Month: November 2021

Монгол Улсын дээд шүүхийн нийт шүүгчийн хуралдаан 2021 оны арваннэгдүгээр сарын 18-ны өдөр хуралдлаа.

Хуралдаанаар Монгол Улсын дээд шүүхийн нийт шүүгчийн хуралдааны дэгийн 6 дугаар зүйлийн 6.1 дэх хэсэгт заасны дагуу Өршөөл үзүүлэх тухай хуулийн зарим зүйл, заалтыг зөв хэрэглэх талаар, Иргэний хэрэг шүүхэд хянан шийдвэрлэх тухай хуулийн 106 дугаар зүйлийн 106.3, 106.5 дахь хэсгүүдийг зөв хэрэглэх талаар, Ашигт малтмалын тухай хуулийн 9 дүгээр зүйлийн 9.1.13 дахь заалтын талаар албан ёсны тайлбар гаргах тухай Эрүү, Иргэн, Захиргааны хэргийн танхимын саналуудыг хэлэлцэж, зөвшөөрөв.

Танхимууд энэхүү зөвшөөрлийн хүрээнд тайлбарыг боловсруулж, Дээд шүүхийн нийт шүүгчийн хуралдаанаар хэлэлцүүлнэ.

Мөн хуульд заасан үндэслэлээр Улсын дээд шүүхийн Захиргааны хэргийн танхимын шүүх бүрэлдэхүүн хүрэлцэхгүй болсонтой холбоотой нэр бүхий иргэний хяналтын журмаар гаргасан гомдлыг шүүх хуралдаанаар хэлэлцүүлэх эсэхийг шийдвэрлэх шүүх бүрэлдэхүүнийг томилох асуудлыг хэлэлцэн шийдвэрлэсэн байна.

Түүнчлэн “Улсын эрх ашиг тусгаар тогтнолын нам” үүсгэн байгуулсныг бүртгүүлэх тухай хүсэлтийг хэлэлцээд, Улс төрийн намын тухай хуульд заасан шаардлагыг хангаагүй тул улсын бүртгэлд бүртгэхээс татгалзав.

Эх сурвалж: УЛСЫН ДЭЭД ШҮҮХ

Хэнтий аймгийн Норовлин сумын Жаргалантын дөрөвдүгээр багийн “Шар хөл” гэдэг газар Хээрийн түймэр гарчээ. Энэ тухай мэдээллийг 11 дүгээр сарын 18-ны өдрийн 13:23 цагт сумын Онцгой комисс хүлээж авсан байна. Дуудлагын дагуу Засаг даргын тамгын газрын даргаар ахлуулсан алба хаагчид ажиллаж, 14:40 цагт түймрийг бүрэн унтраасан байна. Түймэрт 160 га орчим талбай шатжээ.

Хэнтий аймгийн Баянхутаг сумын Жаргалантын нэгдүгээр баг “Гутлын –Ул” гэдэг газар хээрийн түймэр гар, 16 га талбай шатжээ. Энэ тухай мэдээллийг 11 дүгээр сарын 18-ны өдрийн 13:00 цагт хүлээн авсан байна. Улмаар тус сумын Засаг даргын Тамгын газрын ажилтнууд, орон нутгийн иргэд ажиллан 15:10 цагт хээрийн түймрийг бүрэн унтраажээ.

Нийслэлийн Засаг даргын зөвлөлийн хуралдаан өчигдөр боллоо.

Хурлаар хэлэлцсэн асуудлуудын нэг нь нийслэлийн Баянгол, Баянзүрх, Чингэлтэй дүүргийн анхан шатны нэгж хороодыг хуваах, өөрчлөн зохион байгуулах тухай байсан талаар Нийслэлийн ЗДТГ-ын Хэвлэл мэдээлэлтэй харилцах хэлтсээс мэдээллээ.

Дээрх дүүргүүдийн зарим хорооны хүн ам, өрхийн тоо хэт олон байгаагаас ачаалал ихсэж, иргэдэд хүрэх үйлчилгээнд хүндрэл учирч буй тухай саналыг ирүүлсний дагуу энэхүү асуудлыг боловсруулжээ.

Нийслэл Улаанбаатар хот өдгөө 171 хороотой. Тэдгээрийн хүн ам, өрхийн тоо, газар нутгийн хэмжээ харилцан адилгүй байгаагаас зарим хороог хуваах, шинээр байгуулах зэргээр ачаалал тэнцүүлэх саналыг тухайн хороо, дүүргээс ирүүлсэн байна.

Баянгол дүүргийн 25 хорооноос 12 хороог хувааж, шинээр 10 хороо байгуулж, нийт 35 хороотой болох санал ирүүлсэн бол Баянзүрх дүүргийн хувьд 28 хорооноос 17-г хувааж, шинээр 15 хороо байгуулан 43 хороотой болох санал ирүүлжээ.

Харин Чингэлтэй дүүргийн 19 хорооноос таван хороог хувааж, шинээр мөн таван хороо байгуулж, 24 хороотой болох саналтай байгаа юм. Нийтдээ 34 хороог хувааж, 30 хороо шинээр байгуулснаар нийслэл хот 201 хороотой байхаар санал боловсруулсан байна.

Нийслэлийн Засаг даргын Зөвлөлийн гишүүдийн хувьд анхан шатны нэгжид ачаалал өндөр байгааг ойлгож буйгаа илэрхийлээд, хороо байгуулах зардал, хороодын байр, ажиллах боловсон хүчний цалингийн зардал болоод бусад зардлын тухайд шийдэл гаргах шаардлагатайг санууллаа. Улмаар уг асуудлыг НИТХ-аар хэлэлцүүлэхээр болжээ.

Морингийн даваа, Нисэх, Найрамдлын чиглэлд 3тн давс цацаж, замын нуух явган замын цасыг зориулалтын төхөөрөмжөөр үлээлгэж цэвэрлэж байна. Найрамдлын замд одоогоор давс цацах шаардлагагүй байна.

Бээжин хотноо болсон ХКН-ын 19 дүгээр их хурлын VI бүгд хурлын үеэр.

Хятадын Коммунист Намын (ХКН) саяхан болсон бүгд хурал нь өнгөрсөн үед болсон зүйлсийн тухай байсан мэт боловч яг үнэндээ ирээдүйн тухай хурал байлаа.

Энэ сарын 8-11-нд дэлхийн хамгийн том эрх баригч нам болох ХКН-ын нөлөө бүхий улстөрчид Бээжин хотноо ХКН-ын 19 дүгээр Их Хурлын зургадугаар бүгд хурлыг хуралдуулж, түүхэн асуудлуудаар тогтоол баталсан юм.

Тодруулбал, ХКН нам өнгөрсөн зуунд гаргасан томоохон ололт амжилт болон түүхэн туршлагынхаа талаар 30 мянга гаруй тэмдэгт бүхий тогтоол баталсан бөгөөд тус нам 100 жилийн түүхэндээ ийм төрлийн гурав дахь тогтоолоо баталсан нь энэ билээ. Хамгийн анх 1945 онд буюу Японы түрэмгийллийг эсэргүүцэх дайнд ялалт байгуулахаас өмнө ийм тогтоол баталж байсан бол 1981 онд буюу өөрчлөлт, шинэчлэлийн бодлогыг хэрэгжүүлж эхэлсний дараа энэ төрлийн хоёр дахь тогтоолыг баталж байв.

Сая баталсан гурав дахь тогтоол нь цаг хугацааны хувьд өөрийн гэсэн түүхэн ач холбогдолтой. Энэ 2021 онд ХКН 100 жилийн ойгоо тэмдэглэж,анхдугаар зууны зорилт буюубүх талаараа цэцэглэн хөгжсөн чинээлэг дундаж нийгмийг цогцлоох зорилгодоо хүрснээ зарласан бол XXIзууны дунд үе гэхэд орчинүеийнаугаа социалист улсыг цогцлоох хоёрдугаар зууны зорилгодоо хүрэхийн төлөө өдгөө хичээн зүтгэж байна.

ӨНГӨРСӨН, ОДОО БА ИРЭЭДҮЙ

Арваннэгдүгээр сарын 8-нд ХКН-ын Төв хорооны /ТХ/ ерөнхий нарийн бичгийн дарга Си Зиньпин ХКН-ын ТХ-ны Улс төрийн товчоог төлөөлөн ажлын тайлан илтгэл тавьснаар бүгд хурал эхэлсэн юм.

Уг бүгд хуралд ХКН-ынхан болон албаны хүмүүс, тэдний дотор ХКН-ын ТХ-ны 300 гаруй гишүүнээс гадна тус намын 19 дүгээр Их хурлын анхан шатны зарим төлөөлөгч, мэргэжилтэн, эрдэмтэд оролцсон.

Си Зиньпин хэлэхдээ “Улс төрийн товчоо нь өнгөрсөн нэг жилийн хугацаанд бүх чиглэлээр ажлаа ахиулахын зэрэгцээ ХКН-ын 100 жилийнойг тэмдэглэх, намын түүхийг таниулах боловсролын кампанит ажил болон ХКН-ын 19 дүгээр Их хурлын зургадугаар бүгд хурлын бэлтгэлийг хангах гэсэн гурван гол асуудалд анхаарлаа хандууллаа” гэжээ.

Эдгээр гурван үйл ажиллагаа бүгд “түүх” гэсэн нэг сэдэвт төвлөрч байна.

“Түүх бол толь юм. Тиймээс аливаа улс орны түүхийг судалснаар тухайн улсын уналтболонбосолтыг тодор­хой­лох боломжтой” гэсэн утга бүхий эртний нэгэн хятад зүйр үг байдаг.

Си Зиньпин бүгд хурлын үеэр хэлэх­дээ “Өнгөрсөн зуунд гаргасан ололт ам­жилт, түүхэн туршлагаа нэгтгэн дүг­нэх нь намын үзэл санаа, хүсэл зориг, цаашдын үйл ажиллагааг нэгтгэн тодорхойлоход чухал ач холбогдолтой” гэсэн юм.

Түүний хэлсэнчлэн, ингэх нь намын эв нэгд­­лийгбэхжүүлж, шинэ эриний Хятадын онцлогтой социализмыг цогц­лоох аугаа амжилтад хүрэхэд тустай.

Си Зиньпин бүгд хурлын сэдвийн талаарх намын удирдлагуудын үзэл санааг тайлбарлахдаа “Шинэ түүхэн эхлэлийн цэгт зогсож буй бид өнгөрснөө дүгнэн цэгнэж, ирээдүйгээ харж байна” гэсэн байна.

Харин бүгд хуралд оролцсон ХКН-ын ТХ-ны нэгэнгишүүнхэлэхдээ “Бид бүхний нуруун дээр түүхэн том хариуцлага бууж байна гэсэн итгэл үнэмшил бүгд хуралд оролцсон хүн бүрд төрсөн. Энэ тогтоол нь нам, улс үндэстний цаашдын үйл хэрэгт гүн гүнзгий нөлөө үзүүлэх нь гарцаагүй. Энэ бол өнгөрсөн, одоо ба ирээдүйг холбосон тогтоол юм” гэжээ.

СИ-ГИЙН ҮНДСЭН БАЙР СУУРЬ

Бүгд хуралд оролцогчид 10 бүлэгт хуваагдан баримт бичгийн төслийг авч хэлэлцсэн бөгөөд тэдний хооронд халуухан яриа хэлэлцүүлэг өрнөсөн байна.

Гэхдээ тэд бүгд “Уг тогтоолд 13 хүчин зүйлсээр нэгтгэн дүгнэгдсэн, намын 18 дугаар их хурлаас хойших түүхэн ололт амжилтууд нь хүчирхэг институцууд болон бат бөх материаллаг баазыг бий болгох, үндэсний сэргэн мандалтын ажлыг урагшлуулахад ихээхэн түлхэц болсон” гэдэгт санал нэгдсэн байна.

Түүхэн тогтоолд тусгасан хоёр агуулга тэдний сэтгэлд ихэд хүрсэн байна. Үүнд:

–Cи Зиньпинийшинэ эриний Хятадын онцлогтой социализмын тухай үзэл баримтлал бол орчин үеийн Хятад улсынболонXXI зууны марксизмюм. Энэ үзэлбаримтлал ньөнөөгийн Хятадын соёл болон ёс суртахууны хамгийн сайн сайхныг өөртөө шингээсэн бөгөөд марксизмыг Хятадын нөхцөл байдалд тохируулсан шинэ нээлт болсон.

–Тус нам нь нөхөр Си Зиньпиний үндсэн байр суурийг намын ТХ болон намын “бүхэл цөм” гэж тогтоож, Си Зиньпинийг шинэ эриний Хятадын онцлогтой социализмын тухай үзэл баримтлалыг удирдан чиглүүлэгчээр тодорхойлж байна. Энэ нь нам, зэвсэгт хүчин болон Бүх Хятадын ард түмний нийтлэг хүсэл зоригийг илэрхийлж, шинэ эрин дэх нам болон улс орны үйл хэргийг ахиулах, үндэсний сэргэн мандалтын түүхэн үйл явцыг урагшлуулахад шийдвэрлэх чухал ач холбогдолтой.

Бүгдхуралд оролцогчдын хэлсэнч­лэн, энэхүү түүхэн тогтоол нь цаг үеийн уриалгад өгсөн хариулт бөгөөд зөвхөн намын төдийгүй ард түмний нийтлэг хүсэл эрмэлзэлд хариу өгсөн улс төрийн чухал дүгнэлт юм.

Мөн өнгөрсөн зуунд тус намын гар­гасан түүхэнач холбогдолбүхий таванололт амжилт, 10 түүхэн туршлагыг уг тогтоолд тусгажээ.

Чухамдаа энэ түүхэн тогтоолд ХКН-ын амжилтын нууцыг тусгасан байна.

Тухайлбал, бие даасан байх, шинэ амжилт гаргах, өөрсдийнхөө төлөө бат зогсох зарчмууд бүгд намын түүхэнд гүн гүнзгий шингэсэн бөгөөд одоо ч асар чухал ач холбогдолтой хэвээр байна

САНАЛ НЭГТЭЙГЭЭР БАТЛАВ

Бүгд хурлын сүүлчийн өдөр Си Зинь­пин дарга нэгдсэн хуралдааныг даргал­сан бөгөөд энэ үеэр хуралд оролцсон ХКН-ын ТХ-ны бүх гишүүн түүхэн тогтоолыг батлахыг санал нэг­тэй­гээр дэмжсэн. Тогтоол батлагд­санаар Ардын Их Хурлын танхимд хүмүүс алга нижигнүүлэн ташицгаасан юм.

Дараа нь ХКН-ын 20 дугаар Их хур­лыг 2022 оны сүүлийн хагаст Бээжин хот­ноо хуралдуулах тухай тогтоол гаргасан.

Мөн бүгд хурлын албан ёсны мэдэгдлийг баталсан юм.

Үүний дараа Си Зиньпин Улс төрийн товчооны нэрийн өмнөөс бүгд хурлын үзэл санааг судалж, хэрэгжүүлэх талаар чухал илтгэл тавьсан.

Си Зиньпин хэлэхдээ “Түүх болон ард түмэн намыг сонгосон бөгөөднам нь тэдний сонголтод нийцсэн. ХКН-гүйгээрүндэсний сэргэн мандалтад хүрэх боломжгүй” гэжээ.

Түүхэн тогтоолд намын төвлөрсөн бө­гөөднэгдсэнудирдлагыгбэхжүүлэхийн ач холбогдлыг тусгасныг Си Зиньпин хэлээд, үүний зорилго нь ХКН-ын бүх гишүүн нэгдмэл байж, намаа “ган төмөр” мэт бэхжүүлж, эв нэгдэлтэйгээр урагш тэмүүлэхэд оршино гэжээ.

Мөн Си Зиньпин “аугаа тэмцэл”, “илүү хүнд хэцүү бөгөөд шаргуу хүчин чармайлт” гаргах хэрэгтэйг онцлоод, бүх төрлийн “томоохон эрсдэл”-д анхаарлаа хандуулж, тэдгээрээс сэргийлэх, шийд­вэрлэх үр дүнтэй арга хэмжээ авахыг намын гишүүддээ уриалсан байна.

Тэрбээр хэлэхдээ “Өнгөрсөн зуунд аугаа их ололт амжилтууд гаргаснаар манайнамньдотоодболонгадаадынх­ны магтаалыг ихээхэн хүртсэн. Гэхдээ бид өөрсдийгөө шинэчлэн хөгжүүлэхэд илүү их анхаарах ёстой. Бид алга та­шил­тад хэзээ ч автаж болохгүй” гэсэн юм.

1945 онд ХКН-ын анхны түүхэн тогтоол батлагдахад Мао Зэдун намын гишүүддээ “нэг гэр бүлийн гишүүд” мэт эв нэгдэлтэй байхыг уриалж байв.

1981 онд хоёр дахь түүхэн тогтоол батлагдах үед Дэн Сяопин намын үзэл санааг нэгтгэх нь чухал ач холбогдолтой болохыг онцлон тэмдэглэж байсан юм.

Харин 2021 онд гурав дахь түүхэн тогтоол батлагдсаны дараа Си Зиньпин намын бүх гишүүндээ стратегийн зорилтод анхаарлаа хандуулж, улс орны язгуур эрх ашгийг хамгаалахад анхаарч ажиллахыг уриаллаа.

Си Зиньпин хэлэхдээ “Өнөөдөр бид үндэсний сэргэн мандалтын зорилтод хүрэхэд урьд урьдынхаасаа илүү ойр­тон очиж, илүү итгэл төгс бөгөөд чадавх­тай болоод байна. Үндэсний сэргэн мандалтын буухиаг түүчээлэх өөрсдийн үеийн үүрэг хариуцлагаа бид үүрч, биелүүлэх ёстой” гэсэн юм.

ХКН-ЫН ЧУХАЛ ХУРАЛ НЬ ХЯТАДЫН ЦААШДЫН ХӨГЖЛИЙГ ТОДОРХОЙЛЛОО

Хятадын Юньнань мужийн Нузяны Лису үндэстний өөртөө засах жөү буюу аймгийн Фүгун хошууны оршин суугчид амомум цао-ко хэмээх эмчилгээнийзориулалттай жимс хураан авч буй нь. 2019 оны 10 дугаар сарын 28-ны зураг. (Синьхуа)

ХКН-ын 19 дүгээр их хур­лын зургадугаар бүгд хурлыг га­даадын улс төрийн намууд бо­лон шинжээчид өндрөөр үнэлж, үүнийг “өнгөрсөн ба ирээдүйг холбосон чухал уулзалт” гэж сайшаалаа.

Тэдний хэлсэнчлэн, ХКН-ын 100 жилийн түүхэнд гаргасан томоохон ололт амжилт болон түү­хэнтуршлагын талаарх дөрвөн өдөр үргэлжилсэн бүгд хурлын үеэр баталсан түүхэн тогтоол нь ХКН-ын амжилтын нууцыг дэлгэж, Хятад улсыг шинэ хөгжил дэвшил рүү хөтлөн чиглүүлэх гол удирдамж болно.

ХКН 100 жилийн түүхэндээ асар их амжилт гаргасан бөгөөд өдгөө Хятадын ард түмнийг ирээ­дүй рүү хөтлөн явж байна гэж ОХУ-ын Коммунист намын Төв хорооны дарга Геннадий Зюганов “Синьхуа” агентлагт ярилцлага өгөхдөө хэлжээ.

Зюганов хэлэхдээ “Хятад улсын нийслэл Бээжин хотноо 11 дүгээр сарын 8-11-нд болсон ХКН-ын 19 дүгээр их хурлын зургадугаар бүгд хурал нь ХКН-ын хувьд өнгөрснөө эргэн харж, аялалдаа дүн шинжилгээ хийж, ололт амжилтаа дүгнэж, цаашдын зорилтоо тодорхойлох боломж байлаа гэж би үзэж байна” гэжээ.

Тэрбээр цааш нь ярихдаа “Эх орончдын жижигхэн бүлэг байсан ХКН яагаад ердөө нэгэн зууныг дөрөв хуваасны нэгтэй тэнцэх хугацаанд энэ улс орныг удирдах хэмжээний хүчирхэг улс төрийн хүчин болж хувирав? Үүний гол нууц нь энэ нам ард түмний аз жаргал болон үндэсний аугааихсэргэн мандалтын төлөө зүтгэх зорилго тавьсанд оршино” гэжээ.

Тэрбээр Хятад улсын ядуур­лын эсрэг тэмцэл тэргүүтэй ололт амжилтуудыг онцлон дурдаад “ХКН амжилтдаа тайвширч зогс­доггүй, харин ч илүү их амжилтад хүрэхийн төлөө тууштай тэмцэж буй нь үнэхээр бахархмаар” гэсэн байна.

Хятад улс одоо ч олон сорилт­той тулгарч байгаа бөгөөд ХКН КОВИД-19 цар тахалтай амжилттай тэмцсэн шигээ бүх сорилтыг ялан дийлнэ гэдэгт итгэл­тэй буйгаа Зюганов илэрхийллээ.

Тогтвортой бөгөөд хүртээмж­тэй хөгжлийн талаар бодлого боловсруулж, зөвлөгөө өгдөг, Шри-Ланкад төвтэй “Veemansa Initiative” бүлгийн гүйцэтгэх захирал Люксман Сиривардена хэлэхдээ “ХКН түүхэн мөчлөгт бүгд хурлаа хийлээ” гэв.

Өдгөө Хятад улс олон улсын тавцанд маш чухал үүрэг гүй­­цэтгэж байгаа тул ХКН нь улсынхаа болон дэлхийн бусад олон орны нийгэм, эдийн засгийн хөгж­лийг улам бүр ахиулахын төлөө цаа­шид ч шаргуу ажиллана гэдэгт итгэлтэй буйгаа тэрбээр илэрхийлсэн юм.

Харин Кенийн олон улсын харилцаа судлаач Адхеер Кавинс хэ­лэх­дээ “ХКН 100 жилийн түүхэн­дээ хүчирхэг нэгтгэгч хүчин бол­сон. Тус нам нь улс орныхоо ний­гэм-эдийн засгийн хөгжлийг ахиулж, ард түмнийхээажамьд­ралыгдээшлүүлж, улмаар үндэс­­ний тогтвортой байдал, эв нэг­дэл болон засгийн газарт итгэх итгэлийг бэхжүүлэхийн тө­лөө тууштай ажиллах замаар Хя­тадын нийгмийг зөв замаар удир­­дан чиглүүлсээр ирсэн” гэжээ.

Түүний хэлсэнчлэн, ХКН нь Хятадын ард түмнийг сөргөлдөөн, ядуу­рал,олонулсыншахалт зэрэг да­вантуулах аргагүй сорилтуу­даасангижруулахын төлөө асар их хүчин чармайлт гаргасан. Дэлхий дахинд тулгамдан асууд­луудыг шийдвэрлэхэд идэвхтэй хувь нэмэр оруулснаар өдгөө Хятад улс нь НҮБ-ын хүчирхэг гишүүн орнуудын нэг болоод байна.

Саудын Арабын хятад суд­лаач Абдул Азиз Аль-Шабанийн үзэж буйгаар, бүгд хурлаас ба­талсан түүхэн тогтоол нь ХКН-ын зуун жилийн тэмцлийн цогц хураан­гуй бөгөөд Хятадын цааш­дын хөгжлийн чиг хандлагыг тодорхойлж, илүү их ололт ам­жилтад хүрэх хөшүүрэг болно.

Хятадын Сычуань мужийн Паньжихуа хотод өндөр хурдны зорчигч тээврийн “Фүсин” буюу “Сэргэн мандалт” галт тэрэг явж буй нь.

2020 оны 1 дүгээр сарын 9-нд авсан зураг. (Синьхуа / Лю Зячэн)

“Энхийг сахиулах ажиллагаанд монгол эмэгтэйчүүдийн оролцоо” сэдэвт эрдэм шинжилгээний хурал Үндэсний батлан хамгаалахын их сургуульд өнөөдөр боллоо.

Тус хурлыг Монгол Улсын Ерөнхийлөгчийн Тамгын газар, Гадаад харилцааны яам, Үндэсний аюулгүй байдлын зөвлөлийн Стратеги судалгааны хүрээлэн, Батлан хамгаалахын эрдэм шинжилгээний хүрээлэн хамтран зохион байгуулжээ.

НҮБ-ын энхийг сахиулах ажиллагаанд 1957 онд анх удаа эмэгтэй энхийг сахиулагч үүрэг гүйцэтгэсэн байна. 2021 оны есдүгээр сарын байдлаар НҮБ-ын энхийг сахиулах 12 ажиллагаанд 76 мянга гаруй цэрэг, цагдаагийн алба хаагч үүрэг гүйцэтгэж байгаагийн долоон хувь нь эмэгтэйчүүд байна.

Монгол Улсаас анх удаа 2005 онд Баруун Сахарт явагдаж буй НҮБ-ын энхийг сахиулах “MINURSO” ажиллагаанд ахмад Н.Нямжаргал цэргийн ажиглагч офицероор үүрэг гүйцэтгэсэн юм.

Манай улс НҮБ-д цэрэг хандивлагч орнуудаас эмэгтэй энхийг сахиулагчдын тоогоороо 26 дугаар байрт эрэмбэлэгдэж байгаа бол Этиоп болон Руанда улсууд тус бүр 500-аас илүү эмэгтэй энхийг сахиулагчдыг ажиллагааны газар оронд илгээснээр жагсаалтыг тэргүүлж байна.

Өнөөдөр /2021.11.19/ Улаанбаатар хотод явуулын 35, суурин 47, түр 24 цэгт 108 багийн 448 эмч, ажилтан ажиллаж, 5858 иргэнийг дархлаажуулахаар төлөвлөлөө. Томоохон зах, худалдааны төвүүдэд 24 түр цэг ажиллаж байна.

Та өөрт ойр вакцины аль ч цэгт очиж дархлаажуулалтад хамрагдах боломжтой. Дархлаажуулалтын цэгүүд 09:00-20:00 цаг хүртэл ажиллана. Дархлаажуулалтын цэгийг дүүрэг тус бүрээр танилцуулж байна.