Month: January 2020

2020 оны 1 дүгээр сарын 30-ны өдрийн байдлаар Хонг Конг, Макао, Тайвань, Тайланд, Япон, БНСУ, АНУ, Вьетнам, Сингапур, Непал, Франц, Австрали зэрэг 18 улс оронд шинэ төрлийн коронавирусийн халдвар авсан тохиолдол бүртгэгдээд байна.

Хилийн чанадад оршин суугаа болон түр хугацаагаар зорчиж байгаа монгол иргэд https://citizen.gov.mn холбоосоор цахим бүртгэлд хамрагдахад хүндрэл үүсэх тохиолдолд доорх холбоосоор Үндэсний статистикийн хорооноос бэлтгэн ирүүлсэн бүртгүүлэх заавартай танилцана уу.

https://citizen.gov.mn холбоосоор бүртгэлд холбогдох боломжгүй тохиолдолд өөрт ойр байрлах Монгол Улсын дипломат төлөөлөгчийн газартай утсаар эсвэл цахим шуудангаар холбогдон бүртгүүлэх боломжтойг анхаарна уу.

Ийнхүү бүртгэлд хамрагдсанаар байгалийн гамшиг, халдварт өвчний дэгдэлт зэрэг онц байдал үүссэн тохиолдолд Та бүхний эрх ашгийг шуурхай хамгаалах, аюулгүй байдлыг хангах, сэрэмжлүүлэг болон бусад шаардлагатай мэдээллийг цаг алдалгүй хүргэхэд чухал ач холбогдолтой юм.1. https://citizen.gov.mn/ -д хэрхэн бүртгүүлэх зааврыг хүргэж байна.

2. Монгол Улсын дипломат төлөөлөгчийн газруудын холбоо барих мэдээллийг www.consul.mnцахим хуудсаас авах боломжтой.

Нийслэлийн хэмжээнд цэргийн бүртгэл 46 хувьтай байгааг бүртгэлийг зохион байгуулах ажлын хэсгийн хурлын үеэр мэдээллээ. Бүртгэл 2 дугаар сарын 7-ны өдрийг хүртэл хорооны Засаг даргын ажлын байранд үргэлжилнэ.

Дүүргийн Цэргийн штабын дарга нарын өгсөн мэдээллээр цэргийн бүртгэл Баянгол дүүрэгт 41,3 хувь, Баянзүрх дүүрэгт 46,8 хувь, Сонгинохайрхан дүүрэгт 44,6 хувь, Чингэлтэй дүүрэгт 45,7,1 хувь, Сүхбаатар дүүрэгт 52,7 хувь, Хан-Уул дүүрэгт 46,4,1 хувь, Налайх дүүрэгт 51,8 хувь, Багануур дүүрэгт 59,7 хувь, Багахангай дүүрэгт 68,9 хувьтай үргэлжилж байна.

Бүртгэлд 18-50 насны эрэгтэйчүүд, 60 хүртэлх насны бэлтгэл дээд болон ахлах офицерууд, 55 хүртэлх насны бэлтгэл, дунд офицер, ахлагч нар биечлэн очиж хамрагдах юм. Бүртгэлд хамрагдах иргэд цэргийн үүрэгтний үнэмлэхтэй очих юм.

Цэргийн албаны тухай хуулийн 34 дүгээр зүйлийн 34.3 дахь хэсэгт цэргийн бэлтгэл алба хаах насны иргэн жил бүр цэргийн бүртгэлд бүртгүүлж, цэргийн үүрэгтний үнэмлэхэд тэмдэглэл хийлгэнэ гэж заасан байдаг.

Иргэний засаг захиргааны нэг нэгжээс нөгөө нэгжид шилжин суурьших хөдөлгөөнийг 2020 оны хоёрдугаар сарын 1-ний өдрөөс УИХ-ын ээлжит сонгуулийн санал авах өдрийг дуустал түр зогсоох” тухай УБЕГ-ын даргын тушаал гарчээ.

Иргэний шилжилт хөдөлгөөнийг түр зогсоохтой холбогдуулан орон нутаг дахь Улсын бүртгэлийн газар, хэлтэст зөвлөмж, чиглэл хүргүүлж ажиллахыг, мөн иргэний улсын бүртгэлийн мэдээллийн санд шилжилт хөдөлгөөний бүртгэл хөтлөх улсын бүртгэгчийн эрхийг түр хязгаарлахыг холбогдох албан тушаалтанд тус тус даалгасан байна.

Иймд иргэний шилжилт хөдөлгөөн 2020 оны 2 дугаар сарын 1-ний өдрөөс түр зогсож, сонгуулийн дараах өдрөөс хэвийн үргэлжилнэ.

Нийгмийн даатгалын ерөнхий газраас тэтгэвэр авагчдад хандаж дараах мэдээллийг гаргажээ.

Нийгмийн даатгалын сангаас олгох тэтгэвэр нь санхүүжилт дуусах, авч амжихгүй байх зэрэг эрсдэлгүй, сар бүрийн ажлын эхний өдөр тэтгэвэр авагчийн үйлчлүүлдэг банкны харилцах дансанд шилждэг.

Иймээс дэлхий дахинд тархаад буй халдварт өвчин коронавирусээс сэргийлэх үүднээс тэтгэвэр авагчид, ахмадууд банкинд очиж дараалал үүсгэхгүйгаар картаар үйлчилгээ авахыг зөвлөж байна.

Цаг уурын байгууллагын ирүүлсэн мэдээллээр нэгдүгээр сарын хоёрдугаар арав хоногийн байдлаар манай орны гол мөрөн, нуурын мөсний зузаан эрчимтэй нэмэгдэж байгаа хэдий ч нуурын толио болон гол мөрний нийт уртын дагууд мөсний зузаан харилцан адилгүй байна.

Иймд:

-Цаг хожих, зам товчлох зэргээр мөсөн дээгүүр явах, авто тээвэр хийхгүй байх,

-Бага насны хүүхдийг гол, мөрөн, нуурын мөсөн дээр тоглуулахгүй байх,

-Аж ахуйн нэгж, байгууллагууд амралт зугаалгын арга хэмжээ зохион байгуулахгүй байж болзошгүй эрсдэлээс урьдчилан сэргийлэхийг Онцгой байдлын ерөнхий газраас анхааруулж байна.

Дэлхийн эрүүл мэндийн байгууллагын Суурин төлөөлөгч Сергей Диордица: “Дэлхийн хэмжээнд дэгдэлтийн тохиолдлын тоо нэмэгдсээр байна. 2020 оны нэгдүгээр сарын 30-ны өдрийн 10 цагийн байдлаар батлагдсан тохиолдлын тоо 7,711, нас барсан хүн 170, эдгэрсэн хүн 124 болсон байна. Тохиолдлын тоонд нэг орон нэмэгдсэн нь Арабын нэгдсэн Эмират улс. Тус улсад дөрвөн тохиолдол нэмж бүртгэгдсэн.

Тархалт идэвхтэй явагдаж буй улс болох Хятадын хилийн гарах цэг дээр хяналт шалгалт хийхийг зөвлөж байгаа. Өмнөх дэгдэлтийн туршлагаас харахад хил дээр нэвтрүүлж байгаа аргын үр дүн судалгаа тодорхой биш байгаа тул иргэд эмнэлэгт хандаж байгаа нь чухал мэдээлэл, судалгаа болж байгаа.

Тэгэхээр голомттой бүс нутгаас шууд нислэгээр ирж байгаа зорчигчдод хяналт тавих нь зүйтэй гэдгийг зөвлөж байгаа.

Тохиолдлын тоо тасралтгүй нэмэгдэж, хүнээс хүнд халдсан тохиолдол өөр улсад бүртгэгдсэнтэй холбоотойгоор Дэлхийн Эрүүл Мэндийн Байгууллагын шуурхай хороо дахин хуралдаж халдварын улмаас олон улсын хэмжээнд онц байдал зарлах эсэхийг шийдэхээр болсон.

Японоос саяхан нэг оношлуур авсан гэдгийг та бүхэн мэдэж байгаа. Тэгвэл дахин нэг таатай мэдээ хэлэхэд ЭМЯ, ДЭМБ-тай хамтран дахин коронавирусийн оношлуурыг авахаар хамтран ажиллаж, тооцоо судалгаагаа гаргаж худалдан авалтаа эхлүүлээд байна” гэв.

ХӨСҮТ-ийн захирал Д.Нямхүү: “Уржигдар ХӨСҮТ-д 14 сэжигтэй тохиолдолтой хүн ирсэн. Эдгээр хүмүүсийн хариу сөрөг гарсан тул бид зөвлөгөө өгөөд дараагийн арга хэмжээг авч байгаа.

Өчигдрийн байдлаар дөрвөн иргэн сэжигтэй тохиолдлоор ирж хоносон. Шинжилгээ нь 24 цагийн дараа буюу, лаборторийн хариу гарахаар мэдээлнэ.

Иргэд маань өөрсдөө шинж тэмдгээ хэлээд ирж байгаа зүйлс их байгаа нь сайн хэрэг. Бид бүхэн газруудаас туршлага авч бэлэн байдалд ажиллаж байгаа бөгөөд үндсэн туршлага авч байгаа газар маань хятад орон тул бид өдөр болгон мэдээ солилцож, чиглэл болгон дээрээ бэлтгэл хийж байгаа гэдгийг хэлмээр байна. ДЭМБ нэмэлтээр шинэ оношлуур өгөхөөр болсон нь таатай байна. Оношлуурын захиалгын захиагаа явуулсан, удахгүй нийлүүлэгдэх байх.

Бид бусад оронтой туршлага хуваалцаж байгаа тул оношилгоо амжилттай явагдаж байна. Энэ өвчний дамжих зам нь агаар дуслын замаар тул шинэ зүйл зохиож ярихгүй байхад анхаарах хэрэгтэй. Маскаа зөв зүүж, зөв авах хэрэгтэй. Бусадтай холбоо үүсэж байгаа явдлыг хувь хүмүүс өөрсдөө зогсоох хэрэгтэй. Бид нүдэнд үл үзэгдэх дайснуудтай тэмцэж байгаа тул та бүхэн бидний өгсөн зөвлөмжийг гололгүйгээр, хариуцлагатай хэрэгжүүлвэл үр дүнд хүрнэ.

Сурагчдыг хичээллүүлэхгүй болсонтой холбоотойгоор гадуур сэлгүүцэх нь ихсэж, дэлгүүр хоршоогоор их явахаа болино уу. Мөн маскны үнийг нэмэхгүйгээр эерэг хандлагаар хандаж, хууль дүрэм, гаргасан зөвлөмжийг биелүүлэх хэрэгтэй” гэв.

ЭМЯ-ны Нийгмийн эрүүл мэндийн газрын дарга Д.Нарангэрэл: “Бид 24 цагийн бэлэн байдалд ажиллаж байгаа. Цаг тухай бүрт нь мэдээллээр хангаж, танилцуулж байгаа гэдгийг та бүхэн мэдэж байгаа байх. Монгол Улсад одоогоор коронавирусийн халдвар бүртгэгдээгүй. Халдвар орохоос нь өмнө авах ёстой урьдчилсан сэргийлэх бүх арга хэмжээг авч ажиллаж байна” гэлээ.

Эрүүл мэндийн яамнаас шинэ коронавирусийн халдварын нөхцөл байдлын мэдээллийг 2020 оны нэгдүгээр сарын 30-ны 10:00 цагийн байдлаар мэдээллээ. Шинэ коронавирусийн халдвараар 170 хүн нас бараад байна. Халдвар авсан хүний тоо 7711-т хүрсэн бол 124 хүн эдгэрчээ.

Сургуулийн өмнөх боловсролын /цэцэрлэг/ сурагчдад зориулсан теле хичээлийн хуваарийг хүргэж байна.

Тайлбар: Хичээлийн цагийн хуваарийг ТВ салбарынхан ярилцаж байгаад тодорхой болгоно. Учир нь 2-оос дээш хүүхэдтэй айлын хичээлийн цагийг давхцуулахгүй зохицуулалт хийнэ. Телевизүүдийн ирэх долоо хоногийн хөтөлбөрөөс цагийн хуваарийг мэдэж авах боломжтой.