Month: September 2023

Галзуу өвчинтэй тэмцэх дэлхийн өдөр өнөөдөр тохиож буй.

Үүнтэй холбоотойгоор Эрүүл мэндийн яамнаас Монгол улсын галзуу өвчинтэй холбоотой тоон мэдээллийг хүргэснийг мэдээлж байна.

1972-2023 онд хүний галзуу өвчний 37 тохиолдол манай улсад бүртгэгджээ. 2020 онд хамгийн сүүлд галзуугийн хүний өвчлөл бүртгэгдсэн аж.

Жилд дунджаар 6,500-7,000 хүн галзуу өвчний эрсдэлд өртөж, өртөлтийн дараах вакцинд хамрагддаг байна.

Галзуу өвчний эрсдэлд бүх насны иргэд өртөж байгаа ч 5-15 насны хүүхдүүд илүүтэйгээр өртсөөр байгаа ба эрсдэлд өртсөн тохиолдлын 74 хувь нь эзэнтэй нохойд уруулжээ.

Түүнчлэн сүүлийн таван жилийн байдлаар манай улсад галзуу өвчний эрсдэлд өртсөн хүний тоо өмнөх жилүүдээс 1.5 хувиар өссөн байна

Стандартчлалын салбар үүсэж хөгжсөнийг тохиолдуулан Стандарт, хэмжил зүйн газраас “Иргэдэд ээлтэй стандарт” өдөрлөгийг Д.Сүхбаатарын талбайд зохион байгуулж байна.

Өдөрлөгт оролцсоноор нийслэлд хэрэгжиж буй, батлагдсан стандарт, стандартын баримт бичиг, түүнийг хэрхэн бүрдүүлэх талаар зөвлөгөө, мэдээлэл авах боломжтой.

ХСХГ-ын Захиргаа, санхүүгийн хэлтсийн дарга Э.Даваахатан “Хотын стандарт батлагдсанаас хойш тэдгээрийг хангуулан, хэрэгжилтийг хянаж байна. Тухайлбал, орчны аюулгүй байдал, нийтийн тээврийн стандартыг хэрэгжүүлэх, хүүхдийн аюулгүй байдлыг хангах зэрэг 15 бүлгийн стандартыг үе шаттай мөрдүүлж байгаа. Нийтийн эзэмшлийн гудамж, талбай, явган хүний зам, хүүхдийн тоглоомын талбай зэрэг нь иргэд, хүүхдэд ээлтэй байх нь чухал. Иймд нэн тэргүүнд амьдрах орчинд стандарт хангуулах, мэргэжлийн аж ахуйн нэгж, байгууллагад стандартыг мөрдүүлж, мэдээллээр хангах шаардлагатай” гэлээ.

2020 онд Монгол Улсын нийт хүн амын 9.8 хувийг ахмадууд эзэлж байсан бол 2023 оны есдүгээр сарын 26-ны байдлаар 8.6 хувийг эзэлж байна.

Энэ тоо хүн амын хэтийн тооцооллоор 2050 онд 19 хувьд хүрэх төлөвтэй байгаа юм.

Нийт ахмадуудын 40.4 хувийг эрэгтэйчүүд, 59.6 хувийг эмэгтэйчүүд эзэлж байна.

Улсын хэмжээнд 100-аас дээш настай 109 иргэн байгаагаас хамгийн өндөр настан 121 настай байна.

Ахмадуудын хөдөлмөр эрхлэлтийн үзүүлэлтийг харвал 20.7 хувь нь ажил, хөдөлмөр эрхэлж байна.

Рэппэр Roockie буюу У.Мөнхбагана эхнэрээ зодсон гэх асуудлын талаар цагдаагийн байгууллагаас мэдээлэл өглөө.

ЦЕГ-ын ХМТ-өөс “Өчигдөр буюу есдүгээр сарын 27-нд Хан-Уул дүүргийн 11 дүгээр хорооны нутаг дэвсгэрт байрлах хотхоны тоотод “Маргаан болоод байна” гэх дуудлага, мэдээлэл бүртгэгдсэн.

Хан-Уул дүүргийн цагдаагийн газрын нэгдүгээр хэлтсээс 26 настай, эрэгтэй “М” гэгч нь гэр бүлийн хамаарал бүхий харилцаатай хүнийг зодсон байж болзошгүй үйлдлийг гомдол, мэдээллийн бүртгэлд авч, шалгаж байна” гэв.

Нүүрсний хулгайн хэрэгт нэр холбогдож яллагдагчаар татагдсан Т.Аюурсайхан, Б.Ганхуяг нарын 11 хүнд холбогдох хэргийн гэм буруугийн шүүх хурал эхэллээ.

Долоо хоногийн өмнө болсон шүүх хурлыг товлох урьдчилсан хэлэлцүүлгийн үеэр:

Хөвсгөл аймгийн Хатгал тосгоны төв замыг орон нутгийн аялал жуулчлалын замтай холбох 2 км, Хатгал-Жанхай-Тойлогт чиглэлийн 30.4 км, Хатгал-Хүзүүвчийн шил чиглэлийн 5.5 км буюу нийт 37.9 км авто зам, долоог байршлын авто зогсоолын барилга угсралтын ажил 51%-н гүйцэтгэлтэй хэрэгжиж байна.

Хатгал тосгонд байгуулж буй хоёрдугаар зэрэглэлийн хатуу хог хаягдлын ландфилл байгууламжийн бүтээн байгуулалт 92%, Ханх суманд 58%-ийн гүйцэтгэлтэй, ахуйн бохир ус цэвэрлэх байгууламжийн бүтээн байгуулалтын ажил Хатгал тосгонд 95%, Ханх суманд 27%-н гүйцэтгэлтэй хэрэгжиж байна.

Хөвсгөл аймгийн “Ханх сумын хөгжлийн ерөнхий төлөвлөгөө 2020-2040”-г хэрэгжүүлэх үйл ажиллагааны төлөвлөгөөний хамт боловсруулан 2022 онд орон нутагт хүлээлгэж өгсөн.

“Хөвсгөлийн байгалийн цогцолборт газрын менежментийн төлөвлөгөө 2022-2026”-г боловсруулан Хөвсгөлийн Улсын тусгай хамгаалалттай газрын Хамгаалалтын захиргаанд 2022 онд хүлээлгэн өгсөн байна.

Аймгийн хувьд 2022 онд нийт 6 тэрбум төгрөгийн Байгалийн нөөцийн орлого орсон байна. Үүнээс

• Газар: 501.2 сая төгрөг;
• Ой: 5 тэрбум төгрөг;
•  Ан амьтан: 424,9 сая төгрөг;
•  Ус, рашаан: 62,3 сая төгрөг;
•  Байгалийн ургамал: 25,2 сая төгрөг болно.

Энэ сарын сарын 27-ны өдрийг дуустал Үндсэн хуулийн цэцэд нэрээ дэвшүүлэх иргэдийн хүсэлтийг нээлттэй хүлээн авсан. Дээрх хугацаанд хоёр иргэн дэвшүүлж, материалаа ирүүлжээ.

Үндсэн хуулийн цэцийн гишүүнд нэрээ дэвшүүлэхээр ирүүлсэн иргэдийн мэдээллийг “Монгол Улсын дээд шүүхийн нийт шүүгчийн хуралдаанаар хэлэлцэх зарим асуудлын бэлтгэл хангах журам”-ын 4 дүгээр зүйлийн 4.6 дахь хэсэгт заасны дагуу олон нийтэд нээлттэй мэдээлж байна.

Үндсэн хуулийн цэцэд нэр дэвшигчдийн жагсаалт

Эх сурвалж: Монгол Улсын Дээд шүүх