ЗӨВЛӨМЖ: Зөвхөн толгойгоосоо халснаар наршдаггүй
Month: July 2023
Categories
“Хүргээд өгье, наашаа суу” DNN.mn
ӨДРИЙН СОНИНЫ АРХИВААС…
Өнөөдөр өглөө сонссон хамгийн сайхан үг энэ байлаа. Хэдийгээр надад зориулагдсан үг биш боловч ингэж хэлсэн залууд чин сэтгэлээсээ баярлаж, өдөржингөө сэтгэл тэнэгэр явав. Учир юу гэвээс өглөө эрт автобусны буудал дээр ийм явдал болов. Унаа хүлээн жиндэн зогсох хүмүүсийн дунд саяхан төрсөн болов уу гэмээр өлгийтэй хүүхэд тэвэрсэн эмэгтэй зогсож харагдлаа. Ажил, сургууль цуглах цаг давхацсан учир зам түгжрэл ихтэй, машины урсгал зайгүй хөвөрнө. Гэтэл нэг машины жолооч автобусны буудал тийш зориуд эргэн ирж зогсоод өнөө хүүхэд тэвэрсэн бүсгүйг дуудав. “Хүргээд өгье. Наашаа ирээд суучих” гэсэн үгэнд тэнд зогсоо хүмүүс дор бүртээ бүсгүйн өмнөөс баярласан харагдсан. Нэг нь бүсгүйг машин руу дөхүүлж, нөгөө нь гүйж очин хаалгыг нь нээж суулгаж өгөв. Үүнийг харсан хүмүүс бүгд л жолоочид талархаж байгаа нь илт. Жолоочийн гэргий саяхан төрсөн гэмээр толгойгоо цагаан алчуураар боосон харагдсан. Хэдийгээр унаа ирэхгүй бухимдаж, даарч зогссон ч сэтгэл нэг л баяртай болоод явчихсан. Дулаахан ч болчих шиг.
Аз жаргалтай, сэтгэл тэнэгэр явахад тийм ч их өртөг шаарддаггүй бололтой. Хүмүүс бид бие биедээ жаахан ч гэсэн сэтгэл гаргахад л бусдад халуун дулаан илч, баяр хөөр бэлэглэж байдаг юм байна гэдгийг тэрхүү бяцхан үйл явдал бэлхнээ батлаад өгөв.
Хорвоод ирээд хэдхэн хонож байгаа тэрхүү нялх үрийг өөрийн мэт санаж, сэтгэл төвдөхгүй хүргэж өгөхөөр зогссон жолооч залуугийн ажил үйлс нь бүтэмжтэй байг ээ. Хэдийгээр машины дугаарыг тогтоож амжаагүй ч түүнийг энд зарлах нь илүүц биз ээ. Жолооч залуу ч үүнийг ач санаж, бусдад гайхуулах гэж хийгээгүй нь тодорхой юм.
БНХАУ-ын дарга Ши Жиньпиний санаачилгаар жил бүрийн намар зохион байгуулдаг Хятадын олон улсын импортын экспо энэ оны 11 дүгээр сард зургаа дахь удаагаа зохион байгуулагдах гэж байна.
Энэхүү экспо нь Хятадын эдийн засаг, инновацийн хамгийн том хот болох Шанхайд жил бүр зохион байгуулагддаг.
Экспогийн үеэр олон орны бизнес эрхлэгчид цугларч, өөрийн улсын бараа бүтээгдэхүүнийг худалдан борлуулах боломжийг олгодог томоохон арга хэмжээ юм. Тэгвэл энэ жилийн экспогоор олон орны 500 гаруй бизнес эрхлэгчид оролцоно гэсэн тооцоо байгаа юм байна.
Ирэх 11 дүгээр сарын 5-10-ны хооронд экспо албан ёсоор зохиогдох боловч түүнээс өмнө Шанхайд экспотой холбоотой үйл ажиллагаанууд аль хэдийн эхэлжээ. Одоогийн байдлаар 200 гаруй бизнес эрхлэгч, олон улсын брэндүүд Шанхайд цуглаад байна.
Мөн худалдаа, наймаа, гэрээ хэлцлүүд хэдийн эхэлчихсэн гэдгийг оролцогчид хэлж байгаа юм. Цар тахлын үеэр ч тасралтгүй зохион байгуулагдаж байсан энэ экспо олон орны бизнес эрхлэгчдэд том боломж болдог гэдгийг мөн дурджээ.
Тухайлбал, Испанийн утсан мах, Франц дарс, Шинэ Зеландын сүү, Филиппиний дуриан жимсээс авахуулаад дэлхийн өнцөг булан бүрт алдартай бүтээгдэхүүнүүд нэг дор цуглардаг гэдгээрээ алдартай.
Өргөн хэрэглээний бараагаар зогсохгүй нисдэг машин, зоосны хэмжээтэй зүрхний аппарат, ширээний теннис тоглож чаддаг роботууд гэх мэт өндөр өртөг бүхий бүтээгдэхүүнүүдийг экспогийн үеэр танилцуулдаг байна.
Олон улсын бусад экспотой харьцуулахад Шанхайгийн экспо нь дэлхийн өнцөг булан бүрээс өөр насны, өөр хэмжээний орлого бүхий бизнес эрхлэгчдийг нэг дор цуглуулж, мэргэжлийн үйл ажиллагаа явуулдгаараа онцлог гэж олон улсын хөрөнгө оруулагчид үздэг.
Мөн томоохон хөрөнгө оруулагч компаниуд энэ экспо дээрээс хөрөнгө оруулж болох шинэ зах зээл олох боломжтой байдаг юм байна.
“Энэхүү экспогийн ачаар бид Хятадын зах зээлийг ойлгож, мөн бараа бүтээгдэхүүнээ нийлүүлэхдээ итгэлтэй болсон. Түүнчлэн хамтарч ажиллах олон хамтрагчтай боллоо” гэж экспод оролцох бизнес эрхлэгчид хэлж байна.
2023 оны наймдугаар сарын 1-15-ны хооронд дулааны төв шугамд засвар хийх гэж байгааг “УБДС” ТӨХК-аас мэдээллээ.
Засварын үеэр 155 хос метр шугам, таслах хаалт солих, дулааны шугамын худгийн хавтан таг, дам нурууг сэргээх ажлуудыг гүйцэтгэхээр төлөвлөжээ.
14 хоног үргэлжлэх засварын ажлын үеэр дараах байршлуудад халуун ус хязгаарлах юм байна.
- 220 мянгат
- Хүүхдийн 100
- Цирк
- ШУТСО
- Япон элчин
- ГХЯ
- Баянгол зочид буудал
- Улсын Драмын Эрдмийн Театр орчим
- Төв шуудан
- Засгийн газрын ордон
- Чингэлтэй дүүргийн эрүүл мэндийн төв
- УДДТ-37
- Отгонтэнгэр дээд сургууль
- Монгол кино нэгтгэл
- Баянзүрх дүүрэг
- ШУ-ны академийн хүрээлэн орчмын хэрэглэгчид
- 21-р сургууль орчим
- Бөхийн өргөө орчим
- Зүүн хүрээ шилтгээн
- ХӨСҮТ
- 13, 14, 15-р хороолол орчмын хэрэглэгчид.
Наймдугаар сарын 1-нээс дулааны шугамын засвар хийх байршлуудыг ЭНД дарж газрын зургаас харах боломжтой.
“Энэ жил явган болон дугуйн замуудыг шинээр хийхээс илүү аюулгүй байлгахыг зорьж байна” гэв
ESL-ээс зохион байгуулдаг CSGO-ын их дуулга гэж болох Intel Extreme Masters-ын ээлжит тэмцээн Кёлн хотноо үргэлжилж байна. Дэлхийн шилдэг 24 баг өрсөлдөж буй “Intel Extreme Masters Cologne 2023”-т Монгол улс, Ази тивийг төлөөлөн оролцож буй TheMongolz баг тэмцээний гурав дахь тоглолтоо хийлээ.
- CSGO-ын их дуулга тэмцээнд Монголын баг оролцож байна
- TheMongolz баг Бразилын шилдэг багийг дахин хожлоо
- Ингэснээр тэд IEM Cologne 2023 тэмцээний хэсгийн шатанд шалгарлаа
Тэд тэмцээний хэсгийн шатанд шалгарахын төлөөх хожигдох эрхгүй тоглолтыг дэлхийн чансааны 10-т байгаа Бразилын FURIA Esports-той хийв. Эхний map-ын сонголт монгол багийнх байсан бөгөөд тоглож дадсан map-даа хүндхэн хожлыг авсан бол эсрэг багийн сонголт дээр илүүрхэж 2-0 (Inferno 19-15, Overpass 16-8) харьцаагаар хожлоо.
Тоглолтод “techno4k” М.Содбаяр 85.7 ADR-тай багаа тэргүүлсэн 16 настай залуу тоглогч “mzinho” Б.Аюуш удаалав
- TheMongolz Британийн ITB багийг 2-0 харьцаагаар илүүрхлээ
- The Mongolz хоёр удаа нэмэлт цаг сунгаж хожигдлоо
- Монголын CSGO-ын аваргаар “The MongolZ” тодорлоо
Ингэснээр TheMongolz “IEM Cologne 2023” тэмцээний хэсгийн шатанд шалгарлаа.
Монгол залуус тэмцээний эхний шатанд MOUZ багт Nuke map-д 22-19 харьцаагаар хожигдож доод хүснэгт рүү унасан бөгөөд доод хүснэгтэд Британийн Into The Breach багийг 2-0 (Mirage 16-8, Ancient 16-8) харьцаагаар хожсон билээ.
Нийслэлийн Засаг даргын 2020 оны Замын хөдөлгөөний ачааллыг бууруулах талаар авах зарим арга хэмжээний тухай А/1037 дугаар захирамжаар Тээврийн хэрэгслийн хөдөлгөөнд хязгаарлалт тогтоох журмыг баталсан байдаг.
Тус журмаар тээврийн хэрэгслийн хөдөлгөөнд хязгаарлалт тогтоох, чиглэлийн тээврийн хэрэгслийн эгнээгээр замын хөдөлгөөнд оролцуулах, хяналт тавих, зөрчлийг шийдвэрлэх, тээврийн хэрэгслийг улсын дугаараар ялгаж замын хөдөлгөөнд оролцуулах цаг, бүсчлэлийг тогтоосон. Тэгвэл тус журамд буюу тээврийн хэрэгслийн улсын дугаараар ялгаж замын хөдөлгөөнд оролцуулах цаг, нутаг дэвсгэрийн бүсчлэлд өөрчлөлт оруулахаар есдүгээр сарын 1-нийг хүртэл санал авч байна.
Ташрамд, тээврийн хэрэгслийн улсын дугаарын сүүлчийн тоогоор ялган ажлын өдрийн 08:00-20:00 цагийн хооронд хөдөлгөөнийг хязгаарладаг. Тодруулбал,
- Даваа гарагт 1 ба 6-аар төгссөн;
- Мягмар гарагт 2 ба 7-оор төгссөн;
- Лхагва гарагт 3 ба 8-аар төгссөн;
- Пүрэв гарагт 4 ба 9-өөр төгссөн;
- Баасан гарагт 5 ба 0-ээр төгссөн;
Хязгаарлалтын цагаар нийслэлийн
- Их тойруугийн зам болон түүний доторх зам
- Саппорогийн уулзвараас Чулуун овооны уулзвар
- Чингисийн өргөн чөлөөнд 120 мянгатын уулзвараас Энхтайваны өргөн чөлөө
- Ахуй үйлчилгээний ордны уулзвараас Баянбүрдийн аюулгүйн тойрог, Саппорогийн уулзвар
- Нарны зам болон түүний доторх зам
- 32-ын тойрог
- КТМС-ийн баруун урд аюулгүйн тойрог
- Дүнжингаравын уулзвар
- Хоум плазагийн уулзвар
- МУИС-ийн уулзвар
- Ажилчдын гудамж ТЭЦ-4 уулзвараас дотогш замын хөдөлгөөнд оролцох хориотой.
Замын хөдөлгөөний ачааллыг бууруулах талаар авах зарим арга хэмжээний тухай А/1037 дугаар захирамжаар баталсан Тээврийн хэрэгслийн хөдөлгөөнд хязгаарлалт тогтоох журам болон өөрчлөлт оруулж байгаа журмын төсөлтэй хавсралт файлаар танилцана уу. Харин саналаа дараах холбоосоор өгөх боломжтой.
Санал өгөх цахим холбоос:
Журмын төсөлтэй танилцах холбоос:
https://drive.google.com/file/d/1PoOhHAOCYHKAsYuf1pss5XDDE6yJGEy4/view
Нийслэлийн Засаг даргын 2020 оны А/1037 дугаар захирамж харах линк:
https://legalinfo.mn/mn/detail?lawId=15580
https://legalinfo.mn/mn/detail?lawId=211209&showType=1
https://legalinfo.mn/mn/detail?lawId=211210&showType=1
Цахим шуудан: zhutzbh@gmail.com
Утасны дугаар: 70111618
ӨДРИЙН СОНИНЫ АРХИВААС……
Англи, Орос, Америкийн эрдэмтэд хамтарч нэгэн сонирхолтой гэмээр судалгаа хийжээ. Тэд дэлхийн улс үндэстний үг хэллэг, зан төрх, амьдралын хэвшлийг судалсан байна. Ингээд хамгийн нөхөрсөг, алхам тутамдаа уучлал эрж байдаг орнуудын уртаас урт жагсаалтыг гаргаж. Тэгэхэд өндөр хөгжилтэй орнууд буюу Америк, Англи, Япон гээд орнууд жагсаалтыг тэргүүлжээ.
Гэхдээ эрдэмтэд энд нэг зүйлийг чухалчлан онцолсон байгаа юм. Хамгийн нөхөрсөг, найрсаг гэж тодотгогдсон орнуудын уучлаарай, баярлалаа гэдэг үг бүгд хиймэл, товчхондоо хуурамч гэсэн байна. Харин монголчуудын хувьд энэ нь эсрэгээрээ гэнэ. Монголын ард түмэн уучлаарай гэдэг үгийг алхам тутамдаа бус үнэн сэтгэлээсээ хэлдэг аж. Баярлалаа гэдэг үгийг ч ялгаагүй энэ тохиолдолд чин сэтгэлээсээ хэлдэг гэж тодорхойлжээ. Энэ нь хамгийн үнэ цэнэтэй байдаг тухай ч өгүүлж.
Яагаад гэвэл бидний амьдралын хэвшил, өнгө аяс ийм ажээ. Хэн нэгний өмнө алдаа дутагдал гаргадаггүй, гэмшил төрөхүйц үйл хөдлөл хийдэггүй учраас бид энэ үгийг байнга хэрэглэдэггүй, хэрэглэсэн тохиолдолд үнэ цэнэтэй байдаг байна.
Л.МӨНХТӨР
2023 оны эхний хагас жилийн байдлаар цагдаагийн байгууллагад бүртгэгдсэн гэмт хэрэг зөрчил, зам тээвэр, онцгой байдлын чиглэлээрх зүйлүүдийг тодрууллаа. Тээврийн цагдаагийн албаны урьдчилан сэргийлэх хэлтсийн ахмад зохицуулагч Б.Энхболдтой ярилцав.
-Зам тээврийн осол гэмтлийн талаар мэдээллийг өгөөч?
-2023 оны эхний хагас жилийн байдлаар зам тээврийн ослын шинжтэй дуудлага мэдээлэл 49560 бүртгэгдсэн байна. Өмнөх оны мөн үеэс 7.5 хувиар өссөн үзүүлэлт. Бүртгэгдсэн зам тээврийн 11342. Энэ нь өмнөх оны мөн үеэс 3.8 хувиар буурсан. Ослын улмаас 224 нас барсан. 1428 хүн гэмтсэн. Хүүхэд өртсөн осол 342 бүртгэгдсэн нь өмнөх оны мөн үеэс 6.6 хувиар буурсан. 26 хүүхэд нас барж, 21.2 хувиар буурсан гэсэн үзүүлэлттэй. Хагас жилийн байдлаарх үзүүлэлтүүд ийм байна.
-“Нэг зам- нэг соёл” арга хэмжээ хэр үр дүнтэй байна вэ?
-“Орон нутгийн зам хөдөлгөөний соёл”, “Яараад яахав дээ”, “Дураараа биш дүрмээрээ”, “Ирээдүйгээ хамгаалъя”, “Аажуу явбал аяндаа хүрнэ дээ” гэсэн арга хэмжээг жил бүр явуулж ирсэн. Энэ жилийн уриа “Нэг зам- Нэг соёл” гэсэн уриатай явагдаж байна. Энэ нь юу гэсэн үг вэ гэвэл бид нэг зам дээр соёлтой зорчиж чадах юм бол автомашины ослоос урьдчилан сэргийлж чдах юм гэдгийг харуулсан өгөгдөл бүхий уриа. Энэ аяны хүрээнд төрийн болон төрийн бус байгууллагуудын хамтарсан нөлөөлөл бүхий ажлуудыг хийсэн. Орон нутгийн замд хяналт шалгалт бүхий олон ажил хийж, хэрэгжүүлээд явж байгаа. Нөлөөллийн хүрээнд үүрэн телефоны дөрвөн оператор нийлж мессеж бичих, Төрийн банк, Хаан банк зэрэг арилжааны банкууд пос машин, аппликейшн дээрээ биднийг сурталчлан хамтран ажилласан. Мөн хэвлэл мэдээллийн байгууллагууд мэдээллээр ханган хамтран ажилласанд цагдаагийн байгууллагын зүгээс талархлаа илэрхийлмээр байна. Хяналт шалгалтын ажлын хүрээнд нийт ослын 70-80 хувь нь орон нутгийн замд үйлдэгддэг. Тэгэхээр энэ байдал дээр анхааран орон нутаг руу чиглэсэн хөдөлгөөн, ялангуяа аялал жуулчлалын бүс нутаг болох Архангай, Булган, Хөвсгөл, Баян-Өлгий, Ховд зэрэг аймгуудыг чиглэсэн тээврийн хэрэгслийн урсгал их байна. Мөн дээрээс нь энэ жил таван аймаг, 36 сумын 100 жилийн ой давхцаж байгаа. Тэгэхээр энэ чиглэлийн замуудад тухайн аймгуудын байнгын пост дээр нэмэгдээд төвөөс 100 гаруй алба хаагчийг хөдөлгөөнт хэлбэрээр 100-200 км тутамд байршуулж, хяналт шалгалт хийн, зам тээврийн ослоос урьдчилан сэргийлэх ажлыг цагдаагийн байгууллагаас хийж байна.
-Зам тээврийн ослын шалтгааны дийлэнхийг буруу рультэй автомашин гүйцэж түрүүлэх үйлдэл хийхдээ гаргадаг гэсэн. Энэ үнэн юм болов уу?
-Энэ жилийн аяны хүрээнд дөрвөн үндсэн чиглэл рүү зорьж ажиллаж байна. Нэгдүгээрт, орон нутгийн замд гарч буй нийт осол гэмтлийн 70-80 хувийг хурд хэтрүүлсний улмаас автомашин онхолддог. Үүнээс сэргийлсэн хурд хэмжигчүүд ажиллаж байгаа. Хоёрдугаарт, согтууруулах төрлийн зүйл хэрэглэсэн үедээ тээврийн хэрэгсэл жолооддог байдал дээр анхаарч байна. Гуравдугаарт, хамгаалах бүсний хэрэглээн дээр анхаарч байгаа. Дөрөвдүгээрт, гэрэл гэрэлтүүлэх хэрэгсэл. Энэ шалтгаануудаас болж орон нутгийн замд осол гэмтэл нэлээд гардаг учраас анхааран ажиллаж байна.
Цахим орчинд үйлдэгдэж буй залилах гэмт хэрэг болон ЦЕГ-т газар эхний хагас жилд бүртгэгдсэн дуудлага мэдээллийн талаар Цагдаагийн ерөнхий газрын Урьдчилан сэргийлэх хэлтсийн Нийслэлийн урьдчилан сэргийлэх тасгийн дарга, цагдаагийн дэд хурандаа Б.Өсөхбаяраас тодрууллаа.
-Нийт улсын хэмжээнд бүртгэгдсэн гэмт хэрэг зөрчлийн дуудлага мэдээлэл эхний хагас жилийн байдлаар 313957 дуудлага мэдээлэл бүртгэгджээ. Үүнээс гэмт хэрэг зөрчлийн шинжтэй 147405 гомдол мэдээлэл хүлээн авсан нь өмнөх оны мөн үетэй харьцуулахад 13432 буюу 8.4 хувиар буурсан. Гэмт хэргийн шинжтэй 47905, зөрчлийн шинжтэй 93084 гомдол мэдээллийг шалгасан байна. Эхний зургаан сарын байдлаар гэмт хэргийн шинжтэй 19122 үүнээс Улаанбаатар хотод 13551, орон нутагт 5559, хилийн чанадад үйлдэгдсэн 12 гэмт хэрэг бүртгэгджээ. Үүнийг улсын хэмжээнд аваад үзвэл 5 хувиар буурсан үзүүлэлт юм. Тодорхой төрлөөр нь авч үзвэл өмчлөх эрхийн эсрэг гэмт хэрэг 12754 гэмт хэрэг 2022 онд бүртгэгдэж байсан бол энэ онд 12081 гэмт хэрэг бүртгэгдэж 5.3 хувиар буурчээ. Нийт гэмт хэргийн 63 хувийг энэхүү төрлийн гэмт хэрэг эзэлж байна.
-Хулгайн гэмт хэргийн хувьд үзүүлэлт ямар байгаа бол?
-Хулгайн гэмт хэрэг өмнөх онд 3881 бүртгэгдэж байсан бол энэ онд 3286 болж 15 хувиар буурсан. Залилан мэхлэх гэмт хэрэг 6848 бүртгэгдэж байсан бол 6862 бүртгэгдэн 0.2 хувиар өссөн сөрөг үзүүлэлттэй байна. Бусад төрлийн гэмт хэргийн гаралт буурч байхад залилах гэмт хэргийн хувьд өссөөр байгаа. Залилах гэмт хэрэг нийт гэмт хэргийн дийлэнх хувийг эзэлж байна. Залилах гэмт хэрэг дотроо цахимаар залилах гэмт хэрэг өссөөр байна. Иргэддээ сэрэмжлүүлэхэд цахим орчинд нийтлэгдэж байгаа ташаа мэдээлэлд хэт автахгүй байх, мөнгө зээлнэ, хүүгүй зээл олгоно гэх мэт хуурамч мэдээлэлд автаж цахим хаягаа хакердуулах үзэгдэл их байгаа тул эдгээр үйлдлээс болгоомжилохыг анхааруулж байна.
Нийслэлийн Онцгой байдлын газраас үер усны талаарх сэрэмжлүүлэг мэдээллийг НОБГ-ын урьдчилан сэргийлэх асуудал хариуцсан ахлах мэргэжилтэн дэд хурандаа Р.Мөнхбатаас тодруулав.
-Үер усны аюулаас сэрэмжлэхийн тулд Нийслэлийн Онцгой байдлын газар хэрхэн ажиллаж байна вэ?
-Манайх байнгын бэлэн байдалд ажиллаж байна. Үер усны аюул их байгаа учраас ангийнхаа бэлтгэл бэлэн байдлыг байнга хангуулж чиг үүрэг өгсөн.
-Ямар нэгэн байдлаар үер усны аюулын үед далан сэтэрсэн тохиолдолд элс хайрга, шуудай зэргийн нөөц бэлэн байгаа юу?
-Одоогийн байдлаар далан сэтэрсэн асуудал байхгүй. Шуудай элс хайрганы хувьд нөөц бэлэн байгаа. Түүнийг үүссэн нөхцөл байдлын дагуу хариу арга хэмжээ авахаар тооцоолол гаргачихсан.
-Үер, усны ослын улмаас амь насаа алдах тохиолдлууд гарч байгаа гэсэн танд тоо баримт байна уу?
-Өнөөдрийн байдлаар 31 усны осол тохиолдож, 35 иргэн осолдсон. Үүнээс 11 хүүхэд нас барсан. Сүүлийн гурав хоногт гурван хүн усанд осолдож эндсэн. Усны ослын эрэн хайх ажиллагаа үргэлжилж байна. Үүнээс гурван аймгийн гурван суманд гурван хүн эрэн хайж байгаа. Үүний хоёр нь хүүхэд.
-Усархаг бороо, үерийн аюулын үед хэрхэн сэрэмжлэх вэ?
-Үерийн аюултай бүсээс хол, аюулгүй газарт байрлах. Орон сууцны хорооллын граж, В1 давхрын руу ус орохоос сэргийлэн хамгаалалт татах. Үерийн аюулаас гэр орон, эд хөрөнгө, ундны усны нөөц худгаа хамгаалах далан, суваг, шуудуу, хашлага барих. Хүүхдийг гол мөрөн, нуур, тогтоол ус, цөөрмийн ойролцоо тоглуулахгүй бай. Гол, мөрөн нуурын ойролцоо амарч зугаалахдаа сонор, сэрэмжтэй байж, уулын ам, голын ай сав, үерийн буулт бүхий газарт отоглож, хоноглохгүй байх. Зөвхөн баталгаат зам гүүрээр зорчихыг зөвлөж байна.
Архангай, Төв, Завхан, Хэнтий аймаг байгуулагдсаны 100 жилийн ойн баяр наадам өчигдөр болж өндөрлөлөө.
Аймгуудын баяр наадмын Үндэсний бөхийн барилдаанд түрүүлж үзүүрлэсэн их шөвгийн бөхчүүдийн нэрсийг танилцуулж байна.
АРХАНГАЙ АЙМАГ:
Архангай аймгийн баяр наадмын үндэсний бөхийн барилдаанд Архангай аймгийн Батцэнгэл сумын харьяат улсын харцага Б.Зоригтбаатар түрүүлж, Архангай аймгийн Цэнхэр сумын харьяат улсын арслан М.Бадарч үзүүрлэв. Харин их шөвөгт улсын арслан Р.Пүрэвдагва, улсын начин Л.Отгонбаатар нар шалгарсан байна.
Тус барилдаанд дархан аварга Г.Өсөхбаяр, улсын арслан Д.Мөнх-Эрдэнэ, Ц.Содномдорж, М.Бадарч, Р.Пүрэвдагва нарын магнайлсан 256 бөх барилдсан юм.
ТӨВ АЙМАГ:
Төв аймгийн баяр наадмын үндэсний бөхийн барилдаанд Төв аймгийн Өндөрширээт сумын харьяат улсын начин Д.Хүдэрбулга түрүүлж, Төв аймгийн Баянхангай сумын харьяат улсын заан Б.Батмөнх үзүүрлэв. Харин их шөвөгт улсын арслан Б.Орхонбаяр, улсын начин Г.Ганжад нар шалгарав.
Тус аймгийн 100 жилийн ойн барилдаанд дархан аварга А.Сүхбат, улсын арслан Б.Орхонбаяр нарын магнайлсан хүчит 256 бөх барилджээ.
ЗАВХАН АЙМАГ:
Завхан аймгийн баяр наадмын үндэсний бөхийн барилдаанд Завхан аймгийн Яруу сумын харьяат улсын заан М.Лхагвагэрэл түрүүлж, Завхан аймгийн Их-Уул сумын харьяат улсын гарьд Б.Гончигдамба үзүүрлэв. Харин их шөвөгт улсын гарьд Ш.Жаргалсайхан, улсын харцага Ш.Пүрэвгарьд нар шалгарсан байна.
Тус аймгийн 100 жилийн ойн барилдаанд улсын аварга Г.Эрхэмбаяр, улсын гарьд М.Баяржавхлан нарын хүчит 256 бөх барилдав.
ХЭНТИЙ АЙМАГ:
Хэнтий аймаг баяр наадмын үндэсний бөхийн барилдаанд Ховд аймгийн Буянт сумын харьяат улсын аварга О.Хангай түрүүлж, Хэнтий аймгийн Батширээт сумын харьяат улсын харцага Г.Бадрах үзүүрлэв. Харин их шөвөгт улсын аварга П.Бүрэнтөгс, улсын заан Б.Бат-Өлзий нар шалгарчээ.
Тус барилдаанд улсын аварга П.Бүрэнтөгс, О.Хангай, улсын гарьд Ө.Бат-Орших, Ц.Бямба-Отгон нарын магнайлсан хүчит 256 бөх барилдсан байна.
Мөн Хэнтий аймгийн 100 жилийн ойн баяр наадмын үндэсний бөхийн барилдааны тавын давааны үеэр Хэнтий аймгийн Өмнөдэлгэр сумын харьяат Хөдөлмөрийн баатар, Монгол Улсын гавьяат тамирчин, хорьдугаар зууны манлай бөх, даяар дуурсагдах далай даян дархан аварга, УИХ-ын гишүүн Бадмаанямбуугийн Бат-Эрдэнэ цолоо дуудуулж Үндэсний бөхөөс зодог тайлсан юм.