Month: January 2020

Цагдаагийн ерөнхий газрын Нийтийн хэв журам хамгаалах, олон нийтийн аюулгүй байдлыг хангах албаны Хүрээлэн буй орчны хяналтын хэлтсийн Чингэлтэй дүүргийн 19 дүгээр хороо Гүнтийн шалган нэвтрүүлэх цэгээр энэ сарын 18-нд дамжин өнгөрч буй “Тоёота ланд круйзер 200” маркийн тээврийн хэрэгслээс ан агнуурын зориулалттай “Ремигтон-700”, “Дарвинк” маркийн галт зэвсэг илэрчээ.

Үүнээс гадна Сонгинохайрхан дүүргийн 32 дугаар хороо Эмээлтийн шалган нэвтрүүлэх цэгээр дамжин өнгөрч буй тээврийн хэрэгслийг энэ сарын 20-ны өдөр саатуулан шалгахад Баякаль БАРС “С-525” маркийн галт зэвсэг гарч ирсэн байна.

Энэ мэт хяналт шалгалтаар бүртгэл тооллогод хамрагдаагүй, гэрчилгээжүүлээгүй галт зэвсэг эзэмшсэн зөрчил удаа дараа илэрч байна. Иймд галт зэвсэг эзэмшигч иргэд өөрийн эзэмшил, өмчлөлд байгаа галт зэвсгийг харьяа нутаг дэвсгэрийнхээ цагдаагийн байгууллагад бүртгүүлж, галт зэвсгийг гэрчилгээний хамт авч явах хуулиар олгогдсон үүргээ биелүүлэхийг цагдаагийн байгууллагаас уриалж байна.

Ташрамд хэлэхэд, галт зэвсгээ тооллогод хамруулахгүй бол Зөрчлийн тухай хуулиар иргэнийг 40, аж ахуйн нэгж байгууллагыг 400 нэгжтэй тэнцэх хэмжээний мөнгөн дүнгээр торгодог.

ЦЕГ-ын захиалгаар барьж буй алба хаагчдын “Хууль сахиулагч” хотхоны тендерийг худалдсан, захиалагч тал гэрээний үүргээ зөрчсөн, их хэмжээний авлига нэхсэн талаар “Бавгар” ХХК-ийн захирал Х.Оюун өчигдөр /2020.01.21/ сэтгүүлчдэд мэдээлэл хийсэн. Харин өнөөдөр энэ асуудалтай холбогдуулан ЦЕГ-аас албан ёсны тайлбар мэдээллийг хийлээ.

ЦЕГ-ын дэд дарга, цагдаагийн хурандаа “Цагдаагийн алба хаагчтай холбоотой мэдээл гарсны дагуу ажлын хэсэг байгуулагдан ажиллаж байна.

2015 оноос цагдаагийн алба хаагчдын нийгмийн асуудлыг шийдэх үүднээс “Бавгар” ХХК-тай цагдаагийн алба хаагчид гэрээ байгуулж орон сууц бариулах үйл ажиллагаа явагдаж байгаа. Өнөөдрийн байдлаар 1 дүгээр корпус ашиглалтад орсон. Хоёр корпус барилгын суурийн ажил дуусах шатандаа ажил явагдаж байна.

Энэ хэвлэлд гарсан мэдээлэлтэй холбогдуулан цагдаа, дотоодын цэргийн нэгдсэн сургалтын төвийн дарга хурандаа Б.Цогтбаярыг ажлаас чөлөөлж сахилга ёсзүй гэмт хэргийн шинжтэй үйлдэл байгаа эсэхийг шалгахаар ажлын хэсэг ажиллаж байна. “Бавгар” ХХК-ийн зүгээс АТГ-т холбогдох баримтаа өгсөн байгаа гэж мэдээлсэн” хэмээлээ.

“Бавгар ХХК 2015.09.04-ний өдөр ЦЕГ-ын алба хаагчид, хууль сахиулагчдын нэг хотхоныг барьж байгуулах ажлын гэрээнд гарын үсэг зурсан аж. Тус байр нь А, Б, В, Г дөрвөн блок 376 айлын хотхон юм байна.

ОБЕГ-ын харьяа Үндэсний аврах бригадаас “Өвлийн улиралд усны гүнд эрэн хайх, аврах ажиллагаа”-ны сургалт, бэлтгэлийг Сонгинохайрхан дүүргийн 20 дугаар хороонд байрлах ‘”Хилэм ОСТ” ХХК-ийн загас үржүүлгийн нууранд зохион байгууллаа.

Алба хаагчдыг дадлагажуулах, онолын мэдлэгийг нь бататгах, аврагчдын мэргэжлийн ур чадварыг дээшлүүлэх, үүрэг гүйцэтгэх үеийн бэлэн байдлыг хангах зорилготой тус дадлага сургуульд 39 алба хаагч хамрагдсан юм.

Хээрийн нөхцөлд 120-125 см мөсийг цоолж, 7-9 метрийн гүнд усны гүнд шумбах, зогсолт хийх, даралт тэнцүүлэх зэрэг дадлага сургуулийг хийлээ.

Монгол Улсын Эрүүл мэндийн яамнаас Коронавирусийн халдвараас сэргийлэх талаар дараах зөвлөмжүүдийг гаргасан байна. Үүнд:

1. Гараа сайтар савандаж угаах, халдваргүйжүүлэгч хэрэглэх;
2. Ханиах, найтаах үедээ ам хамраа таглах, амны алчуур хэрэглэх;
3. Мах, өндөгийг гүйцэд болгож идэх;
4. Амьсгалын замын өвчний шинж тэмдэг илэрсэн хүнтэй ойр байхаас зайлсхийх;
5. Мал, тэжээвэр болон зэрлэг амьтантай хүрэлцэхгүй байх;
6. Шүүрхий мах, махан бүтээгдэхүүн идэхгүй байх;
7. Түүхий ус уухгүй байх;
8. Далайн гаралтай хүнсний бүтээгдэхүүнийг сайтар буцалгаж хэрэглэх;
9. Арьс, салстаа гэмтээхгүй байх;
10. Мал, амьтны зах, аж ахуйгаар орохгүй байх;
11. Халдварын эрсдэлтэй бүс нутагт аль болох зорчихгүй, зочин урихгүй байх;
12. Хүн ихээр цугларсан газарт аль болох очихгүй байх;
13. Зэрлэг амьтдын мах, эд эрхтэнг хүнсэнд хэрэглэхгүй байх;
14. Нус, цэрээ ил задгай хаяхгүй байх зэрэг болно.

Нийслэлийн прокурорын газраас Барилга, хот байгуулалтын сайд асан З.Баянсэлэнгэ, Ж.Бурмаа, М.Болортуяа нарт яллах дүгнэлт үйлдэж ирүүлсэн хэргийг өнөөдөр Сонгинохайрхан дүүргийн эрүүгийн хэргийн анхан шатны шүүхэд болох тов гараад байсан ч хурлыг хойшлуулж шийдвэрлэлээ.

Тодруулбал, З.Баянсэлэнгэ нарт холбогдуулан 2002 оны эрүүгийн хуулийн ерөнхий ангийн 263 дугаар зүйлийн хоёр дахь хэсэг Төрийн албан тушаалтан албаны эрх мэдэл буюу албан тушаалын байдлаа урвуулах, Эрүүгийн хуулийн тусгай ангийн 22.5 дугаар зүйлийн гурав дахь хэсэгт зааснаар яллах дүгнэлт үйлдсэн эрүүгийн хэргийн шүүх хуралдаанд улсын яллагч өвчтэй шалтгаанаар уг хурлыг хойшлуулах хүсэлт ирүүлснийг хүлээн авч ирэх хоёрдугаар сарын 6-ны 09.00 цаг хүртэл хойшлогдсон байна.

Төр, нийгмийн зүтгэлтэн Г.Батхүү агсны гэр бүлээс анх удаа албан ёсны мэдээлэл хийлээ. Хэвлэлийн хуралд Г.Батхүү агсны том хүү Б.Ганхөлөг болон охин Б.Цэлмэг, хуульч, өмгөөлөгч Батхуяг нар оролцлоо.

Хуульч, өмгөөлөгч Батхуяг “Төрийн ордонд 2019 оны тавдугаар сарын 17-нд Г. Батхүү агсан амиа алдсан. Эрүүгийн хэрэг үүсгээд найман сар өнгөрлөө. Одоо хүртэл эцэслэн шийдэгдээгүй байна. Энэ хугацаанд сошиал орчинд янз бүрийн мэдээлэл цацагдсан. Хэрэг хаагдлаа, гаднын нөлөөгүй гэх мэдээллүүд явсан. Энэ бүхэнд гэр бүлийнхэн нь хүлээцтэй хандаж ирсэн. Зарим нь улс төртэй холбох, улс төрийн зорилгоор ашиглах нь илт болоод ирлээ. Иймд ар гэрийнхнийх нь зүгээс мэдээлэл хийж байна. Шүүх эмнэлгийн багийн шинжээчдийн дүгнэлт эцэслэн гарсан. Анхаарал татсан хэдэн зүйл бий.

Дүгнэлтэд, талийгаачийн баруун нүдэнд гадны хүчний үйлчиллээр хөхрөлт хавдалт үүссэн, задлан шинжилгээний явцад хүзүүний зүүн хажууд 0.5 см улайлт үүссэн. Энэ нь боолтын улмаас үүсэж болдог улайлт юм. Өвчний улмаас цус харваагүй. Гэмтлийн гаралтай цус харвалт тархинд үүссэн гэх дүгнэлт гарсан. УИХ-ын нэр бүхий гишүүнээс полиграппын тест авсан. Ингэхэд асуусан асуултад хариулахдаа, сэтгэл санааны хувьд гэм буруугийн түгшүүрийн мэдрэмж өндөр гэсэн тест гарсан. Хэргийн газраас гар утсыг хурааж авсан байдаг. Гар утсан дээр ямар нэгэн мэдээлэл байгаагүй. Түүнийг сэргээх ямар ч боломжгүй гэсэн дүгнэлт гарсан байна. Гар утасны гадаргуу дээр ямар нэгэн биологийн ул мөр байна уу гэдгийг шинжлэх ёстой байсан ч, түрүүлээд дотор нь юу байна вэ гэдгийг шалгасан. Энэ явцад гадаргуу дээрх биологийн ул мөр арилсан.

Мөн хэргийг шалгаж байх явцад хэргийн талаар гэр бүлийнхэн рүү нь хэргийг харсан, үзсэн гэх мессежийг нэг этгээд бичсэн. Үүнийг шалгах явцад хэн болох нь тогтоогдсон. Энэ хүн би хэргийг хараагүй, мэдэхгүй гэж тайлбар өгсөн байна лээ. Мөн задлан шинжилгээ явуулахын өмнө MRI аппаратад оруулъя гэх ар гэрийнхнийх нь хүсэлтийг шүүх эмнэлэг хүлээж аваагүй зэрэг зөрчил, эргэлзээ бүхий байдлууд байна” гэсэн юм.

Г.Батхүү агсны хүү Б.Ганхөлөг “Аав маань Төрийн тусгай объектод албан үүргээ гүйцэтгэж яваад эргэж ирсэнгүй. Бид гаднын нөлөөтэй гэж үзэж байна. Өндрөөс унасан гэж байгаа ч унасан талын нүд нь хэвийн хэрнээ нөгөө талын нүд нь хөхөрчихсөн, нэлээд том хавдартай байсан. Хүзүүн дээр гарсан улайлт нь заамдалтын улмаас гарсан гэж бид хардаж байгаа” гэлээ.

Г.Батхүү агсаны гэр бүлд хэргийн дараа ийм мессеж иржээ.