Тодруулбал, “Монгол хүн Монгол хүндээ тусалъя” ТББ-ын тэргүүн Ч.Мөнхбаярыг тагнуулын байгууллагаас 2022 оны хоёрдугаар сарын 17-ны өдөр баривчлан саатуулсан.

Түүнд Тагнуулын ерөнхий газраас мөрдөн шалгах ажиллагаа явуулан Нийслэлийн Прокурорын газраас Эрүүгийн хуулийн тусгай ангийн 19.4 дүгээр зүйлийн 1 дэх хэсэгт заасан гэмт хэрэгт эрүүгийн хэрэг үүсгэж, яллагдагчаар татан яллах дүгнэлт үйлдэж Сүхбаатар дүүргийн эрүүгийн хэргийн анхан шатны шүүхэд шилжүүлсэн юм.

Тус шүүх өчигдөр Ч.Мөнхбаярт холбогдох эрүүгийн хэргийг хянан хэлэлцээд түүнийг гадаад улсын тагнуулын албатай хамтран ажиллахаар тохиролцсон, хамтран ажилласан гэмт хэргийг үйлдсэн гэм буруутайд тооцож, түүнд 10 жилийн хугацаагаар хорих ялыг нээлттэй хорих байгууллагад эдлүүлэхээр шийдвэрлэжээ.

Тэгвэл түүний өмгөөлөгч Г.Баасан: “Прокурорын дүгнэлт дээр 2020 оны 11 сарын 5нд Мөнхбаяр нь энэтхэгийн тагнуултай уулзаад хятадын эсрэг тагнуулын ажил хийхээр тохиролцсон хэмээн ялласан. Гэтэл энэ хүнийг 2021оны 10 сарын 7нд баривчилсан. Тэр болтол энэ хүнд хуулиас гадуур гүйцэтгэх ажиллагаа явуулсан байсан. Түүнийг баривчлах үед гэрээс нь олдсон мөнгө бол ээжийнх нь мөнгө. Монголын айлуудад мөнгө байж болохгүй гэсэн хууль байхгүй. Тэр нь тийм ч их мөнгө биш. Олигархуудын нэг удаагын хоолны мөнгө. Ойролцоогоор 3 сая орчим төгрөг л байсан. Ч.Мөнхбаярт Хятадын эсрэг тагнуул хийлээ гээд Монголын хууль ял оноочихсон. Монгол улсад Хятадын эрх ашгийг хамгаалах ямар ч хууль байхгүй. Үндэсний аюулгүй байдлыг эсрэг гэмт хэрэг огт хийгээгүй. Харин ч үндэстнийхээ төлөө явдаг хүн. Тагнуулын байгууллагаас Хятадын эрх ашгийг хамгаалж “Монгол улсын үндэсний аюулгүй байдалд халдсан” хэмээн түүнийг ялласан. Цаашдаа бид давж заалдана. Энэ хэргийг нууцаас гаргаж нийт ард түмний дунд хэлэлцүүлэг явуулна. Тэгээд ирэхээр ард түмэн ямар хуульгүй орон болсныг, зарлагдаагүй колон орон болсноо мэдрэх цаг удахгүй ирнэ” хэмээн байр сууриа илэрхийлжээ.

Хилийн чанад дахь монголчуудын нэгдэл болох “Цахим өртөө ТББ”-аас жил бүр уламжлал болгон “Монгол орны хөгжилд чуулган”-ыг зохион байгуулж ирсэн билээ.

Анх 2005 онд “Цахим Өртөө ТББ”-ын гишүүд, Британи дахь монголчуудын санаачилгаар энэхүү чуулганыг зохион байгуулж эхэлсэн бөгөөд хөгжингүй орнуудад ажиллаж, суралцаж буй монголчуудынхаа сайн туршлагыг Монгол улсынхаа хөгжилд үр өгөөжтэй нэвтрүүлэхэд хувь нэмрээ оруулах зорилгоор эхлүүлжээ.

Энэ жилийн чуулган Монгол Улсын Ерөнхийлөгч У.Хүрэлсүхийн ивээл дор зохион байгуулагдаж буй “Хилийн чанад дахь Монголчуудын нэгдсэн чуулган”-ы нэг хэсэг болон хийгдэж буйгаараа онцлог бөгөөд чуулганд мэдээлэл технологийн чиглэлээр гадаад, дотоодод ажиллаж, суралцаж буй шилдэг залуус оролцоно.

Өдрөөс өдөрт хувьсан өөрчлөгдөж буй өнөөгийн нөхцөлд бүх салбарын үсрэнгүй хөгжлийг мэдээллийн технологийн шилдэг компаниуд, чадварлаг IT инженерүүд тодорхойлж байна. Хувь хүн, компани, улс гүрэн аль нь ч бай гагцхүү мэдээллийн технологийн үсрэнгүй хөгжилтэй эн зэрэгцэж байж дэлхийн энтэй өрсөлдөх болжээ.

Тэгвэл энэхүү чуулганаар үндэсний болон олон улсын шилдэг мэдээллийн технологийн компаниудад ажиллаж, суралцаж буй монгол залуус салбарын сүүлийн үеийн хөгжил, шигшигдсэн сайн туршлагаас хүргэж, өөрсдийн мэдлэг, туршлагаас хуваалцах юм. Чуулганы хөтөлбөрт үндсэн дөрвөн хэлэлцүүлэг багтаж байгаа бөгөөд танхимаар болон онлайнаар давхар зохион байгуулагдана.

Чуулганд олон улсын тавцанд хүлээн зөвшөөрөгдсөн, чансаатай илтгэгчид дэлхий дахинд анхаарал татаж буй мэдээллийн технологийн хөгжлийн асуудлыг бодлогын түвшинд хэлэлцэхээр зэхэж байна.

Тухайлбал,

• АНУ-ын Adobe компанийн Программ хангамжийн инженер, “Breathe Mongolia” ТББ-ын хамтран үүсгэн байгуулагч, Технологи хариуцсан захирал Г.Уянга,
• АНУ-ын Enterprise holding компанийн Программ хангамжийн шийдлийн инженер Н.Баасандорж,
• And Global компанийн Технологи хариуцсан захирал П.Отгонбаяр,
• Гэрэгэ Системс ХХК-ийн ТУЗ-ийн гишүүн Н.Энхжаргал,
• Чимэгэ Системс ХХК-ийн Гүйцэтгэх захирал С.Бадрал зэрэг технологийн компаниудад амжилттай ажиллаж буй залуусыг дурдаж болно.

Мөн холбогдох төрийн байгууллагууд болох Цахим Хөгжил, Харилцаа Холбооны яам, нийслэлийн Мэдээлэл, Технологийн Газраас төлөөлөл оролцоно.

Түүнчлэн нэгдсэн чуулганаас гарсан санал, зөвлөмжийг төр засгийн бодлогод оновчтой тусгуулах талаар Монгол Улсын Ерөнхийлөгч У.Хүрэлсүх, Гадаад Харилцааны Яам болон холбогдох бусад яам, тамгын газарт танилцуулах чухал үр дүнтэй чуулган болох юм.

Чуулганы хөтөлбөр:

Монголбанкны Хяналтын зөвлөл (МБХЗ)-ийн ээлжит хурал 2022 оны 6 дугаар сарын 20-ны өдөр боллоо. Хурлаар Монголбанкны 2021 оны байдлаарх ашиг алдагдал, Монголбанкны пассив хөрөнгийн ашиглалтын тухай мэдээлэл хэлэлцэн санал дүгнэлт гаргах; Монголбанкны тухай хуулийн 27 1 дүгээр зүйлийн Хяналтын зөвлөлд хамаарах хэсэгт өөрчлөлт оруулах талаар гишүүд харилцан санал солилцох зэрэг асуудлыг хэлэлцлээ.

Монголбанкны тухай хуулийн 27 1 дүгээр зүйлийн Хяналтын зөвлөлд хамаарах хэсэгт өөрчлөлт оруулах, Хяналтын зөвлөлийн үндсэн үйл ажиллагааны олон улсын туршлага, ОУВС-ийн зүгээс өгсөн санал зөвлөмжийн талаар гишүүд харилцан санал солилцон тодорхой санал боловсруулан холбогдох төрийн байгууллагад хүргэх нь зүйтэй гэж санал нэгдэв.

Мөн Монголбанкны орон нутаг дахь хэлтэс, салбарын ажилтай газар дээр нь очиж танилцах, арилжааны банкуудын салбар, зарим хүнс хөнгөн үйлдвэр болон бусад аж ахуйн нэгжийн төлөөлөгчидтэй уулзаж, ярилцлага хийж, санал солилцон ажилласан талаарх илтгэлийг сонсож уг илтгэх хуудсыг Монголбанкны Дотоод аудитын газар, Нөөцийн удирдлага, санхүүгийн зах зээлийн газрын ахлах мэргэжилтэн нарт хүргүүлж, тэнд гарсан санал дүгнэлтийг ажил хэрэг болгож ажиллахыг санал болгожээ.

Монголбанкны хяналтын зөвлөл нь Монголбанкны Өвөрхангай, Архангай, Завхан аймаг дахь хэлтэс, салбарын ажилтай газар дээр нь очиж танилцав. Мөн тус аймаг дахь арилжааны банкуудын салбар, зарим хүнс хөнгөн үйлдвэр болон бусад аж ахуйн нэгжийн төлөөлөгчидтэй уулзаж, ярилцлага хийж, санал солилцон ажилласан. Уулзалт ярилцлагаас үзэхэд цар тахлын дараах худалдаа бизнесийг сэргээх эргэлтийн хөрөнгийн хэрэгцээг хангахад зээллэг голчлон чиглэгдсэн байна. Харин цаашдаа нийт зээлдэгчдийн наад зах нь тухайн аймагт бусад салбарыг дагуулаад явах 2-3 томоохон зээлдэгчдийг олж, бүх талаас дэмжих нь зарчмын ач холбогдолтой гэдгийг оролцогчид онцлон тэмдэглэж байна. Мөн Аймгийн хэмжээний үйлдвэрлэлийн дулаан, уур, цэвэрлэх байгууламж, инженерийн шугам сүлжээг бий болгох, ингэж чадвал арилжааны банкуудын зүгээс үйлдвэрлэлийг, технологийг дэмжих зээл олгох боломж илүүтэй нэмэгдэхээр байгааг, дэд бүтэц бүрдвэл зээлийн чанарт нөлөөлөх, өөрийн эргэлтийн хөрөнгийг бүрдүүлж чадах, цаашдын шинээр ажлын байрыг бий болгох боломж байгааг иргэд санал нэгтэй байлаа.

Цаашид улсын төсвийн эх үүсвэртэй сумыг хөгжүүлэх зээлийн сан, ЖДҮ-ийн зээлүүдийг цаашдаа зөвхөн арилжааны банкуудаар дамжуулан олгож байх нь илүү өгөөжтэй, эргэн төлөлт сайтай байх болно гэдгийг Монголбанкны болон арилжааны банкуудын орон нутаг дахь салбар, хэлтсийн ажилтнууд тэмдэглэж байсныг анхааралдаа авлаа.

Мөн Баялгийн өгөөжийн тодорхой хэсгийг албан журмын үндсэн дээр хуулиар хүүхдийн болон өндөр насны хадгаламж хэлбэрээр банканд хуримтлуулж, эдийн засгийг урт дунд хугацааны хөрөнгө оруулалтын эх үүсвэртэй болгох, ийм хадгаламж бий болсноор хүн амын ирээдүйн амьдралын баталгаа бий болно гэдэг санааг томилолтын явцад танилцуулж, зарим иргэд, банкныхан, бизнес эрхлэгчдийн анхааралд оруулсан байна.

Хяналтын зөвлөлийн гишүүдийн зүгээс танилцсан мэдээлэлтэй холбогдуулан санал дүгнэлтээ УИХ-ын холбогдох хороо болон Монголбанкны удирдлагад хүргэх нь зүйтэй гэж үзлээ.

Хөшигийн хөндий дэх “Чингис хаан” олон улсын нисэх онгоцны буудлыг зорих иргэдэд нийтийн тээврийн үйлчилгээг хүргэх зорилгоор зургадугаар сарын 24-нөөс автобус үйлчилгээнд явж эхэлсэн. Тодруулбал, “Чингис хаан” олон улсын нисэх онгоцны буудал-Драгон авто вокзал-5 шар”, “Чингис хаан” олон улсын нисэх онгоцны буудал-Улсын их дэлгүүр-120 мянгат” гэсэн чиглэлд үйлчилж эхлээд байна. Эдгээр чиглэлийн цагийн хуваарь болоод үйлчилгээний үнэд өөрчлөлт орлоо.

Цагийн хуваарь:

Харин “Чингис хаан” олон улсын нисэх онгоцны буудлаас Улаанбаатар хот руу өглөө 07:10, 08:10 цаг, өдөр 12:20, 13:20 цаг, орой 17:50, 18:50 цаг болон шөнө 23:00, 00:00 цагуудаас тус тус хөдлөх юм.

Үйлчилгээний үнэ тариф:

• Том хүн 10,000 төгрөг,
• Хүүхэд 5,000 төгрөг

Үйлчилгээний цагийн хуваарийг нислэгийн цагийн хуваарьтай уялдуулан боловсруулсан бөгөөд нэг талдаа 1 цаг 20 минутаас 1 цаг 40 минут зарцуулна гэж тооцоолж зорчилтоо төлөвлөн үйлчлүүлэхийг Нийслэлийн Нийтийн тээврийн газраас анхааруулж байна.