Month: February 2021

Categories
мэдээ цаг-үе

Эрүүл Мэндийн Сайд С.Энхболд “Вакцины хоёр дахь тунг хийлгэж, салбарын ажилтнуудаа уриална” гэв

Бүгд Найрамдах Энэтхэг Улсын Засгийн газраас Монгол Улсад буцалтгүй тусламжаар олгож буй 150 мянган тун АстраЗенека вакцин манай улсад өнөөдөр ирсэн билээ. БНЭУ-аас Монгол Улсад суугаа Элчин сайд Сингх AstraZeneca вакциныг манай улсад буцалтгүй тусламжаар өгч буйг хэлсэн юм. Харин өнөөдөр орой 22:55 цагт БНХАУ-аас 320,000 тун Синофарм вакциныг авчирч, 2-р сарын 23-ны өдрөөс эхлэн вакцинжуулалт эхэлнэ.

Вакцины эхний тунг Ерөнхий сайд Л.Оюун-Эрдэнэ хийлгэнэ гэдгээ хэлсэн бол хоёр дахь тунг Эрүүл мэндийн сайд С.Энхболд хийлгэж эрүүл мэндийн салбарын ажилтнуудаа уриалахаа хэлээд буй юм.

Эхний ээлжинд ирж буй 450,000 хүн тун вакциныг хоёр тунгаар гэж тооцон 225,000 хүнд хийнэ. Эхний ээлжийн вакцинжуулалтад эрүүл мэндийн салбарын эмч, ажилтнууд, цар тахлын үед ажиллаж буй цагдаа, мэргэжлийн хяналт зэрэг албан хаагчид хийлгэхээр болоод байна.

Categories
булангууд мэдээ нийгэм шинжлэх-ухаан-технологи

ШИНЖЛЭХ УХААН: Хүн төрөлхтнийг төлөөлж Ангараг гариг дээр буусан роботууд

Ангараг гаригийн роботуудын харьцуулалт.

Зүүн талд “Спирит”, ар талд “Оппортьюнити”, “Сожорнер” байна. Харин баруун талд нь “Кьюриосити” робот байгаа юм.

Хамгийн сүүлд буюу энэ сарын 18-нд АНУ-ын сансар судлалын агентлаг /НАСА/ -гийн сүүлийн томоохон бүтээл болох “Perseverance” робот нь Ангараг гариг дээр бууж анхны зургаа явуулсан билээ.

“Шинжлэх ухаан” буланд Хүн төрөлхтнийг төлөөлж Ангараг гариг дээр газардсан роботуудын талаар товч мэдээллийг хүргэж байна.

“Сожорнер” /Sojourner 1997/

АНУ-ын сансар судлалын агентлаг /НАСА/ анх 1996 оны арванхоёрдугаар сарын 4-нд Ангараг гариг руу ровероо илгээхээр бэлдэж байжээ. Тийнхүү Ангараг гариг руу “Сожорнер” роботийг хөөргөж 1997 оны долдугаар сарын 4-нд газардсан аж. Энэ нь 20 гаруй жилийн өмнөх НАСА-гийн анхны дугуйтай робот юм.

Ровер нь Патфиндер баазын станцаар 1997 оны есдүгээр сарын 27-ны өдөр PDT-ийн 3 цаг 23 минутад Дэлхийтэй хамгийн сүүлчийн харилцаагаа тогтоосон байна. Сожурнер харилцаа холбоо тасарсан үед 100 гаруй метр (330 фут) хол замыг туулсан.

Illustration of Pathfinder lander and Sojourner rover on Mars surfaceДолдугаар сарын 4-нд газардсанаас хойш 1997 оны есдүгээр сарын 27-нд эцсийн мэдээлэл дамжуулах хүртэл Марс Патфиндер 2.3 тэрбум бит мэдээллийг өгсөн бөгөөд үүнд газардуулагчаас 16.500 гаруй зураг, ровероос авсан 550 зураг мөн 15 гаруй химийн шинжилгээ хийжээ. Чулуулаг, хөрс, салхи болон цаг уурын бусад хүчин зүйлийн талаарх өргөн мэдээллийг мөн өгч чаджээ. Буугч болон явган аяллын аль алинд нь шинжлэх ухааны багаж хэрэгслээр явуулсан мөрдлөгийн үр дүнгээс Ангараг нь урьд өмнө нь дулаан, нойтон, шингэн төлөвт байгаа ус, зузаан агаар мандалтай байсан хэмээн гэж таамаглаж байв.

“Оппортьюнити” / Opportuity Sprit 2004 /

2004 оны нэгдүгээр сард Ангараг гариг дээр
буусан. Ингэхдээ тус гариг дээрх нөхцөл байдал урьд өмнө
байсан эсэхийг олж мэдэх байв.

This infographic highlights NASA’s twin robot geologists, the Mars Exploration Rovers (MER) Spirit and Opportunity. Image Credit: NASA-JPL-CaltechАнгарагийн гадаргуу дээр найман км яваад зургаан жил ажилласан. Хурд хэмжигч дээр 45 километр замыг туулсан нь харь гаригийн тээврийн хэрэгслийн үнэмлэхүй дээд амжилт гэж үзжээ. “JPL” компанийн захирал Майкл Уоткинс тэр үед “Ангараг гаригийн гадаргуу дээр илүү тохиромжтой газар байгааг таамаглашгүй. Энэ бяцхан аяллын хөлөгөөрөө түүхэн бичлэг хийхэд түүнийг удирдах хүмүүсийн овсгоо самбаа, хичээл зүтгэл, тууштай байдал харуулах байх” хэмээжээ.

Үүний дараагаар Curiosity (2012 оны наймдугаар сард буусан)-ыг хөөргөсөн юм.

“Кьюриосит” /Curiusity 2012 /

Ангараг гариг руу хүн төрөлхтний хамгийн том бүтээлүүдийн нэг болох “Кьюриосити” роботыг 2011 оны арваннэгдүгээр сарын 26-нд илгээсэн билээ. Тэгвэл энэ робот 2012 оны наймдугаар сарын 8-нд амжилттай газарджээ. Curiosity робот 2012 онд Гейл Кратерт газардав. Өмнөх загваруудаас ялгаатай нь нарны энерги дээр тулгуурладаггүй, плутонийн баттерейгаар ажилладаг байсан тул элсэн шуургыг алдагдалгүй даван туулж чаджээ.

2012 оны наймдугаар сарын 6-нд Curiosity Ангараг гаригийг хөөргөснөөс хойш Ангараг гаригийн 3000 өдөр буюу солс өнгөрч, ровер нь 3 милийн өндөр (5 км өндөр) Шарп ууланд авирах явцдаа шинэ нээлт хийсээр байна. Тус уулыг 2014 оноос хойш судалж байгаа аж.

2020 оны арваннэгдүгээр сарын 18-нд хийсэн судалгаагаар 2.946 дахь сол 122 зургаас нэгтгэн уг панорамыг Роверын гол “нүд” болж буй Mast Camera буюу Mastcam авсан байна. Баруун талын зурган дээр “Кьюриосити”-ийн толгойн хэсгийг нарийвчлан харуулав. Дөрвөлжин хайрцагны хэмжээ нь 0.4 метр. Багаж дотор байрлах нүд мэт зүйл нь Chemcam гэх систем юм. Доод талд нь ангараг гариг дээр өнгөт бичлэг хийх чадвартай камер байрлаж байна.

“Curiosity”-ийн төслийн эрдэмтэн Роверыг бүтээж, удирдаж буй НАСА-ийн Өмнөд Калифорни дахь тийрэлтэт хөдөлгүүрийн лабораторийн ажилтан Ашвин Васавада “Манай эрдэм шинжилгээний баг Гейлийн доторх хэрхэн үүссэн, эртний байгаль орчинд ямар ач холбогдолтой болохыг олж мэдсэндээ баяртай байна” хэмээн хэлжээ.

Персеверанс /Perseverance 2021/

Долоон сарын өмнө дэлхийгээс хөөрсөн робот 470 сая км зам туулж өнөө өглөө Ангараг гаригт амжилттай газардлаа.

No description available.АНУ-ын сансар судлалын агентлаг( NАSА)-ийн Perseverance станц нь тэнд амьдрал оршиж байсан эсэхийг судлах юм. Хоёр жилийн хугацаанд Езеро гэгддэг эртний нуурын ёроол байсан хонхорт ажиллах зургаан дугуйтай дээрх станц газардсан даруйдаа хоёр ч гэрэл зураг илгээгээд байна.


photo of the Mars Perseverance Rover descending from its skycraneЭнэхүү хөдөлгөөнгүй дүрс нь 2021 оны хоёрдугаар сарын 18-нд “НАСА”-гийн робот Ангараг гариг дээр буухад хэд хэдэн камерын авсан видео бичлэгийн нэг хэсэг юм. Ангарагаас цуглуулсан дээжийг агуулах 40 ширхэг тусгай бортого уг роботод бий. 2026 онд эдгээр дээжийг авах өөр нэгэн аппарат дэлхийгээс хөөрөх аж. Калифорнийн Пасадена дахь Caltech-ийн НАСА-гийн удирддаг JPL нь Perseverance ба Curiosity роверуудыг барьж удирддаг

Дээрх зураг нь "тийрэлтэт хайрцаг"-аараа хоёрдугаар сарын 18-нд Ангараг гаригийн гадаргуу дээр буууж буй анхны дүрс юм.

Perseverance камеруудын дийлэнх нь өнгөт зураг авдаг. Гадаргуу дээр буусны дараа Hazard камеруудын хоёр (Hazcams) нь роверын урд болон арын хэсгийг авч, дугуйных нь нэг Ангарагийг харуулав. “Марс 2020”-ийн зорилго нь НАСА-гийн Сараас Ангараг хүртэл судлах бөгөөд үүнд Улаан гаригийг хүн төрөлхтөн хэрэгтэй байдлыг судлах аж.

Illustration of NASA’s Perseverance rover begins its descent through the Martian atmosphere


Д.Отгонтуяа

Categories
мэдээ нийгэм

Улсын хэмжээнд отроор 5.2 сая толгой мал хаваржиж байна

Улсын хэмжээнд мал хаваржилтын байдал хэвийн байна гэж ХХААХҮЯ-наас мэдээллээ. Өвөлжилт хүндхэн байсан Говь-Алтай, Өмнөговь, Баянхонгор, Өвөрхөнгай, Дундговь, Архангай зэрэг аймагт хаваржилт хүндхэн болох төлөвтэй байгаад анхаарч холбогдох арга хэмжээг авч эхлээд байна.

Энэ оны хоёрдугаар сарын 10-ны байдлаар 10 аймгийн 5637 малчин өрхийн 3.9 сая толгой мал бусад аймагт буюу Төв, Хэнтий, Дорнод, Сүхбаатар, Булган, Говь-Сүмбэр, Сэлэнгэ аймгийн нутагт отроор өвөлжиж байна. Мөн Улсын тусгай хамгаалалттай болон хилийн зурвас газарт 4640 малчин өрхийн 2.1 сая толгой, нийт 10277 малчин өрхийн 5.2 сая толгой мал отроор өвөлжөөд одоо хаваржиж байна.
Мал аж ахуйн үйлдвэрлэл дэх 2021 оны өвөл, хаврын тэжээлийн хангамжийг нэмэгдүүлэх зорилгоор тэжээл импортлох 50 гаруй ААН-тэй, 120.0 орчим мянган тонн тэжээл импортлох гэрээ байгуулаад байна. Ингэснээр 2021 оны мал аж ахуйн үйлдвэрлэлд шаардлагатай тэжээлийн хэрэгцээг бүрэн хангах боломж бүрдэх юм

Categories
мэдээ нийгэм

МАН-ын 100 жилийн ойн XXX Их Хурлыг хойшлуулах шийдвэр гарлаа

Монгол Ардын Намын түүхт 100 жилийн ойн өдөр буюу гуравдугаар сарын 01-02-ны өдрүүдэд хуралдуулахаар зарлаад байсан намын ХХХ Их Хурлаа цар тахлын нөхцөл байдал болон бүх нийтийн бэлэн байдлын зэрэглэл зэргийг харгалзан МАН-ын Удирдах зөвлөлийн шийдвэрээр тодорхойгүй хугацаагаар хойшлууллаа.

Монгол Ардын Намын дүрмийн 17.2 дахь хэсэгт “Намын ээлжит Их Хурлыг хуралдуулах тухай шийдвэрийг хуралдах өдрөөс 45-аас доошгүй хоногийн өмнө гаргана” гэж заасны дагуу 2021 оны 01 дүгээр сарын 10-ны өдөр цахимаар хуралдсан Монгол Ардын Намын Бага хурлын VIII хуралдаанаас намын ээлжит XXX Их хурлыг 2021 оны 03 дугаар сарын 01-02-ны өдрүүдэд 1111 төлөөлөгчтэй хуралдуулахаар шийдвэрлэсэн. Мөн Коронавируст халдвар (Ковид-19) цар тахлын нөхцөл байдлыг харгалзан Их Хурлын товыг өөрчлөх эрхийг намын дүрмийн дагуу Удирдах зөвлөлд шилжүүлээд байсан юм.

Үүний дагуу намын Удирдах зөвлөл цар тахлын цаг үеийн нөхцөл байдлыг үнэлэн хэлэлцээд Монгол Ардын Намын ээлжит XXX дугаар Их Хурлыг хойшлуулах тогтоолыг гишүүдийн 100 хувийн саналаар дэмжиж баталлаа. Уг тогтоолын хэрэгжилтийг хангаж шат шатны намын байгууллагууд болон Их Хурлын төлөөлөгч нарыг мэдээллээр хангаж ажиллахыг Намын байгуулалтын газрын дарга Н.Энхбаатарт даалгав.

Categories
гадаад мэдээ

Израйль улс хөл хориогоо сулруулж, вакцин хийлгэсэн иргэддээ “ногоон пасспорт” олгож эхэллээ

Израйль улс хүн амаа вакцинжуулсан үзүүлэлтээр дэлхийд тэргүүлж байгаа ба нийт хүн амынхаа 49 хувь нь эхний тунгаа хийлгээд байна. Тус улс Covid-19-ийн эсрэг вакцины хоёр дахь тунг хийлгэсэн иргэддээ гар утасны аппликэйшнд суулгасан, зургаан сарын хугацаатай “ногоон паспорт”-ыг олгож эхэлжээ. Ийм пасспорттой хүмүүс Ням гаригаас эхлэн фитнес төв, бассейн, зочид буудал, бар ресторан, сүм хийдүүдээр үйлчлүүлэх эрхтэй болж байна.

“Pfizer/BioNTech”ийн вакцин covid-19-ийн эсрэг 95.8 хувийн үр дүн үзүүлснээ зарласны дараа тус улс хөр хорионы дэглэмээ аажмаар сулруулж, өчигдрөөс дэлгүүр, худалдааны төвүүд, музей, номын сангуудаа нээж эхэлжээ.

Мөн тоглолт, спортын уралдаан тэмцээнүүд хүн дүүргэлтээ 75 хувиас хэтрүүлэхгүй зохион байгуулахыг зөвшөөрч байгаа бол дотор орчинд 300-аас хэтрэхгүй, гадна орчинд 500-аас хэтрэхгүй тооны үзэгчтэй зохион байгуулагдахаар болсон байна.

Categories
мэдээ нийгэм цаг-үе

Ломбардны хүүг гурван хувь болгох хуулийг хүчингүй болгохоор жижиг ломбардууд ҮХЦ-д гомдол гаргажээ

УИХ-аас барьцаалан зээлдүүлэх газар буюу ломбардны хүүг сарын гурван хувь болгон бууруулах хуулийг 2021 оны нэгдүгээр сарын 29-ний өдөр баталсан.

Уг хуулийг “Төрийн мэдээлэл” сэтгүүлд хэвлэж албажуулсан тул өнгөрсөн баасан гарагаас эхэлсэн бөгөөд “Сайн”, “Начинзаан” зэрэг ломбардууд зээлдэгч нартайгаа зээлийн гэрээг шинэчлэх ажлыг эхлүүлсэн байна.

“Начинзаан” ломбард 500,000-3,000,000” сар хүртэлх дүнтэй зээлийн хүүгээ сарын гурван хувь болгон бууруулж байгаа бөгөөд маргааш хөл хорио тавигдангуут зээл авсан салбар дээрээ очиж, зээлийн хүүгээ бүрэн төлөөд гэрээгээ шинэчлэх боломжтой гэнэ.


Гэвч нэг салбартайгаар үйл ажиллагаа явуулдаг жижиг ломбардууд уг хуулийг даган мөрдөхөөс татгалзаж, уг зүйл заалтыг хүчингүй болгуулахаар Үндсэн хуулийн цэцэд гомдол гаргаад байгаа юм байна.

Тиймээс нийслэлд үйл ажиллагаа явуулдаг 220 гаруй жижиг ломбардууд нэгдсэн холбоо байгуулж, Үндсэн хуулийн цэцэд хандсан” гэв.

Коронавируст халдвар /ковид-19/-ын цар тахлаас урьдчилан сэргийлэх, тэмцэх, нийгэм, эдийн засагт үзүүлэх сөрөг нөлөөллийг бууруулах тухай хуулийн 14.1-р зүйлд “Барьцаалан зээлдүүлэх газар зээлдэгчтэй байгуулсан зээлийн гэрээний хүүгийн хэмжээг сарын 3 хувиас, алдангийн хэмжээг өдрийн 0.2 хувиас хэтрүүлэхгүй тооцно” хэмээн зааж өгсөн.

Хэрвээ хуульд зааснаас өндөр хүүг зээлдэгчээс авсан, зээлийн гэрээгээ шинэчлэх ажлыг хийхгүйгээр зээлдэгчийг хохироосон, зээлдүүлэгчийн барьцаанд тавьсан үнэт эдлэлийг зарж борлуулж зээлдэгчийг хохироосон тохиолдолд иргэд ШӨХТГ-т гомдол гаргана хэмээн тус хуульд заасан юм байна.

Categories
мэдээ онцлох-нийтлэл туслах-ангилал

БНЭУ-ын Элчин сайдын яам: Монгол Улсад ковидын эсрэг вакцин өгч байгаа анхны улс болж байгаадаа баяртай байна

Бүгд Найрамдах Энэтхэг Улсын Засгийн газар Монголын нөхөрсөг ард түмэнд Энэтхэг Улсад үйлдвэрлэсэн Astra Zeneca компанийн “Covishield” вакцины 150,000 тунг бэлэг болгон өгч буйд баяртай байна.

Вакциныг өнөөдөр 2-р сарын 22-нд Монголд авчирсан бөгөөд хүлээлгэн өгөх ёслолын арга хэмжээнд Монгол Улсын Шадар сайд С.Амарсайхан, Эрүүл мэндийн дэд сайд М.Баттүвшин, ГХЯ-ны Төрийн нарийн бичгийн дарга Н.Анхбаяр болон Энэтхэг Улсаас Монгол Улсад суугаа Онц бөгөөд Бүрэн эрхт Элчин сайд М.П.Сингх нарболон бусад албаны хүмүүс оролцов.

Энэтхэг Улсаас Монгол Улсад суугаа Онц бөгөөд Бүрэн эрхт Элчин сайд М.П Сингх ёслолын арга хэмжээний үеэр хэлсэн үгэндээ “Энэтхэг Улс нь КОВИД-19-ийн эсрэг вакциныг бидний “оюун санаа хөрш”, “Стратегийн түнш” болох Монгол Улсад өгч байгаа анхны улс болж байгаадаа баяртай байна. Энэтхэг Улс нь эхний ээлжинд 6.3 сая тун вакциныг 13 найрсаг түнш орнуудад бэлэглэж буй бөгөөд энэ нь бидний зүрх сэтгэлийн холбоо, найрсаг харилцаа, хамтын ажиллагааны илэрхийлэл болохын зэрэгцээ “Act East” бодлогод Монгол Улсын чухал ач холбогдлыг харуулж байгаа юм”.

Монгол Улсын Шадар сайд С.Амарсайхан хэлсэн үгэндээ Энэтхэгийн Ерөнхий сайдад Монгол улсыг 150 мянган Ковидын вакцинаар хангаж буй орнуудын жагсаалтын эхний эгнээнд оруулсанд талархал илэрхийлээд, өнөөдрийн арга хэмжээ түүхэнд тэмдэглэгдэх болно гэдгийг дурдсан. Мөн Энэтхэг, Монголын стратегийн түншлэл өргөжиж Монгол, Энэтхэгийн ард түмний найрамдлыг бэхжүүлэх чиглэлээр олон салбарт хамтарсан төсөл, хөтөлбөрүүд амжилттай хэрэгжиж байна” гэв.

Энэтхэг Улс нь ‘ертөнцийг нэг том гэр бүл’ гэж үздэг бөгөөд хуваалцах, халамжлах гэдэгт итгэдэг бөгөөд энэхүү хүнд хэцүү цаг үед манай дэлхийн 74 гаруй улс оронд эмнэлгийн мэргэжилтэнүүд, эм, тоног төхөөрөмж болон ковидын вакцин нийлүүлж буйгаар илэрхийлэгдэж байна.

Ерөнхий сайд Эрхэмсэг ноён Нарендра Моди болон Гадаад Хэргийн сайд Д-р Жайшанкарын ‘Вакцин Майри’ буюу Вакцины буцалтгүй тусламжаар дамжуулан манай найрсаг түнш Монгол улстай стратегийн түншлэлээ өргөжүүлэн улам бүр бэхжүүлэхэд ихээхэн хувь нэмэр болно гэдэгт итгэлтэй байна.

Үүний дашрамд Монгол Улсын Ерөнхий сайд, Шадар сайд, Гадаад Харилцааны сайд болон Эрүүл мэндийн сайд нарт 150,000 тун вакциныг Энэтхэг Улсаас богино хугацаанд тээвэрлэн авчрахад хичээл зүтгэл гарган хамтран ажилласанд Энэтхэгийн элчин сайдын яам талархаж буйг илэрхийллээ.

Мөн Элчин сайд М.П.Сингх тун удахгүй Монгол Улсад хэрэгжиж эхлэх гэж байгаа вакцинжуулалтын хөтөлбөр нь тус улсад шаардлагатай эрүүл мэндийн аюулгүй байдлыг хангаж, эрүүл мэндийн салбарын ажилтнууд болон КОВИД-19 халдварын хариу арга хэмжээний багт ажиллаж байгаа цагдаа, онцгой байдал, хил хамгаалах, гааль, мэргэжлийн хяналтын байгууллага зэрэг олон салбараас дайчлагдан ажиллаж байгаа зорилтот бүлгийн ажилчдын аюулгүй байдлыг бэхжүүлж, Монголын эдийн засгийг хэвийн өсөлтөд оруулахад хувь нэмэр оруулна гэдэгт найдаж байгаагаа илэрхийлэв.

Өнөөдөр бэлэглэсэн тунгаас гадна Энэтхэг улсаас Ковидын вакцины нэмэлт хангамжийг арилжааны шугамаар худалдан авахад ньЭнэтхэг Улс туслахад бэлэн гэдгээ мөн илэрхийллээ гэж Бүгд Найрамдах Энэтхэг Улсын Элчин сайдын яамнаас мэдээллээ.

Categories
мэдээ цаг-үе

ЭМЯ: 55 хүнээс халдвар илэрч, нийт батлагдсан тохиолдол 2693 боллоо

Засгийн газраас “Нэг хаалга-Нэг шинжилгээ” арга хэмжээний явцын талаар мэдээлэл хийж байна. ХӨСҮТ- ийн тандалт, судалгааны газрын дарга А.Амбасэлмаа

“Өчигдөр 36903 хүнд шинжилгээ хийхэд 53 хүнээс илэрлээ. 24 нь “Нэг хаалга- Нэг шинжилгээ”-гээр илэрч уг ажлын хүрээнд нийт 102 тохиолдлыг илрүүлсэн” гэлээ.

Categories
мэдээ цаг-үе

Өнөөдөр БНХАУ-аас 300 мянган тун “Файзер” вакцин Монголд ирнэ

Өнөө өглөө 06 цагт 150 мянган хүн тун AstraZeneca вакцин манай улсад БНЭУ-ын буцалтгүй тусламжаар ирж, Шадар сайдад хүлээлгэн өгөөд байгаа билээ.

Тэгвэл өнөөдөр /2021.02.22/ 22:55 минутад БНХАУ-аас 300.000 тун “Файзер” вакцин Монголд ирэх юм байна.

Categories
мэдээ цаг-үе

НДШ-ийн нэмэгдлийг эсэргүүцэж МҮЭХ цахимаар жагсана

Монголын Үйлдвэрчний эвлэлийн холбооноос Нийгмийн даатгалын шимтгэлийг нэмсэн шийдвэрийг эсэргүүцэж салбарын сайдуудтай уулзалт товлоод байсан.Тэгвэл тус холбооны 36 гишүүн байгууллага болох мэргэжлийн 14 салбар, 21 аймгийн үйлдвэрчний эвлэл, ажил олгогчид нэгдэж, нийгмийн даатгалын шимтгэлийн нэмэгдлийг эсэргүүцсэн “Цахим жагсаал” өнөөдөр /2021.02.22/ 15:00 цагт хийхээр болжээ.

2021 оны нэгдүгээр сараас эхлэн ажил олгогч нийгмийн даатгалын таван төрөлд нийт хөдөлмөрийн хөлсний сан, түүнтэй адилтгах орлогоос үйл ажиллагааны чиглэлээсээ хамааран 13.5, 14.5, 15.5 хувиар, албан журмын даатгуулагч 12.5 хувиар төлөх юм. Гэхдээ энэ нь цар тахлын нөхцөл байдалтай уялдуулан авсан авсан арга хэмжээний хүрээнд 2021 оны 7 дугаар сарын 1-ээс эхлэн хэрэгжинэ.