Month: March 2021

Монголбанкны Мөнгөний бодлогын хороо эдийн засаг, банк, санхүүгийн зах зээлийн өнөөгийн байдал, ирээдүйн төлөв болон гадаад, дотоод орчны төлөв байдал, эрсдэлийг харгалзан үзээд санхүүгийн нөхцлийг үргэлжлүүлэн зөөлрүүлэх зорилгоор Бодлогын хүүг 6 хувьд хэвээр хадгалах шийдвэр гаргасан.

Мөн Урт хугацаат дахин санхүүжилтийн хэрэгслээр 2021 оны хоёрдугаар улиралд 350 хүртэлх тэрбум төгрөгийг олгох шийдвэрийг гаргасан. Уг санхүүжилтийг боловсруулах, үйлчилгээ болон 200-гаас дээш ажиллагчидтай худалдааны салбарын аж, ахуйн нэгжүүдийг хамруулахаар өргөтгөсөн талаар мэдэгдсэн.

Тэгвэл репо санхүүжилтэд хамруулах салбаруудад чухам аль аль салбар нэмэгдсэнийг тодотгон хүргэе.

Мөнгөний бодлогын хороо зээлийн дээд хэмжээг 3 тэрбум төгрөг хэвээр үлдээсэн бөгөөд одоо байгаа жижиг, дунд үйлдвэрлэл болон уул уурхайн бус экспортын салбарууд дээр дараах салбаруудыг нэмжээ.

Үйлчилгээний салбар:

• Байр, сууц болон хоол хүнсээр үйлчлэх үйл ажиллагаа;
• Мэргэжлийн, шинжлэх ухаан болон техникийн үйл ажиллагаа;
• Удирдлагын болон дэмжлэг үзүүлэх үйл ажиллагаа;
• Хүний эрүүл мэнд ба нийгмийн үйл ажиллагаа;
• Урлаг, үзвэр, тоглоом, наадам зэрэг салбарууд хамаарна

Боловсруулах үйлдвэрлэл:

Хоёр зуу болон түүнээс дээш ажилтантай бөөний болон жижиглэн худалдааны салбарыг нэмж хамруулжээ.

Монголбанкны санхүүжилтийн хэмжээг нэмэгдүүлж, хамрагдах салбарыг өргөтгөснөөр цар тахлын эдийн засагт үзүүлэх сөрөг нөлөөг богино хугацаанд арилгах, ажлын байрыг хадгалах, дунд, урт хугацааны эдийн засгийн хөгжилд эерэгээр нөлөөлнө гэж Төв банк үзэж байна.

Цагдаагийн ерөнхий газрын Мөрдөн байцаах алба, Экологийн цагдаагийн алба хамтран гэв.

Гэрэлт хөшөөг Монгол Улсад Хууль зүйн алба үүсэн байгуулагдсаны 110, орчин цагийн цагдаагийн байгууллага үүсэн байгуулагдсаны 100 жилийн ойд зориулан албан үүргээ гүйцэтгэж яваад баатарлагаар амь насаа алдсан алба хаагчийн үйлсийг мөнхжүүлэх зорилгоор байгуулах аж.

Энэхүү ажлын хүрээнд уран бүтээлчдээс ирүүлсэн 13 хөшөөний загварыг Хууль зүй, дотоод хэргийн сайд, Цагдаагийн ерөнхий газрын удирдлагуудад танилцуулснаар МУЭ-ийн гишүүн зураач, барималч, МУСТА Ж.Дүүрэнтөгсийн бүтээл сонгогдсон байна.

“Хөшөөний ерөнхий харагдах байдал нь тэнгэр өөд цойлсон шонхор шувууны дүрс бүхий хананд монгол цагдаагийн ёсолгоо бүхий дүр байна. Энэ нь өргөсөн тангарагтаа үнэнчээр зүтгэсэн монгол цагдаа үүргээ гүйцэтгэж яваад гэр орон, хань ижил, үр хүүхдүүд, журмын нөхдийнхөө сэтгэлд зайгаа үлдээн, эр зоригийн дууль болон тэнгэрт одсоныг өгүүлнэ. Энэ хоосон дүрслэл дундуур нар салхи, агаар хур нэвтрэн байх нь амьд бөгөөд мөнх чанарыг илтгэнэ” гэж ЦЕГ-аас мэдээллээ.

Санхүүгийн зохицуулах хороо (СЗХ)-ноос арилжааны банкуудын хувьцаат компани болохтой холбоотой түр журмын төслийг боловсруулан баталжээ.

Хамтарсан тушаалаар баталсан түр журмаар банкийг нээлттэй болон хаалттай хувьцаат компани хэлбэртэйгээр өөрчлөн байгуулах, банкны хувьцаа эзэмшигчдийн бүтэц, хувь нийлүүлсэн хөрөнгийн хэмжээг хуульд нийцүүлэн өөрчлөх ажиллагааг хэрэгжүүлэх хугацаа, банк хувьцаагаа нийтэд болон хаалттай хүрээнд санал болгох төлөвлөгөө, нэгж хувьцааг санал болгох үнийн төсөөлөл, боломжит хөрөнгө оруулагчдын тандан судалгаа зэргийг тусгасан төлөвлөгөөг СЗХ, Монголбанкинд ирүүлэх мөн төлөвлөгөөг хянахтай холбогдсон харилцааг зохицуулах юм.

Түр журмын зохицуулалт хэрэгжиж эхэлснээр банкууд компанийн хэлбэрийг өөрчлөн нээлттэй хувьцаат компани болох, хувьцаа эзэмшигчдийн бүтэц, бүрэлдэхүүн, хувь нийлүүлсэн хөрөнгийн хэмжээнд өөрчлөлт оруулах төлөвлөгөөг боловсруулж 2021 оны долдугаар сарын 1-ний өдрийн дотор СЗХ, Монголбанкинд ирүүлэх аж.

УИХ-аас 2021 оны нэгдүгээр сарын 29-ний өдөр баталсан Банкны тухай хуульд нэмэлт, өөрчлөлт оруулах тухай хуулийг дагаж мөрдөх журмын тухай хуулийн 3 дугаар зүйлд “Банкийг нээлттэй хувьцаат компани хэлбэртэйгээр өөрчлөн байгуулах, банкны хувь нийлүүлсэн хөрөнгийн бүтэц, хэмжээг энэ хуульд нийцүүлэн өөрчлөх, энэ хуулийн 1 дүгээр зүйлд заасан төлөвлөгөөг боловсруулах, хэрэгжүүлэх, тайлагнах хянах түр журмыг Санхүүгийн зохицуулах хороо, Монголбанк хамтран батална” гэж заасан.

Үүнтэй холбогдуулан СЗХ-ны дарга, Монголбанкны Ерөнхийлөгчийн 2021 оны хоёрдугаар сарын 10-ны өдрийн А-50/53 дугаар хамтарсан тушаалаар байгуулагдсан Ажлын хэсэг түр журмын төслийг боловсруулж, Монголбанкны Ерөнхийлөгчтэй хамтарсан тушаалаар батлахыг СЗХ-ны даргад зөвшөөрөх тухай асуудлы тус хорооны ээлжит зургаа дахь удаагийн хуралдаанаар шийдвэрлэжээ.

Өнгөрөгч амралтын өдөр Тагнуулын ерөнхий газрын алба хаагчаас коронавирусний халдвар илэрчээ. Улмаар халдварын онош батлагдсан алба хаагчийг гэрт нь тусгаарлан эмчилж байна.

Тагнуулын ерөнхий газраас ийнхүү халдвар гарсантай холбогдуулан бусад алба хаагчдыг коронавирусний шинжилгээнд хамруулж байгаа бөгөөд хавьтал маршрут тогтоох ажил хийгдэж эхэлжээ.

Өнөөдрийн байдлаар Монгол Улсын хэмжээнд нийт батлагдсан тохиолдлын тоо 7589 болоод байгаа билээ.

2021 оны гуравдугаар сарын 29-ний өдөр энгийн арилжаагаар 43 хувьцаат компанийн 268,690,411 төгрөгийн үнийн дүн бүхий 1,551,079 ширхэг хувьцаа арилжигдсанаас 22 хувьцаат компанийн хувьцааны ханш өсч, 17 хувьцаат компанийн хувьцааны ханш буурсан бол 4 үнэт цаасны ханш тогтвортой байлаа. Үүнээс “Монголын цахилгаан холбоо” ХК (MCH+14.98%) болон “Булган ундрага” ХК (BUN +14.91%)-ийн хувьцааны ханш хамгийн өндөр өсөлттэй байсан бол “Глобал монголиа холдингс” ХК (HML -14.29%) болон “Монгол алт” ХК (ERS -11.54%)-ийн хувьцаа хамгийн их уналттай байлаа.

“Үндэсний хувьчлалын сан” хамтын хаалттай ХОС-ийн 20,662 ширхэг нэгж эрхийг нийт 4,974,198 төгрөгөөр арилжигдсан байна.

ТOP-20 индекс 0.74 хувиар өсөж, 34716.79 нэгжид хүрсэн бол зах зээлийн үнэлгээ 3,702,809,618,431.44 төгрөг боллоо.

Коронавируст халдварыг илрүүлэхээр сүүлийн хоногт улсын хэмжээнд хийсэн шинжилгээний хариуг ХӨСҮТ-өөс танилцууллаа.

ЭМЯ-ны хэлтсийн дарга Г.Болдмаа “Сүүлийн хоногт 14218 хүнд хийсэн коронавирусийн халдвар илрүүлэх шинжилгээний явцад 481 хүнд халдвар илэрсэн. Шинээр илэрсэн 481 тохиолдлын 404 нь Улаанбаатар хотоос, 77 нь аймаг орон нутгуудаас илэрлээ. Ингэснээр улсын хэмжээнд батлагдсан тохиолдол 8070 боллоо.

Сүүлийн 24 цагт 124 хүн эдгэрч, эмнэлгээс гарлаа. Одоогоор 1776 хүн эмчлэгдэж буй бөгөөд биеийн байдал нь маш хүнд 11, хүнд 31 хүн байгаа” гэв.

Монгол Улс өнөөдрийн байдлаар гадаадын 93 улсаас 31168 иргэнээ татан аваад байгаа бөгөөд ирэх дөрөвдүгээр сард 12 удаагийн нислэг үйлдэхээр төлөвлөсөн. Гэвч тусгаарлах байр болон бусад техникийн нөхцөл байдлаас шалтгаалж зарим нислэгийн хуваарьт өөрчлөлт орсон гэдгийг Гадаад харилцааны яам (ГХЯ)-ны Консулын газрын дарга Л.Мөнхтүшиг мэдээллээ. Тусгай үүргийн нислэгийн хуваарийг танилцуулбал,

-Дөрөвдүгээр сарын 5-нд төлөвлөж байсан Токио-Улаанбаатар чиглэлийн нислэг дөрөвдүгээр сарын 6-ны орой,

-Дөрөвдүгээр сарын 6-нд төлөвлөж байсан Сөүл-Улаанбаатар чиглэлийн нислэгийг дөрөвдүгээр сарын 7-нд,

-Дөрөвдүгээр сарын 14-ны Сөүл-Улаанбаатар чиглэлийн нислэгийг Солонгосын Асиана Эйрланс компани үйлдэнэ,

-Дөрөвдүгээр сарын 26-нд төлөвлөж байсан Сөүл-Улаанбаатар чиглэлийн “Кореан Эйр” компанийн нислэгийг иргэд болон тус компанийн хүсэлтийн дагуу дөрөвдүгээр сарын 28-нд болгож нислэгийн хуваарьт өөрчлөлт оруулжээ.

Харин нислэгийн тийзийн үнийн талаар ГХЯ-ны Консулын газрын дарга Л.Мөнхтүшиг “УОК-ын хоёрдугаар сарын ээлжит хурлаар МИАТ компанийг тусгай үүргийн нислэгийн тийзийн үнээ хямдруулах үүрэг чиглэл өгсөн. МИАТ компани гуравдугаар сараас хойших тусгай үүргийн нислэгийн тийзийн үнээ 15 хувиар бууруулсан. Бид гадаад улсуудын авиа компаниудын нислэгийг ирэх дөрөвдүгээр сараас эхлэн хүлээж авах болсонтой холбоотойгоор уулзалт хийхдээ тийзийн үнээ хямдруулах санал тавьсан” гэлээ.

Монгол Улсын Засгийн газар агаарын хилийг тавдугаар сарын 1-ний өдрөөс шат дараатай нээхээр төлөвлөж байгаа гэдгийг Ерөнхий сайд Л.Оюун-Эрдэнэ мэдэгдсэн. Үүнтэй холбоотойгоор ирэх дөрөвдүгээр сард Сөүлээс бусад чиглэлийн нислэгээр ирэх иргэд тийзээ шууд авиа компаниудад хандан худалдан авах энгийн горимд шилжихээр болжээ. Зөвхөн транзит зорчигч авах дөрөвдүгээр сарын 23-ны өдрийн Сөүл-Улаанбаатар чиглэлийн нислэгээр ирэх иргэд ч энгийн горимоор тийзээ авна.

Мөн Сөүл-Улаанбаатар чиглэлийн нислэгээр ирэх иргэд дөрөвдүгээр сарын 14-нд “Асиана Эйрлайнс” ХХК, дөрөвдүгээр сарын 28-нд “Кореан Эйр” компанид хандан, тийзээ захиалах боломжтой аж. Харин МИАТ компанийн Сөүл-Улаанбаатар чиглэлийн нислэгийн зорчигчийн нэрсийг Монгол Улсаас БНСУ-д суугаа Элчин сайдын хандан иргэдийн гаргасан өргөдлийн дарааллаар Сөүл дэх МИАТ компанийн төлөөлөгчийн газарт хүргүүлж баталгаажуулах юм.