Month: April 2022

Хөгжлийн бэрхшээлтэй хүний эрхийн тухай хуулийн 32 дугаар зүйлийн хэрэгжилтийг хангах зорилгоор хөгжлийн бэрхшээлтэй хүнийг бие даан амьдрахад нь дэмжлэг үзүүлэх, хувийн туслах бэлтгэх, хөдөлмөрт бэлтгэх чиглэлээр туршилтын судалгааны төслийг “Түгээмэл Хөгжил” ТББ-тай хамтарч 2021 оны арваннэгдүгээр сарын 25-наас 2022 оны нэгдүгээр сарын 25-ны хооронд хэрэгжүүлжээ.

Туршилтын судалгааны төсөлд хувийн туслах үйлчилгээний дэмжлэг шаардлагатай 35 хөгжлийн бэрхшээлтэй хүн хамрагдаж, 100 орчим хувийн туслах ажилтан бэлтгэж, хувийн туслах үйлчилгээг хөгжлийн бэрхшээлтэй иргэдийн хэрэгцээнд нь нийцсэн үйлчилгээ болгож хөгжүүлснээр хөдөлмөр эрхлэх, нийгмийн амьдралд бусдын адил эрх тэгш оролцох, асран хамгаалагч нь хөдөлмөр эрхлэх боломжтой гэдгийг туршилтын судалгааны үр дүн харуулсан байна.

Хөгжлийн бэрхшээлтэй иргэдийн эрх ашгийг хамгаалах чиглэлээр үйл ажиллагаа явуулдаг төрийн бус байгууллага, иргэдэд мэдээлэл өгөх, уламжлал болгон зохион байгуулдаг цахим “Мэдээллийн цаг”-ийн уулзалтад “Түгээмэл хөгжил төв”-ийн гүйцэтгэх захирал Н.Мөнхжаргал оролцож, туршилтын судалгааны төслийн үр дүнг танилцуулсан юм.

Эх сурвалж: Хөгжлийн бэрхшээлтэй хүний хөгжлийн ерөнхий газар

Орон даяар тавдугаар сарын 1-нээс эхлүүлэх эрт илрүүлэг, урьдчилан сэргийлэх үзлэгийн талаар Эрүүл мэндийн яамнаас өнөөдөр /2022.04.29/ мэдээлэл хийлээ

нэ үеэр Эрүүл мэндийн сайд С.Энхболд мэдээлэл өгөхдөө “Тавдугаар сарын 1-нээс орон даяар 0-5 болон 18-аас дээш насны бүх иргэдийг эрүүл мэндийн үзлэг, оношилгоонд хамруулна. Иргэдийг үзлэгт хамруулах график төлөвлөгөө гаргасан. Эрт илрүүлэг үзлэг, оношилгоо бүтэн жилийн турш үргэлжилнэ. Мөн орон нутагт 15 аймгийн нэгдсэн эмнэлэг дээр дэмжих төвийг байгуулсан байгаа. Зарим аймгуудад мөн адил дэмжих төвийг ашиглалтад оруулж ажиллана. Дэмжих төв гэдэг нь эрүүл мэндийн тоног төхөөрөмжөөр хангагдсан өрөө гэж ойлгож болно.

Малчин, оюутан зэрэг тодорхой хөдөлмөр эрхлээгүй иргэд 2019 оноос хойш даатгалаа төлснөөр эрт илрүүлгийн үзлэгт хамрагдах боломжтой. Урьдчилан сэргийлэх үзлэг тогтсон хуваарийн дагуу иргэдэд үйлчилнэ.

Харин эрүүл мэндийн яаралтай тусламж үйлчилгээ авах гэж байгаа бол бусад эрүүл мэндийн үйлчилгээний төвүүд үйл ажиллагаа хэвийн явуулж байгаа. Эмнэлгүүдийн хэвийн үйл ажиллагааг алдагдуулахгүйн тулд нэг эмнэлэгт өдөрт 50-60 хүнийг эрт илрүүлэг үзлэгт хамруулахаар төлөвлөсөн. Багцын шинжилгээ нь нас наснаас хамаарч 60-150 мянган төгрөгийн өртөгтэй байна” гэдгийг хэлэв.

“УРИЛГА ИРСЭН, ТОВЛОСОН ӨДӨРТӨӨ ОЧИЖ ШИНЖИЛГЭЭНД ХАМРАГДАНА”

Нийслэлийн Эрүүл мэндийн газрын дарга Б.Бямбадорж “Энэ удаагийн эрт илрүүлгийн үзлэгээр үүссэн датаг нэгдсэн платформд хадгална. Тодруулбал, өрх, тосгоны эрүүл мэндийн төв буюу анхан шатны нэгжүүд шинжилгээний мэдээллийг хадгалж, нийгмийн эрүүл мэндийн чухал ажил болох өвчнөөс сэргийлэх, архаг өвчин илэрсэн тохиолдолд хяналтдаа авч, хүндрэхээс сэргийлэх бодлого баримтлах боломж нээгдэж байна. Зохион байгуулалтын тухайд нийслэлийн эрүүл мэндийн төв болон дүүргийн эрүүл мэндийн төвүүдэд штабууд байгуулсан. Энэ нь хүртээмжийг сайжруулах, графикийн дагуу шинжилгээнд хамрагдаж буй эсэхэд дэмжлэг үзүүлж ажиллана.

2022 оны тавдугаар сарын 1-нээс 2023 оны тавдугаар сарын 1-н хүртэл хугацаанд аль хорооны иргэдийг хаана хамруулах төлөвлөлт хийсэн. Иймд хуваарилагдсан эрүүл мэндийн байгууллага дээр очиж шинжилгээнд хамрагдана.

Өөрөөр хэлбэл, урилга ирсэн, товлосон өдөртөө очиж шинжилгээнд хамрагдах ёстой. Нэг зүйл тодруулж хэлэхэд, тухайн иргэний цөс, ходоод өвдөх гэх мэтчилэн бие тавгүйрхэх буюу эрүүл мэндийн тусламж авах шаардлага гардаг. Энэ үедээ товлолоос урдуур орж үзлэг шинжилгээ хийлгэх боломжгүй. Эрүүл мэндийн төвүүдийн үндсэн үйл ажиллагаа үргэлжилж байгаа тул тусламж үйлчилгээгээ аваад явна. Харин урьдчилан сэргийлэх багц шинжилгээ бол тусдаа.

Нийслэл дэх Захиргааны хэргийн анхан шатны шүүх энэ сарын 8-ны өдөр иргэн Х.Янжингаажидын нэхэмжлэлтэй, Улсын бүртгэлийн ерөнхий газрын Хяналт шалгалтын газрын хяналтын улсын байцаагч Ц.Отгонцэцэгт холбогдох захиргааны хэргийг хянан хэлэлцлээ.

Нэхэмжлэгч Х.Янжингаажид нь Улсын бүртгэлийн ерөнхий газрын хяналтын улсын байцаагчид холбогдуулан “Улсын бүртгэлийн ерөнхий газрын хяналтын улсын байцаагчийн 2021 оны 10 дугаар сарын 15-ны өдрийн 5686 дугаартай дүгнэлтийг хүчингүй болгуулах” шаардлага бүхий нэхэмжлэлийг 2021 оны 12 дугаар сарын 15-ны өдөр тус шүүхэд гаргажээ.

Нийслэл дэх Захиргааны хэргийн анхан шатны шүүхийн 2022 оны 04 дүгээр сарын 08-ны өдрийн 128/ШШ2022/0273 дугаар шийдвэрээр “Х.Янжингаажидын нэхэмжлэлийг бүхэлд нь хангаж, Улсын бүртгэлийн ерөнхий газрын Хяналт шалгалтын газрын хяналтын улсын байцаагч Ц.Отгонцэцэгийн 2021 оны 10 дугаар сарын 15-ны өдрийн 5686 дугаартай дүгнэлтийг хүчингүй болгож шийдвэрлэлэ

Олон улсын бүжгийн өдрийг ЮНЕСКО-гийн шийдвэрээр 1982 оноос тэмдэглэж байна. Бүжгийн урлагийн онолч, шинэчлэгч ба түүхэнд “орчин үеийн бүжгийн жүжгийн эцэг” гэж бичигдсэн Францын балетмейстер Жан Жорж Новеррагийн төрсөн өдрөөр уг баярыг тэмдэглэдэг.

Олон улсын бүжгийн өдөр нь бүжгийн бүх чиглэлийг нэгтгэж, энэ урлагт хүндэтгэл үзүүлэх ёстой хэмээн уг өдрийг бий болгосон байна.

Түүнчлэн энэ өдөр “Балетын Бенуа” шагнал гардуулах ёслол болдог юм. 1991 онд Бүжгийн зүтгэлтнүүдийн олон улсын холбоо уг шагналыг бий болгожээ.

Анхны жилд нь уг шагналыг ЮНЕСКО ивээлдээ аван зөвхөн Москвад ч биш Парис, Варшав, Берлин, Штутгард хотуудад ээлжлэн гардуулахаар шийдсэн байдаг. “Балетын Бенуа” шагналыг хореографын салбарын хамгийн авъяаслаг бүтээлд олгодог ба шагнал нь бүжиглэж буй хосын баримал юм.

Орос-Хятадыг холбосон анхны төмөр замын гүүрний өөрийн хэсгийн бүтээн байгуулалтыг дуусгаснаа Оросын тал Лхагва гаригт зарлажээ.

Амар мөрний хоёр талд оршдог хотуудын нэрээр Туньжян-Нижнеленинское гэж нэрлэгдсэн уг гүүрний бүтээн байгуулалт найман жил үргэлжилсэн юм.

Өрнөдийн орнуудтай харилцаа муудаж эхэлсэн 2014 онд Оросын засгийн газар Хятад улстай худалдаагаа өргөжүүлэх зорилгоор уг бүтээн байгуулалтыг эхлүүлж байжээ.

2,200 метр урт гүүрний тавны дөрөвтэй тэнцэх өөрийн хариуцсан хэсгийг Хятадын тал 2018 онд дуусгасан байна.

Харин Оросын талын (309 метр) ажилд тодорхой саад тохиолдсон тул хойшлоод байжээ.

Шинэ гүүр “найрсаг бус харилцаатай орнуудын зүгээс үүсгэсэн хүндрэл бэрхшээлтэй цаг үед” Орос улсад экспортын шинэ гарц бий болгож байгаагаараа онцлогтойг ОХУ-ын ерөнхийлөгч Владимир Путиний Алс Дорнод дахь тусгай элч Юрий Трутнев хэлсэн байна.

Гүүрний албан ёсны нээлт ирэх сард болж, бүрэн ашиглалтад орох төлөвтэйг тэр бас мэдэгджээ.

“Гадаад хэргийн сайд Сергей Лавров гүүрний нээлт сарын дотор болно гэж надад хэлсэн” гэж Трутнев ярьсан байна.

Эх сурвалж: The Moscow Times

Өмнөговь аймгийн Цогтцэций сумын ерөнхий боловсролын сургуулийн хоёр охин сураггүй алга болсон гэх мэдээлэл цацагдаад байсан. Тодруулбал, дөрөвдүгээр сарын 27-ны өдөр тус сумын .. дугаар сургуулийн есдүгээр ангийн сурагч охид алга болж, эрэн хайх ажиллагааг эрчимтэй эхлүүлээд байжээ.

Тэгвэл уг охидыг олсон тухай ЦЕГ-аас мэдээллээ. Тэднийг Улаанбаатар хотоос олсон гэх мэдээлэл байна.

Олимпийн аварга Н.Түвшинбаярт холбогдох хэргийн урьдчидсан хэлэлцүүлэг өнөөдөр /2022.04.29/ боллоо. Тус хэлэлцүүлгийг шүүгч Д.Доржсүрэн удирдаж, хуралд Хан-Уул дүүргийн прокурорын газрын хяналтын прокурор Б.Хурц, хохирогч, талийгч Улсын начин Э.Энхбатын эхнэр Б.Нандинцэцэг, түүний өмгөөлөгч нар болон шүүгдэгчийн өмгөөлөгч нар оролцлоо.

Тэгвэл, үүгээр шүүх хуралдааны товыг тавдугаар сарын 12-нд тогтоож, нэр бүхий 10 гэрчийг оролцуулан хаалттай байдлаар хийх шийдвэр гарсан байна. Үүний өмнө шүүгдэгч, хохирогчдын талаас шүүх хуралдааныг хаалттай явуулах санал гаргаад байсан юм.