Нийслэлийн хэмжээнд өнөөдрөөс сайжруулсан шахмал түлш борлуулах цэгийн үйл ажиллагааг эхлүүлж, нийт 450 цэгээр түлш борлуулж эхлээд байна.

2022-2023 оны халаалтын улиралд нийслэлийн долоон дүүргийн хэмжээнд сайжруулсан шахмал түлшний 650 цэг ажиллуулахаар төлөвлөжээ.

Тэдгээрээс 450 цэгийг өнөөдрөөс ажиллуулж, сайжруулсан шахмал түлш борлуулж байна. Мөн тээврийн 31 аж ахуй нэгж, байгууллагатай гэрээ байгуулан сайжруулсан шахмал түлшийг борлуулалтын цэгүүд рүү тээвэрлэж эхлэв.

Нийслэлийн Засаг даргын гаргасан 2022-2023 оны өвөлжилтийн бэлтгэл хангах тухай захирамжийн дагуу энэ оны аравдугаар сарын 1-ний өдрийн дотор 200 мянган тонн сайжруулсан шахмал түлшний нөөц бүрдүүлэх учиртай. Өнөөдрийн байдлаар нийслэлийн хэмжээнд 60 агуулах, дундын баазад нийт 110 мянган тонн сайжруулсан шахмал түлшний нөөц бүрдүүлээд байна.

Мөн сайжруулсан шахмал түлшний үнэ өөрчлөгдөөгүй бөгөөд нэг шуудай түлшийг 3750 төгрөгөөр борлуулж байна.

Цаг агаарын аюултай үзэгдлээс сэрэмжлүүлэх мэдээ:

Мөн газар тариалангийн бүс нутгаар 16-нд нойтон цас орж, 17, 18-нд цочир хүйтрэхийг онцгойлон анхааруулж байна.

Өнөөдрийн 20:00 цаг хүртэлх цаг агаарын урьдчилсан мэдээ:

Хур тунадас: Ихэнх нутгаар үүлшинэ. Өдөртөө баруун аймгуудын нутгийн зүүн хэсэг, төвийн аймгуудын ихэнх нутаг, говь болон зүүн аймгуудын нутгийн хойд хэсгээр бороо, нойтон цас орно. Бусад нутгаар бороо орохгүй.

Салхи: Нутгийн зүүн хэсгээр баруун өмнөөс, бусад нутгаар баруун өмнөөс баруун хойш эргэж секундэд 7-12 метр, говь, тал, хээрийн нутгаар секундэд 18-20 метр хүрч ширүүсэж, шороон шуурга шуурна.

Агаарын температур: Өдөртөө Хангай, Хөвсгөлийн уулархаг нутаг, Эг, Үүр, Орхон голын хөндийгөөр 4-9 градус, Алтайн уулархаг нутаг, Увс нуурын хотгор, Идэр, Тэс, Сэлэнгэ, Хараа, Ерөө, Туул, Тэрэлж голын хөндийгөөр 9-14 градус байна.

Говийн бүс нутгийн зүүн өмнөд хэсэг, Дорнод-Дарьгангын тал нутгаар 25-30 градус, говийн бүс нутгийн баруун өмнөд хэсгээр 19-24 градус, бусад нутгаар 13-18 градус дулаан.

УЛААНБААТАР ХОТ ОРЧМООР: Үүлшинэ. Бороо орно. Салхи баруун өмнөөс хойш эргэж секундэд 5-10 метр, зарим үед секундэд 12-14 метр хүрч ширүүснэ. Өдөртөө 13-15 градус дулаан.

БАГАНУУР ОРЧМООР: Үүлшинэ. Бороо орно. Салхи баруун өмнөөс хойш эргэж секундэд 6-11 метр, зарим үед секундэд 13-15 метр хүрч ширүүснэ. Өдөртөө 14-16 градус дулаан байна.

ТЭРЭЛЖ ОРЧМООР: Үүлшинэ. Бороо орно. Салхи баруун өмнөөс хойш эргэж секундэд 5-10 метр, зарим үед секундэд 12-14 метр хүрч ширүүснэ. Өдөртөө 11-13 градус дулаан байна.

Есдүгээр сарын 17-21-ний цаг агаарын урьдчилсан төлөв:

Энэ сарын 17-нд баруун, төв болон зүүн аймгуудын нутгийн хойд хэсгээр, 18-нд Хангай, Хөвсгөлийн уулархаг нутгаар, 19-нд Хангайн уулархаг нутгаар бороо, нойтон цас орно.

Салхи 17-нд говь, тал, хээрийн нутгаар секундэд 15-17 метр хүрч ширүүсэж, шороон шуурга шуурна. Ихэнх нутгаар сэрүүсэж Алтай, Хангай, Хөвсгөл, Хэнтийн уулархаг нутаг, Завхан голын эх, Хүрэнбэлчир орчим, Идэр, Тэс, Тэрэлж голын хөндийгөөр шөнөдөө 3-8 градус хүйтэн, цочир хүйтэрнэ.

Өдөртөө 3-8 градус, говийн бүс нутгийн өмнөд хэсгээр шөнөдөө 6-11 градус, өдөртөө 16-21 градус дулаан, бусад нутгаар шөнөдөө 1 градус хүйтнээс 4 градус дулаан, цочир хүйтэрнэ, өдөртөө 8-13 градус дулаан байна гэж Цаг уур, орчны шинжилгээний газраас мэдээллээ.

Угаарын хийн хордлогоос урьдчилан сэргийлэх, эрсдэлээс хамгаалах зорилго бүхий “Яндангаа хөөлье, өнтэй өвөлжье” сэдэвт сургалтыг зохион байгуулж, дүүрэг, хороодын удирдлага, хэсгийн ахлагч нарыг хамрууллаа. Галлагааны улирал эхэлж байгаатай холбогдуулан эхний ээлжинд иргэд, айл өрхтэй хамгийн ойр ажилладаг хүмүүст сургалт мэдээллийг хүргэж буй бөгөөд тэднээр дамжуулан иргэдэд мэдээлэл хүргэх, эрсдэлээс сэргийлэх чиглэлийн мэдээлэл өглөө.

Энэхүү сургалтын талаар Нийслэлийн Агаар, орчны бохирдолтой тэмцэх газрын дарга Ц.Ганболд хэлэхдээ:

Х ГАЗАР

Нийгмийн эрүүл мэндийн үндэсний төв /НЭМҮТ/-ийн Хоол судлалын алба, Улаанбаатар хотын Захирагчийн ажлын албатай хамтран ДЭМБ-ын дэмжлэгтэйгээр “Коронавируст халдвар хоол хүнсээр дамжихаас сэргийлэх” сургалтыг зохион байгуулж байна.

Сургалтад хоол үйлдвэрлэл, хүнсний худалдаа эрхлэгчдийн төлөөлөл хамрагдаж, ДЭМБ, ЭМЯ, УБЗАА-ны төлөөлөл, НЭМҮТ-ийн эрдэм шинжилгээний ажилтнууд хүнсний аюулгүй байдлын тухай хичээл орлоо. НҮБ-ын ХХААББ, ДЭМБ-аас “КОВИД-19” хүнсээр дамжин тархаж болзошгүйг улс орнуудад анхааруулж, хүнсний эрүүл ахуй, аюулгүй байдлын дүрэм, журам, стандартуудыг чанд дагаж мөрдөж ажиллахыг хүнсний хүнсний худалдаа, үйлчилгээ эрхлэгчдэд зөвлөмж гаргажээ.

Мөн ДЭМБ-ын НДББ-ийн хэмжээнд бохирдсон хоол хүнс хэрэглэсний улмаас жил бүр 125 сая хүн (40 сая таван хүртэлх насны хүүхэд) хоол хүнсээр дамжих өвчнөөр өвдөж 50 сая хүн нас барж байна. Харин Монгол Улсын хувьд 2017-2020 онд хоолны хордлогын 51 удаагийн дэгдэлт бүртгэгдэж, 2326 хүн өвджээ.

Нийт дэгдэлтийн 29.4 хувь нь гэр бүлийн хүрээнд 23.5 хувь нь хүүхдийн байгууллага, 21.6 хувь нь албан байгууллагын хоолны газар, 22.5 хувь нь ресторан, зоогийн газарт тус тус гарсан болохыг мэргэжилтнүүд хэлж байв.

Энэ үеэр НЭМҮТ-ийн Тандалт судалгааны албаны Гэдэсний халдварын тасгийн дарга Б.Энхтунгалаг “Уламжлалт хүнсний зах зээлийг аюулгүй байлгахад анхаарч сургалт зохион байгуулж байна. Тус сургалтад Улаанбаатар хотын томоохон худалдааны төвүүдийн эрүүл ахуйч нар оролцож байгаа. Хэрэглэгчдэд хүргэж байгаа хүнс аюулгүй байлгахад худалдаа эрхлэгчдийн мэдлэгийг сэргээж байна. Сургалтын үр дүнд хэрэглэгчдэд хүрч буй хүнс аюулгүй байж, оролцогчдын мэдлэг дээшилнэ. Дэлхийн хэмжээнд жил бүр 10 хүн тутмын нэг нь бохирдсон хоол хүнс хэрэглэсний улмаас 420 сая хүн цаг бусаар нас барж байна. Монгол Улсын хувьд хүнсний аюулгүй байдал анхаарах ёстой асуудлын нэг мөн. Эрүүл мэндийн статистикийн судалгаагаар нийт халдварт өвчний 19.8 хувь нь гэдэсний халдварт өвчин байх жишээтэй. Иймд хүнсний аюулгүй байдал аль ч улс орны хувьд нийгмийн болон хувь хүний эрүүл мэндийн хувьд нэн чухал асуудал” хэмээн өгүүллээ.

Сургалтад оролцсон хүнсний худалдаа эрхлэгчид, эрүүл ахуйчид үр дүнтэй, сайн сургалт болж байгааг онцолж байлаа.

Аюулт үзэгдэл, ослын тохиолдол энэ оны эхний найман сарын байдлаар 2,850 болж, өмнөх оны мөн үеэс 251 буюу 9.7%-аар өсжээ.

Объектын түймэр энэ оны эхний найман сарын байдлаар 2,088 удаа бүртгэгдэж, өмнөх оноос 404 (24%)-өөр, биологийн гаралтай аюулт үзэгдэл 146 болж, өмнөх оны мөн үеэс 113 (4.4 дахин их)-аар тус тус өссөн байна.

Аюулт үзэгдэл, ослын улмаас тус сард нийт 197 хүн амь насаа алдаж, өмнөх оны мөн үеэс есөөр буюу 4.1%-аар буурсан байна. Мөн нийт 13.9 тэрбум төгрөгийн хохирол учирч, 6.6 тэрбум төгрөг зарцуулсан болохыг Үндэсний Статистикийн Хорооноос мэдээллээ.

Цөмийн энергийн комисс, Олон улсын атомын энергийн агентлагийн Техникийн хамтын ажиллагаа “Цар тахлын хэв шинжтэй, малын гоц халдварт, хил дамжин халдварлах өвчнүүдийн оношилгоо, вакцины технологийг сайжруулах” MON/5026 төслийн хүрээнд Үхрийн арьс товруутах өвчнөөс урьдчилан сэргийлэх 165 мянган еврогийн үнэ бүхий 500,000 тун вакциныг Мал эмнэлгийн Ерөнхий газарт хандивласан байна.

Үхрийн арьс товруутах өвчин нь олон улсын худалдааны хорио цээрт, хил дамжин халдварладаг үхрийн гоц халдварт өвчин юм. Энэхүү өвчин нь богино хугацаанд ялаа, шумуул болон шууд хавьтлаар халдвар тархаж, халдварлаж өвчилдөг, мах болон сүүний алдагдал, арьсны гологдол үүсгэдэг, сүргийн нэлээд хувь нь үхэж хорогддог эдийн засгийн хохирол ихтэй байдаг байна.

Тухайн өвчний үүсгэгч вирус маш тогтвортой, гадаад орчны хуурай нөхцөл ялангуяа товрууны хатсан таванд вирус удаан хугацаагаар байдаг бөгөөд арьсны үхэжсэн зангилаанд 33, хогжруунд 35, хатсан арьс ширэнд 18 хоног хүртэл амьд байдаг нарны шууд гэрэлд тэсвэр муутай ч гадаад орчны чийглэг харанхуй нөхцөлд удаан хугацаанд хадгалагддаг аж.

Өвчний нууц үе 4-14 хоног үргэлжилдэг. Зарим тохиолдолд 28 хоног хүрдэг. Эмнэл зүйн хувьд өндөр халуурах, сүүний гарц огцом татрах, мэдрэг чанар багасах, нус нулимс гоожих, хүзүү толгой, уруул, хөх, үржлийн эрхтэн орчимд 2-5 см голч бүхий товруут зангилаа үүсгэдэг байна.

“Монголын алт” /МАК/ ХХК нь нийгмийн хариуцлагынхаа хүрээнд Сэлэнгэ аймгийн Ерөө суманд олон улсын стандартад нийцсэн 960 хүүхдийн эко сургуулийг барьж, ашиглалтад орууллаа.

ЦЕГ-ын даргын тушаалаар улсын хэмжээнд зохион байгуулагдаж байгаа “Илрүүлэлт оргодол-2022” нэгдсэн арга хэмжээг зохион байгуулж байна.

Энэ хүрээнд нийслэлийн Цагдаагийн удирдах газрын Шөнийн эргүүлийн хэлтсийн алба хаагчид есдүгээр сарын 15-16-нд шилжих шөнө бусдын орон байранд хууль бусаар нэвтэрч эд зүйл хулгайлсан хэргийг шуурхай илрүүлж, эрэн сурвалжлагдаж байсан 18 хүнийг олж тогтоожээ.

“Илрүүлэлт оргодол” арга хэмжээ нь эзэн холбогдогч нь тогтоогдоогүй, шалгагдаж байгаа хэргүүдийг нөхөн илрүүлэх, гэмт хэрэг үйлдээд оргон зайлсан этгээдүүдийг олж тогтоох зорилготой аж.