Month: April 2022

НЭМҮТ-ийн Нийгмийн эрүүл мэндийн лавлагаа лабораторийн Шим тэжээл, орчин, хор судлалын шинжилгээг гүйцэтгэх иж бүрэн лавлагаа лабораториудын хүчин чадлыг сайжруулан нээж, өнөөдөр ийнхүү үйл ажиллагааг нь эхлүүллээ.

Тус үйл ажиллагаанд

• ЭМЯ-ны Төрийн нарийн бичгийн дарга Ц.Эрдэмбилэг,
• НЭМҮТ-ийн Ерөнхий захирал,
• АУ-ны доктор, дэд профессор Д.Нарантуяа,
• ШУА-ийн Ерөнхийлөгчийн зөвлөх, академич Т.Ган-Эрдэнэ,
• Химийн хүрээлэнгийн захирал, профессор Л.Жаргалсайхан нар болон холбогдох албаны бусад хүмүүс оролцлоо.

Нийгмийн эрүүл мэндийн үндэсний төв нь судалгаа, шинжилгээний үйл ажиллагаа явуулахын зэрэгцээ шинэ бүтээгдэхүүн үйлдвэрлэл, технологид хувь нэмрээ оруулах өндөр ач холбогдол бүхий лабораторийн үйл ажиллагааг эрхлэн явуулж ирсэн. Монгол улсын өнөөгийн нөхцөл байдлын хувьд, химийн хорт болон аюултай бодис, мансууруулах бодис, эм, пестицидийн үлдэгдлийн хяналт сул байгаа тул бид боломжийг эрэлхийлэн сул талаа арилгах, эрсдэлээс хамгаалах, лабораторийн шинжилгээг чанарын өндөр түвшинд хүргэх зайлшгүй шаардлагатай бөгөөд энэ чиглэлээр өндөр хөгжилтэй улс орнуудын тогтолцоотой адил түвшинд хүрэх зорилготой.

Лавлагаа лабораторийн орчин, нөхцөлийг сайжруулсан нь баталгаат эрүүл хүнсний ханган нийлүүлэлт, эм болон химийн бодисын хордлого, орчны эрүүл мэндийн байдал, тандалт судалгаа, хүн амын эрүүл аюулгүй орчинд амьдрах анхан шатны суурь хэрэгцээнүүдийг хангах, стандартыг баримтлахад тун чухал ач холбогдол бүхий алхам юм.

Олон улсын түвшинд судалгаа хөгжүүлэлтийн ажил явуулахад шаардагдах материаллаг орчин, чанар, үйлчилгээний стандартыг хангаснаар шинэ мэдлэгийг бүтээгдэхүүн, үйлчилгээ болгон хэрэглээнд нэвтрүүлэх, судалгаа хөгжүүлэлтийг оновчтой гүйцэтгэх нөхцөл бүрдэх юм. НЭМҮТ-ийн лавлагаа лабораторийн хүчин чадлыг сайжруулснаар эмчилгээний зориулалтаар хэрэглэхээс гадна эм, тан, бусад химийн нэгдэл нь хүний бие, биологийн шингэнд хэдий хэмжээтэй, хэр хугацаанд агуулагдаж байна гэдгийг тогтоох боломжтой юм хэмээн ЭМЯ-наас мэдээллээ.

Сэлэнгэ аймгийн Ерөө сумын Ялбаг гэх газар уул уурхайн болон хууль бус олборлолтын улмаас эвдрэлд орсон байдаг. Тиймээс тухайн бүс нутгийн 340 га газрыг нөхөн сэргээх хүсэлтийг Байгаль орчин, аялал жуулчлалын яамнаас Оюутолгой компанид хүргүүлсэн байна. Улмаар Оюутолгой компанийн зүгээс тус газарт нөхөн сэргээлт хийх болсныг мэдэгджээ.

Улмаар тус газарт Экологийн цагдаагийн албанаас шалгалтын ажиллагаа явуулсан юм.

Монголын үндэсний морин уралдаан, уяачдын холбоо, Монгол адууны нийгэмлэг, Амьтны эрх хамгаалах нийгэмлэгээс адууг эрлийзжүүлэхийн тулд Монгол азаргыг зэрэмдэглэж байгаа асуудлын талаар мэдээлэл хийв.

“Монгол адуу” нийгэмлэгийн удирдах зөвлөлийн төлөөлөл “Монгол азаргыг хэрцгийгээр зэрэмдэглэхээ зогсоо. Монгол морины нуруун дээр өсч торнисон Монгол эр хүн азарганыхаа засааг тайрч байна. Монгол азаргыг унтуулж байгаад сэлдийг нь хяргаж байна. Тодруулбал, цэвэр цусны буюу эрлийз азаргыг оруулж ирж байгаа хүмүүс үр төлөөр нь ашиг олж байна. Нэг эрлийз азарганд 40-50 гүү хураалгаж, хээлтүүлж байна. Харин хээлтэй гүүг нь хамгаалах ажлыг Монгол азарга хийдэг.

Та бүхэн олон нийтийн сүлжээнд “Туршуул азарга зарна, авна” гэсэн мэдээлэл хайгаад үзээрэй. Зар мэдээлэл олон байна. Ингэхдээ 600-800 мянган төгрөгөөр хийнэ гэсэн мэдээлэл олон байгаа. Тиймээс Монгол Улсын Ерөнхийлөгч болон ХХААХҮ-ийн сайдад Монгол Улсад эрлийз азаргыг үржүүлгийн зорилгоор оруулж ирэхийг хатуу хориглож өгөхийг хүссэн албан шаардлага хүргүүлж байна. Хэрэв албан хүсэлтийг хүлээн авч, шийдвэрлэхгүй бол дэлхийн амьтныг хамгаалах нийгэмлэг болон бусад байгууллагад албан хүсэлт илгээнэ” гэв.