Улаанбаатар хотод өнөөдөр дархлаажуулалтын суурин 67, түр 2 цэгт 69 багийн 281 эмч, ажилтан ажиллана.
Иргэд өөрт ойр вакцины аль ч цэгт очиж дархлаажуулалтад хамрагдах боломжтой. Дархлаажуулалтын цэгүүд 9.00-16.00 цаг хүртэл ажиллана. Дархлаажуулалтын цэгийг дүүрэг тус бүрээр танилцуулж байна.
Монгол Улсын Ерөнхийлөгчийн 2017 оны 25 дугаар зарлигаар жил бүрийн 9 дүгээр сарын 01-ний өдрийг “Эх хэлний өдөр” болгон зарласан.
Манай улс он гарснаас хойш 1,203.7 мян.тн газрын тосны бүтээгдэхүүн импортоллоо. Үүнд А-80 автобензин 26.3 мян.тн, АИ-92 автобензин 392 мян.тн, АИ-95/98 автобензин 17.2 мян.тн, ДТ 613.2 мян.тн, онгоцны түлш 20 мян.тн, Жет А-1 21.4 мян.тн, бусад 113.5 мян.тн байв.
Улсын хэмжээнд 8 дугаар сарын 29-ний байдлаар 133,229 тн шатахууны нөөцтэй байгааг УУХҮЯ мэдээлжээ. Үүнээс А-80 автобензин 8,147 тн буюу 49, АИ-92 автобензин 33,723 тн буюу 25, АИ-95 автобензин 7,076 тн буюу 53, ДТ 80,335 тн буюу 29, онгоцны түлшний 56 хоногийн нөөцтэй байна.
Нийслэлд 70,142 тн шатахууны үлдэгдэлтэй байгаагаас А-80 автобензин 1,235 тн, АИ-92 автобензин 20,226 тн буюу 21, АИ-95 автобензин 3,127 тн буюу 43, ДТ 41,643 тн буюу 38 хоногийн хэвийн нөөцтэй байлаа.
Шатахууны нөөц баруун бүсэд 15,691 тн, хангайн бүсэд 7,132 тн, төвийн бүсэд 32,230 тн, зүүн бүсэд 8,034 тн байгаа аж.
2022-2023 оны хичээлийн жилд улсын хэмжээнд 415 сургуулийн 548 дотуур байр үйл ажиллагаа явуулна. Үүнээс 489 (89.2%) нь стандартын, 59 (10.8%) нь стандартын бус байна. Тухайлбал,
Өнгөрсөн хичээлийн жилд дотуур байрны нийт хүчин чадал 47,030 байснаас 32,576 (69.3%) хүүхэд амьдарчээ.
Улсын хэмжээнд энэ хичээлийн жилд ерөнхий боловсролын сургуульд 746,653 сурагч суралцана. Түүнчлэн
Их, дээд сургуульд нийт 141,197 оюутан суралцах бол техникийн болон мэргэжлийн боловсрол, сургалтын байгууллагад 49,304 оюутан элсэн орох юм. Нийслэлийн хэмжээнд есдүгээр сарын 1-ний байдлаар 113,474 хүүхэд цэцэрлэгт хамрагдаад байна.
2022-2023 оны хичээлийн шинэ жил өнөөдөр эхэллээ.
Үүнтэй холбоотойгоор 07:30, 08:00, 09:00 цагийн байдлаарх Улаанбаатар хотын замын хөдөлгөөний нөхцөл байдлыг Тээврийн цагдаагийн албанаас мэдээллээ.
Өнөөдөр автомашины улсын дугаарын сүүлчийн орон нь тэгш тоогоор /0,2,4,6,8/ төгссөн автомашиныг хөдөлгөөнд оролцуулж байгаа. Ийнхүү тэгш, сондгойгоор хөдөлгөөнд оролцож байгаатай холбоотойгоор замын хөдөлгөөн харьцангуй хэвийн байгааг тус албанаас онцолж байна. Мөн явган зорчигчийн гарц болгон дээр хүүхдүүдэд зам тавьж өгөхийг уриаллаа.
Явган зорчигчдод зам тавьж өгөхгүй байх, зогсох зогсоолын дүрэм зөрчих зэрэг тохиолдлууд гарч байгаа тул жолооч нар сургууль, цэцэрлэг орчмын бүсэд хурдаа тохируулан явахыг анхаарууллаа. Явган зорчигчийн гарц болгон дээр хүүхдүүдэд зам тавьж өгөхийг мөн уриалав.
Хичээлийн шинэ жил эхлэхтэй холбогдуулан нийслэлийн замын хөдөлгөөний ачааллыг бууруулахаар автомашиныг улсын дугаараар нь хязгаарлаж байгаа.
Өнөөдөр улсын дугаарын сүүлийн орон нь тэгш тоогоор буюу 0, 2, 4, 6, 8-аар төгссөн автомашинууд замын хөдөлгөөнд оролцоно. Харин сондгой тоогоор төгссөн дугаартай автомашинуудыг 08:00-20:00 цагт хөдөлгөөнд оролцохыг хориглоно.
2020 онд нийслэлийн Засаг даргын захирамжаар тогтоосон хязгаарлалтын хүрээнд дугаарын хязгаарлалт үйлчилнэ. Тодруулбал
Уг хязгаарлалтад ажил үүрэг гүйцэтгэж яваа тээврийн хэрэгсэл болон дипломат байгууллагын автомашин, зочид төлөөлөгчдийн цуваа, нийтийн тээврийн хэрэгсэл, стандартын шаардлага хангасан такси, таних тэмдэг бүхий хэвлэл мэдээллийн байгууллагын тээврийн хэрэгсэл хамаарахгүй.
Сүүлийн үед хүүхдүүдийн дунд халуурах, суулгах, бөөлжих шинж тэмдэгтэй гэдэсний халдварт өвчин их байгаа талаар эцэг эхчүүд цахим орчинд нийтэлж байна. Энэ талаар сурвалжлахаар ХУД-ийн нэгдсэн эмнэлгийн хүүхдийн тасгийг зорилоо.
Улсын эмнэлгийн хүүхдийн тасагт ор хүрэлцэхээ байж өвдсөн хүүхдүүдийн аав ээж коридорт хөнжил дэвсгэрээ засаж ор сулрахыг хүлээн хүүхдээ сахидаг болоод удаж байгаа. Ханиад томуу ихтэй үед энэ мэт энгийн үзэгдэл болсон гэхэд хилсдэхгүй. Харин сургууль цэцэрлэгийн хичээл эхлэх дөхсөн энэ үед улсын эмнэлгийн хүүхдийн тасагт очиход ор хүрэлцээтэй, эл хульхан, ханиад томууны улиралд битүү хүнтэй байдаг коридор хоосон, эмчлүүлж буй хүүхдүүд л ганц нэгээрээ тоглон харьцангуй тайван байлаа. Ялангуяа өвлийн улиралд ачаалал ихтэй, өрөө тасалгааны хүрэлцээ багатай төдийгүй коридортоо ч зайгүй байдаг хүүхдийн тасаг цэлгэр саруулхан, ачаалал багатай байгаа нь хүүхдүүдийн өвчлөл, ханиад харьцангуй бага буйг илтгэнэ. Хүүхдээ хөхүүлэн сууж буй нэгэн ээжээс эмнэлэгт дахин хүүхэд хүлээж авах сул ор байгаа эсэхийг асуухад “Дахиад хүүхэд ирэхэд оруулах сул хэд хэдэн ор харагдсан. Бид хоёр маргааш гарна. Манай дүүргийн эмнэлгийн хүүхдийн тасаг эмчилгээ сайтай. Хүү маань бөөлжиж халуураад байхаар нь өрхийн эмнэлэгтээ үзүүлтэл Дүүргийн эмнэлэгт үзүүлэхийг сануулсан юм. Шууд энд ирээд яаралтай тусламжид үзүүлтэл хэвтэхийг зөвлөсөн. Долоо хоног эмчлүүлээд (өнөөдөр) гарах гэж байна. Бага насны хүүхдүүдийн дунд гэдэсний халдварт өвчин их байгааг эмч нар хэлж байна лээ” гэсэн юм. ХУД-ийн нэгдсэн эмнэлгийн хүүхдийн эмч Ч.Оюунсүрэн ярихдаа “Одоогоор манай эмнэлгийн ачаалал бага байна. Сургууль, цэцэрлэг ороод томуу, томуу төст өвчний ид үед бид том хүний тасгаа нэг тал руу нь шахаж хүүхэд авдаг. Мөн мэс заслын эмнэлгээ өргөтгөн гурван давхар болгож, хүүхдийн ороо нэмсэн. Томуугийн ид үед хангалттай хүрэлцэхгүй дахин 30 хүүхэд нэмж авах хүчин чадалтай болсон” гэв.
Харин дээрх шалтгаанаар ХӨСҮТ-д иргэд хэр их хандаж байгааг мэдээллийн албанаас тодруулав. ХӨСҮТ-ийн хэвлэл мэдээллийн ажилтан н.Дэлгэрмаа ярихдаа “Хүүхдүүдийн дунд гэдэс өвдөх, халуурах, суулгах шинж тэмдэгтэй халдварт өвчин их гарч байна. Энэхүү шалтгаанаар зөвхөн хүүхэд ч гэлтгүй насанд хүрсэн иргэд ч их ирж байна. Хүмүүсийн дунд тус халдвар ахуйн болон агаар дуслын замаар их тархаж байна. Иргэд ч шинж тэмдэг илрэхээр шууд өрхийн эмнэлэг болон эмнэлгийн байгууллагад хандахгүй дур мэдэн эм ууж, хүүхдүүддээ ч өөрийн тавьсан оношоор эм өгч байна. Дээрх шинж тэмдэг илэрвэл заавал эмнэлгийн байгууллагад хандах шаардлагатай. Өөрсдөө дур мэдэн эм ууж хүндэрсэн хойноо эмнэлэгт ирж байгаа нь эрсдэлтэй алхам” хэмээв.
Хичээлийн шинэ жил маргааш эхэлнэ. Хүүхдүүдийн дунд гэдэсний халдварт өвчин их байгаа нь олон хүүхдүүд цугларахад эрсдэл үүсгэх магадлалтай юм. Тиймээс энэ талаар Боловсролын ерөнхий газрын хэвлэлийн ажилтан н.Насанжаргалаас тодрууллаа.
-Хичээлийн шинэ жил эхлэх гэж байгаа энэ үед хүүхдүүдийн дунд ахуйн замаар халдварладаг гэдэсний өвчлөл их байна. Та бүхэн хүүхдүүдийн эрүүл ахуйн тал дээр ямар арга хэмжээ авч байна вэ?
-Манайх ЭМЯ болон БСШУ-ны яамтай хамтран эрүүл мэндийн зөвлөмж гаргадаг. Хичээл сургууль эхлэхээр уг зөвлөмжөө дахин шинэчлэн батална. Одоогоор ЭМЯ-наас ямар нэгэн чиглэл ирээгүй байна. Цар тахлын үе бүрэн дуусаагүй энэ үед хорио цээрийн үед баримталж байсан эрүүл ахуйн дэглэмээ чанд сахин ажиллахыг сургуулиудад сануулж байгаа. Анги бүрт гар ариутгагч болон ус цэвэршүүлэгч байлгахыг шаардаж байгаа.
-Хичээл хуучин горимоороо анги хуваагдахгүй орно гэсэн. Тэгэхээр урьдчилан сэргийлэх чиглэлээр эцэг эх, багш нарт ямар нэгэн байдлаар сургалт, таниулга хийх үү?
-Бага ангийнхан үдийн хоолоо ангидаа иддэг. Тэгэхээр бага ангийн багш нарт ялангуяа зөвлөмж зөвлөгөөг аль болох хүртээмжтэй өгөхийг хичээн ажиллана. Хичээл сургууль орсны дараа багш нарт цар тахлын үед ажиллаж байсан горимоороо эрүүл ахуйн шаардлагыг сайн хангаж ажиллахыг зөвлөнө. Сургуулиудын цахим хаяг болон эцэг эхчүүдийн цахим хаягаар сургалт сурталчилгаа, мэдээллийг сургууль бүр байнга өгч ажиллаж байдаг. Тэр уламжлалаа ч энэ жил үргэлжлүүлэх байх гэв.
Нийгмийн эрүүл мэндийн үндэсний төвөөс иргэдийн дунд их гарч байгаа гэдэсний халдварт өвчний талаар тодруулсан юм. НЭМҮТ-ийн эрүүл мэндийг дэмжих, өвчлөлөөс урьдчилан сэргийлэх албаны дарга С.Гэрэлмаа ярихдаа “ДЭМБ-ын үзүүлэлтээс 0-5 насны хүүхдүүдийн өвчлөл, нас баралтын 1-3 дугаар байрт амьсгалын замын эмгэгүүд ордог. Харин суулгалт өвчний хувьд хүүхдийн өвчний цогц менежмэнт Засгийн газраас хэрэгжүүлсний үр дүнд буурсан. Хурц суулгалт өвчнөөр хүүхдүүд эндэхээ больсон. Гэвч энэ төрлийн өвчнөөс иргэд урьдчилан сэргийлж ариун цэврийг чанд сахих хэрэгтэй. Өөрсдөдөө дур мэдэн онош тавьж, эм ууж хүндрүүлж байгаа нь эмнэлгийн байгууллагад ачаалал нэмж байна. Тиймээс аль болох ямар нэгэн шинж тэмдэг илэрсэн л бол шууд эмнэлгийн байгууллагад хандах хэрэгтэй. Тэгэхгүй өвчнөө хүндэрсэн хойно эмнэлэгт ханддаг хүмүүс их болжээ. Энэ нь та бидний ухамсрын асуудал шүү дээ. Өвдсөн л бол хүнд, хөнгөн гэхгүй эмчид ханддаг болмоор байна” хэмээв.
(1).jpg)
Ерөнхий боловсролын сургуулийн хоол үйлдвэрлэл, үйлчилгээний тухай хуулийн 11 дүгээр зүйлд зааснаар дараах үйл ажиллагааг хориглоно. Үүнд:
Сургуулийн хоол үйлдвэрлэл, үйлчилгээ, “Үдийн хоол” хөтөлбөрт дотоод хяналтыг тухайн сургууль, хөндлөнгийн хяналтыг тухайн сургуульд суралцагчийн эцэг эх, асран хамгаалагч болон багш, сурагчдын бүрэлдэхүүнтэй хяналтын зөвлөл хэрэгжүүлнэ. Төрийн хяналтыг тухайн шатны Засаг дарга, аймаг нийслэлийн Боловсролын газар, Эрүүл мэндийн газар болон хяналт хэрэгжүүлэх эрх бүхий байгууллага хийхээр хуульчилсан.
Сургуулийн насны хүүхдийн хоногт авбал зохих илчлэгийн 35 хувийг үдийн хоолноос авах бөгөөд хүүхдийн хөдөлгөөний идэвх, биеийн хөгжлийн онцлогоос хамаарч +/- 10 хувь байна. Мөн сургууль дотор стандартын шаардлага хангасан ундны усаар үнэ төлбөргүй үйлчлэх нөхцөлийг бүрдүүлнэ.
Эх сурвалж: Мэргэжлийн Хяналтын Ерөнхий Газа
Сургуулийн бүсэд хүүхдэд ээлтэй, аюулгүй орчныг бүрдүүлж, суралцагч гэр сургуулийн хооронд үнэ төлбөргүй зорчих “Сургуулийн автобус” төслийг нийслэлийн хэмжээнд хэрэгжүүлж байна.
Ерөнхий боловсролын сургуулийн сурагчдыг техникийн шаардлага хангасан автобусаар тав тухтай, аюулгүй тээвэрлэх төслийг 2022-2023 оны хичээлийн жилд дөрөв дэх жилдээ оржээ.
“Сургуулийн автобус” төслийн хүрээнд 75 хүүхдийн автобусыг оруулж ирэхээр НЗДТГ, “Моннис” ХХК-тай гэрээ байгуулсан ба 25 автобус ирсэн, 50 автобус нийлүүлээгүй хүлээгдэж байна. Иймд үлдсэн 50 автобус нийлүүлэх хүртэлх хугацаанд 24 автобусыг 24 чиглэлд есдүгээр сарын 5-ны өдрөөс явуулж эхлүүлэхээр бэлтгэл ажлыг хангажээ.
Нэг автобусыг Багахангай дүүрэгт хуваарилсан бөгөөд алслагдсан хорооноос дүүргийн төвийн сургууль руу зорчдог сурагчдыг зөөх юм. Төвийн дүүргүүдийн тухайд түгжрэлд нөлөө бүхий сургуулийн сурагчдыг автобусаар зөөдөг. Ингэхдээ ойролцоо байршилтай сургуулийн сурагчдад хамтад нь үйлчилдэг онцлогтой. Жишээлбэл, 84, 21, 111 дүгээр сургууль, 23, 24 дүгээр сургууль, 5, 50 дугаар сургууль, 1, 45 дугаар сургуулийн сурагчдыг хамтад нь хүргэдэг ажээ. Автобусны маршрутыг Нийслэлийн Нийтийн тээврийн газраас баталдаг бөгөөд нийтдээ 56 сургуулийг багтаасан 61 чиглэлийг гаргаад буй юм.
Нийслэлийн хэмжээнд цөөнгүй сургууль өөрийн өмчлөлийн болон түрээсийн автобусаар сурагчдадаа гэр сургуулийн хооронд тээврийн үйлчилгээ үзүүлдэг. Нийтдээ 102 сургуульд 220 “Хүүхдийн автобус” үйлчилдэг. Эдгээр сургуульд нийт 80 гаруй мянган сурагч суралцдаг бөгөөд тэдний 10 гаруй хувь нь хүүхдийн автобусаар үйлчлүүлдэг гэсэн тооцоо гарчээ. “Хүүхдийн автобус”-тай сургуулийн олонх нь төрийн бус өмчийн сургууль байгаа юм. Тодруулбал: Төрийн өмчийн 37 сургууль 41 автобус, төрийн бус өмчийн 65 сургууль 179 автобусаар сургуулийнхаа сурагчдад үйлчилнэ.
Эх сурвалж: Ulaanbaatar.mn