Month: February 2021

Categories
мэдээ нийгэм онцлох-нийтлэл туслах-ангилал

Өдрийн сонинд нэрт нийтлэлч Баабарын “Чингис хааны тухай Хятад ба Оросын төрийн өчигдөр ба өнөөгийн хандлага” хэмээх нийтлэл хэвлэгдлээ

Өглөө бүр тантай хамт байдаг “Өдрийн сонин”-ы лхагва гаригийн дугаар 16 нүүрээр хэвлэгдэж, та бүхний гар дээр хүрч байна.

Өдрийн сонины тэргүүн нүүрт Цагдаагийн алба хаагчдын эрх ашгийг хамгаалах
холбооны тэргүүн Н.Алтанбаатар “Цагдаагийн алба хаагчид
тэтгэвэрт гараад 1-2 жил, цаашлаад
таван жил болоод өвчний улмаас таалал
төгсөх тохиолдлууд их гарч байна” хэмээн I,VII нүүрт өгүүллээ.

Зам, тээврийн хөгжлийн
сайд Л.Халтар “Дарханы замын бүтээн байгуулалтын
ажил эхлэхэд бэлэн болж байна” хэмээснийг I-II, V нүүрээс уншаарай.

“Өдрийн сонин”-ы нийтлэлийн бодлогыг тодорхойлогч, ард түмний дуу хоолой болдог “Баримт, үзэл бодол”-ын гуравдугаар нүүрт нэрт нийтлэлч Баабарын “Чингис хааны тухай Хятад ба Оросын
төрийн өчигдөр ба өнөөгийн хандлага” хэмээх нийтлэл хэвлэгдлээ.

БНХАУ-аас Монгол Улсад
суугаа Элчин сайд Цай Вэньруй “Эхний ээлжинд
тусламжийн вакцин өгөх
орнуудын жагсаалтад
Монгол Улсыг оруулсан” гэлээ.

“Баримт, үйл явдал”-ын VII нүүрт МҮЭХ-ны дэд ерөнхийлөгч С.Эрдэнэбат “Эдийн засаг
агшиж, ажлын байр огцом буурсан энэ үед
НДШ-ийг нэмнэ гэдэг цагаа олоогүй шийдэл” хэмээн өгүүллээ.

Дэлгэрэнгүй мэдээллүүдийг уншихыг хүсвэл дараах линкээр бүртгүүлж уншина уу. https://admin.dnn.mn/plugins/news/login/

Эдгээр болон бусад цаг үеийн мэдээ мэдээлэл, ярилцлага, сурвалжлагыг “Өдрийн сонин”-ы лхагва гаригийн дугаараас уншаарай.

Эрхэм уншигч та, манай сонины өнөөдрийн дугаарыг “Монгол шуудан” компанийн нийслэл Улаанбаатар дахь 35 салбар, “Түгээмэл” шуудангийн салбаруудаас болон сонин борлуулах цэгүүд, Хэвлэлийн биржээс худалдан авах боломжтой. Мөн “Мөнгөн завъяа” дахь сонин борлуулах цэг, Сансрын үйлчилгээний төв дэх сонин борлуулах цэг, Хан-Уул дүүргийн 19 дүгээр хорооллын үйлчилгээний төвд байрлах сонин борлуулах цэг, Саппорогийн “Миний дэлгүүр” дэх сонин борлуулах гол гол цэгүүдээс худалдан авч болохыг дуулгая. Түүнчлэн “Өдрийн сонин”-ы өөрийн байранд ирж худалдан авч болно. Уншигч та “Өдрийн сонин”-ыг захиалан уншихыг хүсвэл 9911-2954, 8811-1375 дугаарт холбогдоно уу. Цахим хэлбэрээр нь захиалахыг хүсвэл 99726725 дугаарт холбогдож дэлгэрэнгүй мэдээллийг аваарай.

“Өдрийн сонин”-той холбоотой мэдээ мэдээллийг 19001987-гоос лавлана уу.

“ӨДРИЙН СОНИН” ӨГЛӨӨ БҮХЭН ТАНТАЙ ХАМТ

Categories
гадаад мэдээ

Хятадад тэнгисийн гүнээс нефть, байгалийн хийн том орд олжээ

НҮБ далайн ёроолын олборлолтын төлөвлөгөөг зарлав

БНХАУ-ын Бө Хай тэнгисээс газрын тос, байгалийн хий бүхий асар том орд газар “Bo Zhong 13-2”-г олж илрүүлсэн талаар CCTV мэдээллээ. Уг орд газар нь 100 сая тонн газрын тос, байгалийн хийн нөөцтэй аж. Тус ордыг илрүүлснээр Хятадын олборлох газрын тос, байгалийн хийн нөөцийг нэмэгдэх юм.

“Bo Zhong 13-2” орд газар байрлах далай усны гүн нь 23.2 метр бөгөөд газрын тосны давхарга далайн ёроолоос доош 346 метрийн гүнээс эхэлж байгаа аж. Түүнчлэн газрын тос агуулах гүний хэмжээ нь 5223 метр доош үргэлжлэх юм байна.

Дашрамд дуулгахад, тус ордоос өдөрт дунджаар 300 тонн түүхий нефть болон 150 мянган шоо метр байгалийн хий олборлох боломжтойг туршилтаар тогтоожээ.
Categories
мэдээ спорт

Азийн аварга боксчин 25 насандаа таалал төгсчээ

Узбекистаны боксчин, Азийн аварга, тивийн аваргын мөнгөн медальт бүсгүй Гузаль Исматова энэ сарын 22-нд хорт хавдрын улмаас нас баржээ.

Исматова 2013 онд мужийн аварга, 2014 онд улсын аварга болсноосоо хойш шигшээ багт тоглож байсан юм. 2017 он хүртэл дөрөв дараалан, Узбекистаны аварга болсон.

2015 оны Азийн аваргаар эмэгтэйчүүдийн 81 кг-ийн жинд Хятадын Ванг Шижинд ялагдан, мөнгөн медаль хүртсэн. Харин 2017 онд Вьетнамд болсон Азийн аваргаар эзэн орны тамирчин Ти Тран Ниг ялж, тивийн аварга болж байлаа.

Сүүлийн хэдэн жил хүнд өвчний улмаас тэмцээнд оролцоогүй байжээ.

Categories
мэдээ цаг-үе

Буйр нууранд живсэн хоёр автомашиныг гаргажээ

Энэ оны нэгдүгээр сард Дорнод аймгийн Халхгол сумын Буйрын нуурт мөс цөмөрснөөс үүдэн долоо хоногийн хугацаанд хоёр ч тээврийн хэрэгсэл живсэн осол гарсан.

Тодруулбал, өнгөрсөн сарын 26-нд Буйр нуурт зорчсон иргэн Г-ын эзэмшлийн суудлын автомашин, мөн сарын 31-нд иргэн Ү-ийн “Нюндай Либеро” маркийн автомашин цасан шуурганд төөрч, нуурын мөс цөмөрснөөс үүдэн живсэн ч жолооч, зорчигч нар нь автомашинаасаа шуурхай гарсан учраас золоор хүний амь эрсдээгүй.

Тэгвэл Буйр нуурын усыг бохирдохоос сэргийлж эрэн хайх, татан гаргах ажиллагааг шуурхай зохион байгуулах талаар тус аймгийн Онцгой комиссоос өгсөн чиглэлийн дагуу аймгийн Онцгой байдлын газрын хошууч Ц.Отгонхүү захирагчтай Эрэн хайх, аврах анги, дэд хурандаа М.Сүхсайхан захирагчтай Халхгол сумын Онцгой байдлын ангийн хамтарсан 11 хүний бүрэлдэхүүнтэй баг тухайн газарт ажиллаж дээрх хоёр автомашиныг эзэмшигчид болон нутгийн иргэдийн оролцоотой татан гаргажээ.

Ингэхдээ Онцгой байдлын шумбагч нуурын 8-9 метрийн гүнд, байгаль цаг агаарын хүндрэлтэй нөхцөлд гурван удаа нийт 35 минутын хугацаанд шумбалт хийж эрэн хайж, автомашиныг оосорлож, татсанаар гарган авчээ. Түүнчлэн татан гаргах үйл ажиллагаатай холбоотой зарим зардлыг дээрх хоёр автомашиныг эзэмшигчээс гаргуулсан байна.

Мөн дээрх хэрэг явдалтай холбогдуулан гол, нуурын мөсөн дээгүүр зорчихгүй байхыг иргэдэд сэрэмжлүүлэх ажлыг тогтмол хийх, нуур, голын мөсөн дээр шөнийн цацруулагчтай сэрэмжлүүлэх тэмдэг, тэмдэглэгээ байршуулах, сэрэмжлүүлгийг сахин биелүүлээгүй иргэд, хуулийн этгээдэд хариуцлага тооцож ажиллахыг холбогдох байгууллага, албан тушаалтан, сумдынхаа Засаг дарга нарт Дорнод аймгийн Засаг дарга М.Бадамсүрэн даалгасан байна.

Ташрамд дуулгахад, Цаг агаар дулаарч байгаа энэ үед ихэнх гол мөрний нуурын мөсний зузаан харилцан адилгүй байгаа тул цаг хожих, зам товчлох зэргээр мөсөн дээгүүр явахгүй байх, автотээвэр хийхгүй байж болзошгүй эрсдэлээс урьдчилан сэргийлэхийг мэргэжлийн байгууллагууд анхаарууллаа.

Categories
мэдээ нийгэм

“21 аймаг-21 улс” төслийг хэрэгжүүлнэ

Аялал жуулчлалын хөгжлийн төв (ТӨҮГ)-ийн санаачлагаар орон нутагт “21 аймаг- 21 улс” төслийг хэрэгжүүлнэ.

Энэхүү төслийн хүрээнд дэлхийн улс орнуудын аялал жуулчлалын салбартаа хэрэгжүүлсэн шилдэг туршлага, нөү хауг 21 аймагт нутагшуулах, жуулчдын урсгалыг орон нутагтаа татах боломжийг нээх, бүрдүүлэх, салбараа хөгжүүлсэн 21 улстай хамтын ажиллагааг эхлүүлж орон нутагт аялал жуулчлалын салбарыг бодитоор хөгжүүлэх шат дараалсан ажлуудыг зохион байгуулах юм байна.

Энэхүү ажлын хүрээнд Аялал жуулчлалын хөгжлийн төв (ТӨҮГ) нь 21 аймгийн БОАЖГ-тай хамтын ажиллагааны санамж бичиг байгуулах бөгөөд орон нутгийн аялал жуулчлалын салбар дахь хүний нөөцийг чадавхижуулах сургалт, орон нутгийн нисэх буудлуудын тохижилт үйлчилгээг сайжруулах, үйлчилгээний соёл, стандартыг дээшлүүлэхээр ажиллаж байна.

Дэлхий дахиныг хамарсан (КОВИД-19) цар тахлын улмаас аялал жуулчлалын салбар зогсонги байдалд орсон хэдий ч богино хугацаанд сэргэх боломжтой салбарын нэг юм. Тиймээс Аялал жуулчлалын хөгжлийн төв (ТӨҮГ) нь төрийн болон хувийн хэвшлийн байгууллагуудаа уриалан жуулчдыг хүлээж авах бэлтгэл ажлыг ханган ажиллаж байна.

Categories
мэдээ энтертаймент-ертөнц

С.Чингүүн: Зорьсон зорилгодоо хүрэхийн тулд хэзээ ч битгий шантар


АНУ-д суралцдаг С.Чингүүний МҮОНРТ-д өгсөн ярилцлагыг хүргэж байна.

9 хүн, зогсож буй хүмүүс, хоол хүнс болон Тэрээр АНУ-д кабелийн анхны хүүхдийн сувгаар 1977 онд нээгдэж байсан Nickelodeon телевизийн “All That” цувралын дүрийн шонгон шалгаруулалтад 12-15 насны 20 гаруй мянган хүүхэд өрсөлдөж тэнцэж байжээ.

АНУ-ын Nickelodeon хүүхдийн сувгийн жүжигчин С.Чингүүн “Мэргэжлийн жүжигчний ангид сурч байхад комедан болон импьру урлаг нь илүү их таалагддаг байсан. Impru гэдэг нь ямар ч зохиолгүйгээр тухайн цагт жүжигчин өөрөө сэтгэж чаддаг урлаг юм. Жүжигчин хүнд зайлшгүй эзэмших чадваруудаг нэг гэж ойлгож болно. Ер нь миний ертөнц бол тэр чигээрээ л комедиантай салшгүй холбоотой. Тэр дундаа уран чадвар юм. Чингүүн гэдэг жүжигчин ямар ур чадвараар бусдаас ялгардаг вэ гэвэл аргагүй Impru гэж итгэлтэй хэлж чадна.

2 хүн, хүүхэд болон зогсож буй хүмүүс гэх мэтийн зураг байж болноХолливудад ажиллаж байгаа жүжигчин хүүхдүүдийн хувьд зураг авалтандаа сайн оролцохоос гадна долоо хоногийн таван өдөр 5 цагийн хичээл хийж, 5 цаг ажиллах ёстой байдаг. Шоуны зүгээс хүүхдүүдэд зураг авалтын талбайд хичээл хийх бололцоогоор хангахаас гадна, тусгай багш нар хуваарийн дагуу хичээл заадаг. Миний хувьд студи дээрээ давтлага авахаас гадна Лос Анжелесийн гэр сургуульд сурдаг. Гэрийн сургууль нь өөрийн боломжид тулгуурлан, хэзээ дуртай үедээ хичээлээ хийдэг давуу талтай. Ихэнхдээ жүжигчин болон олимпын тамирчин хүүхдүүд хамрагдаж 10 жилийн академик боловсрол эзэмшдэг. Өөрийн ажлын онцлогт уялдуулдаг гэх юм уу. Тусгай мэргэжил эзэмшиж байгаа гээд муу дүнтэй суралцах ёсгүй. Ер нь бүх хичээлдээ А,В үнэлгээтэй суралцахыг шаарддаг.

2 хүн, зогсож буй хүмүүс болон дотор гэх мэтийн зураг байж болно

Холливудад ажиллаад жүжиглэх ур чадвар дээрээ дэвшиж байгаа хэдий ч түүнээс илүү зөв хүн болж төлөвших тал дээр илүү суралцаж байгаа гэж бодож байна. Өнгөрсөн хугацаанд хуримтлуулсан амьдралын туршлага гэвэл чамд итгэж, анхаарал тавьж байгаа хүнийг зөв таньж, тэдний итгэлийг алдахгүй байх, тэдэнд үнэ цэнтэй хугацаааг зарцуулах юм. Харин чамайг үл тоосон, атаархсан, дэмждэггүй хүмүүст цагаа битгий үр. Зорьсон зорилгодоо хүрэхийн тулд битгий шантар гэдгийг илүү их ухаарсан даа” гэв.

С.Чингүүний хувьд 34 ангийн зураг авалтад эргэлзсэн, будилхан, эерэг, цоглог гэх мэт маш олон дүрд хувирчээ. Нэг удаагийн шоу 30 минут байх бөгөөд долоо хоногт нэг ангийн зураг авалт авахад 300 гаруй уран бүтээлчид хамтардаг байна.

Categories
мэдээ улс-төр

Оюу толгой төслийн гадны хөрөнгө оруулагч талтай хэлэлцээ хийх Ажлын хэсэг хуралдав

Оюу толгой төслийн гадны хөрөнгө оруулагч талтай хэлэлцээ хийх, төслийг тохирох, эцэслэсэн хувилбарыг Засгийн газрын хуралдаанд танилцуулах үүрэг бүхий Ажлын хэсэг Төрийн ордонд хуралдлаа. Хуралд Монгол Улсын Ерөнхий сайд Л.Оюун-Эрдэнэ оролцож цаашид анхаарах асуудлын талаар байр сууриа илэрхийлэв.

Ажлын хэсэг ирэх сарын дундуур хэлэлцээтэй холбоотой асуудлыг Засгийн газрын хуралдаанд танилцуулахаар төлөвлөж байна. “Оюу толгой ордын ашиглалтад Монгол Улсын эрх ашгийг хангуулах тухай” УИХ-ын 2019 оны 11 дүгээр сарын 21-ний өдрийн 92 дугаар тогтоолыг хэрэгжүүлэх ажлыг удирдан зохион байгуулах, Оюу толгой төслийн гадны хөрөнгө оруулагч талтай хэлэлцээ хийх, төслийг тохирох, эцэслэсэн хувилбарыг Засгийн газрын хуралдаанд танилцуулах үүрэгтэй Ажлын хэсгийг Хууль зүй, дотоод хэргийн сайд Х.Нямбаатараар ахлуулан Монгол Улсын Ерөнхийлөгчийн Тамгын газрын дарга, УИХ-ын нэр бүхий гишүүд, холбогдох сайд, албан тушаалтнуудын бүрэлдэхүүнтэй байгуулсан юм гэж Засгийн газрын Хэвлэл мэдээлэлтэй харилцах газраас мэдээллээ.

Categories
мэдээ эдийн-засаг

Өнөөдөр 50 хувьцаат компанийн 1 тэрбум 554 сая төгрөгийн үнэ бүхий хувьцааг арилжжээ

Өнөөдрийн буюу хоёрдугаар сарын 23-ны өдрийн арилжааны мэдээг хүргэж байна.

Өнөөдрийн энгийн арилжаагаар 50 хувьцаат компанийн 1.554.980.291.97 төгрөгийн үнийн дүн бүхий 5.637.723 ширхэг хувьцаа арилжигджээ. Үүний 22 хувьцаат компанийн хувьцааны ханш өсч, 22 хувьцаат компанийн хувьцааны ханш буурсан бол 6 үнэт цаасны ханш тогтвортой байлаа.

Тэдгээрээс:

  • “Ард кредит ББСБ” ХК (ADB+14.99хувь) болон “Сонсголон бармат” ХК (SSG +14.95 хувь)-ийн хувьцааны ханш хамгийн өндөр өсөлттэй байсан бол
  • “Монгол секюритиес” ХК (MSC -9.60 хувь) болон “Бэрх Уул” ХК (BEU -8.40хувь)-ийн хувьцаа хамгийн их уналттай байв.

“Үндэсний хувьчлалын сан” хамтын хаалттай ХОС-ийн 357.914 ширхэг нэгж эрхийг нийт 62.036.345 төгрөгөөр арилжигдсан байна.

Энэ өдөр багцын арилжаанд нийт 460.000 ширхэг үнэт цаас 644.000.000 төгрөгөөр арилжигдсан байна.

ТOP-20 индекс 2.09 хувиар өсч, 29221.77 нэгжид хүрсэн бол зах зээлийн үнэлгээ 3.464.255.082.064.59 төгрөг боллоо.

Арилжааны дэлгэрэнгүй мэдээллийг Энд дарж үзнэ үү.

Эх сурвалж: Монголын хөрөнгийн бирж

Categories
мэдээ соёл-урлаг

С.Удвалын 100 жилийн ой өнөөдөр тохиож байна

XX зууны нэрд гарсан төр, нийгмийн гарамгай зүтгэлтэн, төрийн соёрхолт зохиолч эмэгтэй Сономын Удвал 1921 оны хоёрдугаар сарын 23-нд одоогийн Булган аймгийн Дашинчилэн сумын нутагт төржээ.

Тэрээр

  • 1946 онд намын шинэ хүчний сургуулийг,
  • 1957-1960 онд Зөвлөлтийн Коммунист намын дээд сургуулийг тус тус төгссөн байна.

Эдгээр сургуульд суралцах хооронд

  • Намын төв хэвлэлүүдийн эрхлэгч (1947-1949),
  • 1949-1954 онуудад Намын Төв хорооны Эмэгтэйчүүдийн хэлтсийн эрхлэгчээр буюу одоогийн Монголын эмэгтэйчүүдийн холбооны эрхлэгч,
  • Үйлдвэрчний Эвлэлийн Төв Зөвлөлийн дарга (1954-1957),
  • Монголын Зохиолчдын Хорооны даргаар (1961-1973),
  • 1962 оноос Монголын Эмэгтэйчүүдийн Хорооны буюу өдгөөгийн Монголын эмэгтэйчүүдийн холбооны даргаар хавсран ажиллаж байв.

С.Удвал тэр үеийн нам, төр, олон нийтийн томоохон байгууллагуудад сонгууль хүлээж хамгийн өндөр албан тушаалд хүрсэн эмэгтэй байсны зэрэгцээ утга зохиолын бүх хэлбэрээр чадамгай бичдэг зохиолч хүн байсан. Ардын хувьсгалын жилүүдэд өсөж өндийн, мэдлэг боловсрол эзэмших, хийж бүтээх агуу тэмүүлэлтэй эгэл жирийн боловч, “Ховор” хүмүүс, эмэгтэйчүүдийн хэв шинжит олон дүр бүтээсэн өгүүллэг, тууж, шүлэг, жүжиг, кино олныг бичсэн билээ.

Монголынхоо тусгаар тогтнол, эрх чөлөөний төлөө амь бие хайргүй тэмцсэн бодит Хатанбаатар Магсаржав буюу Баатар Вангийн дүрийг харуулсан роман “Их хувь заяа” зэргээрээ 1978 онд БНМАУ-ын Төрийн шагнал, 1965 онд Дэлхий дахины энх тайвны Жолио Кюрийн нэрэмжит Алтан медаль, 1973 онд Ази-Африкийн зохиолчдын “Лотос” сэтгүүлийн шагнал, 1978 онд ЗХУ-ын “Ард Түмний Найрамдал” одон, 1978 онд БНМАУ-ын төрийн шагнал, 1946, 1966 онуудад “Алтан гадас, 1956 онд Хөдөлмөрийн Гавьяаны Улаан тугийн одонодонгоор хоёр удаа, 1971 онд Сүхбаатарын одон хүртжээ.

Эх сурвалж: Соёлын яам

Categories
мэдээ нийгэм цаг-үе

“Нэг хаалга-Нэг шинжилгээ”-ний дүнд халдварын 33 голомтыг шинээр илрүүллээ

Нийслэлийн Засаг дарга бөгөөд Улаанбаатар хотын захирагч, Нийслэлийн онцгой комиссын дарга Д.Сумъяабазар, Нийслэлийн Засаг даргын нэгдүгээр орлогч, Шуурхай штабын дарга Р.Чингис, Нийслэлийн эрүүл мэндийн газрын дарга Д.Бямбадорж нар нийслэл хот Бэлэн байдлын зэрэгт шилжсэн хугацаанд хийж хэрэгжүүлсэн ажил, авсан арга хэмжээний талаар мэдээлэл өглөө.

Засаг дарга Д.Сумъяабазар “Энэ хугацаанд Улаанбаатар хотын хэмжээнд “Нэг хаалга-нэг шинжилгээ” арга хэмжээг амжилттай зохион байгууллаа. Юуны түрүүнд тэвчээртэйгээр 12 хоногийн хугацаанд хөл хорионд орж, шинжилгээндээ идэвхтэй хамрагдсан Нийслэлчүүддээ баярлалаа. Мөн Дүүргийн онцгой комиссынхондоо баярлалаа. Өдөр шөнөгүй, нойр хоолоо умартан ажилласан бүх төрийн албан хаагчдадаа баярлалаа. Зөвхөн нийслэлийн төр захиргааны байгууллагын 15 мянга орчим алба хаагч гурван ээлжээр бэлэн байдалд ажилласан. Үндсэндээ хангалт зохион байгуулалт хэрэгжилтийг зохицуулах чиг үүрэгтэйгээр бид ажилласан.

“Нэг хаалга-нэг шинжилгээ” үйл ажиллагааны хүрээнд 2021 оны 02-р сарын 08-10-нд нийт 808 байгууллагын 62.646 төрийн албан хаагч, ажилтныг шинжилгээнд хамруулсан. 2021 оны 02.11 нээс 02.13-ны өдрийн хооронд “Нэг хаалга-нэг шинжилгээ” арга хэмжээг есөн дүүрэгт зэрэг эхлүүлж нийт 109.068 хүнийг хамруулаад байна. Үүний 67.003 нь явуулын багаар, 42.065 нь шинжилгээний суурин цэгээр хийгдсэн байна.

Тодруулбал, нийт хугацаанд “Нэг хаалга-Нэг шинжилгээ”-нд 442 мянга 303 өрхийг шинжилгээнд хамруулсан. Үүний 287 мянга гаруй нь явуулын багаар, 155 мянга нь суурин шинжилгээний цэгээр хийгдлээ.

Шинжилгээг авах үйл явцад нийслэлийн хэмжээнд давхардсан тоогоор 7279 эмч, эмнэлгийн ажилтан, 5849 бусад албан хаагч, нийт 13128 албан хаагч ажилласан. “Нэг хаалга-Нэг шинжилгээ” үйл ажиллагаа, төрийн албан хаагчдыг халдвар илрүүлэх шинжилгээ ажиллагааны хүрээнд нийт 504 мянган иргэнийг халдвар илрүүлэх шинжилгээнд хамруулаад байна” гэлээ.

Харин энэхүү шинжилгээг зохион байгуулсны дүнд ард иргэдийн дунд байсан 126 тохиолдлыг илрүүлж, өнөөдрийн байдлаар 549 хүн тусгаарлалтад байна. Мөн коронавирусийн халдварын 33 голомтыг илрүүлжээ.

ӨНӨӨДРӨӨС ДҮҮРЭГ БҮРД 2-3 ШИНЖИЛГЭЭНИЙ ЦЭГ АЖИЛЛАНА

Түүнчлэн өнөөдрөөс эхлэн дүүрэг бүрд 2-3 цэг байгуулж, коронавирусийн шинжилгээ авна. Үүнд:

Шинжилгээний төвүүдийн байршил:

Баянгол:

-20-р сургууль

-13-р сургууль

Баянзүрх:

-69-р сургууль /Шавь цогцолбор/

-48-р сургууль

-84-р сургууль

Сонгинохайрхан:

-62-р сургууль

-36-р сургууль

-67-р сургууль

Сүхбаатар:

-3-р сургууль

-58-р сургууль

Хан-Уул:

-18-р сургууль

-34-р сургууль

Чингэлтэй:

-39-р сургууль

-50-р сургууль

Багануур:

-Халдвартын тасаг

-Нийгмийн эрүүл мэндийн төв

Налайх:

-Амбулаторийн хуучин байр

Багахангай:

-Эрүүл мэндийн төв зэрэг цэгүүдэд зайлшгүй шаардлагатай (буяны ажил, эрүүл мэндийн шалтгааны улмаас хөдөө орон нутагт явах, эмнэлэгт хэвтэн эмчлүүлэх гэх мэт) тохиолдолд холбогдох баримт бичиг, зөвшөөрлийг үндэслэн шинжилгээ өгөх боломжтой юм. Тэгэхдэ иргэд eruul.gerege.mn сайтаас урьдчилан цаг авч, оршин суугаа дүүргийн нутаг дэвсгэрийн ойролцоо цэгүүдэд үйлчлүүлнэ.

Харин “Нэг хаалга-Нэг шинжилгээ” дүүргүүдэд хийгдсэн байдлаар нь хэлбэл:

Сонгинохайрхан: 86540

Баянгол: 67645

Чингэлтэй 42023

Сүхбаатар: 41103

Хан-Уул: 69093

Баянзүрх 117836

Налайх: 10013

Багануур: 6831

Багахангай 1219 өрхийг хамруулжээ.

Харин өнөөдрөөс нийслэлд хатуу хөл хорио цуцлагдаж, аж ахуйн нэгжүүдийн 95 хувь нь хэвийн ажиллаж эхэлсэн. Тиймээс халдвар хамгааллын дэглэмээ сайтар баримтлан, аж ахуйн нэгжүүд дагаж мөрдөх нийтлэг журам, түр журмыг мөрдөж ажиллахыг Нийслэлийн Засаг дарга хэллээ. Мөн цаашид Улаанбаатар хотын хэмжээнд хатуу хөл хорио тогтоохгүй гэсэн байр суурьтай байгаагаа Хотын дарга хэллээ.

НЗДТГ-ЫН ХЭВЛЭЛ МЭДЭЭЛЭЛТЭЙ ХАРИЛЦАХ ХЭЛТЭС