Month: March 2022

Categories
гадаад мэдээ

УКРАИН: Монгол оюутнуудын хоргодож байсан байранд дэлбэрэлт болжээ || Dnn.mn

Украины Харьков хотод хоргодох байранд байсан монгол оюутнууд өчигдөр Львов хот руу явах галт тэргэнд сууж хотоос гарч чадсан. Тэгвэл монгол оюутнуудын байрлаж байсан байранд дэлбэрэлт болсон байна. Энэ талаар Харьков хотод сурч буй хоёр оюутны ах Б.Мөнхжаргал ярилцлагадаа дурджээ. Тэрбээр “Манай оюутнуудын байсан хоргодох байранд дэлбэрэлт болсон байна лээ. Манайхан авхаалжтай байж, амжиж гарцгаалаа. Дэлбэрэлт, буун дуутай орчинд эрсдэл хүлээж вокзал руу гарсан эхний дөрвөн оюутанд бид баярлаж байна” хэмээн ярьсан байна.

Categories
гадаад мэдээ

Оросын цэргийн цуваа Киев хотыг чиглэн явааг хиймэл дагуулын компани мэдээлжээ || Dnn.mn

АНУ-ын хиймэл дагуулын Maxar Technologies компани Украины нийслэл Киев хотын зүгт Оросын цэрэг, зэвсгийн нүсэр цуваа чиглэж байгааг мэдээлжээ.

Тус компаниас тараасан хиймэл дагуулын зураг дээр 60 км орчим урт үргэлжилсэн цуваа Киев хотоос хойд зүгт орших Иванков тосгоны ойролцоо явааг харуулсан байна.

Мөн Украины хойд хилийн ойролцоо Беларусийн нутаг дэвсгэрт нисдэг тэрэг, явган цэргийн томоохон хүч бөөгнөрөөд байгааг хиймэл дагуулаас авсан шинэ зураг харуулжээ.

Эдгээрээс харвал Оросын зэвсэгт хүчин Украины нийслэл Киев хотыг эзлэх шийдвэрлэх довтолгоонд бэлдэж байж болзошгүй байна.

Эх сурвалж: BB

Categories
мэдээ нийгэм

Цагааннуур-Улаанбайшинт чиглэлийн 25.8 километр замыг аравдугаар сард ашиглалтад оруулах боломжтой || DNN.mn

Монгол Улсын Засгийн газрын Шинэ сэргэлтийн бодлогын хүрээнд зам, тээврийн салбарт хилийн боомтуудыг авто замаар холбох ажлууд эрчимтэй явагдаж байна.

Азийн хөгжлийн банкны зээлийн хөрөнгөөр хэрэгжиж буй “Баруун бүсийн босоо тэнхлэгийн авто зам хөгжүүлэх хөрөнгө оруулалтын хөтөлбөр-2” төслийн хүрээнд Баян-Өлгий аймгийн Цагааннуур-Улаанбайшинт чиглэлд баригдаж буй 25.8 км авто замд Зам, тээврийн хөгжлийн сайд Л.Халтар болон холбогдох албаныхан ажиллалаа.

Тус замын хөрс хуулалт, далангийн дүүргэлт, ухмал хэсэг бүрэн хийгдсэн, суурь болон хучилтаас бусад ажлын гүйцэтгэл 60-70 орчим хувийн гүйцэтгэлтэй байна. Энэ оны наймдугаар сарын 30-ны өдөр дуусах хуваарьтай хэдий ч гүйцэтгэгч компанийн төлөөлөл наймдугаар сарын 17-ны өдөр дуусгах төлөвлөгөөтэй ажиллаж байгаагаа танилцуулав.

Ажлын гүйцэтгэл сайн, цаг хугацаандаа дуусгах бүрэн боломжтой гэж албаныхан үзжээ. Цагааннуур боомтоос ОХУ-ын хил хүртэлх дөрвөн км газарт цэвдэгтэй хөрс байна. Ирэх зун зам барилаа гэхэд өвөл хөлдөж суулт овойлт өгч зун нь хагарч эвдэрнэ. Тиймээс гүйцэтгэгч компани баталгаат хугацаандаа дахин завсарлах ажил гаргахгүйн тулд тухайн цэвдэгтэй хэсэгт Буратын даваан дээр хийж буй хөргөлтийн технологийг хийх шаардлагатайг хэлээд гүйцэтгэгч компани төсөл хэрэгжүүлэх нэгжтэй ярилцан ойрын хугацаанд ямар байдлаар хийхийг яаманд танилцуулахыг чиглэл болгов.

Олон улсын AH4 замыг Өлгий хотын төвөөр дайруулж тавьснаар хүүхэд гэмтэх зам тээврийн осол гарах болсон. Тиймээс тус замыг Баян-Өлгийн аймгийн төвийг тойруулж 18.82 км зам, 201.08 метр урт төмөр бетон гүүр барьж байгаа юм.

Зам, тээврийн хөгжлийн сайд Л.Халтар “Замын ажил өнгөрсөн жил эрчимтэй өрнөсөн байна. Харин Ховд гол дээгүүр гарч байгаа 200 орчим урт метр гүүр босоо багануудаа цутгасан боловч дам нуруугаа огт хийгээгүй байгаа нь санаа зовоож байна. Гүйцэтгэгч компанитай уулзана. Сайн ажиллавал ирэх аравдугаар сарын сүүлээр дуусах боломжтой” гэлээ.

Тэрбээр, Баян-Өлгий аймгийн уг зам ашиглалтад орсноор Монгол руу импортын ачаа тээвэр орж ирнэ гэхээс илүү Орос Хятадын хооронд Монгол Улсын нутаг дэвсгэрээр дамжин тээвэр хийгдэнэ. Хөдөлгөөний эрчим нэмэгдэхээр үйлчилгээний газрууд ажиллана. Түүнийг дагаад ажлын байр нэмэгдэнэ гээд олон давуу тал бий. Тиймээс бид дэмжих ёстой хэмээн тодотгож хэлэв.

Эх сурвалж: Зам, тээврийн хөгжлийн яам

Categories
мэдээ эдийн-засаг

Банкны салбарын нийт актив 2.3 хувиар нэмэгдэж, 41 их наяд төгрөг болжээ || Dnn.mn

Монголын банкны холбооноос “Банкны салбарын 2021 оны жилийн эцсийн тойм” судалгаагаа өнөөдөр танилцууллаа.

Ерөнхийд нь дүгнэвэл банкны салбарын үзүүлэлт харьцангуй тогтвортой, өсөлттэй жил болжээ.

“Банкны салбарын нийт актив 2.3 хувиар нэмэгдэж, 41 их наяд төгрөгт хүрсэн. Гэвч санхүүгийн зах зээлд тодорхой бус байдал, эрсдэл улам хуримтлагдаж байна. Сүүлийн хоёр жил гаруй хугацаанд мөнгөний болон сангийн тэлэх бодлогын хүрээнд ААН-үүдэд хөнгөлөлттэй зээлүүд олгож эхэлсэн. Зээлийн хуваарьтаа өөрчлөлт оруулсан иргэд, ААН-үүд, хөтөлбөрийн зээл авсан ААН-үүд 2022 онд зээлээ төлж эхлэх бөгөөд энэ нь зээлийн чанарт сөргөөр нөлөөлөх эрсдэлтэй байна. Төрийн зээлийн авлагыг барагдуулдаг механизм ялзарсан байдалтай байна” гэдгийг Банкны холбооны гүйцэтгэх захирал Л.Амар танилцуулгын үеэр онцоллоо.

Гэрэл зургийг MPA агентлагийн онцгой зөвшөөрөлтэйгөөр ашиглав

Мөн зээлийн хүү буурч түүхэн доод түвшиндээ очсон бөгөөд банкны шинээр олгосон зээлийн хэмжээ жилийн 6 хувиар буурчээ.

2021 онд зөвхөн уул уурхай болон хөдөө аж ахуйн салбарын зээл олголт нэмэгдсэн байна. Уул уурхай, хөдөө аж ахуйгаас бусад салбаруудын зээл олголт бууралттай байна. Иргэдийн зээлийн хувьд автомашины зээл хамгийн огцом буурсныг мөн онцоллоо.

2021 оны банкны салбарын онцлох өөрчлөлт, цаашдын хандлага

  • Иргэдийн 10 зээл тутмын нэг нь бизнесийн зээл, таван зээл тутмын нэг нь чанаргүйдэж байна.
  • Тээвэр ложистикийн хэвийн биш үйл ажиллагаанаас үүдэлтэй хэрэглээ хязгаарлагдаж, хөрөнгө оруулалтын боломж дутмаг буйгаас хадгаламж нэмэгджээ.
  • Системийн нөлөө бүхий таван банкны сангийн үзүүлэлт харьцангуй сайн байна. Зээл өсөлтгүй, зээлийн чанаргүйдэл буурах хандлагатай, эх үүсвэр болон өөрийн хөрөнгө өсөлттэй байна.
  • Ирэх нэг жилийн хугацаанд системийн нөлөө бүхий банкууд IPO хийхээр байгаа зэрэг нь цар тахлын энэ үед томоохон сорилт байхаар байна.
Categories
мэдээ улс-төр

“Ардчилсан Намынхан энэ хавар учраа олно” гэв || Dnn.mn

Ардчилсан намаас цаг үеийн асуудлаар мэдээлэл хийлээ.

Тус намын Хэрэг Эрхлэх Газрын дарга Б.Ган-Очир “Ардчилсан намын Их хурлыг гуравдугаар сарын 5-нд зарласан нь хууль бус. Уг хурлыг 14 хоногийн өмнө зарлах ёстой. С.Эрдэнийн зарлаж байгаа энэ хурал нь дүрмийн бус гэдэг нь дээд шүүхээр тогтоогдсон. Улсын дээд шүүх хэнийг ч АН-ын дарга гэж үзэхгүй байна. Улстөрчид биш жирийн иргэд хүртэл тамгагүй, даргагүй нам гэдгийг мэдэж байгаа.

Ардчилсан намын Үндэсний бодлогын хороо гуравдугаар сарын 3-нд хуралдана. Дээд шүүхийн тогтоолыг биелүүлж, Их хурлаа зарлаж, дараагийн асуудлаа шийднэ. Уг хурлаар ужгирсан, хоёр тал болсон асуудалд хуулийн дагуу эцэслэн цэг тавина. Бид Ардчилсан намтай холбоотой удаж буй асуудалд зүй ёсны тайлбар өгөх хэрэгтэй гэж үзлээ.

Улсын дээд шүүхийн 2021 оны арванхоёрдугаар сарын 20-ны өдрийн 38 дугаар тогтоолд зааснаар АН-ын хүмүүсийг залхаагаад байгаа маргааныг нам доторх ямар нэгэн субъект ардчиллын зарчмаар шийдэх ёстой гэж үзсэн. Тэгэхээр АН-ын үндэсний бодлогын хорооны хурлыг батламжилж, асуудлаа шийд гэсэн.

Дүрмийн бус хуралд андуурч оролцож болохгүй гэдгийг хэлмээр байна. Эвлэрлийг хүсэж, дүрмийн дагуу зарлаж байгаа сунгаанд хоёр талыг урьсан хэвээрээ байгаа. Энэ хавар АН-ынхан учраа олно” гэв.

Categories
мэдээ нийгэм

ДОРНОГОВЬ АЙМАГ: Хүүхдээ хогийн саванд хаясан ээжийг олжээ || Dnn.mn

Нярай хүүхэд хогийн саванд хаясан хэрэг орон нутагт гарчээ.

Тодруулбал Дорноговь аймагт өчигдөр буюу хоёрдугаар сарын 28-нд хогийн саванд хаясан нярайг иргэн олж, цагдаагийн байгууллагад дуудлага өгчээ.

Нярайг аймгийн нэгдсэн эмнэлэгт хүргэсэн бол ээжийг нь эрэн сурвалжилж, олж илрүүлжээ. Тухайн этгээд нь 37 настай М гэгч байжээ. Мөрдөн байцаалтын ажиллагаа үргэлжилж байгаа аж.

Энэ мэдээнд өгөх таны үнэлгээ
Categories
мэдээ нийгэм

Өмнөд Солонгос стратегийн бараа бүтээгдэхүүнээ ОХУ-д нийлүүлэхээ зогсоолоо || Dnn.mn

Өмнөд Солонгосын засгийн газар Украины хямралтай холбогдуулан ОХУ-ын эсрэг эдийн засгийн хоригт нэгдэж байгаагаа Даваа гаргт зарлажээ.

Хоригийн хүрээнд электроникийн эд ангиуд, хагас дамжуулагчид, компьютер, мэдээлэл, харилцаа холбооны техник, тоног төхөөрөмжүүд, мэдрэгчүүд, лазерын төхөөрөмжүүд, навигаци, нислэг, тэнгисийн салбарын тоног төхөөрөмжүүд зэрэг стратегийн бараа бүтээгдэхүүнүүдийг ОХУ-д экспортлохыг хязгаарласан байна.

Хэдийгээр SWIFT байгууллагаас ямар нэг чиглэл аваагүй ч тус улсын тэргүүлэх хоёр банк Оросын долоон банктай хийх гүйлгээнүүдээ зогсоож буйг Даваа гарагт зарлажээ.

Тухайлбал Өмнөд Солонгосын Шинхан банк Оросын ПСБ, ВЭБ, ВТБ, Банк Открытие, Новикомбанк, Совкомбанк, Сбербанк банкуудтай хийдэг арилжаа, санхүүгийн үйл ажиллагаагаа зогсоосон байна.

“SWIFT сүлжээнээс салгах нь аль аль талдаа сөрөг нөлөөтэй ч Өмнөд Солонгосын ОХУ-аас авдаг байгалийн хий, газрын тосны хэмжээ төдийлөн их биш буюу нийт импортынх нь 5-10 орчим хувь юм” гэж Солонгосын Олон Улсын Эдийн Засгийн Бодлогын Хүрээлэнгийн судлаач Жон Мин Хён ярьжээ.

“Солонгосын засгийн газар олон улсын хамтын нийгэмлэгийн хариуцлагатай гишүүнийхээ хувьд Орос улс Украинд зэвсэглэн халдсан явдлыг буруушааж, үүссэн нөхцөл байдлыг энхийн замаар шийдвэрлэхийн төлөө олон улсын эдийн засгийн хориг арга хэмжээнд нэгдэж байна” гэж Өмнөд Солонгосын гадаад хэргийн яам мэдэгдсэн юм.

Тус улс шийдвэрээ АНУ-д дипломат шугамаар мэдэгдэж, Украинд үзүүлэх хүмүүнлэгийн тусламжаа нэмэгдүүлэхээр болжээ.

Даваа гарагийн орой бас Япон улсын засгийн газар Оросын төв банктай хийх гүйлгээгээ зогсоох гэж байгаа тухайгаа мэдэгдсэн юм.

Тус улсын ерөнхий сайд Фүмио Кишида шинэ хориг арга хэмжээний талаар Украины ерөнхийлөгч Володимир Зеленскийтэй утсаар ярьсныхаа дараа танилцуулсан байна.

2021 оны зургаадугаар сарын байдлаар ОХУ-ын гадаад валютын нөөцийн 6 орчим хувь буюу $33 орчим тэрбумтай тэнцэх хэсэг нь иений хөрөнгө байжээ.

Токиогийн эрх баригчид бас Беларусийн засгийн газрын зарим өндөр албан тушаалтны эсрэг эдийн засгийн хориг тавихаар төлөвлөж байгааг өчигдөр гадаад хэргийн сайд Ёшимаса Хаяаши мэдээлсэн байна.

Эх сурвалж: Reuters

Categories
арын-нүүр булангууд мэдээ

Хадгаламж өлсөхөөс биш хуримтлуулахаас эхэлнэ || DNN.mn

Нэг айлын хүүхдүүд өөр өөр араншинтай байдаг нь хачирхалтай. Нэг нь айлын өгсөн чихэр, шоколадыг газар дээр нь зад татчихдаг бол, нөгөө нь үргэлж цааш нь хийнэ. Тэр ч бүү хэл сургуулийнхаа үдийн цайнд өгсөн боорцогныхоо талыг цүнхлээд ирэх ч үе тохиолдоно.

Эхэндээ шоолж инээж байсан бол сүүлдээ гайхширдаг болов. Хэн, хэзээ өгсөн нь мартагдсан амттанг гэнэтхэн халааснаасаа гаргаж ирээд тэр хавиар нэг хэрэг мандуулна. Ийм хачирхалтай юуг ч хурааж хуримтлуулдаг, талыг нь заавал далд хийдэг охиныгоо эхэндээ гайхдаг байсан ч, эцэст нь түүнийг хуримтлуулагч иргэн гэдгийг ойлгосон юм. Гурван арваныг элээж байгаа бидний хүүхэд насанд бутархай мөнгө одоогийнхоос үнэ цэнэтэй байж. Гэтэл надаас авахуулаад усны мөнгөний хариултаар тавын гаа, аравын чихэр авч идэхээ бодохоос түүнийг хурааж хуримтлуулах талаар төсөөлөл тун муутай байж.

Гэтэл өнөөх гайхал чинь энд тэнд хэн ч тоохгүй орхисон 10,20,50,100-тын дэвсгэртээс авахуулаад бүх л мөнгөн дэвсгэртийг эмхэлж цааш хийхээс гадна, төрсөн өдрийн бэлэг, Цагаан сарын бэлгийн мөнгөө хуримтлуулсаар манай гэрийн хамгийн баян хүн болоод хувирчих нь тэр. Түүний энэ байдал эргэн тойрныхонд ч нөлөөлөв. Том болохоороо хуримтлуулсан мөнгөөрөө “Дэлгүүрчин охин” болно хэмээн гурван настай дүү нь ярьж байгаа бол өөрөө “Гадаадад сургуульд сурна” хэмээн томорч байх. Энэ жишгээр жилдээ нэг удаа өөрийн биеэр боодол боодол 10,20,50,100-тын дэвсгэртээ банкинд тушааж, хуримтлалаа арвижуулдаг болов. Хамгийн сүүлд 267.170 төгрөг банкинд тушааж, дэвтэрээ бичилт хийлгэсэн охиноос томчууд бидэнд сурах зүйл олон байгаа нь анзаарагдав.

Ийнхүү орчин үеийн хүүхдүүд багаасаа л мөнгийг хурааж хуримтлуулах, түүнийгээ хэрхэн зарцуулах талаар өндөр мэдлэгтэй болж байгаа нь авууштай. Хадгаламж өлсөхөөс биш, хуримтлуулахаас эхэлдэг аж.

Categories
мэдээ нийгэм

МИАТ: Европ чиглэлийн нислэгийн маршрутаа өөрчиллөө || Dnn.mn

ОХУ, Украин улсын хооронд үүсээд буй нөхцөл байдалтай холбогдуулан МИАТ ТӨХК Европ чиглэлийн нислэгийн аюулгүй байдал, аюулгүй ажиллагаандаа онцгой анхааран Европын Холбооны Улсуудын Нисэхийн Аюулгүй Байдлын Агентлаг (EASA), Олон Улсын Агаарын Тээвэрлэгчдийн Холбоо (IATA)-ноос гаргасан зөвлөмжийг үйл ажиллагаандаа тусган ажиллаж байна.

МИАТ ТӨХК зорчигч тээврийн нислэгүүдийнхээ аюулгүй байдал, аюулгүй ажиллагааг сайжруулах зорилгоор Улаанбаатар-Москва-Франкфурт-Москва-Улаанбаатар чиглэлийн нислэгээ шинэчилсэн маршрутаар үйлдэхээр боллоо.

Categories
гадаад мэдээ

ОХУ 36 орны агаарын тээврийн компаниудад хориг тавьжээ || Dnn.mn

ОХУ шинэ багц хориг арга хэмжээний хүрээнд агаарын хилээ хаасан улс орнуудын агаарын тээврийн компаниудад агаарын орон зайгаа ашиглахыг хоригложээ.

“Олон улсын эрх зүйн хэм хэмжээний дагуу ОХУ-ын агаарын тээврийн компаниудын нислэг үйлддэг эсвэл ОХУ-д бүртгэлтэй иргэний агаарын хөлгүүдийн нислэгийг Европын орнууд хориглосны хариуд 36 улсын агаарын тээврийн компаниудын нислэгт хязгаарлалт хийв” гэж “Росавиация” буюу тус улсын Иргэний агаарын тээврийн байгууллагын хэвлэлийн мэдээнд дурдсан байна.

Оросын хязгаарлалтад Австри, Албани, Ангилья, Бельги, Болгар, Британийн Виржинийн арлууд, Их Британи, Унгар, Герман, Гибралтар, Грек, Дани (+ Гренланд, Фарерын арлууд, Нутаг дэвсгэрийн тэнгис), Жерси, Ирланд, Исланд, Испани, Итали, Канад, Кипр, Латви, Литва, Люксембург, Мальта, Нидерланд, Исланд, Испани, Итали, Канад, Кипр, Латви, Литва, Люксембург, Мальта, Нидерланд, Норвеги, Польш, Португал, Румын, Словак, Словени, Финланд, Франц, Хорват, Чех, Швед, Эстони улсууд өртжээ.

Онцгой тохиолдолд “Росавиация” эсвэл ОХУ-ын Гадаад хэргийн яам эдгээр улсаас нислэг үйлдэх тусгай зөвшөөрлийг олгож болох аж.