүүлэх урсгалыг дэмжих далд бодлого байдаг юм биш биз дээ гэсэн хардлага надад төрөөд байгаа юм. Засгийн газрын албан мэдээнээс харахад жилдээ ойролцоогоор 450 сая ам.доллараар монголчууд гадагшаа эмчилгээнд явж байна гэсэн байсан. Үүнийг зогсоох гээд эрүүл мэндийн салбарынхан чамгүй л хичээж байгаа. Эндээс эмийг чанаргүй байлгах сонирхол хэнд байгаа юм гэсэн асуулт гарч ирнэ. Энэ лабораторийн ажилтнуудын ярьж байгаагаар жилдээ 1.2 тэрбум төгрөгийн урсгал зардлын санал төсөвт өгдөг. Гэтэл 200 сая төгрөг болоод орж ирдэг гэж байсан. Уг газар чинь 27 мянган дээжид шинжилгээ хийдэг. Ингээд урвалж бодисууд нь хүрэхгүй. Ийм байдалтай бид эмийн чанар ярина гэдэг үнэхээр харамсалтай. Тиймээс бид нийтийн сонсгол дээр энэ сэдвийг тусгайлан авч үзэж хийнэ. Нотлох баримтууд гаргаж ярина.

-Сонсгол хэзээ болох вэ. Тов нь гарсан уу?

-Бид ирэх сарын сүүлийн долоо хоног гэж төлөвлөж байгаа. Гэхдээ бид чинь зах зээл дээр өргөн хэрэглэгддэг 10 гаруй эмийн чанарыг шалгаж байгаа учраас үүний хариуг хүлээж байна.

-Дотооддоо чанарыг нь шалгаж байгаа юу. Эсвэл гадагшаа явуулсан уу?

-Дотооддоо шалгаж байгаа. Гадагшаа явуулахаар өртөг нь маш өндөр гарч байна. Нийтдээ 40-90 мянган ам.доллар болно. Манай УИХ-ын Тамгын газарт ийм хэмжээний төсөв байхгүй. Хоёрдугаарт, цаг хугацаа их орно. Тийм болохоор ямар ч байсан эх орондоо байгаа чанарыг шалгах лабораторийн хэмжээнд шалгая гэж байгаа юм. Одоо байгаа хэмжээнд эмийн доторх орц найрлага бүрэн байна уу. Үйлчилгээтэй эмийн агууламж нь хүрэлцээтэй байна уу гэдгийг шалгах хэмжээнд хийнэ.

-Түр хороо өнгөрсөн долоо хоногт эм, эмнэлгийн хэрэгслийн агуулахаар явсан. Гэтэл ковидын үед хэрэглэж байсан асар үнэтэй эм, тарианы хугацаа нь дуусчихсан байсан гэх мэдээлэл гарсан?

-Бид эм, эмнэлгийн хэрэгслийн нэгдсэн агуулахаар очсон. Уг нь энэ их зөв зүйл барьсан юм. Цар тахлын үед бид чинь амны хаалт, халад ч үгүй байлаа шүү дээ. Монгол Улсад ямар ч нөөц байгаагүй. Харин нөөц агуулахтай болсон нь их сайн хэрэг. Харамсалтай нь тус агуулах маань ухаалаг систем алга. Агуулж байгаа бүтээгдэхүүний аль нь, хэзээ хугацаа нь дуусч байгааг мэдээлдэг тогтолцоог яагаад хийгээгүй юм бэ. Нийтдээ гурван сая орчим ам.доллараар барьсан том төсөл дотроо ухаалаг системийг суулгачихаж болоогүй юм уу. Бид үүнийг шалгаж байна. Асууна, тодруулна.

Дээрээс нь нотлох баримт цуглуулна. Хоёрдугаарт, цар тахлыг бид гарз хохирол багатай давсан нэг том давуу тал нь вакцин, хэрэгцээт эм, тарианы хүрэлцээ хангалттай байсан. Тэр дотроо Тоцилизумаб гэдэг чухал тариаг үйлдвэрээс нь их боломжийн үнээр авч чадсан. Мөн Моноклонал антибоди гэдэг тариа байна. Энэ бол уушгины хатгалгаа хүндэрч байгаа хүмүүст хийхэд дархлаа дарангуйлж, үрэвслийн явцыг сааруулаад хүний амийг аврах боломжтой. Нэлээн өртөг өндөртэй тарианы хугацаа 2023 оны есдүгээр сард дуусчихсан тэр агуулахад байна. Гэтэл Засгийн газар цар тахал дууслаа гэдгийг 2022 оны хоёрдугаар сарын 14-нд зарласан. Жил таван сарын хугацаанд үүнийг өөр өвчтэй хүмүүст яагаад хэрэглэсэнгүй вэ. Дэндүү харамсалтай.

-Тухайлбал, өөр ямар өвчинд хэрэглэж болох вэ?

-Үе мөч хавагнах, улайх, үрэвсдэг хэрх гэж өвчин байдаг. Үүнд маш чухал, өргөн хэрэглэдэг. Харамсалтай нь үнэтэй. Тэгээд өвчиндөө шаналж байгаа хүмүүс энэ тариаг гадаад руу захиж авчирдаг.

-Гэтэл агуулахад хугацаа нь дуусчихсан хэвтэж байдаг?

-Харин тийм. сая теле-визээр Эрүүл мэндийн сайдын зөвлөхийн ярьж байгааг би сонслоо. Арай л доромжилсон маягтай зүйл ярьж байна. Цар тахлын үед буу зэвсгээ бид хэчнээнийг авахаа тоолж мэдэхгүй. Тэгээд сум нь хүрэхгүй бол дутуу авлаа гэж загнана. Харин илүү авчихаар илүү авлаа гээд байх юм гэсэн утгатай зүйл хэлнэ лээ. Асуудал үүндээ биш. Илүү авч болно. Өөр өвчинд хэрэглэж болдог юм бол илүү гарсныгаа тэр өвчтэй хүмүүст нь өг л дөө. Тэр өвчнийг эмчилдэг эмнэлгүүдэд тараагаад өгөх хэрэгтэй. Энэ бол үнэхээр сэтгэл дутсан хэрэг. Арай л увайгүй байна. Эмч хүний хувьд надад үнэхээр харамсалтай байгаа.

Т.ХӨВСГӨЛ