Month: November 2023

Categories
мэдээ цаг-үе эдийн-засаг

Ипотекийн 552.4 тэрбум төгрөгийн зээлийг 5266 зээлдэгчид олгожээ DNN.mn

Ипотекийн хөтөлбөрийн хүрээнд банкууд, Монголбанк болон өөрийн эх үүсвэрээр 2023 оны 10 дугаар сарын 23-ны өдрийн байдлаар нийт 552.4 тэрбум төгрөгийн зээлийг 5266 зээлдэгчид олгожээ. Үүнээс

  • Улаанбаатарт 398.7 тэрбум төгрөгийн зээлийг, 3332 өрхөд,
  • Орон нутагт 153.7 тэрбум төгрөгийн зээлийг 1934 өрхөд олгоод байна.

2022 оны мөн үед хөтөлбөрийн хүрээнд 532.4 тэрбум төгрөгийн зээлийг 5895 өрхөд олгосон бөгөөд үүнээс Улаанбаатарт 436.4 тэрбум төгрөгийн зээлийг 4422 өрхөд, орон нутагт 96.0 тэрбум төгрөгийн зээлийг 1473 өрхөд олгожээ.

Ипотекийн зээл олголт Улаанбаатарт 37.7 тэрбум төгрөгөөр буурч, орон нутагт олгосон зээл 57.3 тэрбум төгрөгөөр өссөн байна. Орон нутгийн ипотекийн 3 хувийн хөнгөлөлттэй зээлийн хүсэлтийн хүрээнд 2023 оны эхнээс 10 дугаар сарын 23-ны өдрийн байдлаар нийт 32.6 тэрбум төгрөгийн зээл олгосон байна.

Урьдчилгаа төлбөрийн батлан даалтын сангийн хүрээнд нийт 7.9 тэрбум төгрөгийн, 97 өрхийн зээл олгож, 1.4 тэрбум төгрөгийн батлан даалт гаргасан байна.

Categories
мэдээ нийгэм цаг-үе

ЭМЯ: PM2.5 нарийн ширхэгт тоосонцор шүүх зориулалтын шүүлтүүртэй амны хаалт зүүж хэвшээрэй DNN.mn

Хүйтний улирал эхэлсэн холбоотойгоор агаарын бохирдол нэмэгдэж, Эрүүл мэндийн яамнаас утаанаас сэргийлж амны хаалт заавал зүүхийг уриаллаа.

Иргэн та агаарын бохирдол, нүүрсний утаа ихсэж буйтай холбогдуулан гадуур гарахдаа PM2.5 нарийн ширхэгт тоосонцор шүүх зориулалтын шүүлтүүртэй амны хаалт зүүж хэвшээрэй.

Categories
мэдээ улс-төр

Япон улсаас Монгол Улсад суугаа Элчин сайд Кобаяши Хироюкийг Алтан гадас одонгоор шагнажээ DNN.mn

Монгол Улсын Ерөнхийлөгч У.Хүрэлсүх Япон Улсаас Монгол Улсад суугаа Элчин сайд Кобаяши Хироюкийг эх орондоо бүрмөсөн буцахтай нь холбогдуулан өчигдөр хүлээн авч уулзав.

Монгол Улсын Ерөнхийлөгч хоёр улсын хооронд дипломат харилцаа тогтоосны 50 жилийн ойн хүрээнд Япон Улсад хийсэн төрийн айлчлалын дүнгээр талууд Стратегийн түншлэлийг шат ахиулж, “Энх тайван, хөгжил цэцэглэлтийн төлөөх Тусгай стратегийн түншлэл”-ийн өндөр түвшинд гүнзгийрүүлэн хөгжүүлэхээр тохирсныг энэ үеэр тэмдэглэн хэллээ.

Элчин сайд Монгол Улсад ажиллах хугацаандаа харилцаа, хамтын ажиллагааг өргөжүүлэн бэхжүүлэх, ялангуяа харилцааг шат ахиулахад онцгой хувь нэмэр оруулсныг мөн онцлов.

Сүүлийн жилүүдэд хоёр улсын харилцаа, хамтын ажиллагаанд томоохон ахиц дэвшил гарсныг Элчин сайд Кобаяши Хироюки тэмдэглэж, цаашид харилцааг бүх салбарт улам өргөжүүлэн хөгжүүлэхийн төлөө өөрөөс шалтгаалах бүхнээ зориулахаа илэрхийлэв.

Ерөнхийлөгч У.Хүрэлсүх хоёр орны харилцаа, хамтын ажиллагааг хөгжүүлэх, “Энх тайван, хөгжил цэцэглэлтийн төлөөх Тусгай стратегийн түншлэл”-ийн үйл ажиллагааны хөтөлбөр боловсруулсан хувь нэмэр, хүчин чармайлтыг нь үнэлж Элчин сайдыг Алтан гадас одонгоор шагналаа.

Элчин сайд Кобаяши Хироюки өнгөрсөн хугацаанд бүх талын дэмжлэг үзүүлж байсан Монгол Улсын төр, засаг болон ард түмэнд чин сэтгэлийн талархал илэрхийлэв гэж Ерөнхийлөгчийн Тамгын Газраас мэдээлэв.

Categories
гадаад мэдээ

Аль-Шифа эмнэлгийн доорх туннел DNN.mn

Израилийн эрх баригчид  Газын зурваст палестинчуудад зориулан өөрсдийн барьж өгсөн хамгийн том  Аль-Шифа эмнэлгийн доор ХАМАС-ын ухсан 55 метр урт туннелийг харуулсан дүрс бичлэгийг олон нийтийн сүлжээнд тавьж,  үүнийг нь барууны  хэвлэл, мэдээллийн хэрэгслүүд дэлхий нийтэд шууд мэдээлсэн юм. Гэтэл ХАМАС-ын удирдлагууд энэ бүхнийг няцаан мэдэгдэл хийсэн юм. Иймээс  Израилийн батлан ​​хамгаалах хүчний Аюулгүй байдлын албаны дарга Шин Бет “Аль-Шифа эмнэлгийн доор байрлах алан хядагчдын туннелийн бусад фото зургууд болон  дүрс бичлэгийг олон нийтийн сүлжээнд нэж тавьж байна” гэж мэдэгджээ. Энэхүү    мэдээг оросоор интернетийн  https://nv.ua/world/countries/cahal-pokazal-odin-iz-tonneley-hamas-pod-bolnicey-al-shifa-video-novosti-izrailya-50369544.html хаягаар,  бичлэгийг англиар https://twitter.com/i/status/1726284807351472556гэсэнхаягаар Х сүлжээнд  орж үзэж  болох аж.

Израилийн зэвсэгт хүчин ХАМАС-ын олон  дайчдыг устгаж байгаа ч тэдний амь үрэгдсэн  зургийг нийтлэлгүй, НҮБ-ын холбогдох конвенцийн заалтыг  баримталж байгаа бол ХАМАС-ын дайчид үүнийг нь Изриаль манай дайчдыг устгаж чадахгүй байна хэмээн сурталдсаар байгаа юм.

 

Г.АМАРСАНАА

Categories
мэдээ нийгэм цаг-үе

2023 оны хоёр дахь Элсэлтийн Ерөнхий Шалгалтын хуваарь DNN.mn

2023 оны хоёр дахь Элсэлтийн Ерөнхий Шалгалтыг ирэх сарын 7-10-нд зохион байгуулахаар товложээ.

Шалгалтад ирэхдээ дараах материалыг бүрдүүлсэн байна.

Үүнд:

  • Иргэний үнэмлэх болон түүнтэй дүйцэхүйц баримт бичиг
  • Бүртгэлийн хуудас
  • Суудлын хуваарь
  • Бүрэн дунд боловсролын гэрчилгээ

Шалгуулагч нь шалгалтад дээр заасан баримт бичгээс өөр эд зүйл буюу ном, дэвтэр, бугуйн цаг, ноорог цаас, тооны машин, томьёоны хураангуй, бал, гар утас зэргийг авч орохыг хориглоно.

Categories
мэдээ нийгэм

Сайд асан Д.Эрдэнэбат, Б.Болор нарын 20 хүнд холбогдох хэргийн шүүхийн урьдчилсан хэлэлцүүлгийг хойшлууллаа DNN.mn

“Эрдэнэт” үйлдвэрийн 49 хувийн хувьчлал, “Хөтөл цемент шохой” үйлдвэр, Дарханы төмөрлөгийн үйлдвэрийн концессын гэрээ зэрэгтэй холбоотой хэргийн шүүх хурлын урьдчилсан хэлэлцүүлэг Баянзүрх, Сүхбаатар, Чингэлтэй дүүргийн Эрүүгийн хэргийн анхан шатны шүүхэд өнөөдөр боллоо.

Д.Эрдэнэбат нарын 20 хүн, хоёр хуулийн этгээдэд холбогдох хэргийн шүүхийн урьдчилсан хэлэлцүүлгийг 2023 оны арванхоёрдугаар сарын 19-ний мягмар гарагийн 09:00 цаг хүртэл хойшлууллаа.

Хэргийн оролцогчийн өмгөөлүүлэх хууль зүйн туслалцаа авах эрхийг хангаж, шүүхээс хуралдааныг хойшлуулахаар шийдвэрлэснийг Даргалагч шүүгч хэлсэн юм.

Categories
мэдээ нийгэм

Согтуугаар тээврийн тээврийн хэрэгсэл жолоодсон 83 зөрчил бүртгэгджээ DNN.mn

Цагдаагийн байгууллагын 102 тусгай дугаарт 2023 оны 11 дүгээр сарын 20-ны өдөр нийт 1957 дуудлага, мэдээлэл бүртгэгдсэнээс зөрчлийн шинжтэй 1529, гэмт хэргийн шинжтэй 86 дуудлага, мэдээлэл байна.

Мөн гэмт хэргийн шинжтэй 51 үйлдлийг шуурхай илрүүлж, урьд өмнө бүртгэгдсэн 16 хэргийг нөхөн илрүүлжээ гэж Цагдаагийн Ерөнхий Газрын Хэвлэл Мэдээллийн төвөөс мэдээллээ.

Categories
мэдээ улс-төр

Байнгын хороодын хуралдааны тов, хэлэлцэх асуудлууд DNN.mn

Монгол Улсын Их Хурлын Байнгын хороодын өнөөдрийн /2023.11.21/ хуралдааны тов, хэлэлцэх асуудлуудыг танилцуулж байна.

Д/Д ХУРАЛДААН ХЭЛЭЛЦЭХ АСУУДАЛ ЦАГ ТАНХИМ
1 Нийгмийн бодлогын байнгын хороо ·      Цэргийн алба хаагчийн тэтгэвэр тэтгэмжийн тухай хуульд нэмэлт, өөрчлөлт оруулах тухай хуулийн  төсөл /Засгийн газар 2022.03.04-ний өдөр өргөн мэдүүлсэн, эцсийн хэлэлцүүлэг/

·      Засгийн газрын тусгай сангийн тухай хуульд өөрчлөлт оруулах тухай хуулийн төсөл /Засгийн газар 2023.10.24-ний өдөр өргөн мэдүүлсэн, анхны хэлэлцүүлэг, санал, дүгнэлтээ Төсвийн байнгын хороонд хүргүүлнэ/

·      Бусад

 09.30 “Жанжин Д.Сүхбаатар”
2 Аюулгүй байдал, гадаад бодлогын байнгын хороо ·      “Зэвсэгт хүчний зэвсэг, техникийг шинэчлэх, сэргээн сайжруулах бодлогыг батлах тухай” Монгол Улсын Их Хурлын тогтоолын төсөл /Засгийн газар 2023.10.23-ны өдөр өргөн мэдүүлсэн, хэлэлцэх эсэх/

·      Цөмийн аюулгүй ажиллагааны тухай 1994 оны конвенц, Ашигласан түлшний болон цацраг идэвхт хаягдлын менежментийн аюулгүй ажиллагааны тухай 1997 оны конвенц, Цөмийн материалыг биечлэн хамгаалах тухай 1980 оны конвенцын 2005 оны нэмэлт, өөрчлөлт, Бага хэмжээний цөмийн материалын шинэчилсэн протокол /Засгийн газар 2023.11.06-ны өдөр ирүүлсэн, зөвшилцөх/

·      Бусад

 10.00 “Их засаг”
3 Төсвийн байнгын хороо ·      Монгол Улсын 2024 оны төсвийн тухай хууль баталсантай холбогдуулан боловсрол, эрүүл мэндийн талаар авч хэрэгжүүлэх зарим арга хэмжээний тухай /Монгол Улсын 2024 оны төсвийн тухай хууль баталсантай холбогдуулан боловсруулсан, эцсийн хэлэлцүүлэг/

·      Засгийн газрын тусгай сангийн тухай хуульд өөрчлөлт оруулах тухай хуулийн төсөл /Засгийн газар 2023.10.24-ний өдөр өргөн мэдүүлсэн, анхны хэлэлцүүлэг/

·      Монгол Улсын Авто тээврийн болон өөрөө явагч хэрэгслийн албан татварын тухай хуульд өөрчлөлт оруулах тухай, Агаарын бохирдлын төлбөрийн тухай хуульд өөрчлөлт оруулах тухай, Нийслэл хотын албан татварын тухай хуульд өөрчлөлт оруулах тухай, Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуульд нэмэлт оруулах тухай, Улсын тэмдэгтийн хураамжийн тухай хуульд нэмэлт, өөрчлөлт оруулах тухай, Төсвийн тухай хуульд нэмэлт, өөрчлөлт оруулах тухай, Үл хөдлөх эд хөрөнгийн албан татварын тухай хуульд нэмэлт оруулах тухай, Гаалийн албан татвараас чөлөөлөх тухай, Хувь хүний орлогын албан татварын тухай хуульд нэмэлт оруулах тухай, Аж ахуйн нэгжийн орлогын албан татварын тухай хуульд нэмэлт оруулах тухай хуулийн төслүүд /Засгийн газар 2023.10.31-ний өдөр Нийслэл Улаанбаатар хотын замын хөдөлгөөний түгжрэлийг бууруулах, гэр хорооллыг орон сууцжуулах тухай хуулийн төсөлтэй хамт өргөн мэдүүлсэн, анхны хэлэлцүүлэг, санал, дүгнэлтээ Төрийн байгуулалтын байнгын хороонд хүргүүлнэ/

·      Бусад

 13.30 “Жанжин Д.Сүхбаатар”
4 Байгаль орчин, хүнс, хөдөө аж ахуйн байнгын хороо ·      Мал, амьтны эрүүл мэндийн тухай хуульд нэмэлт, өөрчлөлт оруулах тухай, Амьтан, ургамал, тэдгээрийн гаралтай түүхий эд, бүтээгдэхүүнийг улсын хилээр нэвтрүүлэх үеийн хорио цээрийн хяналт, шалгалтын тухай хуульд нэмэлт, өөрчлөлт оруулах тухай хуулийн төслүүд болон хамт өргөн мэдүүлсэн хуулийн төслүүд /Засгийн газар 2023.06.19-ний өдөр өргөн мэдүүлсэн, эцсийн хэлэлцүүлэг/

·      Амьтан, ургамал, тэдгээрийн гаралтай түүхий эд, бүтээгдэхүүнийг улсын хилээр нэвтрүүлэх үеийн хорио цээрийн хяналт, шалгалтын тухай хуульд нэмэлт, өөрчлөлт оруулах тухай хуулийг дагаж мөрдөх журмын тухай хуулийн төсөл /Мал, амьтны эрүүл мэндийн тухай хуульд нэмэлт, өөрчлөлт оруулах тухай, Амьтан, ургамал, тэдгээрийн гаралтай түүхий эд, бүтээгдэхүүнийг улсын хилээр нэвтрүүлэх үеийн хорио цээрийн хяналт, шалгалтын тухай хуульд нэмэлт, өөрчлөлт оруулах тухай хуулийн төслүүдтэй холбогдуулан боловсруулсан, анхны хэлэлцүүлэг/

 14.30 “Их Эзэн Чингис хаан”
5 Хууль зүйн байнгын хороо ·      Төрийн үйлчилгээг цахим хэлбэрээр үзүүлэхтэй холбоотойгоор хууль хоорондын давхардал, хийдэл, зөрчлийг арилгах зорилгоор Эрүүл мэндийн тухай хуульд нэмэлт оруулах тухай, Эрүүл мэндийн даатгалын тухай болон бусад хуульд нэмэлт, өөрчлөлт оруулах тухай хуулийн төслүүд /Засгийн газар 2023.05.29-ний өдөр өргөн мэдүүлсэн, анхны хэлэлцүүлэг, санал, дүгнэлтээ Инновац, цахим бодлогын байнгын хороонд хүргүүлнэ/

· Хүний эрхийн Үндэсний Комиссын мэдээлэл сонсоно

 16.00 “Жанжин Д.Сүхбаатар”
Categories
мэдээ цаг-үе эдийн-засаг

Автотээврээр өнгөрсөн долоо хоногт 1.9 сая.тонн ачаа тээвэрлэжээ DNN.mn

2023 оны эхний 3 улирлын байдлаар зам, тээврийн салбар бусад бүх эдийн засгийн салбараас хамгийн өндөр буюу 52.8% хувь өссөн нь Дотоодын нийт бүтээгдэхүүн 6.9% өсөхөд голлон нөлөөлжээ.

2023 оны 11 дүгээр сарын 12-ны байдлаар бүх төрлийн тээврээр 127.3 сая зорчигч, 88.8 сая.тонн ачаа тээвэрлэсэн нь өмнөх оны мөн үеэс 46.7 хувиар өссөн үзүүлэлттэй байна.

Тодруулбал, агаарын тээврээр 1 сая 526 мянган зорчигч тээвэрлэсэн нь өнгөрсөн оны мөн үеэс 91.1 хувиар өссөн.

Автотээврээр өнгөрсөн долоо хоногт 1.9 сая.тонн ачаа, энэ онд нийт 58.7 сая.тонн ачаа тээвэрлэж, 2023 оны зорилтоо 172.6 хувиар давуулан биелүүллээ.

Гашуунсухайт, Бичигт, Ханги, Шивээхүрэн, Булган, Замын-Үүд боомтоор 16.9 мянган тээврийн хэрэгслээр нүүрс, зэсийн баяжмал, газрын тос зэрэг уул уурхайн бүтээгдэхүүнийг экспортод гаргасан.

Төмөр замаар өнгөрсөн долоо хоногт олон улс, орон нутгийн чиглэлд 47.2 мянган зорчигч, энэ онд нийт 1.8 сая зорчигчид үйлчилж, 629.1 мянган тонн ачаа, энэ онд нийт 30.1 сая.тонн ачаа тээвэрлэсэн үзүүлэлттэй байна.

Эх сурвалж: ЗТХЯ

Categories
мэдээ нийгэм цаг-үе

Энэ долоо хоногт ихэнх нутгаар цас орж, цасан шуурга шуурна DNN.mn

Энэ долоо хоногт ихэнх нутгаар цас орж, цасан шуурга шуурна.

Ялангуяа говийн болон зүүн аймгуудын нутгаар арваннэгдүгээр сарын 22-24-ний өдрүүдэд цаг агаар муу байх нь. Тухайлбал, өнөөдөр ихэнх нутгаар, мягмар гарагаас лхагва гарагт шилжих шөнө зүүн аймгуудад ахиу цас орно гэж цаг уурын байгууллагаас мэдээллээ.

Дундговь, Говьсүмбэр, Дорноговь, Сүхбаатар, Дорнод, Хэнтийн зарим суманд цас ахиу орж, зарим газраар 9-12 см хүрч болзошгүй байна.
Энэ үеэр хүйтний эрч чангарч шөнөдөө -18-20 хэм, уулархаг нутгуудаас гадна Хэнтий, Дорнод, Сүхбаатарын нутгаар шөнөдөө -28-30 хэмд хүрч хүйтэрнэ.
Мөн салхины хурд зарим газраар 14-16 м/с хүрч цасан болон шороон шуурга шуурах бөгөөд Завхан аймгийн Тосонцэнгэл сумын орчимд өдөртөө -20-24, шөнөдөө -30-32 хэм хүрч хүйтрэхийг онцгойлон анхааруулж байна.

Лхагва гарагаас бүх нутагт хүйтний эрч чангарна. Харин өнөөдөр Булган, Сэлэнгийн зарим хэсэгт, Завханы хойд сумдын нутгаар цас орно.

Эх сурвалж: ОБЕГ-ын Урьдчилан сэргийлэх газар