Month: July 2021

Categories
мэдээ нийгэм

Иргэдийн ар гэрээс эм, тариа авахгүй байх шийдвэр маргааш үйлчилж эхэлнэ

Маргааш буюу /2021.08.01/-нээс эмнэлэгт хэвтэн эмчлүүлж буй иргэд ар гэрээсээ эм тариа гаргахгүй. Тодруулбал, УОК-ын дарга, Шадар сайд С.Амарсайхан Эм эмнэлгийн хэрэгслийн хяналт, зохицуулалтын газар ажиллахдаа ийм шийдвэр гаргаж, үүрэгдсэн.

Тэрбээр “Тодорхой нэр төрлийн эмийн бүтээгдэхүүний хангалт дутмаг байна. Эм тариа байхгүй учир иргэдийг гэрээсээ авчир гэж явуулах тохиолдол гардаг. Тухайн иргэн санхүүгийн чадвар сул бол амь насаараа хохирох эрсдэлтэй. Иймээс наймдугаар сарын 1-нээс хойш хугацаанд иргэдийн ар гэрээс эм, тариа авахуулахгүй байх үүргийг өгч байна” гэсэн юм.

Мөн иргэд эмнэлэгт хэвтэн эмчлүүлэхдээ эм тарианы зардлыг өөрөөсөө гаргасан бол буцаан авах боломжтой. Гуравдугаар сарын 1-ээ хойш Эрүүл мэндийн даатгалын ерөнхий газартай гэрээтэй эмнэлэгт хэвтэн эмчлүүлэх үед өвчний түүхэд бичигдсэн эм, тариаг өөрөөсөө гаргасан тохиолдолд буцаан авах боломж бүрдсэн байна.

Categories
мэдээ спорт цаг-үе

ТОКИО-2020: Багийн барилдааны шөвгийн наймын эхний ялалтыг Ц.Цогтбаатар авчирлаа

32 дахь удаагийн “Токио-2020” зуны олимпийн наадам найм дахь өдрөө үргэлжилж байна.

Жүдо бөхийн холимог багийн барилдаанд Монголын шигшээ баг шөвгийн наймд ОХУ-ын олимпийн хорооны багтай таарч, 1:1 харьцаатай тэнцлээ.

Тодруулбал

  • Эмэгтэй -57 килограммын жинд Хөдөлмөрийн баатар Д.Сумъяа Дариа Мезецкаиад ялагдлаа.
  • Эрэгтэй -73 килограммын жинд Ц.Цогтбаатар Муса Могушковыг яллаа.
Categories
мэдээ нийгэм

ЭЕШ өгөхөөр очихдоо бүрдүүлэх материал

Элсэлтийн ерөнхий шалгалт наймдугаар сарын 19-нд 10:00 цагт Монгол Улсын түүх хичээлийн шалгалтаар эхэлнэ. Улсын хэмжээнд нийт 81 шалгалтын байранд ЭЕШ-ыг зохион байгуулахаар бэлтгэл ажлыг хангаад байгаа юм.

Элсэгчид шалгалт өгөхдөө:

  • Иргэний үнэмлэх болон түүнтэй адилтгах баримт бичиг /Иргэний үнэмлэх авах насанд хүрээгүй шалгуулагчид сурч буй сургуулийн захирал эсвэл оршин сууж буй орон нутгийн засаг даргын гарын үсэгтэй лавлагааг төрсний гэрчилгээний хамт авч ирнэ.
  • Бүртгэлийн хуудас /https://eyesh.eec.mn/profile/login холбоосоор дамжуулан өөрийн бүртгэлийн дугаар, нууц үгээ ашиглан “Шалгуулагчийн булан”-аар нэвтэрч хэвлэж авна. Энэ оны төгсөгчид сурч буй сургуулийнхаа захирлаар гарын үсэг зуруулж баталгаажуулсан байх, өмнөх оны төгсөгч болон мэргэжлийн сургалт үйлдвэрлэлийн төв төгссөн шалгуулагчийн бүртгэлийн хуудас QR кодоор баталгаажсан тул гарын үсэг, тамга даруулах шаардлагагүй
  • Суудлын хуваарь /https://eyesh.eec.mn/profile/login холбоосоор дамжуулан өөрийн бүртгэлийн дугаар, нууц үгээ ашиглан “Шалгуулагчийн булан”-аар нэвтэрч суудлын хуваарь хэсгээс хэвлэж авна уу.
  • Бүрэн дунд боловсролын үнэмлэх, түүнээс дээш боловсрол эзэмшсэнийг гэрчлэх баримт бичиг гэсэн материалуудыг бүрдүүлж очих юм.

Categories
мэдээ спорт

ТОКИО-2020: Ан Сан олимпоос гурван алтан медаль авсан анхны солонгос тамирчин боллоо

“Токио-2020” олимпийн наадам түүхэн амжилт дүүрэн үргэлжилсээр. БНСУ-ын байт харвааны тамирчин Ан Сан “Токио-2020” олимпоос гурван алтан медаль хүртсэн.

Гурвын гурван алтан медалиар энгэрээ мялааснаас гадна тэрбээр эмэгтэйчүүдийн ганцаарчилсан төрөлд өрсөлдөхдөө олимпийн дээд амжилт шинэчлэн, тогтоосон юм.

Үүний сацуу 20 настай Ан Сан бас нэгэн түүхэн амжилтын эзэн болжээ.

Олимпийн наадамд анх удаа цэц сорьж буй түүнээс өмнө зуны олимпоос гурван алтан медаль авсан солонгос тамирчин үгүй байсан юм. Үүний сацуу “Токио-2020” олимпийн наадмаас гурван алтан медаль хүртсэн анхны тамирчин нь Ан Сан боллоо.

Categories
мэдээ спорт

ТОКИО-2020: Монголын жүдо бөхийн холимог баг шөвгийн наймд шалгарлаа

32 дахь удаагийн “Токио-2020” зуны олимпийн наадам долоо дахь өдрөө үргэлжилж байна.

Жүдо бөхийн холимог багийн барилдаанд Монголын шигшээ баг шөвгийн 16-д Өмнөд Солонгосын шигшээ багтай таарч, манай баг 4:1 харьцаатай ялж , шөвгийн наймд шалгарлаа. Ингэснээр дараагийн барилдааны Оросын олимпийн хорооны багтай хийнэ.

Тодруулбал

  • Эрэгтэй -90 килограммын жинд Ө.Дүүрэнбаяр Ким Минжонд ялагдлаа.
  • Эрэгтэй -73 килограммын жинд Ц.Цогтбаатар Ан Чанриг яллаа
  • Эмэгтэй -57 килограммын жинд Д.Сумъяа Ким жисүг яллаа
  • Эмэгтэй -70 килограммын жинд Б.Ганхайч Ким Сингионыг яллаа
  • Эрэгтэй +90 килограммын жинд Г.Алтанбагана Ван Донаныг яллаа. Ингэснээр эмэгтэй +70 килограммын жинд О.Мөнхцэцэг барилдалгүйгээр Монголын баг ялалгт авлаа.
Categories
мэдээ нийгэм онцлох-нийтлэл туслах-ангилал

ЭМЯ: 1286 хүнээс халдвар илэрч, зургаан хүн нас барлаа

Коронавируст халдварын нөхцөл байдлын талаар Эрүүл мэндийн яам ээлжит мэдээллээ хүргэж байна.

“Сүүлийн 24 цагт 1286 хүнээс халдвар илэрлээ. Ингэснээр нийт батлагдсан тохиолдол 164.155 боллоо.

Мөн зургаан хүн ковидын нэн хүнд хэлбэрээр нас барлаа. Нийт нас баралт 815 боллоо.

Мөн 2041 хүн эдгэрч, эмнэлгээс гарлаа.

10.047 хүн хэвтэн эмчлүүлж байгаагаас 6269 нь хөнгөн, 2679 нь хүндэвтэр, 929 нь хүнд, 170 хүн нэн хүнд байна.


Categories
мэдээ спорт цаг-үе

ТОКИО-2020: Ц.Цогтбаатар олимпийн медальт, дэлхийн аварга Ан Чан-Римийг яллаа

“Токио-2020” олимпийн наадмын жүдо бөхийн багийн барилдаан өнөөдөр болно. Монголын жүдочид эхний тойрогт БНСУ-ын багтай учраа таарсан.

Эрэгтэйчүүдийн 73 кг-д барилдаж буй Токиогийн олимпийн хүрэл медальт Ц.Цогтбаатар “Токио-2020” олимпоос хүрэл медаль авсан, ДАШТ-ий алт, хошой хүрэл медальт Ан Чанримийг яллаа. Тэд хоёулаа энэ удаагийн олимпоос хүрэл медаль авсан юм.

Ингэснээр барилдааны харьцаа 2:1 боллоо.

Манай багийн бүрэлдэхүүнийг сонирхуулъя.

Эрэгтэйчүүдийн 73 кг: Токиогийн олимпоос хүрэл медаль хүртсэн, Азийн аварга Ц.Цогтбаатар, ОУХМ Ё.Басхүү

90 кг: Азийн наадмын мөнгөн медальт, Армийн дэлхийн аварга Г.Алтанбагана, Токиогийн олимпоос мөнгөн медаль авсан Саид Моллаи

+90 кг: ДАШТ-ий хүрэл медальт, Гавьяат тамирчин Л.Отгонбаатар, Ө.Дүүрэнбаяр

Эмэгтэйчүүдийн 57 кг: Хөдөлмөрийн баатар, олимпын мөнгөн медальт, дэлхийн аварга Д.Сумъяа, ОУХМ Л.Сосорбарам

70 кг: Улсын таван удаагийн аварга Б.Ганхайч

+70 кг: ОУХМ О.Мөнхцэцэг.

Categories
мэдээ нийгэм цаг-үе

Дархлаажуулалтын цэгүүд өнөөдөр 15:00 цаг хүртэл ажиллана

Өнөөдөр Улаанбаатар хотод 10:00-15:00 цагийн хооронд суурин 19 цэгт 28 багийн 171 эмч, ажилтан ажиллаж, 8435 иргэнийг дархлаажуулахаар төлөвлөлөө.

Дархлаажуулалтын цэгүүдийг дүүрэг тус бүрээр танилцуулж байна.

нэг буюу түүнээс олон хүн болон бичвэр гэх мэтийн зураг байж болно

нэг буюу түүнээс олон хүн болон бичвэр гэх мэтийн зураг байж болно

бичвэр гэх мэтийн зураг байж болно

бичвэр гэх мэтийн зураг байж болно

нэг буюу түүнээс олон хүн болон бичвэр гэх мэтийн зураг байж болно

нэг буюу түүнээс олон хүн болон бичвэр гэх мэтийн зураг байж болно

бичвэр гэх мэтийн зураг байж болно

Categories
мэдээ спорт

ТОКИО-2020: Өнөөдөр манай улсын долоон тамирчин спортын хоёр төрөлд өрсөлдөнө

Өнөөдөр буюу долдугаар сарын 31-нд манай улсын долоон тамирчин спортын хоёр төрөлд өрсөлдөнө.

10:00. Жүдо бөхийн холимог багийн барилдаан эхэлнэ. Монголын шигшээ баг шөвгийн 16-д Өмнөд Солонгосын шигшээ багтай таарсан. Эрэгтэй -90, +90, -73 кг жин, эмэгтэй -57, -70, +70 кг жингийн барилдаанууд болно.

Тус төрлийн медалийн барилдаанууд 16:00 цагаас эхэлнэ. (EDU, STAR, TV9)

11:00. Эмэгтэйчүүдийн 50 метрийн урт бууны урьдчилсан дасгал эхэлж О.Есүгэн цэц сорино. Тус төрөлд нийт 49 тамирчин оролцож байгаагаас хамгийн өндөр оноо авсан 8 тамирчин финалд шалгарна.

Финалын буудлага 15:00 цагаас эхэлнэ. (UBS, SBN, VTV)

Categories
амьдралын-өнгө мэдээ цаг-үе

Дорнодын Матад суманд урд шөнө 4.8 магнитудын хүчтэй газар хөдөлжээ

Дорнод аймгийн Матад суманд шөнийн 01:16 цагийн орчимд 4.8 магнитудын хүчтэй газар хөдлөлт болжээ.

Хүчтэй хөдлөлтийн талаарх мэдээллийг тодруулбал:

  • Газар хөдлөлт болсон хугацаа (Улаанбаатарын цагаар) : 2021-07-31 01:16:45
  • Газар зүйн байршил (Өргөрөг, Уртраг) : 46.85 115.62
  • Газар хөдлөлтийн хүч (магнитуд) : 4.8
  • Болсон газар : Дорнод аймгийн Матад сумаас зүүн урд зүгт 26 километрын зайнд боллоо.