“Монголчуудын өв соёлын Даншиг наадам-Хүрээ цам 2023” наадмыг 8 дугаар сарын 5, 6-нд Хүй долоон худагт зохион байгуулах гэж байна.
НЗДТГ, Гандантэгчинлэн хийд, Монголын үндэсний бөхийн холбоо хамтран зохион байгуулах тус наадмын хөтөлбөр гарсныг хүргэж байна.
2023 онд Завхан, Архангай, Хэнтий, Төв, Говь-Алтай аймаг 100 жилийн ойтойгоо золгож, баяр наадмаа тэмдэглэж байна.
Өнгөрсөн өдрүүдэд дөрвөн аймгийн баяр наадам болсон бол өнөөдөр Говь-Алтай аймгийн наадам хурдан морины уралдаанаар эхэлж буйг аймгийн ЗДТГ-аас мэдээллээ. Тус аймаг ойдоо зориулан 3,500 хүний суудалтай цэнгэлдэх хүрээлэн барьж, энэ сарын 20-ашиглалтад оруулжээ.
Морь, сур, бөхийн барилдаан, тууль хайлах, “Хурд” хамтлагийн тоглолт болох хөтөлбөртэй Говь-Алтай аймгийн наадам наймдугаар сарын 2-нд өндөрлөх юм байна. Ингэснээр Засгийн газраас гаргасан шийдвэр ёсоор тэгш ой тохиож байгаа таван аймгийн баяр наадам дуусах товтой.
Сүхбаатар дүүргийн 6 дугаар хороо буюу Чингис хаан музейн уулзвараас ШУТИС-ийн уулзвар хүртэлх авто замын хөдөлгөөнийг хааж, хучилт хийж, мөн суулт үүссэн хашлага болон инженерийн шугам сүлжээний худгийн тагийг асфальт бетон хучилтын түвшинд тааруулан засварласан. Улмаар засварын ажил дууссан тул уг замыг өнөөдөр нээсэн байна.
Долоо хоногийн өмнө орсон их хэмжээний аадар борооны улмаас Баянгол дүүргийн зарим хэсэгт үерийн улмаас хүндрэлтэй нөхцөл байдал үүссэн билээ.
Тодруулбал Баянгол дүүрэг 19-р хороо Чингүнжавын гудамж буюу 25-р эмийн сангас Өргөө кинотеатр хүртэлх авто зам хууларч, эвдэрч сүйдсэн.
Тэгвэл үерт урссан авто замын асфальтбетон хучилтыг урсгал засварын ажлын хүрээнд тээврийн хэрэгсэл саадгүй зорчих нөхцөлийг ханган засварлаж дуусгажээ.
Баасан гаригт Япон улсын засгийн газар ОХУ-д оногдуулсан автомашины экспортын хоригоо өргөжүүлэх шийдвэр гаргажээ.
Украин улсад эзлэн түрэмгийлэх дайн өдөөсөн ОХУ-ын эсрэг Их Долоогийн бүлгийн орнуудын авах арга хэмжээний хүрээнд уг шийдвэрийг гаргасан байна.
Өнгөрсөн оны дөрөвдүгээр сараас эхлэн Япон улс зургаан сая иенээс ($43,000) дээш үнэ бүхий бензин хөдөлгүүртэй автомашиныг ОХУ-д нийлүүлэхээ зогсоосон юм.
Харин энэ удаа 1,900 куб см-ээс дээш багтаамжийн бензин, дизель хөдөлгүүртэй болон цахилгаан, гибрид хөдөлгүүртэй шинэ, хуучин автомашинуудын экспортыг нэмж хоригложээ.
Бас том оврын автомашины дугуй экспортлохыг хориглосон байна.
Японы үйлдвэрийн автомашинууд ОХУ-ын зах зээлд эрэлттэй байдаг. Тиймээс энэ удаагийн хориг эдийн засгийн том цохилт болно гэж ажиглагчид үзэж байна.
2022 онд Япон улсаас ОХУ-д нийтдээ 603.9 тэрбум иений бараа экспортолсон нь өмнөх оноос 30 хувиар буурсан үзүүлэлт юм.
Үүний талаас илүү хувь нь автомашин, түүн дотроо голдуу хуучин автомашин байжээ.
“Бид олон улсын хамтын нийгэмлэг, тэр дундаа Их Долоогийн бүлгийн орнуудын холбогдох яам, агентлагуудтай хамтран хориг арга хэмжээг тууштай хэрэгжүүлэх болно” гэж Япон улсын эдийн засаг, худалдаа, үйлдвэрлэлийн сайд Ясүтоши Нишимүра өнөөдөр болсон хэвлэлийн хурлын үеэр мэдэгдсэн байна.
Өнөөдрийн шийдвэрээр нийтдээ 750 орчим төрлийн бараа бүтээгдэхүүнийг экспортын хоригийн хар жагсаалтад нэмжээ.
Эдгээр нь 2021 онд ОХУ-д экспортолсон нийт бүтээгдэхүүний үнийн дүнгийн 20 орчим хувийг бүрдүүлж байсан юм байна.
Их Долоогийн бүлгийн орнуудын удирдагчид тавдугаар сард Японы Хирошима хотод чуулахдаа ОХУ-д автомашины хориг зарлахаар тохиролцсон юм. Шинэ хориг наймдугаар сарын 9-ний өдрөөс хэрэгжиж эхэлнэ.
Эх сурвалж: Japan Times
Архангай, Төв, Завхан, Хэнтий аймаг байгуулагдсаны 100 жилийн ойн баяр наадам өчигдөр болж өндөрлөлөө.
Аймгуудын баяр наадмын Үндэсний бөхийн барилдаанд түрүүлж үзүүрлэсэн их шөвгийн бөхчүүдийн нэрсийг танилцуулж байна.
Архангай аймгийн баяр наадмын үндэсний бөхийн барилдаанд Архангай аймгийн Батцэнгэл сумын харьяат улсын харцага Б.Зоригтбаатар түрүүлж, Архангай аймгийн Цэнхэр сумын харьяат улсын арслан М.Бадарч үзүүрлэв. Харин их шөвөгт улсын арслан Р.Пүрэвдагва, улсын начин Л.Отгонбаатар нар шалгарсан байна.
Төв аймгийн баяр наадмын үндэсний бөхийн барилдаанд Төв аймгийн Өндөрширээт сумын харьяат улсын начин Д.Хүдэрбулга түрүүлж, Төв аймгийн Баянхангай сумын харьяат улсын заан Б.Батмөнх үзүүрлэв. Харин их шөвөгт улсын арслан Б.Орхонбаяр, улсын начин Г.Ганжад нар шалгарав.
Завхан аймгийн баяр наадмын үндэсний бөхийн барилдаанд Завхан аймгийн Яруу сумын харьяат улсын заан М.Лхагвагэрэл түрүүлж, Завхан аймгийн Их-Уул сумын харьяат улсын гарьд Б.Гончигдамба үзүүрлэв. Харин их шөвөгт улсын гарьд Ш.Жаргалсайхан, улсын харцага Ш.Пүрэвгарьд нар шалгарсан байна.
Хэнтий аймаг баяр наадмын үндэсний бөхийн барилдаанд Ховд аймгийн Буянт сумын харьяат улсын аварга О.Хангай түрүүлж, Хэнтий аймгийн Батширээт сумын харьяат улсын харцага Г.Бадрах үзүүрлэв. Харин их шөвөгт улсын аварга П.Бүрэнтөгс, улсын заан Б.Бат-Өлзий нар шалгарчээ.
Мөн Хэнтий аймгийн 100 жилийн ойн баяр наадмын үндэсний бөхийн барилдааны тавын давааны үеэр Хэнтий аймгийн Өмнөдэлгэр сумын харьяат Хөдөлмөрийн баатар, Монгол Улсын гавьяат тамирчин, хорьдугаар зууны манлай бөх, даяар дуурсагдах далай даян дархан аварга, УИХ-ын гишүүн Бадмаанямбуугийн Бат-Эрдэнэ цолоо дуудуулж Үндэсний бөхөөс зодог тайлсан юм.
Монгол оронд сүүлийн 80 жилд 2-2,5 хэмээр дулаарсан байна
Сагс, хөл бөмбөгийн талбайтай Дарь эх цогцолборыг байгуулж байна
Хөгжлийн Банкны зээлийн эргэн төлөлтөд хураан авсан үл хөдлөх хөрөнгүүдийг олон нийтэд нээлттэй зарж борлуулж байгаа билээ.
Зээлийн эргэн төлөлтөд хураан авсан нийт 93 үл хөдлөх эд хөрөнгөөс нэг үйлчилгээний талбай, долоон орон сууц, 14 авто зогсоолыг 3.3 тэрбум төгрөгөөр худалдан борлуулсан байна.
Хөгжлийн банкны өмчлөл, эзэмшилд шилжүүлсэн үл хөдлөх хөрөнгүүдийг зарж борлуулах үйл ажиллагааны дагуу www.dbm.mn цахим хуудсанд ирүүлсэн саналуудыг хүлээн авч шаардлага хангасан худалдан авагчтай холбогдож, гэрээ байгуулж байгаа юм.
Одоогоор 71 үл хөдлөх хөрөнгийг зарах төлөвлөгөөтэй байгаа бөгөөд сонирхсон иргэн, хуулийн этгээд цахим хуудсаар дамжуулан худалдан авах саналаа өгч болно.
Цахим хуудсаар дамжуулж хүсэлт өгөхдөө тухайн сонирхож буй үл хөдлөх хөрөнгийн байрны дугаар, тоотыг зөв сонгох, 100 хувь бэлэн төлөлт болон арилжааны банкны зээлд хамрагдах замаар урьдчилгаа байршуулан худалдан авах тохиолдолд дансны хуулга, бусад нотлох баримтыг системд хавсаргаж оруулах шаардлагатай юм. Дараа нь худалдан авах хүсэлтийн дагуу холбогдох албаныхан эргэн холбогдоно хэмээн Хөгжлийн Банкнаас мэдээллээ.